𐴕𐴟𐴖𐴝 𐴐𐴥𐴟𐴌𐴟 𐴀𐴥𐴡𐴘𐴧𐴠𐴊𐴠 𐴀𐴝𐴊𐴡𐴔 𐴁𐴞𐴘𐴝𐴌𐴞 𐴘𐴠 𐴁𐴤𐴝𐴓𐴝 𐴊𐴤𐴝𐴕𐴊𐴝𐴌 𐴀𐴡𐴉𐴝𐴌 𐴊𐴠𐴌 𐴱𐴱

𐴄𐴝𐴘𐴓𐴠𐴕𐴋𐴡𐴃 𐴁𐴡𐴙𐴕𐴧𐴙𐴝 𐴀𐴝𐴊𐴡𐴔 𐴁𐴞𐴘𐴝𐴌𐴞 𐴋𐴦𐴝𐴙𐴌 𐴎𐴝𐴓𐴡𐴌 𐴕𐴞𐴘𐴝𐴘 𐴱 𐴎𐴞𐴁𐴝 𐴏𐴝𐴓𐴟 𐴕𐴡 𐴀𐴝𐴐𐴧𐴞𐴀𐴓 𐴱 𐴇𐴝𐴓𐴡𐴃𐴡𐴌 𐴀𐴠𐴕𐴃𐴠𐴎𐴝𐴌𐴡𐴃 𐴀𐴝𐴐𐴧𐴞𐴠𐴓𐴊𐴠 𐴀𐴥𐴡𐴘𐴁𐴡 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴖𐴡𐴌𐴠 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴅𐴠𐴕𐴡𐴏𐴝𐴙𐴋 𐴒𐴡𐴌𐴡𐴕𐴡𐴌 𐴁𐴦𐴝𐴊𐴠 𐴱 𐴀𐴥𐴠 𐴀𐴝𐴊𐴡𐴔 𐴁𐴞𐴘𐴝𐴌𐴞𐴌 𐴋𐴦𐴝𐴘 𐴀𐴥𐴞𐴁𐴝 𐴕𐴡𐴘𐴧𐴝 𐴃𐴡𐴌𐴞𐴑𐴝 𐴓𐴡𐴘 𐴔𐴡𐴘𐴊𐴝𐴕𐴡𐴃 𐴓𐴝𐴙𐴔𐴧𐴙𐴠 𐴱 𐴀𐴥𐴠 𐴊𐴝𐴓𐴝𐴓 𐴀𐴥𐴟𐴕𐴡𐴌 𐴃𐴟𐴌𐴥𐴟 𐴔𐴡𐴓𐴠𐴐𐴥𐴙𐴝𐴃 𐴱 𐴀𐴠𐴃𐴧𐴠𐴉𐴥𐴝𐴑 𐴒𐴡𐴙𐴅𐴧𐴙𐴝 𐴄𐴞𐴛𐴝𐴌 𐴁𐴦𐴝𐴌𐴠 𐴁𐴠𐴙𐴐 𐴊𐴡𐴕𐴡𐴌 𐴖𐴝𐴊𐴝 𐴓𐴡𐴘 𐴕𐴞𐴎𐴡𐴌 𐴔𐴡𐴑𐴏𐴟𐴊𐴡𐴃 𐴉𐴦𐴡𐴣𐴙𐴏𐴧𐴠𐴊𐴠 𐴱 𐴁𐴥𐴟𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴓𐴥𐴝𐴖𐴝𐴊𐴡𐴑 𐴂𐴠𐴌𐴝𐴚𐴆𐴙𐴠𐴌 𐴀𐴟𐴒𐴧𐴗𐴝 𐴔𐴝𐴘𐴧𐴝 𐴉𐴟𐴖𐴝 / 𐴉𐴟𐴃𐴟𐴕𐴞 𐴁𐴡𐴐𐴢 𐴷 𐴱 𐴁𐴡𐴏𐴡𐴌 ( 𐴀𐴝𐴏𐴡𐴓 𐴕𐴝𐴔 𐴕𐴦𐴡 ) 𐴘𐴠 𐴱 𐴀𐴥𐴞𐴁𐴝 𐴔𐴡𐴓𐴠𐴐𐴥𐴙𐴝𐴃 𐴉𐴦𐴡𐴣𐴙𐴏𐴧𐴙𐴠𐴊𐴠 𐴑𐴞𐴏𐴧𐴝 𐴀𐴝𐴌 𐴖𐴥𐴞𐴐𐴠𐴕𐴡 𐴌𐴠 𐴁𐴡𐴘𐴧𐴝𐴕 𐴒𐴡𐴙𐴅𐴧𐴙𐴠𐴊𐴠 𐴔𐴡𐴎𐴞𐴕 𐴱𐴱

