𐴁𐴥𐴢𐴢𐴏𐴞𐴊𐴡𐴚𐴡𐴃 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴉𐴡𐴌𐴞 𐴌𐴢𐴢𐴇𐴝𐴙𐴚𐴒𐴙𐴝 𐴷 𐴎𐴡𐴕 𐴒𐴥𐴝𐴙𐴓 𐴲 𐴎𐴡𐴕𐴡𐴌 𐴔𐴡𐴖𐴃 𐴱𐴱

𐴀𐴝𐴘 𐴏𐴞 𐴅𐴠 𐴘𐴠 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴡𐴌𐴃𐴢𐴢 𐴌𐴢𐴢𐴇𐴝𐴙𐴚𐴒𐴙𐴝 𐴌𐴠 𐴇𐴠𐴉𐴝𐴎𐴡𐴃 𐴒𐴡𐴌𐴝 𐴉𐴡𐴌𐴞𐴁𐴡𐴊𐴠 𐴱 𐴉𐴝𐴘𐴏𐴠𐴓𐴝 𐴳 𐴲 / 𐴅𐴝𐴕𐴢𐴢𐴖𐴝𐴌𐴞 𐴰 𐴲 𐴰 𐴲 𐴀𐴞𐴚𐴌𐴝𐴎𐴞 // 𐴹 / 𐴔𐴝𐴒𐴢 𐴔𐴝𐴐𐴢 𐴱 𐴳 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴃𐴝𐴌𐴞𐴑𐴡𐴌 𐴊𐴞𐴕 𐴉𐴥𐴢𐴢𐴕𐴝𐴘𐴊𐴞 𐴁𐴦𐴝𐴊𐴠 𐴱 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴒𐴦𐴝𐴒𐴢𐴢𐴣𐴍𐴝𐴘 𐴒𐴡𐴌𐴞 𐴉𐴢𐴢𐴌𐴝 𐴊𐴢𐴢𐴕𐴞𐴘𐴝𐴙𐴌 𐴔𐴢𐴢𐴑𐴝𐴁𐴠𐴓𐴝𐴃 𐴀𐴦𐴝𐴘 𐴱 𐴀𐴝𐴙𐴅𐴧𐴙𐴝 𐴵 𐴲 / 𐴅𐴝𐴕𐴢𐴢𐴖𐴝𐴌𐴞 𐴰 𐴲 𐴰 𐴲 𐴀𐴞𐴚𐴌𐴝𐴎𐴞 // 𐴱𐴱 / 𐴔𐴝𐴒𐴢𐴔𐴝𐴐𐴢 𐴱 𐴳 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴐𐴥𐴡𐴕𐴞 𐴁𐴝𐴌𐴠 𐴌𐴝𐴙𐴃𐴡𐴌 𐴊𐴠𐴌𐴒𐴗𐴝 𐴁𐴝𐴎𐴠 𐴱 𐴁𐴥𐴢𐴢𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴈𐴦𐴝𐴕𐴊𐴡𐴚 𐴉𐴝𐴌𐴝𐴃 / 𐴱 𐴵 𐴵 𐴓𐴡𐴔𐴁𐴡𐴌 𐴔𐴠𐴓𐴠𐴄𐴠𐴌𐴞𐴌 𐴁𐴠𐴄𐴠𐴓𐴞𐴘𐴠𐴕𐴠 𐴃𐴞𐴕𐴧𐴗𐴝 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴆𐴠𐴀𐴓 