𐴊𐴟𐴘 𐴎𐴡𐴕 𐴁𐴟𐴅𐴥𐴞 𐴐𐴥𐴡𐴣𐴀 𐴰 𐴳 𐴎𐴡𐴕 𐴔𐴠𐴓𐴠𐴄𐴠𐴌𐴞 𐴔𐴡𐴒𐴁𐴝𐴒𐴞 𐴘𐴠 𐴊𐴤𐴡𐴌𐴞 𐴉𐴥𐴠𐴙𐴓𐴧𐴙𐴠 𐴱𐴱

𐴆𐴥𐴙𐴝𐴚 𐴋𐴞𐴐𐴄𐴞𐴑 𐴂𐴡𐴓𐴥𐴝𐴖𐴥𐴝 𐴐𐴥𐴡𐴀𐴌𐴡𐴌 𐴀𐴝𐴃𐴌𐴝𐴉𐴡𐴃 𐴑𐴥𐴙𐴡𐴑 𐴏𐴥𐴠𐴚 𐴂𐴡𐴌𐴝𐴚 𐴉𐴝𐴌𐴝𐴌 𐴈𐴝𐴣𐴏𐴠 𐴔𐴡𐴒𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴠 𐴏𐴡𐴓𐴠𐴌𐴊𐴠 𐴓𐴝𐴌𐴥𐴝𐴙𐴃 𐴒𐴡𐴃𐴡 𐴈𐴝𐴙𐴓𐴧𐴙𐴝 𐴰 𐴱 / 𐴔𐴝𐴌𐴠𐴆𐴡𐴃 ( 𐴑𐴥𐴝 𐴔𐴥𐴝 𐴌𐴥𐴝 𐴷 ) 𐴔𐴠𐴓𐴠𐴄𐴠𐴌𐴞𐴌 𐴄𐴥𐴠𐴌𐴥𐴝𐴚 𐴔𐴤𐴟 𐴏𐴥𐴝 𐴕𐴝𐴙𐴚 𐴀𐴥𐴟𐴀 𐴐𐴥𐴡𐴣𐴀 𐴀𐴝𐴌𐴀𐴥𐴡 𐴋𐴦𐴡𐴣𐴌 𐴎𐴞𐴔𐴧𐴝𐴊𐴝𐴌 𐴀𐴥𐴟𐴊𐴧𐴝 𐴔𐴞𐴓𐴝𐴘 𐴰 𐴲 𐴎𐴡𐴕 𐴔𐴠𐴓𐴠𐴄𐴠𐴌𐴞 𐴔𐴡𐴒𐴁𐴝𐴒𐴞 𐴘𐴠 𐴎𐴞𐴛𐴝𐴃𐴝 𐴊𐴤𐴡𐴙𐴅𐴧𐴙𐴠 𐴱 𐴀𐴝𐴙𐴅𐴧𐴙𐴝 𐴱 𐴱 / 𐴔𐴝𐴌𐴠𐴆𐴡𐴃 𐴀𐴝𐴌𐴀𐴥𐴡 𐴀𐴠𐴑𐴁𐴝𐴌 𐴔𐴠𐴓𐴠𐴄𐴠𐴌𐴞𐴌 𐴁𐴟𐴅𐴥𐴞 ( 𐴋𐴝𐴑𐴄𐴡𐴌 ) 𐴐𐴥𐴡𐴣𐴀 𐴰 𐴱 𐴎𐴡𐴕 𐴎𐴞𐴛𐴝𐴃𐴝 𐴊𐴤𐴡𐴙𐴅𐴧𐴙𐴠 𐴁𐴡𐴓𐴞 𐴔𐴡𐴒𐴁𐴝𐴒𐴞𐴌 𐴃𐴡𐴌𐴉𐴡𐴌𐴃𐴟 𐴀𐴠𐴓𐴝𐴕 𐴒𐴡𐴙𐴅𐴧𐴙𐴠 𐴰 𐴱 – 𐴱 𐴱 𐴔𐴝𐴌𐴠𐴆 𐴊𐴟𐴘 𐴊𐴞𐴕𐴡𐴃 𐴁𐴠𐴙𐴒𐴧𐴟𐴕𐴠 𐴔𐴞𐴓𐴝𐴘 𐴰 𐴳 𐴎𐴡𐴕 𐴔𐴠𐴓𐴠𐴄𐴠𐴌𐴞 𐴔𐴡𐴒𐴁𐴝𐴒𐴞 𐴘𐴠 𐴊𐴤𐴡𐴙𐴅𐴧𐴙𐴠 𐴁𐴡𐴓𐴞 𐴀𐴠𐴓𐴝𐴕𐴒𐴙𐴅𐴧𐴙𐴠 𐴱𐴱