𐴀𐴥𐴞𐴁𐴝𐴌 𐴁𐴡𐴘𐴧𐴝𐴕 𐴀𐴥𐴡𐴙𐴓𐴊𐴠 𐴀𐴟𐴒𐴧𐴗𐴝 𐴔𐴝𐴙𐴕𐴐𐴡𐴌 𐴊𐴝𐴓𐴝𐴓𐴞 ( 𐴰 𐴰 𐴰 𐴰 𐴰 𐴵 𐴷 ) 𐴄𐴞𐴛𐴝 ( 𐴰 𐴰 𐴰 𐴵 ) 𐴋𐴡𐴓𐴝𐴌 𐴀𐴝𐴣𐴀𐴌 𐴁𐴝𐴉𐴠 𐴀𐴠𐴃𐴧𐴠𐴉𐴥𐴝𐴑𐴡𐴌 𐴄𐴞𐴛𐴝 𐴊𐴞𐴁𐴦𐴝𐴊𐴠 𐴱 𐴀𐴝𐴌𐴀𐴥𐴡 𐴁𐴠𐴙𐴐𐴢 ( 𐴰 𐴰 𐴰 𐴰 𐴰 𐴰 𐴱 ) 𐴄𐴞𐴛𐴝 ( 𐴰 𐴰 𐴷 ) 𐴋𐴡𐴓𐴝𐴌 𐴊𐴞𐴘𐴠 𐴱 𐴀𐴝𐴣𐴀𐴌𐴝 𐴁𐴠𐴙𐴒𐴧𐴟𐴕𐴠 𐴰 𐴰 𐴱 𐴎𐴡𐴕 𐴀𐴥𐴠𐴍𐴠 𐴁𐴥𐴟𐴃𐴡𐴌𐴠 𐴳 𐴹 𐴎𐴡𐴕 𐴔𐴝𐴘𐴧𐴝 𐴐𐴥𐴟𐴊𐴟 𐴲 𐴎𐴡𐴕 𐴁𐴦𐴝𐴊𐴠 𐴀𐴝𐴌𐴒𐴟𐴕 𐴊𐴟𐴓𐴥𐴞 ( 𐴁𐴡𐴖 ) 𐴀𐴝𐴌 𐴷 𐴎𐴡𐴕 𐴔𐴡𐴌𐴡𐴊 𐴱 𐴀𐴝𐴣𐴌𐴝𐴌𐴠 𐴊𐴟𐴘𐴧𐴝𐴕 𐴁𐴟𐴍𐴡𐴃 𐴁𐴡𐴌𐴝𐴃 𐴒𐴡𐴌𐴞 𐴁𐴥𐴟𐴏𐴞𐴊𐴡𐴚𐴡𐴌𐴃𐴟 𐴁𐴠𐴙𐴕𐴧𐴝 𐴃𐴟𐴙𐴓𐴧𐴙𐴠 ( 𐴎𐴠 𐴁𐴟𐴄 𐴒𐴞𐴕𐴡𐴃 𐴐𐴥𐴟𐴕𐴊𐴡𐴌 𐴒𐴡𐴌𐴞 𐴓𐴡𐴘𐴓𐴠 𐴰 𐴳 𐴎𐴡𐴕 𐴓𐴡𐴘 𐴉𐴝𐴌𐴞𐴁𐴡𐴊𐴠 ) 𐴀𐴥𐴝𐴣𐴎𐴡𐴙𐴕𐴧𐴝 𐴶 𐴁𐴝𐴎𐴠 𐴀𐴝𐴙𐴑𐴧𐴙𐴝𐴁 𐴉𐴦𐴡𐴣𐴏𐴝𐴘 𐴹 𐴁𐴝𐴎𐴠 𐴀𐴠𐴑𐴧𐴝𐴕 𐴒𐴤𐴡𐴌𐴡𐴃 𐴓𐴡𐴘𐴎𐴝𐴘 𐴌𐴝𐴙𐴑𐴧𐴙𐴠 𐴱 𐴊𐴝𐴓𐴝𐴓 𐴁𐴠𐴙𐴒𐴧𐴟𐴕 𐴔𐴡𐴒𐴢 𐴱𐴱

