𐴑𐴠𐴂𐴧𐴟𐴌𐴟𐴌 𐴔𐴟𐴏𐴡𐴓𐴔𐴝𐴕 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴐𐴥𐴡𐴀𐴌𐴡𐴌 𐴁𐴥𐴟𐴃𐴡𐴌𐴠 𐴕𐴞𐴎𐴡𐴌 𐴎𐴝𐴒𐴝𐴃 𐴊𐴞𐴁𐴝𐴌 𐴈𐴡𐴃𐴥𐴝 𐴏𐴡𐴓𐴦𐴠𐴌 𐴱𐴱

𐴲 𐴱 𐴰 𐴲 𐴀𐴞𐴚𐴌𐴝𐴎𐴞 𐴴 𐴲 𐴲 𐴱 𐴌𐴟𐴇𐴝𐴙𐴚𐴒𐴙𐴝 𐴐𐴡𐴕𐴡𐴌 𐴐𐴥𐴡𐴚𐴑𐴡𐴄𐴡𐴌 𐴎𐴡𐴌𐴞𐴘𐴝 𐴱 𐴑𐴠𐴂𐴧𐴟𐴌𐴟𐴃 𐴑𐴙𐴥𐴡𐴑 𐴃𐴡𐴓𐴧𐴟𐴚 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴁𐴝𐴕𐴝𐴘 𐴱 𐴄𐴡𐴀𐴕𐴡𐴌 𐴁𐴥𐴟𐴃𐴡𐴌𐴠 𐴃𐴥𐴝𐴑𐴞𐴃𐴡𐴊𐴠 𐴰 𐴶 𐴳 𐴖𐴡𐴌𐴠 𐴒𐴤𐴡𐴌𐴒𐴟𐴐𐴧𐴞 𐴱 𐴀𐴠𐴑 𐴇𐴥𐴝𐴎𐴝𐴌𐴡𐴌 𐴖𐴡𐴌𐴠 𐴔𐴝𐴙𐴕𐴐𐴡𐴌𐴠 𐴕𐴞𐴎𐴝𐴘 𐴀𐴥𐴠 𐴑𐴠𐴀𐴠𐴔𐴡𐴃 𐴌𐴝𐴙𐴑𐴧𐴙𐴠 𐴱𐴱 𐴳 / 𐴉𐴠𐴌𐴖𐴝𐴌𐴞 𐴔𐴝𐴐𐴡𐴃 𐴌𐴞 𐴏𐴠𐴄𐴡𐴓𐴔𐴥𐴠𐴕𐴄 𐴀𐴝𐴌 𐴌𐴞𐴓𐴦𐴞𐴉𐴢 𐴋𐴞𐴂𐴝𐴀𐴌 𐴔𐴥𐴠𐴕𐴄𐴡𐴌𐴃𐴟 𐴎𐴞𐴔𐴧𐴊𐴝𐴌 𐴀𐴥𐴡𐴑𐴧𐴡𐴓𐴠 𐴱 𐴀𐴥𐴠 𐴌𐴞𐴉𐴟𐴎𐴞 𐴀𐴥𐴟𐴀𐴕𐴡𐴌𐴠 𐴐𐴥𐴡𐴀𐴌𐴡𐴌 𐴁𐴥𐴟𐴃𐴡𐴌𐴠 𐴎𐴝𐴌 𐴎𐴝𐴒𐴝𐴃 𐴃𐴝𐴌𐴠 𐴎𐴝𐴘 𐴃𐴥𐴝𐴑𐴞𐴃𐴡 𐴊𐴞𐴁𐴝𐴌 𐴔𐴡𐴐𐴟𐴖𐴝𐴌𐴝 𐴒𐴡𐴌𐴦𐴠𐴌 𐴱 𐴑𐴙𐴥𐴡𐴑 𐴃𐴡𐴓𐴧𐴟𐴚 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴀𐴥𐴟𐴑𐴝𐴄𐴝 / 𐴅𐴡𐴕𐴝𐴁 𐴂𐴟𐴌𐴟 