𐴔𐴡𐴒𐴁𐴝𐴒𐴞 𐴘𐴠 𐴊𐴤𐴡𐴙𐴅𐴧𐴙𐴠𐴊𐴠 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴡𐴌𐴠 𐴓𐴝𐴌𐴥𐴝𐴙𐴌 𐴑𐴡𐴘𐴊𐴞 𐴀𐴥𐴞𐴏𐴝𐴉𐴠 𐴐𐴥𐴟𐴕𐴊𐴡𐴌 𐴒𐴡𐴌𐴞 𐴌𐴝𐴙𐴑𐴧𐴙𐴠 𐴁𐴡𐴓𐴞 𐴔𐴡𐴒𐴁𐴝𐴒𐴞𐴌 𐴃𐴡𐴌𐴉𐴡𐴌 𐴈𐴡𐴃𐴥𐴝 𐴈𐴦𐴡𐴘𐴧𐴝 𐴘𐴠 𐴈𐴡𐴘𐴧𐴠 𐴱 𐴊𐴤𐴡𐴌𐴝 𐴉𐴡𐴙𐴅𐴧𐴙𐴠𐴊𐴠 𐴔𐴠𐴓𐴠𐴄𐴠𐴌𐴞 𐴀𐴥𐴟𐴕𐴡𐴌 𐴉𐴥𐴟𐴣𐴖𐴝𐴣𐴃𐴞 𐴓𐴝𐴌𐴥𐴝𐴙𐴌 𐴏𐴥𐴝𐴏𐴝𐴔𐴝𐴕 𐴀𐴥𐴡 𐴁𐴠𐴐𐴥𐴞 𐴉𐴝𐴘𐴧𐴠 𐴱 𐴔𐴡𐴒𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴠 𐴁𐴠𐴐𐴥𐴞 𐴊𐴡𐴌𐴥𐴡 𐴔𐴡𐴌𐴥𐴡 𐴏𐴡𐴓𐴠𐴌𐴊𐴠 𐴓𐴝𐴌𐴥𐴝𐴙𐴃 𐴱 𐴔𐴝𐴌𐴠𐴆𐴡𐴌 𐴱 𐴱 𐴃𐴝𐴌𐴞𐴑𐴡𐴃 𐴑𐴙𐴡𐴑𐴄𐴡 𐴀𐴠𐴓𐴝𐴑𐴝𐴌 𐴆𐴙𐴡𐴆𐴞 𐴂𐴡𐴌𐴝𐴚 𐴉𐴝𐴌𐴝𐴌 𐴁𐴥𐴟𐴃𐴡𐴌𐴠 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴉𐴡𐴌𐴞 𐴵 𐴏𐴥𐴝𐴕 𐴒𐴤𐴡𐴌 𐴉𐴟𐴌𐴞 𐴒𐴞𐴘𐴡𐴘 𐴀𐴝𐴌 𐴃𐴞𐴕 𐴎𐴡𐴕 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴀𐴝𐴌 𐴀𐴠𐴑 𐴎𐴡𐴕 𐴔𐴝𐴘𐴧𐴝 𐴉𐴟𐴖𐴝 𐴔𐴡𐴌𐴞𐴖𐴒𐴞𐴘𐴡𐴘 𐴱𐴱

𐴕𐴞𐴉𐴡𐴌𐴡𐴃 𐴉𐴥𐴡𐴙𐴓𐴝𐴊𐴠 𐴈𐴡𐴃𐴥𐴝 𐴁𐴡𐴕 𐴒𐴡𐴌𐴞 𐴁𐴡𐴌𐴓𐴝 𐴇𐴥𐴡𐴌𐴃𐴝𐴓 𐴱𐴱

𐴀𐴝𐴌𐴑𐴝𐴕𐴡𐴌 𐴌𐴝𐴎𐴊𐴝𐴕𐴞 𐴀𐴝𐴙𐴑𐴧𐴙𐴝𐴁𐴡𐴌 𐴊𐴡𐴙𐴅𐴧𐴙𐴝𐴌 𐴈𐴝𐴣𐴏𐴝𐴃 𐴰 𐴱 / 𐴔𐴝𐴌𐴠𐴆𐴡𐴃 𐴅𐴟𐴖𐴝𐴕 𐴀𐴥𐴡𐴑𐴧𐴡𐴓𐴠 𐴕𐴞𐴉𐴡𐴌𐴡𐴃𐴞 𐴃𐴡𐴑𐴌𐴞𐴌 𐴁𐴡𐴕 𐴒𐴡𐴌𐴞 𐴁𐴡𐴌𐴓𐴝 𐴇𐴥𐴡𐴌𐴃𐴝𐴓𐴡𐴌 𐴐𐴡𐴑𐴡𐴓 𐴒𐴡𐴙𐴅𐴧𐴙𐴠 𐴱 𐴀𐴥𐴠 𐴇𐴥𐴡𐴌𐴃𐴝𐴓𐴡𐴃 𐴀𐴝𐴌𐴑𐴝𐴕𐴡𐴌 𐴁𐴦𐴠𐴙𐴐𐴢 𐴀𐴥𐴞𐴏𐴧𐴝 𐴐𐴥𐴡𐴀𐴌𐴡𐴌𐴃𐴟 𐴅𐴟𐴖𐴝𐴕 𐴇𐴥𐴞𐴕𐴊𐴟 𐴔𐴡𐴒𐴢 𐴔𐴡𐴌𐴡𐴊 𐴔𐴝𐴘𐴧𐴝 𐴀𐴥𐴡𐴑𐴧𐴡𐴓𐴠 𐴀𐴥𐴞𐴏𐴧𐴝 𐴓𐴡𐴘𐴧𐴠 𐴱 𐴀𐴥𐴠 𐴕𐴡𐴉𐴡𐴌𐴡𐴃𐴞 𐴈𐴡𐴃𐴥𐴝 𐴁𐴡𐴕 𐴒𐴡𐴌𐴞𐴁𐴝𐴌 𐴁𐴝𐴁𐴡𐴃𐴠 𐴔𐴡𐴒𐴡𐴌 𐴅𐴟𐴖𐴝𐴕 𐴒𐴦𐴡𐴘𐴧𐴝 𐴀𐴥𐴡𐴑𐴧𐴡𐴓𐴠 𐴒𐴝𐴕𐴝 𐴉𐴡𐴌𐴥𐴞 𐴉𐴡𐴌𐴥𐴞 𐴇𐴥𐴡𐴌𐴃𐴝𐴓𐴡𐴃 𐴀𐴥𐴞𐴏𐴧𐴝 𐴓𐴡𐴘𐴧𐴠 𐴱𐴱