𐴊𐴡𐴙𐴅𐴧𐴙𐴝𐴃 𐴇𐴥𐴡𐴑𐴟𐴔𐴡𐴃𐴡𐴌 𐴕𐴠𐴁𐴥𐴞 𐴀𐴝𐴏𐴠𐴊𐴥𐴠 𐴀𐴥𐴠𐴃𐴡𐴓𐴧𐴝 𐴱 𐴔𐴟𐴕𐴝𐴏𐴥𐴠𐴁 𐴀𐴡𐴑𐴃𐴡𐴌 𐴀𐴠𐴕𐴃𐴠𐴎𐴝𐴌𐴡𐴃 𐴀𐴝𐴣𐴀𐴌𐴝𐴌𐴠 𐴀𐴝𐴙𐴑𐴧𐴙𐴝𐴁𐴡𐴃 𐴳 𐴱 𐴊𐴞𐴕 𐴌𐴝𐴑𐴞 𐴱 𐴇𐴝𐴓𐴡𐴃 𐴄𐴥𐴞𐴑 𐴀𐴥𐴡𐴘𐴧𐴠𐴁𐴝𐴌 𐴔𐴡𐴒𐴢 𐴊𐴝𐴓𐴝𐴓 𐴀𐴥𐴟𐴕𐴠 𐴌𐴠𐴚𐴒𐴟𐴕 𐴀𐴝𐴕𐴞 𐴔𐴠𐴓𐴠𐴄𐴠𐴌𐴞𐴌 𐴑𐴠𐴂𐴄𐴞𐴕 𐴀𐴟𐴒𐴧𐴗𐴝𐴌 𐴀𐴥𐴝𐴃𐴡𐴃 𐴒𐴡𐴏𐴥𐴝𐴘 𐴊𐴞𐴘𐴠 𐴱 𐴑𐴠𐴂𐴄𐴞𐴕𐴡𐴌 𐴀𐴝𐴕𐴋𐴝𐴌𐴠 𐴊𐴞𐴕𐴡𐴃 𐴀𐴠𐴑𐴧𐴝𐴕 𐴇𐴥𐴡𐴄𐴡𐴓𐴡𐴃 𐴌𐴝𐴙𐴑𐴧𐴙𐴠 𐴱 𐴁𐴠𐴙𐴓 𐴒𐴥𐴡𐴓𐴞 𐴁𐴦𐴝𐴊𐴠 𐴀𐴠𐴃𐴧𐴠𐴉𐴝𐴑𐴡𐴌 𐴁𐴦𐴝𐴌𐴠 𐴁𐴠𐴙𐴐𐴢 𐴄𐴞𐴛𐴝 𐴊𐴞𐴘𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴀𐴝𐴣𐴀𐴌𐴝 𐴶 𐴎𐴡𐴕𐴡𐴌𐴠 𐴏𐴥𐴞𐴌𐴝 𐴒𐴡𐴌𐴞 𐴌𐴝𐴙𐴃𐴠 𐴌𐴝𐴙𐴃𐴠 𐴄𐴥𐴝𐴘𐴓𐴠𐴕𐴋𐴡𐴌 𐴁𐴡𐴖𐴋𐴝𐴌𐴡𐴃 𐴉𐴦𐴡𐴣𐴀𐴏𐴥𐴝𐴘 𐴊𐴞𐴘𐴠 𐴱 𐴘𐴥𐴝𐴕𐴃𐴟 𐴄𐴦𐴝𐴘 𐴑𐴡𐴖𐴔 𐴈𐴡𐴊𐴟𐴕𐴠 𐴀𐴝𐴣𐴀𐴌𐴝𐴌𐴠 𐴁𐴡𐴖𐴋𐴝𐴌 𐴉𐴝𐴌𐴒𐴝𐴌𐴝𐴘 𐴱 𐴒𐴤𐴡𐴌 𐴀𐴠𐴑𐴧𐴝𐴕𐴡𐴃 𐴕𐴞𐴎𐴝𐴘 𐴁𐴠𐴙𐴕𐴧𐴝𐴌 𐴕𐴝𐴐𐴃𐴝 𐴈𐴥𐴝𐴁𐴝𐴘 𐴱 𐴔𐴡𐴄𐴡𐴌 𐴏𐴝𐴙𐴌𐴑𐴠𐴓𐴡𐴃 𐴃𐴟𐴓𐴞 𐴊𐴞𐴕𐴠 𐴊𐴞𐴕𐴠 𐴔𐴡𐴓𐴠𐴐𐴥𐴙𐴝𐴌 𐴁𐴡𐴖𐴋𐴝𐴌𐴡𐴃 𐴉𐴦𐴡𐴣𐴀𐴏𐴥𐴝𐴘 𐴊𐴞𐴘𐴠 𐴱 𐴀𐴠𐴑𐴧𐴠𐴕𐴥𐴝 𐴁𐴦𐴝𐴊𐴠 𐴁𐴠𐴙𐴓 𐴒𐴥𐴡𐴙𐴓𐴧𐴙𐴠𐴁𐴝𐴌 𐴔𐴡𐴓𐴠𐴐𐴥𐴙𐴝𐴃 𐴉𐴝𐴌𐴒𐴝𐴌𐴝𐴘 𐴒𐴤𐴡𐴌 