𐴀𐴝𐴊𐴡𐴔 𐴐𐴥𐴡𐴊𐴡𐴌𐴡𐴌 𐴔𐴝𐴙𐴌 𐴈𐴥𐴝𐴘𐴧𐴝 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴉𐴝𐴣𐴏𐴢 𐴎𐴡𐴕 𐴔𐴡𐴒𐴧𐴗𐴥𐴠𐴃 𐴊𐴤𐴡𐴌𐴝 𐴉𐴡𐴙𐴅𐴧𐴙𐴠 𐴱𐴱

𐴔𐴤𐴞𐴕𐴓𐴝 —— 𐴹 𐴲 / 𐴅𐴝𐴕𐴢𐴢𐴖𐴝𐴌𐴞 𐴰 𐴲 𐴰 𐴲 𐴀𐴞𐴚𐴌𐴝𐴎𐴞 𐴵 𐴱 / 𐴔𐴝𐴒𐴢 𐴔𐴝𐴐𐴢 𐴱 𐴳 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴃𐴝𐴌𐴞𐴑𐴡𐴌𐴊𐴞𐴕 𐴱 𐴔𐴡𐴒𐴧𐴗𐴥𐴠 𐴋𐴞𐴐𐴄𐴞𐴑𐴡𐴌 𐴔𐴤𐴞𐴕𐴓𐴝 𐴐𐴥𐴡𐴀𐴌𐴡𐴌 𐴉𐴢𐴢𐴓𐴞𐴐𐴡𐴌 𐴀𐴥𐴝𐴃𐴡𐴃 𐴱 𐴊𐴝𐴓𐴝𐴓 𐴀𐴥𐴡𐴑𐴧𐴡𐴓𐴠 𐴌𐴠𐴚𐴒𐴢𐴢𐴕 𐴒𐴥𐴡𐴓𐴝𐴌 𐴒𐴥𐴡𐴘𐴊𐴠 𐴉𐴡𐴣𐴃𐴡𐴃 𐴱 𐴂𐴡𐴧𐴏𐴞𐴔- 𐴔𐴡𐴕𐴞𐴘𐴝 𐴇𐴥𐴝𐴘 𐴖𐴥𐴠 ( 𐴌𐴝𐴎𐴌𐴝𐴧𐴏𐴝 ) 𐴌 𐴔𐴝𐴙𐴓 𐴑𐴥𐴢𐴢𐴣𐴍𐴝 ( 𐴱 / 𐴵 𐴱 𐴲 ) 𐴓𐴡𐴔𐴁𐴡𐴌𐴡𐴌 𐴏𐴠𐴑𐴡𐴃 𐴱 𐴀𐴝𐴊𐴡𐴔 𐴐𐴥𐴡𐴊𐴡𐴌𐴡𐴌 𐴔𐴝𐴙𐴌 𐴈𐴥𐴝𐴘𐴧𐴝 𐴌𐴢𐴢𐴇𐴝𐴙𐴚𐴒𐴙𐴝 𐴉𐴝𐴣𐴏𐴢 𐴎𐴡𐴕 𐴊𐴤𐴡𐴌𐴝 𐴉𐴡𐴙𐴅𐴧𐴙𐴠 𐴱 𐴔𐴝𐴕𐴢𐴢𐴙𐴐𐴢 𐴀𐴥𐴢𐴢𐴀𐴕 𐴑𐴙𐴡𐴑𐴄𐴡 𐴀𐴠𐴓𐴝𐴑𐴝𐴌 𐴐𐴗𐴠 𐴂𐴥𐴠 𐴉𐴝𐴌𐴝𐴌 𐴃𐴥𐴝𐴑𐴦𐴡𐴙𐴕𐴧𐴝 𐴱 𐴔𐴡𐴓𐴠𐴐𐴙𐴥𐴝 𐴎𐴝𐴁𐴡𐴓𐴧𐴝 𐴒𐴤𐴡𐴌𐴡𐴌𐴃𐴢𐴢 𐴱𐴱

