𐴁𐴥𐴟𐴏𐴞𐴊𐴡𐴚𐴡𐴃 𐴔𐴟𐴏𐴡𐴓𐴔𐴝𐴕 𐴎𐴟𐴓𐴟𐴔 𐴈𐴥𐴝𐴌𐴊𐴠 𐴱 𐴘𐴥𐴝𐴕𐴡𐴃 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴁𐴝𐴒𐴞 𐴱 𐴀𐴠𐴑𐴎𐴡𐴕𐴠 𐴀𐴝𐴌 𐴀𐴠𐴑𐴎𐴡𐴕𐴡𐴌𐴠 𐴀𐴠𐴓𐴎𐴝𐴔 𐴊𐴠𐴌 𐴱𐴱

𐴕𐴠𐴂𐴞𐴘𐴠 𐴋𐴦𐴡𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴒𐴡𐴙𐴅𐴧𐴙𐴠𐴊𐴠 𐴈𐴥𐴡𐴁𐴡𐴌 𐴑𐴝𐴌 ( 𐴌𐴠𐴂𐴢𐴢𐴄𐴝𐴌 ) 𐴡𐴌 𐴔𐴡𐴅𐴓𐴞𐴏𐴡𐴃 𐴱 𐴀𐴝𐴌𐴑𐴝𐴕𐴡𐴌 𐴁𐴥𐴟𐴏𐴞𐴊𐴡𐴚𐴡𐴃 𐴱 𐴔𐴡𐴚𐴋𐴥𐴟𐴃 𐴱 𐴔𐴡𐴒𐴁𐴝𐴒𐴞 (𐴀𐴠 𐴀𐴠 ) 𐴌 𐴇𐴥𐴡𐴌𐴑𐴡𐴃𐴡𐴌 𐴎𐴡𐴌𐴞𐴘𐴝 𐴱 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓 𐴔𐴡𐴌𐴠𐴌 𐴱 𐴒𐴥𐴝𐴙𐴓 𐴀𐴥𐴡𐴀𐴌 𐴱 𐴁𐴡𐴓𐴡𐴃𐴑𐴝𐴌𐴞𐴌 𐴐𐴥𐴞𐴑𐴝𐴌 𐴀𐴥𐴡𐴀𐴌 𐴁𐴡𐴓𐴞 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴔𐴡𐴒𐴁𐴝𐴒𐴞𐴌𐴠 𐴀𐴠𐴓𐴎𐴝𐴔 𐴊𐴞𐴘𐴠 𐴱 𐴔𐴡𐴒𐴁𐴝𐴒𐴞 𐴘𐴠 𐴓𐴡𐴒𐴠 𐴓𐴡𐴒𐴠 𐴔𐴠𐴓𐴠𐴄𐴠𐴌𐴞𐴌 𐴀𐴠𐴓𐴎𐴝𐴔 𐴒𐴡𐴓𐴡𐴃 𐴁𐴡𐴓𐴞 𐴈𐴡𐴘𐴧𐴠 𐴱 𐴀𐴝𐴌 𐴀𐴥𐴡 𐴈𐴡𐴘𐴧𐴠𐴊𐴠 𐴀𐴝𐴌𐴑𐴝𐴕𐴡𐴃 𐴔𐴡𐴒𐴢 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴔𐴝𐴎𐴠 𐴈𐴡𐴙𐴅𐴧𐴙𐴝 𐴓𐴝𐴒𐴝𐴘𐴊𐴞𐴁𐴝𐴌 𐴁𐴠𐴁𐴡𐴏𐴃𐴝 𐴒𐴡𐴌𐴠𐴌𐴊𐴠 𐴱𐴱