𐴀𐴠𐴑𐴧𐴝𐴕𐴡𐴃 𐴌𐴝𐴙𐴑𐴧𐴙𐴠 𐴱 𐴌𐴝𐴙𐴃𐴡𐴌 𐴕𐴞𐴐𐴥𐴞𐴃 𐴔𐴡𐴓𐴝𐴘 𐴑𐴡𐴖𐴔 𐴈𐴡𐴊𐴦𐴟𐴕𐴠 𐴀𐴝𐴣𐴀𐴌𐴝𐴌𐴠 𐴒𐴝𐴌𐴞 𐴁𐴤𐴡𐴌𐴞 𐴑𐴟𐴓𐴝𐴓𐴝𐴔𐴂𐴟𐴌 𐴓𐴡𐴘𐴎𐴝𐴘 𐴎𐴝𐴌𐴒𐴞𐴌𐴡𐴏𐴡𐴌𐴠 𐴃𐴝𐴌𐴠 𐴒𐴡𐴏𐴥𐴝𐴘𐴊𐴞𐴘𐴠 ” 𐴀𐴠 𐴁𐴥𐴝𐴉𐴠 𐴀𐴝𐴀𐴛 𐴀𐴝𐴣𐴀𐴌 𐴊𐴟𐴓𐴤𐴝𐴌 𐴓𐴦𐴡𐴃 𐴉𐴝𐴘𐴧𐴞 ” 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴎𐴡𐴌𐴔𐴡𐴏𐴃𐴝𐴕𐴡𐴃 𐴁𐴠𐴐𐴥𐴞 𐴔𐴡𐴐𐴑𐴞𐴓𐴡𐴌 𐴏𐴥𐴝𐴣𐴀𐴃𐴠 𐴎𐴞𐴊𐴞𐴒𐴞 𐴒𐴡𐴌𐴠𐴌 𐴱 𐴇𐴥𐴑𐴟𐴔𐴡𐴃𐴠 𐴓𐴡𐴌𐴝𐴏𐴡𐴌𐴝 𐴒𐴡𐴌𐴦𐴡𐴕𐴡𐴌 𐴖𐴡𐴌𐴠 𐴂𐴝𐴁𐴡𐴕𐴊𐴞 𐴓𐴝𐴒𐴝𐴘 𐴌𐴝𐴙𐴑𐴧𐴙𐴠 𐴱 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒 𐴁𐴝𐴒𐴞𐴌 𐴔𐴝𐴎𐴠 𐴀𐴥𐴡𐴌𐴊𐴠 𐴓𐴝𐴌𐴝𐴘𐴧𐴠 𐴀𐴝𐴌𐴀𐴥𐴡 𐴔𐴡𐴐𐴑𐴞𐴓𐴡𐴃 𐴉𐴥𐴠𐴓𐴝𐴘 𐴃𐴞𐴘𐴠 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴖𐴡𐴌𐴠 𐴕𐴡𐴎𐴡𐴌 𐴌𐴝𐴙𐴑𐴧𐴙𐴠𐴊𐴠 𐴀𐴥𐴞𐴃𐴝𐴌𐴝𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴀𐴝𐴊𐴡𐴔 𐴁𐴞𐴘𐴝𐴌𐴞𐴌 𐴐𐴥𐴞𐴑𐴝𐴌 𐴀𐴥𐴡𐴌𐴊𐴠 𐴁𐴦𐴠𐴙𐴐𐴢 𐴀𐴥𐴞𐴏𐴧𐴝 𐴔𐴝𐴘𐴧𐴝 𐴉𐴟𐴖𐴝𐴙𐴕 𐴱𐴱