𐴔𐴡𐴌𐴥𐴡𐴑 𐴀𐴥𐴟𐴀𐴃 𐴒𐴟𐴌𐴝 𐴉𐴟𐴖𐴝 𐴀𐴟𐴒𐴧𐴗𐴝𐴌 𐴔𐴡𐴖𐴃𐴡𐴌 𐴎𐴞𐴔𐴧𐴝𐴊𐴝𐴌 𐴱 𐴔𐴡𐴒𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌 𐴀𐴠𐴑 𐴎𐴡𐴕𐴠 𐴀𐴡𐴉𐴡𐴌 𐴎𐴡𐴕𐴡𐴌𐴠 𐴄𐴤𐴡𐴌𐴝𐴌 𐴱𐴱 𐴱

𐴒𐴡𐴃𐴡 𐴈𐴝𐴓𐴞𐴘𐴝 𐴐𐴥𐴝𐴀𐴌𐴡 𐴀𐴝𐴣𐴐𐴄𐴡 𐴁𐴝𐴎𐴠 𐴔𐴡𐴌𐴥𐴡𐴑 𐴀𐴥𐴟𐴀 𐴐𐴥𐴡𐴀𐴌𐴡𐴌 𐴊𐴦𐴡𐴙𐴕𐴠 𐴃𐴞𐴕 𐴘𐴝 𐴏𐴝𐴙𐴌 𐴔𐴝𐴙𐴓 𐴊𐴟𐴌𐴠 𐴀𐴝𐴏𐴠𐴊𐴠 / 𐴂𐴥𐴡𐴚 𐴋𐴥𐴟𐴀 𐴉𐴝𐴌𐴝𐴌 𐴊𐴟𐴘 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴉𐴟𐴖𐴝 𐴱 𐴔𐴟𐴁𐴦𐴝𐴙𐴓 𐴀𐴥𐴝𐴃𐴡𐴃 𐴓𐴡𐴘 𐴉𐴝𐴌𐴝𐴌𐴃𐴟 𐴕𐴠𐴓𐴞 𐴐𐴥𐴡𐴀𐴌𐴡𐴌 𐴀𐴟𐴎𐴟 𐴀𐴝𐴘𐴧𐴠𐴌𐴊𐴠 𐴉𐴡𐴣𐴃𐴡𐴃 𐴱 𐴔𐴡𐴒𐴁𐴝𐴒𐴞 𐴴 𐴎𐴡𐴕𐴠 𐴊𐴤𐴡𐴌𐴞 𐴃𐴟𐴣𐴖𐴝𐴣𐴌𐴝 𐴔𐴠𐴓𐴠𐴄𐴠𐴌𐴞𐴌𐴠 𐴀𐴝𐴣𐴀𐴌𐴝𐴌 𐴈𐴥𐴡𐴁𐴡𐴌 𐴊𐴦𐴡𐴌𐴊𐴠 𐴈𐴦𐴡𐴘 𐴁𐴠𐴐𐴥𐴞 𐴉𐴞𐴄𐴧𐴙𐴠 𐴱 𐴀𐴠𐴑 𐴎𐴡𐴕 𐴊𐴤𐴝𐴘𐴒𐴡𐴘 𐴉𐴝𐴙𐴅𐴧𐴙𐴠 / 𐴔𐴡𐴚 𐴄𐴞𐴚 𐴓𐴝𐴙𐴚 𐴁𐴡𐴐𐴢 𐴹 𐴱 𐴁𐴡𐴏𐴡𐴌 𐴰 𐴱 𐴑𐴠𐴓𐴝𐴏𐴡𐴃 𐴉𐴡𐴌𐴠𐴌𐴊𐴠 𐴉𐴟𐴖𐴝 𐴀𐴥𐴞𐴃𐴝𐴌𐴠 𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴊𐴧𐴡 𐴓𐴡𐴘 𐴑𐴟𐴉𐴢 𐴔𐴝𐴌𐴡𐴕𐴠 𐴱 𐴒𐴡𐴓𐴝𐴌 𐴀𐴝𐴌 𐴏𐴥𐴞𐴕𐴝𐴌 𐴎𐴡𐴈𐴡𐴔𐴡𐴌 𐴎𐴡𐴌𐴞𐴘𐴝 𐴀𐴥𐴞𐴛𐴧𐴡𐴃 𐴔𐴡𐴌𐴞 𐴒𐴞𐴘𐴥𐴡𐴘 𐴱 𐴔𐴠𐴓𐴠𐴄𐴠𐴌𐴞𐴌 𐴃𐴡𐴌𐴉𐴡𐴌 𐴈𐴡𐴃𐴝 𐴈𐴦𐴡𐴙𐴕𐴧𐴝 𐴁𐴟 𐴔𐴥𐴀 𐴆𐴥𐴟𐴀 / 𐴎𐴡 𐴔𐴥𐴞𐴚 𐴄𐴟𐴚𐴠 𐴈𐴡𐴘𐴧𐴠 𐴱𐴱

