𐴔𐴡𐴓𐴠𐴐𐴥𐴞𐴘𐴝 𐴎𐴦𐴡𐴙𐴕𐴧𐴙𐴝 𐴷 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴑𐴝𐴑𐴐𐴢 𐴁𐴝𐴎𐴝𐴌𐴡𐴃 𐴁𐴝𐴏𐴝𐴘 𐴓𐴟𐴖𐴝 𐴒𐴞𐴘𐴠 𐴱𐴱

𐴑𐴝𐴑𐴐𐴢 𐴁𐴝𐴎𐴝𐴌𐴡𐴌 𐴀𐴟𐴉𐴟𐴎𐴞𐴓𐴝 𐴌𐴝𐴔𐴟𐴌 𐴌𐴠𐴎𐴟 𐴈𐴥𐴝𐴓 𐴀𐴠𐴌𐴞𐴘𐴝𐴌𐴃𐴟 𐴱 𐴐𐴥𐴡𐴔𐴁𐴝𐴌𐴠 𐴊𐴡𐴙𐴅𐴧𐴝𐴌 𐴌𐴝𐴏𐴃𐴝 𐴁𐴦𐴝𐴘 𐴒𐴝𐴙𐴌 𐴑𐴝𐴕𐴟𐴕𐴞 𐴔𐴡𐴓𐴠𐴐𐴥𐴞𐴘𐴝 𐴎𐴦𐴡𐴙𐴕𐴧𐴙𐴝 𐴱 𐴉𐴟𐴖𐴝𐴙𐴕 𐴐𐴥𐴡𐴣𐴀 𐴁𐴠𐴍𐴞𐴘𐴥𐴝𐴙𐴕 𐴁𐴠𐴍𐴦𐴝𐴙𐴕 𐴔𐴞𐴓𐴝𐴘 𐴷 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴱 𐴉𐴟𐴓𐴞𐴐𐴠 𐴁𐴝𐴏𐴝𐴘 𐴓𐴡𐴘𐴧𐴠 𐴱 𐴌𐴠𐴂𐴟𐴄 𐴔𐴡𐴎𐴞𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴕 𐴀𐴟𐴑𐴞𐴘𐴝 𐴀𐴝𐴌 𐴄𐴠𐴑𐴕𐴝𐴉𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴃𐴥𐴝𐴑𐴦𐴡𐴙𐴕𐴧𐴝 𐴱 𐴁𐴡𐴓𐴞 𐴇𐴥𐴞𐴔𐴏𐴡𐴌𐴞 𐴉𐴟𐴓𐴞𐴐𐴢 𐴃𐴥𐴝𐴕𐴝𐴌 𐴁𐴡𐴌𐴡 / 𐴀𐴝𐴃𐴞𐴑𐴟𐴓𐴧𐴝𐴇𐴢 𐴘𐴠 𐴈𐴡𐴘𐴧𐴠 𐴱 𐴓𐴡𐴒𐴠 𐴓𐴡𐴒𐴠 𐴀𐴥𐴡𐴊𐴡𐴃 𐴀𐴝𐴊𐴡𐴔 𐴁𐴙𐴝𐴌𐴞 𐴊𐴝𐴓𐴝𐴓 𐴀𐴥𐴡 𐴃𐴞𐴕 𐴎𐴡𐴕 𐴁𐴡𐴕 𐴒𐴡𐴙𐴅𐴧𐴙𐴠 𐴱𐴱

𐴔𐴡𐴕𐴃𐴡𐴌 𐴉𐴟𐴓𐴞𐴐𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴕 𐴀𐴝𐴌 𐴁𐴡𐴕 𐴒𐴡𐴙𐴅𐴧𐴙𐴠𐴊𐴠 𐴊𐴝𐴓𐴝𐴓 𐴀𐴥𐴡𐴑𐴧𐴡𐴓𐴡𐴌 𐴏𐴞𐴕𐴧𐴡 𐴎𐴦𐴝𐴙𐴌 𐴕𐴦𐴡 𐴒𐴡𐴌𐴠 𐴱 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴌𐴠𐴎𐴟 𐴈𐴥𐴝𐴓𐴡𐴌 𐴈𐴝𐴣𐴏𐴝𐴃 𐴊𐴝𐴓𐴝𐴓 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴀𐴟𐴕𐴡𐴌𐴠 𐴔𐴡𐴓𐴠𐴐𐴥𐴞𐴘𐴝 𐴉𐴦𐴡𐴣𐴏𐴝𐴘𐴁𐴡𐴓𐴧𐴝 𐴎𐴡𐴔𐴝 𐴒𐴡𐴙𐴅𐴧𐴙𐴠𐴊𐴠 𐴘𐴥𐴝𐴕𐴡𐴌 𐴒𐴟𐴂𐴃𐴡 𐴅𐴝𐴕𐴑𐴝𐴌𐴞𐴌 𐴉𐴝𐴘 𐴁𐴝𐴊𐴠 𐴇𐴥𐴝𐴔𐴓𐴝 𐴒𐴡𐴌𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴕𐴡𐴌𐴠 𐴊𐴝𐴓𐴝𐴓𐴡𐴌 𐴇𐴥𐴝𐴃𐴡𐴌𐴃𐴟 𐴁𐴝𐴏𐴝𐴘 𐴓𐴡𐴘𐴧𐴠 𐴱 𐴷 𐴳 𐴎𐴡𐴕𐴡𐴌 𐴁𐴥𐴟𐴃𐴡𐴌𐴠 𐴴 𐴎𐴡𐴕 𐴉𐴟𐴖𐴝 𐴷 𐴱 𐴎𐴡𐴕 𐴁𐴠𐴍𐴞 𐴶 𐴱 𐴎𐴡𐴕 𐴁𐴠𐴍𐴝 𐴱𐴱

𐴷 𐴱 𐴰 𐴲 𐴐𐴡𐴕𐴡𐴃 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞𐴌 𐴅𐴠𐴕𐴡𐴏𐴝𐴙𐴋𐴡𐴌𐴃𐴟 𐴉𐴡𐴌𐴝𐴕 𐴁𐴝𐴏𐴝𐴘 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴌𐴝 𐴓𐴡𐴘𐴧𐴠𐴊𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴀𐴡𐴐𐴥𐴝𐴕𐴃𐴞 𐴀𐴝𐴌 𐴕𐴞 𐴌𐴀𐴝𐴐𐴥𐴝𐴌𐴃𐴟 𐴱 𐴊𐴠𐴐𐴞 𐴀𐴝𐴌 𐴁𐴞𐴊𐴠𐴐𐴞 𐴀𐴝𐴊𐴡𐴔 𐴁𐴙𐴝𐴌𐴞 𐴊𐴝𐴓𐴝𐴓 𐴀𐴥𐴡𐴑𐴧𐴡𐴓𐴠 𐴱 𐴁𐴡𐴖𐴃 𐴋𐴡𐴙𐴓𐴧𐴝 𐴐𐴥𐴡𐴂𐴧𐴡𐴕 𐴊𐴠𐴈𐴝𐴘 𐴱 𐴌𐴟𐴇𐴝𐴙𐴚𐴒𐴙𐴝 𐴑𐴡𐴖𐴔𐴡𐴌 𐴀𐴞𐴎𐴧𐴡𐴃 𐴔𐴝𐴓 𐴅𐴝𐴕 𐴓𐴟𐴍𐴠𐴌𐴊𐴠 𐴱𐴱