𐴒𐴡𐴃𐴡 𐴈𐴝𐴙𐴓𐴧𐴙𐴝 𐴳 / 𐴲 / 𐴰 𐴲 𐴰 𐴲 𐴀𐴞𐴚𐴌𐴝𐴎𐴞 𐴰 𐴲 / 𐴔𐴝𐴒 𐴔𐴝𐴐𐴢 𐴱 𐴳 𐴲 𐴱 𐴌𐴟𐴇𐴝𐴙𐴚𐴒𐴙𐴝 𐴃𐴝𐴌𐴞𐴑𐴡𐴃 𐴕𐴠𐴂𐴞𐴘𐴠 𐴋𐴦𐴡𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴒𐴡𐴙𐴅𐴧𐴙𐴠𐴊𐴠 𐴱 𐴈𐴥𐴡𐴁𐴡𐴌 𐴑𐴝𐴌 ( 𐴌𐴠𐴂𐴟𐴄𐴝𐴌 ) 𐴀𐴥𐴑𐴧𐴡𐴓𐴡𐴌 𐴔𐴡𐴅𐴓𐴞𐴏𐴡𐴃 𐴱 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌 𐴁𐴝𐴁𐴡𐴃𐴠 𐴱 𐴊𐴠𐴐𐴁𐴞𐴊𐴠𐴐𐴡𐴌 𐴀𐴞𐴕𐴏𐴝𐴉𐴢 𐴑𐴦𐴟𐴄 ( 𐴀𐴝𐴘 𐴏𐴞 𐴅𐴠 ) 𐴃 𐴁𐴡𐴌𐴔𐴝𐴌 𐴀𐴟𐴓𐴋𐴝 𐴔𐴡𐴀𐴊𐴧𐴞𐴔𐴝 𐴏𐴡𐴓𐴠𐴌𐴊𐴠 𐴀𐴡𐴑𐴃𐴡𐴃 𐴱 𐴔𐴡𐴒𐴁𐴝𐴒𐴞 ( 𐴀𐴠 𐴀𐴠 ) 𐴘𐴠 𐴎𐴝𐴕𐴞 𐴉𐴥𐴟𐴕𐴞 𐴔𐴡𐴑𐴏𐴟𐴊 𐴓𐴡𐴘 𐴱 𐴁𐴡𐴌𐴔𐴝𐴌 𐴕𐴝𐴔 𐴈𐴥𐴡𐴌𐴝𐴁 𐴒𐴡𐴌𐴞𐴁𐴡𐴓𐴧𐴝 𐴒𐴡𐴌𐴠𐴌𐴊𐴠 𐴁𐴡𐴓𐴞 𐴱 𐴔𐴠𐴓𐴠𐴄𐴠𐴌𐴞𐴌 𐴃𐴡𐴌𐴉𐴡𐴌 𐴈𐴡𐴃𐴥𐴝 𐴈𐴦𐴡𐴙𐴕𐴧𐴙𐴝 / 𐴁𐴟𐴔𐴤𐴟 𐴆𐴥𐴗𐴑 𐴎𐴡 𐴔𐴥𐴞𐴕 𐴄𐴟𐴚𐴠 𐴀𐴠𐴓𐴎𐴝𐴔 𐴊𐴞 𐴈𐴡𐴘𐴧𐴠 𐴱 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴑𐴡𐴖𐴔𐴞 𐴉𐴥𐴡𐴏𐴝𐴊 𐴀𐴥𐴡𐴘𐴁𐴡𐴓𐴧𐴝 𐴀𐴟𐴏𐴑𐴝𐴘 𐴊𐴠𐴌𐴊𐴠 𐴁𐴡𐴓𐴞 𐴱 𐴁𐴝𐴒𐴞𐴌 𐴃𐴡𐴌𐴉𐴡𐴌 𐴈𐴡𐴃𐴥𐴝 𐴈𐴦𐴡𐴙𐴕𐴧𐴙𐴝 / 𐴑𐴝𐴙𐴚 𐴏𐴥𐴟𐴑𐴝 𐴘𐴠 𐴈𐴡𐴘𐴧𐴠 𐴱𐴱

𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴀𐴝𐴌𐴑𐴝𐴕𐴡𐴃 𐴅𐴠𐴕𐴡𐴏𐴝𐴙𐴋 𐴒𐴡𐴙𐴅𐴧𐴙𐴠𐴊𐴠 ( 𐴀𐴝𐴘 𐴏𐴞 𐴅𐴠 ) 𐴀𐴞𐴕𐴏𐴝𐴉 𐴑𐴦𐴢𐴢𐴍𐴠 𐴈𐴡𐴘𐴧𐴠𐴊𐴠 𐴀𐴡𐴑𐴃𐴡𐴃 𐴱 𐴁𐴡𐴌𐴔𐴝 𐴘𐴠 𐴀𐴝𐴎𐴝𐴊 𐴀𐴞𐴕𐴑𐴗𐴌𐴞 𐴑𐴡𐴔𐴞𐴐𐴠𐴕 𐴁𐴝𐴕𐴝𐴘 𐴱 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞𐴘𐴠 𐴅𐴠𐴕𐴡𐴏𐴝𐴙𐴋 𐴒𐴡𐴙𐴅𐴧𐴙𐴠𐴊𐴠 𐴀𐴥𐴞𐴕𐴡𐴌𐴠 𐴃𐴡𐴊𐴝𐴌𐴟𐴑 𐴒𐴡𐴌𐴠𐴌𐴊𐴠 𐴄𐴝𐴙𐴔𐴡𐴃 𐴱 𐴁𐴦𐴠𐴐𐴢 𐴀𐴥𐴞𐴧𐴏𐴝 𐴌𐴟𐴇𐴝𐴙𐴚𐴒𐴙𐴝 𐴃𐴥𐴝𐴑𐴠𐴊𐴠 𐴎𐴝𐴒𐴝 𐴁𐴥𐴟𐴏𐴞𐴊𐴡𐴚 𐴀𐴝𐴌 𐴔𐴡𐴚𐴋𐴥𐴟𐴃 𐴱 𐴀𐴠 𐴀𐴠 𐴔𐴡𐴒𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴓𐴝𐴌𐴥𐴝𐴘 𐴒𐴡𐴌𐴦𐴠𐴌 𐴱 𐴀𐴠 𐴀𐴠 𐴔𐴡𐴒𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴠 𐴱 𐴏𐴡𐴓𐴠𐴌𐴊𐴠 𐴁𐴡𐴏𐴥𐴡𐴌𐴡𐴌𐴃𐴟𐴁𐴝𐴌𐴥𐴡 𐴁𐴦𐴠𐴐𐴢 𐴀𐴥𐴡𐴌𐴊𐴠 𐴓𐴝𐴌𐴝𐴙𐴃 𐴱 𐴔𐴡𐴒𐴢 𐴀𐴥𐴡𐴑𐴧𐴡𐴓𐴠 𐴊𐴟𐴑 𐴉𐴝𐴘𐴓𐴠 𐴘𐴥𐴡 𐴱 𐴀𐴠𐴈𐴥𐴡𐴕 𐴌𐴢𐴢𐴇𐴝𐴙𐴚𐴒𐴙𐴝 𐴔𐴢𐴢𐴏𐴡𐴓𐴔𐴝𐴕𐴡𐴌 𐴖𐴡𐴌𐴠 𐴎𐴟𐴓𐴟𐴔 𐴁𐴠𐴐𐴥𐴞 𐴀𐴥𐴡𐴀𐴌 𐴱𐴱