𐴔𐴠𐴓𐴠𐴄𐴠𐴌𐴞𐴌 𐴐𐴝𐴀𐴂𐴢 / 𐴎𐴡 𐴔𐴥𐴞𐴚 𐴄𐴟𐴚𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 / 𐴱 𐴱 𐴁𐴝𐴎𐴠𐴌𐴊𐴠 𐴀𐴥𐴠𐴃𐴡𐴑𐴧𐴡𐴕𐴡𐴃 𐴱 𐴉𐴟𐴖𐴝 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠𐴊𐴠 𐴀𐴡𐴐𐴥𐴝𐴕𐴃𐴞 𐴓𐴡𐴘 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴠 𐴌𐴠𐴚𐴒𐴟𐴕 – 𐴔𐴡𐴌𐴥𐴡𐴑 𐴀𐴥𐴟𐴀 𐴒𐴝𐴌𐴞𐴌 𐴌𐴝𐴏𐴃𐴝𐴃 𐴱 𐴀𐴟𐴎𐴦𐴡𐴌 𐴐𐴥𐴟𐴌𐴟 𐴒𐴡𐴌𐴞 𐴑𐴠𐴙𐴏𐴧𐴟 𐴔𐴡𐴒𐴡𐴌𐴠 𐴔𐴝𐴙𐴅𐴧𐴙𐴠 𐴀𐴝𐴌 𐴑𐴠𐴙𐴏𐴧𐴟 𐴏𐴝𐴙𐴑𐴧𐴝 / 𐴃𐴞𐴕 𐴏𐴝𐴑𐴧𐴝 𐴒𐴝𐴌𐴞 𐴁𐴥𐴝𐴚𐴞 𐴊𐴞𐴘𐴠 𐴱𐴱 𐴔𐴡𐴕𐴃𐴡𐴌 𐴔𐴡𐴒𐴁𐴝𐴒𐴞𐴌 𐴃𐴡𐴌𐴉𐴡𐴌 𐴈𐴡𐴃𐴥𐴝 𐴈𐴦𐴡𐴘𐴧𐴝 / 𐴑𐴝𐴙𐴚 𐴏𐴥𐴟𐴑𐴝 𐴘𐴠 𐴱 𐴉𐴟𐴖𐴝 𐴊𐴟𐴕𐴥𐴟𐴎𐴡𐴕𐴡𐴌𐴠 ( 𐴑𐴥𐴝 𐴔𐴥𐴝 𐴌𐴥𐴝 𐴰 𐴴 𐴵 ) 𐴒𐴝𐴣𐴌𐴝𐴘𐴧𐴝 𐴒𐴥𐴝𐴣𐴄𐴞𐴌 𐴔𐴠𐴓𐴠𐴄𐴠𐴌𐴞𐴘𐴠 𐴔𐴝𐴌𐴞𐴘𐴡𐴌𐴠 𐴔𐴡𐴒𐴁𐴝𐴒𐴞𐴌 𐴁𐴝𐴎𐴥𐴝 𐴊𐴠𐴌𐴊𐴠 𐴱 𐴔𐴡𐴒𐴁𐴝𐴒𐴞 𐴘𐴠 𐴔𐴝𐴙𐴅𐴧𐴙𐴠𐴊𐴠 𐴕𐴦𐴡 𐴱 𐴀𐴝𐴌𐴑𐴝𐴕𐴡𐴃 𐴀𐴝𐴏𐴠𐴊𐴠 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴡𐴌 𐴈𐴝𐴔𐴡𐴌𐴠 𐴱 𐴊𐴠𐴐𐴁𐴞𐴊𐴠𐴐𐴡𐴌 𐴕𐴡𐴔𐴝𐴙𐴕𐴊𐴝 𐴀𐴥𐴡𐴑𐴧𐴡𐴓𐴡𐴌𐴃𐴟 𐴀𐴝𐴀𐴘𐴧𐴡𐴌𐴠 𐴃𐴡𐴊𐴝𐴌𐴟𐴑 𐴒𐴡𐴌𐴦𐴕 