𐴎𐴠𐴕𐴊𐴠𐴒𐴞 𐴁𐴤𐴝𐴓𐴝 𐴁𐴝𐴕𐴝𐴘𐴁𐴝𐴌 𐴐𐴥𐴡𐴂𐴧𐴡𐴕𐴠 𐴱 𐴌𐴟𐴇𐴝𐴙𐴚𐴒𐴙𐴝𐴌𐴠 𐴀𐴝𐴊𐴡𐴔 𐴁𐴞𐴘𐴝𐴌𐴞𐴌 𐴁𐴡𐴑𐴡𐴌𐴝 𐴁𐴝𐴕𐴦𐴝𐴌 𐴱𐴱 𐴱

𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞𐴌 𐴕𐴡𐴏𐴥𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴙𐴌 𐴎𐴡𐴌𐴞𐴘𐴝 𐴱 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴌𐴝 𐴓𐴡𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴱 𐴁𐴞𐴊𐴠𐴐𐴥𐴡𐴃 𐴎𐴝𐴘 𐴕𐴡𐴏𐴞𐴁 𐴁𐴤𐴝𐴓𐴝 𐴒𐴡𐴌𐴞𐴁𐴝𐴌 𐴏𐴡𐴑𐴧𐴡𐴌𐴡𐴃 𐴁𐴠𐴐𐴥𐴞 𐴀𐴝𐴏𐴝𐴕𐴞𐴌 𐴏𐴥𐴝𐴣𐴀𐴃𐴠 𐴱 𐴁𐴟𐴄 𐴓𐴡𐴘 𐴊𐴡𐴙𐴅𐴧𐴙𐴝𐴌 𐴌𐴝𐴏𐴃𐴝 𐴁𐴦𐴝𐴘 𐴎𐴝𐴘𐴁𐴡𐴓𐴧𐴝 𐴱 𐴀𐴝𐴊𐴡𐴔 𐴁𐴞𐴘𐴝𐴌𐴞𐴌 𐴇𐴥𐴝𐴃𐴡𐴃 𐴉𐴡𐴌𐴠𐴌 𐴒𐴦𐴡𐴘 𐴱 𐴎𐴟𐴓𐴟𐴔 𐴈𐴥𐴝𐴘𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴔𐴟𐴑𐴎𐴟𐴁𐴝𐴕𐴞 𐴔𐴡𐴎𐴞𐴕 𐴱 𐴀𐴝𐴊𐴡𐴔 𐴁𐴞𐴘𐴝𐴌𐴞 𐴊𐴝𐴓𐴝𐴓 𐴀𐴥𐴡𐴑𐴧𐴡𐴓𐴠 𐴑𐴠𐴀𐴠𐴔𐴡𐴌𐴃𐴟 𐴔𐴝𐴕𐴟𐴙𐴐𐴢 𐴓𐴡𐴘𐴎𐴝𐴘 𐴉𐴝𐴣𐴏𐴢𐴊𐴞𐴕 𐴉𐴦𐴝𐴕 𐴎𐴦𐴡𐴣𐴓𐴡𐴌 𐴁𐴥𐴟𐴃𐴡𐴌𐴠 𐴱 𐴖𐴝𐴙𐴐𐴧𐴝 𐴃𐴞𐴌𐴝𐴙𐴐𐴧𐴝 𐴌𐴝𐴑𐴥𐴞 𐴱 𐴱 / 𐴉𐴠𐴌𐴖𐴝𐴌𐴞 𐴰 𐴲 𐴰 𐴲 // 𐴸 𐴲 / 𐴔𐴝𐴒𐴢 𐴔𐴝𐴐𐴢 𐴱 𐴳 𐴲 𐴱 𐴌𐴟𐴇𐴝𐴙𐴚𐴒𐴙𐴝 𐴔𐴡𐴚𐴒𐴡𐴓 𐴁𐴝𐴌𐴠 𐴱 𐴉𐴡𐴕𐴎𐴝𐴙𐴐𐴢 𐴎𐴡𐴕 𐴊𐴤𐴡𐴌𐴠𐴊𐴠 𐴁𐴟𐴄 𐴀𐴠𐴑𐴧𐴝𐴕𐴡𐴃 𐴸 𐴳 𐴱 𐴎𐴡𐴕 𐴃𐴟𐴓𐴞 𐴔𐴡𐴓𐴠𐴐𐴥𐴙𐴝𐴌 𐴏𐴡𐴉𐴡𐴌𐴡𐴃 𐴕𐴠𐴀𐴠𐴓𐴧𐴙𐴠 𐴱𐴱