𐴌𐴠𐴚𐴒𐴢𐴢𐴕 𐴉𐴦𐴡𐴣𐴏𐴞𐴓𐴠 𐴰 𐴰 𐴰 𐴰 𐴳 𐴄𐴞𐴛𐴝 𐴘𐴥𐴝𐴕𐴃𐴢𐴢 𐴔𐴡𐴓𐴠𐴐𐴙𐴥𐴝 𐴉𐴦𐴡𐴣𐴏𐴞𐴓𐴠 𐴰 𐴰 𐴰 𐴵 𐴲 𐴄𐴞𐴛𐴝 𐴊𐴞𐴁𐴡 𐴁𐴡𐴓𐴞 𐴱 𐴊𐴝𐴓𐴝𐴓 𐴓𐴡𐴘 𐴐𐴡𐴌𐴡 𐴒𐴡𐴌𐴞 𐴕𐴠𐴙𐴓𐴧𐴠𐴊𐴠 𐴱 𐴀𐴠 𐴔𐴤𐴞𐴕𐴓𐴝 𐴎𐴝𐴒𐴝 𐴘𐴦𐴝𐴕𐴡𐴃 𐴱 𐴀𐴠 𐴉𐴝𐴣𐴏𐴢 𐴎𐴡𐴕 𐴀𐴥𐴢𐴢𐴊𐴧𐴝 𐴔𐴞𐴓𐴝𐴘 𐴱 𐴒𐴡𐴃𐴡 𐴃𐴞𐴕 𐴁𐴡𐴏𐴡𐴌𐴡𐴌 𐴁𐴥𐴢𐴢𐴃𐴡𐴌𐴠 𐴰 𐴰 𐴲 𐴌𐴢𐴢𐴇𐴝𐴙𐴚𐴒𐴙𐴝 𐴊𐴤𐴡𐴌𐴝 𐴉𐴡𐴙𐴅𐴧𐴙𐴠 𐴱𐴱

Sources : Rohingya Vision English

𐴎𐴠 𐴈𐴡𐴕𐴥𐴡 𐴉𐴢𐴢𐴖𐴝𐴙𐴕 𐴊𐴤𐴡𐴌𐴃𐴢𐴢 𐴀𐴠𐴓𐴡𐴔 𐴐𐴥𐴞𐴑𐴞𐴁𐴝𐴌 𐴇𐴥𐴡𐴑 𐴀𐴝𐴏𐴠 𐴱𐴱
𐴑𐴡𐴄𐴧𐴡𐴌 𐴒𐴞𐴌𐴞𐴌 𐴀𐴝𐴌 𐴐𐴥𐴡𐴔𐴝𐴎 𐴈𐴥𐴡𐴌𐴝𐴁 𐴀𐴥𐴡𐴀𐴕 𐴓𐴡𐴘 𐴔𐴢𐴢𐴑𐴝𐴁𐴠𐴓𐴝 𐴒𐴡𐴌𐴞𐴁𐴝𐴌 𐴱 𐴁𐴠𐴙𐴒𐴧𐴞𐴕𐴡𐴃𐴧𐴗𐴝𐴌𐴡 𐴁𐴤𐴝𐴓𐴝 𐴀𐴢𐴢𐴏𐴞𐴓𐴝 𐴀𐴥𐴡𐴙𐴓𐴊𐴠 𐴀𐴠𐴓𐴡𐴔 𐴱 𐴁𐴝𐴚𐴓𐴝𐴊𐴠𐴐𐴥𐴞 𐴇𐴥𐴡𐴑𐴢𐴢𐴔𐴡𐴃𐴠 𐴌𐴢𐴢𐴇𐴝𐴙𐴚𐴒𐴙𐴝𐴌 𐴉𐴢𐴢𐴖𐴝𐴙𐴕 𐴊𐴡𐴌𐴠 𐴐𐴥𐴞𐴑𐴧𐴝 𐴊𐴞𐴁𐴝𐴌 𐴉𐴝𐴘𐴏𐴠𐴓𐴝 𐴉𐴥𐴢𐴢𐴕𐴝𐴘 𐴊𐴞𐴘𐴠 𐴱 𐴔𐴡𐴕𐴃𐴡𐴌 𐴐𐴥𐴞𐴑𐴧𐴝 𐴁𐴡𐴏𐴡𐴌 𐴀𐴡𐴊𐴧𐴡𐴑 𐴉𐴥𐴢𐴢𐴌𐴝𐴘 𐴎𐴡𐴕𐴠 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴱 𐴓𐴡𐴒𐴠 𐴓𐴡𐴒𐴠 𐴉𐴥𐴝𐴘𐴊𐴝 𐴇𐴥𐴝𐴏𐴞𐴓 𐴒𐴡𐴌𐴞 𐴕𐴡𐴉𐴝𐴌𐴠𐴌 𐴱 𐴀𐴝𐴒𐴠 𐴓𐴡𐴃𐴞 𐴁𐴡𐴌𐴔𐴝 𐴀𐴝𐴌 𐴁𐴝𐴚𐴓𐴝𐴊𐴠𐴐𐴞 𐴉𐴝𐴄𐴑𐴡𐴌𐴡𐴔 ( 𐴑𐴠𐴓𐴝𐴏 𐴁𐴝𐴙𐴕𐴊𐴝 𐴑𐴞𐴃𐴝𐴁 ) 𐴓𐴡𐴘 𐴉𐴡𐴕𐴧𐴝 𐴉𐴡𐴌𐴦𐴡𐴕 𐴱 𐴌𐴢𐴢𐴇𐴝𐴙𐴚𐴒𐴙𐴝𐴌 𐴉𐴢𐴢𐴖𐴝𐴙𐴕 𐴊𐴤𐴡𐴓𐴧𐴝 𐴔𐴝𐴕𐴥𐴝 𐴒𐴡𐴙𐴅𐴧𐴙𐴝 𐴱 𐴀𐴥𐴠𐴃𐴡𐴓𐴧𐴝 𐴌𐴢𐴢𐴇𐴝𐴙𐴚𐴒𐴙𐴝𐴌 𐴉𐴢𐴢𐴖𐴝𐴙𐴕 𐴔𐴡𐴅𐴁𐴢𐴢𐴌 𐴀𐴥𐴡𐴘 𐴑𐴠𐴀𐴠𐴔𐴡𐴃 𐴱 𐴘𐴢𐴢𐴕𐴞𐴏𐴞𐴉𐴠 𐴑𐴥𐴢𐴢𐴙𐴓𐴧𐴙𐴠𐴃𐴠 𐴐𐴥𐴢𐴢𐴌𐴢𐴢𐴌 𐴀𐴞𐴐𐴑𐴢𐴢𐴓𐴡𐴃 𐴉𐴡𐴌𐴠𐴌 𐴱𐴱