𐴆𐴙𐴠 𐴘𐴠 𐴇𐴥𐴡𐴑𐴟𐴔𐴡𐴃𐴡𐴌𐴠 𐴈𐴡𐴘𐴧𐴠𐴊𐴠 𐴱 𐴀𐴝𐴣𐴀𐴌𐴝𐴌𐴃𐴟 𐴕𐴞𐴎𐴡𐴌 𐴒𐴤𐴡𐴌 𐴀𐴝𐴌 𐴁𐴥𐴞𐴍𐴝 𐴀𐴝𐴏𐴠 𐴱 𐴀𐴥𐴠 𐴕𐴞𐴎𐴡𐴌 𐴎𐴝𐴒𐴝𐴃 𐴎𐴝𐴘 𐴃𐴥𐴝𐴙𐴑𐴧𐴟𐴔𐴁𐴥𐴡𐴘𐴊𐴦𐴠 𐴱𐴱

𐴑𐴠𐴂𐴧𐴟𐴌𐴟 𐴄𐴡𐴀𐴕𐴡𐴌 𐴔𐴡𐴒𐴢 / 𐴀𐴟𐴢𐴀 𐴄𐴥𐴗𐴥𐴠𐴚 𐴑𐴠𐴌𐴠 𐴘𐴠 𐴱 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴄𐴡𐴀𐴕𐴡𐴌 𐴁𐴥𐴟𐴃𐴡𐴌𐴠 𐴎𐴝𐴌 𐴁𐴥𐴞𐴍𐴝𐴃 𐴃𐴝𐴌𐴠 𐴊𐴡𐴕𐴡𐴃 𐴕𐴝𐴌𐴝𐴎𐴞 𐴊𐴠𐴈𐴥𐴝𐴘𐴧𐴠 𐴱 𐴀𐴝𐴌 𐴀𐴥𐴡 𐴈𐴡𐴘𐴧𐴠𐴊𐴠 𐴑𐴠𐴀𐴠𐴔 𐴁𐴥𐴝𐴚𐴞 𐴉𐴥𐴠𐴓𐴝𐴘 𐴄𐴡𐴀𐴕𐴡𐴌 𐴁𐴦𐴝𐴌𐴠 𐴀𐴥𐴞𐴃𐴝𐴌𐴝𐴌𐴠 𐴒𐴤𐴡𐴌 𐴁𐴝𐴣𐴊𐴞 𐴊𐴡𐴀 𐴱 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴀𐴥𐴞𐴃𐴝𐴌𐴝𐴌 𐴀𐴝𐴏𐴥𐴡𐴓 𐴎𐴝𐴒𐴝𐴃 𐴊𐴦𐴡𐴕𐴧𐴝𐴕 𐴱 𐴔𐴡𐴒𐴠 𐴑𐴡𐴁𐴟𐴓 𐴕𐴡𐴒𐴡𐴌𐴠𐴌𐴊𐴠 𐴀𐴡𐴑𐴃𐴡𐴃 𐴱 𐴔𐴟𐴏𐴡𐴓𐴔𐴝𐴕𐴡𐴌𐴠 𐴃𐴝𐴌𐴝𐴌 𐴀𐴝𐴏𐴥𐴡𐴓 𐴎𐴝𐴒𐴝𐴃 𐴊𐴞𐴓𐴠 𐴱 𐴀𐴝𐴒𐴠𐴎𐴝𐴘 𐴇𐴝𐴓𐴡𐴃 𐴁𐴠𐴐𐴥𐴞 𐴈𐴥𐴡𐴌𐴝𐴁 𐴀𐴥𐴡𐴙𐴃 𐴉𐴝𐴌𐴠 𐴁𐴡𐴓𐴞 𐴱 𐴑𐴙𐴡𐴑𐴄𐴡𐴌 𐴂𐴝𐴌𐴓𐴞𐴔𐴠𐴕 𐴔𐴞𐴔𐴁𐴡𐴌 / 𐴀𐴥𐴟𐴀 𐴑𐴙𐴡 𐴓𐴗𐴝𐴚𐴠 𐴈𐴡𐴘𐴧𐴠 𐴱𐴱