𐴎𐴝𐴘𐴁𐴝𐴌 𐴉𐴡𐴣𐴃𐴡𐴃 𐴁𐴝𐴚𐴓𐴝 𐴐𐴥𐴝𐴘𐴒𐴡𐴌𐴡𐴌 𐴏𐴥𐴝𐴙𐴕𐴄 𐴔𐴝𐴌𐴄𐴝𐴙𐴕 𐴋𐴞𐴘𐴝𐴌 𐴈𐴝𐴣𐴏𐴠 𐴈𐴝𐴣𐴏𐴠 𐴉𐴦𐴡𐴣𐴏𐴞 𐴐𐴥𐴞𐴓𐴡𐴃 𐴋𐴥𐴟𐴐𐴢 𐴈𐴦𐴝𐴘 𐴁𐴟𐴄 𐴋𐴟𐴉𐴥𐴞 𐴒𐴞𐴘𐴡𐴘 𐴱 𐴁𐴝𐴚𐴓𐴝𐴊𐴠𐴐𐴡𐴌 𐴊𐴡𐴙𐴅𐴧𐴙𐴝 𐴏𐴦𐴡𐴛 𐴉𐴟𐴓𐴞𐴐𐴠 𐴈𐴥𐴡𐴁𐴡𐴌 𐴉𐴝𐴘𐴧𐴡𐴌𐴠 𐴱 𐴃𐴡𐴌𐴝𐴃𐴡𐴌𐴞 𐴎𐴝𐴘 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴡𐴕𐴃𐴡 𐴳 𐴷 𐴎𐴡𐴕 𐴁𐴝𐴏𐴝𐴘 𐴉𐴝𐴙𐴅𐴧𐴙𐴠 𐴀𐴥𐴠𐴍𐴠 𐴁𐴥𐴟𐴃𐴡𐴌𐴠 𐴶 𐴴 𐴎𐴡𐴕 𐴔𐴝𐴘𐴧𐴝 𐴴 𐴲 𐴎𐴡𐴕 𐴔𐴡𐴌𐴡𐴊𐴢 𐴱 𐴀𐴥𐴞𐴃𐴝𐴌𐴝𐴌𐴠 𐴊𐴝𐴁𐴝𐴘 𐴒𐴡𐴌𐴞𐴁𐴡𐴓𐴧 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴉𐴦𐴡𐴣𐴏𐴝𐴘 𐴊𐴞𐴘𐴠 𐴱 𐴀𐴝𐴌 𐴉𐴟𐴕𐴊𐴡𐴌𐴥𐴡 𐴎𐴡𐴕 𐴔𐴡𐴌𐴝 𐴃𐴟𐴙𐴓𐴧𐴙𐴠 𐴀𐴥𐴠𐴍𐴠 𐴲 𐴱 𐴎𐴡𐴕 𐴔𐴝𐴘𐴧𐴝 𐴳 𐴎𐴡𐴕 𐴒𐴟𐴌𐴝 𐴉𐴟𐴖𐴝 𐴱 𐴇𐴥𐴞𐴏𐴝𐴁 𐴔𐴡𐴎𐴠𐴕 𐴀𐴝𐴌𐴀𐴥𐴡 𐴱 𐴵 𐴎𐴡𐴕 𐴀𐴝𐴙𐴅𐴥𐴡 𐴃𐴟𐴖𐴝𐴘 𐴕𐴦𐴡𐴉𐴝𐴀 𐴱𐴱

𐴷 𐴱 𐴰 𐴲 𐴐𐴥𐴡𐴕𐴡𐴃 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴱 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴅𐴠𐴕𐴡𐴏𐴝𐴙𐴋 𐴒𐴡𐴌𐴠𐴌𐴊𐴠 𐴀𐴥𐴠𐴃𐴧𐴟𐴕 𐴉𐴡𐴌𐴝𐴕 𐴁𐴝𐴏𐴝𐴘 𐴱 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴌𐴝 𐴓𐴡𐴘𐴧𐴠𐴊𐴠 𐴀𐴥𐴠𐴍𐴠 𐴱 𐴀𐴠𐴕𐴏𐴝𐴕𐴙𐴡𐴃 𐴏𐴥𐴝𐴌𐴝 𐴎𐴝𐴓𐴠𐴔 𐴀𐴝𐴊𐴡𐴔 𐴁𐴞𐴘𐴝𐴌𐴞 𐴀𐴥𐴡𐴑𐴧𐴡𐴓𐴠 𐴱 𐴋𐴦𐴡𐴙𐴓𐴧𐴝 𐴋𐴦𐴡𐴙𐴓𐴧𐴝 𐴓𐴝𐴓𐴡𐴏𐴢 𐴀𐴝𐴌 𐴐𐴥𐴡𐴂𐴧𐴡𐴕 𐴀𐴥𐴡𐴑𐴧𐴡𐴓 𐴊𐴠𐴈𐴦𐴝𐴘 𐴱 𐴌𐴟𐴇𐴝𐴙𐴚𐴒𐴙𐴝 