𐴀𐴠𐴈𐴡𐴕 𐴔𐴝𐴕𐴥𐴝 𐴘𐴝 𐴁𐴝𐴊𐴥𐴝 𐴃𐴢𐴢𐴓𐴞 𐴉𐴥𐴠𐴓𐴡𐴕𐴠 𐴱 𐴑𐴠𐴀𐴠𐴔 𐴀𐴥𐴡𐴑𐴧𐴡𐴓𐴡𐴃 𐴌𐴢𐴢𐴇𐴝𐴙𐴚𐴒𐴙𐴝𐴌 𐴉𐴢𐴢𐴖𐴝𐴙𐴕𐴊𐴠 𐴀𐴠𐴓𐴡𐴔 𐴐𐴥𐴞𐴑𐴞 𐴉𐴝𐴌𐴞𐴁𐴝𐴌 𐴔𐴡𐴖𐴑𐴝 𐴀𐴥𐴡𐴘𐴧𐴠 𐴱 𐴀𐴥𐴠 𐴉𐴢𐴢𐴖𐴝𐴙𐴕𐴊𐴡𐴌𐴠 𐴉𐴡𐴕𐴧𐴝 𐴉𐴡𐴌𐴝𐴘𐴁𐴝𐴌 𐴓𐴡𐴒𐴠 𐴓𐴡𐴒𐴠 𐴄𐴠𐴕𐴧𐴞𐴕 𐴀𐴥𐴡 𐴊𐴞𐴁𐴡 𐴱 𐴃𐴝𐴑𐴥𐴞 𐴑𐴠𐴀𐴠𐴔𐴡𐴃 𐴀𐴥𐴡𐴑 𐴘𐴝 𐴊𐴠𐴐𐴥𐴡𐴃 𐴎𐴝𐴘𐴁𐴝𐴊𐴠 𐴀𐴥𐴡𐴑 𐴏𐴦𐴡𐴌𐴞 𐴒𐴡𐴌𐴞 𐴉𐴝𐴌𐴠𐴉𐴦𐴝𐴕 𐴱 𐴘𐴦𐴝𐴕 𐴌𐴞𐴉𐴢𐴢𐴎𐴞 𐴀𐴝𐴌 𐴁𐴝𐴚𐴓𐴝𐴊𐴠𐴐𐴡𐴓𐴧𐴝 𐴐𐴥𐴢𐴢𐴕𐴊𐴡𐴌 𐴔𐴡𐴖𐴑𐴝 𐴱 𐴑𐴠𐴀𐴠𐴔𐴡𐴃 𐴉𐴡𐴕𐴧𐴝 𐴉𐴡𐴌𐴞 𐴕𐴡𐴉𐴝𐴌𐴦𐴡𐴕𐴠 𐴱 𐴌𐴞𐴉𐴢𐴢𐴎𐴞𐴌 𐴉𐴢𐴢𐴖𐴝𐴙𐴕 𐴁𐴡𐴖𐴃 𐴋𐴡𐴙𐴓𐴧𐴝 𐴀𐴥𐴡𐴘 𐴒𐴞𐴘𐴡𐴘 𐴱 𐴎𐴡𐴊𐴞 𐴁𐴤𐴝𐴓𐴝𐴔𐴡𐴃𐴠 𐴉𐴡𐴕𐴧𐴝 𐴉𐴡𐴌𐴞 𐴉𐴝𐴙𐴓𐴧𐴠 𐴁𐴠𐴙𐴒𐴧𐴞𐴕 𐴄𐴥𐴞𐴑 𐴀𐴥𐴡𐴘 𐴎𐴝𐴘𐴁𐴡 𐴒𐴦𐴡𐴘 𐴱𐴱

Sources : Dhaka Tribune