𐴏𐴝𐴀 𐴱 𐴔𐴠𐴓𐴠𐴄𐴠𐴌𐴞𐴘𐴠 𐴔𐴟𐴏𐴡𐴓𐴔𐴝𐴕 𐴀𐴝𐴌 𐴔𐴡𐴒𐴡𐴌 𐴔𐴝𐴎𐴠 𐴈𐴡𐴙𐴅𐴧𐴙𐴝 𐴓𐴝𐴒𐴝𐴘 𐴊𐴞𐴁𐴝𐴌 𐴏𐴠𐴐𐴃𐴝 𐴒𐴡𐴌𐴠𐴌𐴊𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴝𐴙𐴅𐴧𐴙𐴝 𐴁𐴠𐴙𐴕𐴧𐴝 𐴌𐴟𐴇𐴝𐴙𐴚𐴒𐴙𐴝 𐴉𐴟𐴖𐴝𐴌 𐴓𐴝𐴐𐴢 𐴃𐴝𐴌𐴝𐴌 𐴉𐴝𐴌𐴝𐴃 𐴕𐴞𐴘𐴠 𐴒𐴥𐴡𐴘 𐴱 𐴉𐴝𐴙𐴅𐴧𐴙𐴝 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓 𐴌𐴠𐴚𐴒𐴟𐴕 – 𐴀𐴝𐴙𐴑𐴧𐴙𐴝𐴁 𐴒𐴝𐴌𐴞𐴌 𐴌𐴝𐴏𐴃𐴝𐴃 𐴇𐴥𐴡𐴌𐴃𐴝𐴓 𐴔𐴝𐴙𐴌 𐴉𐴞𐴄 𐴒𐴡𐴙𐴅𐴧𐴙𐴠𐴊𐴠 𐴀𐴥𐴠𐴍𐴠 𐴱 𐴒𐴝𐴌𐴞 𐴀𐴡𐴓𐴝 𐴳 𐴎𐴡𐴕 𐴎𐴡𐴈𐴡𐴔 𐴉𐴝𐴘𐴧𐴠 𐴀𐴝𐴌 𐴴 𐴱 𐴁𐴡𐴏𐴡𐴌 𐴁𐴡𐴐𐴢 𐴀𐴡𐴓𐴝 𐴉𐴟𐴖𐴝 / 𐴔𐴡𐴚 𐴂𐴟𐴌𐴟 𐴓𐴥𐴟𐴚𐴠 𐴁𐴠𐴐𐴥𐴞 𐴊𐴟𐴑 𐴉𐴝𐴘𐴧𐴠 𐴱 𐴔𐴡𐴌𐴞 𐴒𐴞𐴘𐴥𐴡𐴘𐴊𐴠 𐴉𐴟𐴖𐴝 𐴀𐴥𐴞𐴁𐴝𐴌 𐴎𐴞𐴔𐴧𐴝𐴊𐴝𐴌 𐴈𐴡𐴕 𐴉𐴦𐴝𐴄𐴞 𐴈𐴦𐴡𐴘 𐴕𐴡𐴉𐴝𐴌𐴞 𐴁𐴡𐴓𐴞 𐴔𐴡𐴌𐴥𐴡𐴑 𐴀𐴥𐴟𐴀 𐴐𐴥𐴡𐴀𐴌𐴡𐴌 𐴀𐴠𐴔 𐴂𐴞 / 𐴀𐴥𐴟𐴀 𐴄𐴥𐴗𐴠𐴣 𐴏𐴝 𐴏𐴞𐴚𐴠 𐴈𐴡𐴘𐴧𐴠 𐴱𐴱 𐴌𐴠𐴚𐴒𐴟𐴕 – 𐴀𐴝𐴙𐴑𐴧𐴙𐴁 𐴒𐴝𐴌𐴞𐴌 𐴌𐴝𐴏𐴃𐴝𐴃 𐴇𐴥𐴡𐴌𐴃𐴝𐴓 𐴔𐴝𐴙𐴌 𐴉𐴞𐴄 𐴕𐴦𐴡 𐴀𐴥𐴡 𐴱 𐴃𐴝𐴌𐴝𐴌 𐴉𐴝𐴌𐴝𐴌 𐴋𐴥𐴝𐴑𐴠 𐴃𐴥𐴝𐴑𐴠𐴊𐴠 𐴒𐴟𐴌𐴝 𐴒𐴟𐴌𐴝 𐴔𐴡𐴒𐴡𐴌 𐴉𐴟𐴖𐴝𐴕𐴊𐴠 𐴔𐴝𐴙𐴌 𐴉𐴞𐴄 𐴒𐴡𐴙𐴅𐴧𐴙𐴠𐴊𐴠 𐴁𐴡𐴓𐴞 𐴕𐴝𐴔 𐴈𐴗𐴝 𐴕𐴡𐴎𐴝𐴘𐴁𐴡𐴃𐴠 𐴊𐴠𐴐𐴥𐴡𐴙𐴃𐴧𐴝 𐴀𐴠𐴑𐴎𐴡𐴕𐴠 𐴀𐴝𐴌 𐴀𐴠𐴉𐴢 𐴀𐴠 𐴌𐴠 𐴈𐴡𐴘𐴧𐴠 𐴱𐴱