𐴔𐴝𐴣 𐴁𐴤𐴡𐴙𐴕 𐴀𐴝𐴙𐴕 𐴊𐴤𐴡𐴌𐴠 𐴱 𐴈𐴡𐴕𐴋𐴠𐴓𐴧𐴝 𐴀𐴡𐴙𐴃𐴧𐴡𐴏𐴝𐴌𐴞𐴃 𐴉𐴥𐴠𐴓𐴝𐴘 𐴊𐴞𐴘𐴧𐴠 𐴈𐴡𐴘𐴁𐴝𐴌 𐴔𐴡𐴃𐴡𐴕 𐴕𐴥𐴝𐴘 𐴱 𐴒𐴡𐴃𐴡 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴃 𐴔𐴝𐴎𐴠 𐴘𐴥𐴡 𐴱 𐴁𐴝𐴚𐴓𐴝𐴊𐴠𐴐𐴡𐴌 𐴊𐴡𐴙𐴅𐴧𐴙𐴝 𐴏𐴦𐴡𐴛 𐴉𐴟𐴓𐴞𐴐𐴠 𐴲 𐴲 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴟𐴊𐴧𐴝𐴌 𐴒𐴡𐴌𐴞 𐴓𐴦𐴡𐴙𐴓 𐴱𐴱

𐴁𐴝𐴏𐴞 𐴉𐴝𐴙𐴅𐴧𐴙𐴠𐴊𐴠 𐴀𐴥𐴠𐴃𐴝𐴌𐴝 𐴈𐴡𐴘𐴧𐴠𐴊𐴠 𐴱 𐴀𐴝𐴌 𐴀𐴠𐴑𐴧𐴝𐴕 𐴁𐴟𐴄 𐴁𐴡𐴌𐴝𐴁𐴡𐴌 𐴀𐴠𐴊𐴦𐴟𐴕 𐴔𐴝𐴕𐴟𐴙𐴐𐴢 𐴓𐴡𐴘 𐴀𐴝𐴣𐴀𐴌𐴝𐴌 𐴉𐴥𐴟𐴣𐴖𐴝𐴣𐴃𐴞 𐴀𐴠𐴑𐴧𐴟 𐴄𐴝𐴙𐴔𐴡𐴃 𐴌𐴡𐴖𐴝𐴕𐴝 𐴀𐴥𐴡𐴘𐴧𐴠𐴊𐴠 𐴀𐴝𐴏𐴠 𐴱 𐴔𐴡𐴕𐴃𐴡𐴌 𐴁𐴝𐴚𐴓𐴝𐴊𐴠𐴐𐴞 𐴊𐴡𐴙𐴅𐴧𐴙𐴝 𐴏𐴦𐴡𐴛 𐴉𐴟𐴓𐴞𐴐𐴠 𐴃𐴝𐴌𐴝𐴌 𐴀𐴝𐴃𐴧𐴝 𐴉𐴝𐴃𐴧𐴝 𐴕𐴡 𐴉𐴝𐴌 𐴁𐴡𐴓𐴞 𐴈𐴡𐴘𐴧𐴠 𐴱 𐴊𐴟𐴘𐴧𐴝𐴕 𐴕𐴠𐴁𐴞 𐴀𐴝𐴌 𐴊𐴟𐴘𐴧𐴝𐴕 𐴊𐴡𐴙𐴅𐴧𐴙𐴝 𐴏𐴦𐴡𐴛 𐴉𐴟𐴓𐴞𐴐𐴡𐴌 𐴁𐴟𐴄 𐴱 𐴁𐴟𐴄 𐴋𐴟𐴙𐴂𐴧𐴠𐴊𐴠 𐴀𐴥𐴠𐴃𐴝𐴌𐴝𐴌𐴠 𐴃𐴟𐴖𐴡𐴕𐴡𐴌 𐴀𐴝𐴌 𐴁𐴝𐴏𐴝𐴘𐴁𐴝𐴌 𐴈𐴝𐴔𐴡𐴃 𐴓𐴝𐴒𐴝𐴘𐴧𐴝 𐴀𐴝𐴏𐴠 𐴱 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴀𐴠𐴅𐴠𐴕𐴏𐴞 𐴘𐴠 𐴔𐴡𐴚𐴒𐴡𐴓 𐴁𐴝𐴌𐴡𐴌 𐴊𐴡𐴙𐴁 𐴒𐴤𐴡𐴄𐴡𐴕𐴝 𐴘𐴝𐴕𐴡𐴌𐴠 ” 𐴋𐴝𐴑 ” 𐴈𐴦𐴡𐴘 𐴕𐴝𐴔 𐴊𐴞𐴘𐴠 𐴱 𐴀𐴝𐴌 𐴈𐴥𐴝𐴌𐴝 𐴇𐴠𐴉𐴝𐴎𐴡𐴃 𐴀𐴝𐴌 𐴀𐴞𐴎𐴧𐴡𐴃𐴡𐴌 𐴏𐴥𐴝𐴣𐴀𐴃𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴕𐴞𐴎𐴝𐴘𐴁𐴡𐴓𐴧𐴝 𐴁𐴡𐴌𐴔𐴝 𐴇𐴥𐴡𐴑𐴟𐴔𐴡𐴃𐴡𐴌𐴠 𐴈𐴡𐴘𐴧𐴠 𐴱𐴱