𐴑𐴠𐴀𐴠𐴔 𐴁𐴥𐴝𐴚𐴞𐴉𐴥𐴠𐴓𐴝𐴘 𐴁𐴦𐴝𐴊𐴠 𐴔𐴝𐴙𐴕𐴐𐴡𐴌𐴠 𐴎𐴝𐴌 𐴎𐴝𐴒𐴝𐴃 𐴃𐴝𐴌𐴠 𐴉𐴦𐴡𐴣𐴏𐴝𐴘𐴊𐴦𐴡𐴕 𐴱 𐴑𐴟𐴉𐴞 𐴀𐴝𐴕𐴝𐴕𐴡𐴌 𐴌𐴠𐴂𐴟𐴄𐴡𐴃 𐴀𐴥𐴡 𐴀𐴝𐴏𐴠 𐴱 𐴀𐴝𐴌 𐴀𐴝𐴘 𐴏𐴞 𐴅𐴠𐴌 𐴐𐴡𐴌𐴡𐴃𐴡𐴌 𐴁𐴥𐴟𐴃𐴡𐴌𐴠 𐴘𐴦𐴡 𐴱 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌𐴠 𐴔𐴝𐴕𐴞 𐴓𐴡𐴘 𐴱 𐴀𐴝𐴎𐴝𐴊𐴞𐴌 𐴏𐴥𐴝𐴣𐴀𐴃𐴠 𐴀𐴝𐴐𐴥𐴝 𐴎𐴝𐴁𐴝 𐴒𐴡𐴌𐴞𐴉𐴝𐴌𐴞𐴁𐴝𐴌 𐴀𐴠𐴅𐴝𐴎𐴡𐴃 𐴊𐴦𐴡𐴕 𐴀𐴝𐴏𐴠 𐴱 𐴔𐴡𐴒𐴢 𐴀𐴥𐴡𐴑𐴧𐴡𐴓𐴡𐴌 𐴉𐴡𐴌𐴡𐴏𐴃𐴝𐴁 𐴔𐴡𐴎𐴞𐴕 𐴑𐴠𐴀𐴠𐴔 𐴁𐴥𐴝𐴚𐴞 𐴉𐴥𐴠𐴓𐴝𐴘 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌𐴠 𐴎𐴝𐴌 𐴎𐴝𐴒𐴝𐴃 𐴃𐴝𐴌𐴠 𐴕𐴡𐴊𐴞 𐴱 𐴄𐴡𐴀𐴕𐴡𐴌𐴃𐴟 𐴊𐴟𐴌𐴠 𐴀𐴝𐴓𐴡𐴒𐴢 𐴉𐴝𐴌𐴝 𐴁𐴝𐴣𐴊𐴞 𐴊𐴦𐴡𐴕 𐴱 ” 𐴔𐴦𐴝𐴕𐴞 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌𐴠 𐴀𐴠𐴑 𐴑𐴠𐴀𐴠𐴔𐴡𐴌𐴃𐴟 𐴕𐴠𐴓𐴝𐴘 𐴀𐴝𐴌𐴀𐴠𐴑𐴧𐴠𐴀𐴠𐴔𐴡𐴃 𐴉𐴦𐴡𐴣𐴏𐴝𐴘 𐴊𐴦𐴡𐴕 ” 𐴎𐴞𐴘𐴝𐴕 𐴑𐴟𐴉𐴞 𐴀𐴝𐴕𐴝𐴕 𐴑𐴡𐴔𐴞𐴐𐴠𐴕𐴡𐴌 𐴌𐴠𐴂𐴟𐴄𐴡𐴌 𐴀𐴟𐴓𐴋𐴝 𐴁𐴡𐴓𐴞 𐴱 𐴑𐴟𐴉𐴞 𐴀𐴝𐴕𐴝𐴕 𐴑𐴡𐴔𐴞𐴐𐴠𐴕𐴡𐴌 𐴔𐴞𐴔𐴁𐴡𐴌 / 𐴀𐴥𐴟𐴀 𐴀𐴥𐴠𐴀 𐴓𐴗𐴝𐴚𐴠 𐴈𐴡𐴘𐴧𐴠 𐴱𐴱

Sources : RFA Burmese