𐴓𐴤𐴞 𐴑𐴥𐴟𐴦 𐴐𐴥𐴡𐴀𐴌𐴡𐴌 𐴁𐴥𐴟𐴃𐴡𐴌𐴠 𐴹 𐴴 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴊𐴤𐴡𐴌𐴝 𐴉𐴡𐴙𐴅𐴧𐴙𐴠 𐴱𐴱

𐴹 𐴱 / 𐴉𐴠𐴌𐴖𐴝𐴌𐴞 𐴰 𐴲 𐴰 𐴲 𐴌𐴠𐴚𐴒𐴟𐴕 𐴋𐴞𐴐𐴄𐴞𐴑𐴡𐴌 𐴓𐴤𐴞 𐴑𐴥𐴟𐴦 𐴐𐴥𐴡𐴀𐴌𐴡𐴃 𐴊𐴤𐴡𐴌𐴝 𐴉𐴡𐴙𐴅𐴧𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴹 𐴴 𐴎𐴡𐴕𐴡𐴌𐴠 𐴱 𐴀𐴥𐴠 𐴎𐴝𐴒𐴝𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴱 𐴑𐴧𐴟𐴀𐴍𐴡𐴃 𐴃𐴟𐴓𐴞𐴁𐴝𐴌 𐴏𐴡𐴌𐴞𐴐𐴃𐴡𐴌𐴡 𐴒𐴡𐴌𐴠𐴌 𐴁𐴡𐴓𐴞 𐴀𐴠𐴏𐴄𐴠𐴀𐴄 𐴓𐴥𐴗𐴥𐴠𐴋𐴧𐴡𐴌 𐴕𐴡𐴔𐴝𐴙𐴕𐴊𐴝 / 𐴋𐴦𐴡 𐴔𐴠𐴌𐴥𐴠 𐴔𐴝 𐴓𐴝 𐴄𐴥𐴗𐴠𐴚𐴠 𐴀𐴝𐴌 𐴀𐴠𐴉𐴢 𐴀𐴠 𐴌𐴠 𐴈𐴥𐴝𐴔𐴝𐴈𐴥𐴝 𐴒𐴡𐴌𐴞 𐴈𐴡𐴘𐴧𐴠 𐴱𐴱

𐴀𐴥𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴕𐴡𐴌𐴠 𐴌𐴠𐴚𐴒𐴟𐴕 – 𐴕𐴠𐴂𐴞𐴘𐴠𐴋𐴡 𐴇𐴥𐴝𐴀𐴘 𐴌𐴟𐴋𐴡𐴌 𐴔𐴝𐴙𐴓 𐴑𐴥𐴟𐴣𐴍𐴝 ( 𐴵 𐴲 𐴔𐴝𐴙𐴓 𐴶 𐴉𐴡𐴌𐴡𐴓𐴡𐴚 ) 𐴡𐴌 𐴋𐴥𐴝𐴑𐴠 𐴀𐴝𐴏𐴠𐴊𐴠 𐴏𐴥𐴝𐴀𐴁𐴥𐴟 𐴒𐴥𐴗𐴥𐴝𐴚𐴡𐴌 𐴐𐴥𐴙𐴝𐴘 𐴒𐴥𐴟𐴚 𐴉𐴝𐴌𐴝𐴌𐴃𐴟 𐴳 𐴉𐴡𐴌𐴡𐴓𐴡𐴚 𐴊𐴟𐴌𐴠 𐴎𐴦𐴡𐴣𐴓𐴡𐴌 𐴁𐴥𐴟𐴃𐴡𐴌𐴠 𐴰 𐴰 𐴲 𐴉𐴥𐴞𐴄 𐴔𐴟𐴌 𐴊𐴟𐴔𐴁𐴟𐴌𐴟𐴌𐴃𐴟 𐴊𐴤𐴡𐴌𐴞 𐴀𐴝𐴙𐴕𐴧𐴙𐴠𐴊𐴠 𐴱 𐴊𐴤𐴡𐴌𐴝 𐴉𐴡𐴙𐴅𐴧𐴙𐴠𐴊𐴠 𐴀𐴥𐴠𐴍𐴠 𐴸 𐴱 𐴎𐴡𐴕 𐴔𐴡𐴌𐴡𐴊 𐴉𐴟𐴖𐴝 𐴸 𐴲 𐴎𐴡𐴕 𐴔𐴝𐴘𐴧𐴝 𐴉𐴟𐴖𐴝 𐴳 𐴎𐴡𐴕 𐴒𐴟𐴌𐴝 𐴉𐴟𐴖𐴝 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴕 𐴀𐴝𐴌𐴑𐴝𐴕𐴡𐴌 𐴑𐴠𐴂𐴧𐴟𐴌𐴟 / 𐴀𐴝𐴙𐴑𐴧𐴙𐴝𐴁 / 𐴔𐴥𐴝𐴚𐴁𐴡𐴌𐴥𐴝 / 𐴁𐴥𐴟𐴏𐴞𐴊𐴡𐴚 / 𐴀𐴠 𐴎𐴝𐴒𐴝 𐴀𐴞𐴕𐴡𐴃𐴧𐴟 𐴔𐴡𐴓𐴠𐴐𐴥𐴙𐴝 𐴎𐴝𐴘𐴁𐴡𐴓𐴧𐴝 𐴕𐴠𐴓𐴞 𐴀𐴝𐴙𐴐𐴧𐴙𐴠𐴊𐴠 𐴱 𐴀𐴥𐴠 𐴎𐴦𐴡𐴣𐴓𐴡𐴌 𐴁𐴥𐴟𐴃𐴡𐴌𐴠 𐴀𐴝𐴌𐴀𐴥𐴡 𐴈𐴡𐴕𐴥𐴡 𐴌𐴟𐴇𐴝𐴙𐴚𐴒𐴙𐴝 𐴀𐴝𐴏𐴠𐴕𐴠 𐴁𐴡𐴓𐴞 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴁𐴠𐴐𐴥𐴝 𐴁𐴠𐴐𐴥𐴞 𐴃𐴟𐴖𐴝𐴌 𐴱𐴱