𐴔𐴠𐴓𐴠𐴄𐴠𐴌𐴞𐴌 𐴆𐴠𐴀𐴓𐴡𐴌 𐴎𐴡𐴌𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑𐴎𐴡𐴕 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴁𐴥𐴟𐴏𐴞𐴊𐴡𐴚𐴡𐴃 𐴱𐴱

𐴁𐴥𐴟𐴏𐴞𐴊𐴡𐴚 —— 𐴒𐴠𐴙𐴓𐴊𐴠 𐴳 / 𐴲 / 𐴰 𐴲 𐴰 𐴲 𐴀𐴞𐴚𐴌𐴝𐴎𐴞 𐴰 𐴲 / 𐴱 𐴱 / 𐴱 𐴳 𐴲 𐴱 𐴌𐴟𐴇𐴝𐴙𐴚𐴒𐴙𐴝 𐴃𐴝𐴌𐴞𐴑𐴡𐴃 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴕𐴠𐴂𐴞𐴘𐴠 𐴋𐴡𐴃 𐴈𐴥𐴡𐴁𐴡𐴌𐴑𐴝𐴌 ( 𐴌𐴠𐴂𐴟𐴄𐴝𐴌 ) 𐴀𐴥𐴡𐴑𐴧𐴡𐴓𐴡𐴌 𐴁𐴡𐴘𐴍𐴡𐴑 𐴒𐴡𐴌𐴞 𐴱 𐴀𐴝𐴘 𐴏𐴞 𐴅𐴠𐴌 𐴀𐴠𐴓𐴝𐴕𐴡𐴌 𐴁𐴝𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴱 𐴎𐴟𐴓𐴟𐴔𐴒𐴡𐴌𐴠𐴌𐴊𐴠 𐴀𐴥𐴞𐴀𐴕 𐴔𐴡𐴒𐴁𐴝𐴒𐴞𐴌 𐴉𐴠𐴍𐴡𐴌 𐴖𐴡𐴌𐴠 𐴃𐴟𐴓𐴞𐴊𐴞𐴌 𐴱 𐴔𐴡𐴒𐴁𐴝𐴒𐴞𐴘𐴠 𐴀𐴞𐴕𐴑𐴝𐴌 𐴒𐴡𐴌𐴠𐴌 𐴱 𐴀𐴠𐴕𐴋𐴞𐴓𐴝 𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴀𐴠𐴑𐴎𐴡𐴕𐴠 𐴀𐴡𐴉𐴡𐴌 𐴎𐴡𐴕𐴡𐴌𐴠 𐴀𐴠𐴓𐴎𐴝𐴔 𐴊𐴞𐴘𐴝 𐴊𐴞𐴌 𐴏𐴥𐴞𐴓𐴏𐴞𐴓𐴝𐴃 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴉𐴝𐴌𐴝 𐴀𐴥𐴡𐴑𐴧𐴡𐴓𐴡𐴃 𐴓𐴝𐴌𐴝𐴘 𐴒𐴡𐴌𐴞 𐴌𐴟𐴇𐴝𐴙𐴚𐴒𐴙𐴝 𐴔𐴝𐴌𐴞 𐴉𐴥𐴠𐴓𐴝𐴌 𐴱𐴱

𐴉𐴠𐴌𐴖𐴝𐴌𐴞 𐴵 𐴃𐴝𐴌𐴞𐴑 𐴉𐴥𐴟𐴌𐴝𐴘𐴧𐴠𐴊𐴠 𐴌𐴝𐴃𐴡𐴃 𐴱 𐴁𐴥𐴟𐴏𐴞𐴊𐴡𐴚𐴡𐴌 𐴊𐴦𐴡𐴙𐴕𐴠 𐴏𐴝𐴚𐴒𐴟𐴊𐴝𐴙𐴚𐴡𐴌 𐴏𐴥𐴞𐴕𐴄𐴠 𐴂𐴠𐴘𐴞𐴚 𐴉𐴝𐴌𐴝𐴃 𐴱 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴁𐴝𐴒𐴞𐴌 𐴔𐴝𐴎𐴠 𐴀𐴥𐴡𐴘𐴧𐴠𐴊𐴠 𐴓𐴝𐴌𐴝𐴙𐴃 𐴱 𐴔𐴠𐴓𐴠𐴄𐴠𐴌𐴞𐴌 𐴆𐴠𐴀𐴓 𐴉𐴡𐴌𐴞 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑𐴎𐴡𐴕 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴱 𐴎𐴡𐴈𐴡𐴔 𐴁𐴠𐴐𐴥𐴞 𐴈𐴡𐴃𐴡𐴌𐴝 𐴀𐴥𐴡𐴕𐴠 𐴁𐴥𐴟𐴏𐴞𐴊𐴡𐴚𐴡𐴌 𐴋𐴝𐴄𐴡𐴌 𐴈𐴥𐴝𐴕𐴝 𐴘𐴠 𐴀𐴞𐴕𐴑𐴝𐴌 𐴒𐴡𐴙𐴅𐴧𐴙𐴠 𐴱 𐴀𐴠𐴈𐴡𐴕 𐴔𐴡𐴚𐴋𐴥𐴟𐴌 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴒𐴥𐴡𐴓𐴝𐴘 𐴊𐴝𐴁𐴝𐴘 𐴒𐴡𐴌𐴦𐴠𐴌 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴞𐴁𐴝𐴌 𐴕𐴝𐴔 𐴀𐴥𐴡𐴙𐴓𐴊𐴠 / 𐴀𐴝𐴃𐴝𐴀𐴟𐴓𐴧𐴝𐴇𐴢 𐴁𐴝𐴉𐴢 𐴈𐴝𐴓𐴝 𐴔𐴞𐴛𐴝 𐴁𐴡𐴐𐴢 𐴳 𐴳 𐴁𐴡𐴏𐴡𐴌 𐴱 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴁𐴝𐴒𐴞𐴌 𐴔𐴝𐴎𐴠 𐴋𐴡𐴓𐴝 𐴋𐴡𐴓𐴞𐴃 𐴱 𐴌𐴟𐴇𐴝𐴙𐴚𐴒𐴙𐴝 𐴉𐴞𐴐𐴥𐴞 𐴎𐴝𐴌𐴒𐴦𐴡𐴘 𐴱 𐴊𐴠𐴐𐴡𐴌 𐴁𐴥𐴟𐴃𐴡𐴌𐴡𐴌 𐴏𐴥𐴡𐴀𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴱 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴁𐴝𐴒𐴞 𐴊𐴟𐴕𐴥𐴟 𐴋𐴦𐴝𐴙𐴌 𐴃𐴝𐴌𐴒𐴥𐴠𐴄 𐴀𐴥𐴡𐴙𐴓𐴊𐴠 𐴌𐴟𐴇𐴝𐴙𐴚𐴒𐴙𐴝 𐴔𐴝𐴌𐴞𐴉𐴥𐴠𐴓𐴦𐴡𐴕 𐴱𐴱