𐴔𐴝𐴙𐴅𐴧𐴙𐴠 𐴱 𐴀𐴥𐴠𐴃𐴧𐴢𐴢 𐴊𐴢𐴢𐴖𐴝 𐴏𐴥𐴠𐴌𐴝𐴂𐴢 𐴂𐴝𐴌𐴝𐴚𐴡𐴌 𐴊𐴦𐴡𐴙𐴕𐴠 𐴁𐴞𐴓𐴡𐴃 𐴉𐴡𐴙𐴅𐴧𐴙𐴠 𐴱 𐴀𐴝𐴌 𐴀𐴢𐴢𐴒𐴧𐴗𐴝 𐴈𐴦𐴝𐴕𐴊𐴡𐴚 𐴉𐴝𐴌𐴝𐴃 𐴒𐴤𐴡𐴌 𐴀𐴠𐴑𐴧𐴝𐴕𐴡𐴃 𐴉𐴡𐴌𐴡𐴕𐴠 𐴱 𐴊𐴢𐴢𐴘 𐴎𐴡𐴕 𐴔𐴝𐴘𐴧𐴝 𐴔𐴡𐴌𐴞𐴒𐴞𐴘𐴡𐴘𐴊𐴠 𐴀𐴥𐴠𐴍𐴠 𐴀𐴠𐴑𐴎𐴡𐴕 ( 𐴒𐴡𐴌𐴁𐴥𐴡𐴃𐴞 ) 𐴀𐴝𐴌 𐴇𐴥𐴝𐴣𐴃 𐴎𐴡𐴕 𐴒𐴥𐴝𐴙𐴓 𐴀𐴥𐴡𐴘𐴧𐴠 𐴱𐴱

𐴔𐴡𐴌𐴞 𐴒𐴞𐴘𐴥𐴡𐴘𐴊𐴠 𐴀𐴥𐴞𐴃𐴝𐴌𐴝 𐴀𐴥𐴡𐴙𐴓𐴊𐴠 / 𐴱 = 𐴕𐴢𐴢𐴌 𐴁𐴝𐴇𐴝𐴌 𐴁𐴝𐴉𐴢 𐴀𐴝𐴁𐴊𐴢𐴢𐴓 𐴕𐴡𐴁𐴞 𐴁𐴡𐴐𐴢 𐴸 𐴱 𐴁𐴡𐴏𐴡𐴌 𐴀𐴞𐴁𐴝 𐴀𐴥𐴡𐴊𐴡𐴃 𐴔𐴡𐴌𐴞 𐴒𐴞𐴘𐴡𐴘 / 𐴲 = 𐴀𐴢𐴢𐴔𐴧𐴠 𐴇𐴝𐴁𐴞𐴁𐴤𐴝 𐴁𐴝𐴉𐴢 𐴔𐴡𐴓𐴡𐴘 𐴇𐴝𐴔𐴞𐴊𐴢 ( 𐴒𐴡𐴌𐴁𐴡𐴃𐴞 ) 𐴁𐴡𐴐𐴢 𐴰 𐴲 𐴁𐴡𐴏𐴡𐴌 𐴀𐴞𐴁𐴝 𐴁𐴥𐴢𐴢𐴏𐴞𐴊𐴡𐴚 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴎𐴡𐴈𐴡𐴔 𐴁𐴡𐴊𐴧𐴝𐴐𐴢 𐴒𐴡𐴌𐴞 𐴕𐴡𐴉𐴝𐴌𐴞 𐴔𐴡𐴌𐴞 𐴒𐴞𐴘𐴡𐴘 ( انا لله وانا اليه راجعون ) 𐴒𐴥𐴝𐴙𐴓 𐴀𐴥𐴡𐴘𐴧𐴠𐴊𐴠 𐴇𐴥𐴝𐴣𐴃 𐴎𐴡𐴕𐴡𐴌𐴠 𐴁𐴥𐴢𐴢𐴏𐴞𐴊𐴡𐴚 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴊𐴝𐴁𐴝𐴘 𐴒𐴡𐴌𐴞𐴁𐴡𐴓𐴧𐴝 𐴀𐴝𐴙𐴕𐴧𐴠 𐴱𐴱 𐴀𐴥𐴢𐴢𐴀𐴕 𐴀𐴥𐴡𐴙𐴓𐴊𐴠 / 𐴱 = 𐴔𐴢𐴢𐴇𐴝𐴔𐴧𐴡𐴊 𐴀𐴝𐴔𐴞𐴕 𐴁𐴝𐴉𐴢 𐴀𐴝𐴁𐴊𐴢𐴢𐴓𐴕𐴡𐴁𐴞 𐴁𐴡𐴐𐴢 𐴳 𐴲 𐴁𐴡𐴏𐴡𐴌 / 𐴲 = 𐴅𐴡𐴔𐴝𐴓 𐴇𐴢𐴢𐴏𐴝𐴙𐴕 𐴁𐴝𐴉𐴢 𐴌𐴡𐴐𐴞𐴊 𐴀𐴝𐴇𐴔𐴡𐴊𐴢 𐴁𐴡𐴐𐴢 𐴵 𐴲 𐴁𐴡𐴏𐴡𐴌 / 𐴳 = 𐴕𐴢𐴢𐴌 𐴔𐴢𐴢𐴇𐴝𐴔𐴧𐴡𐴊 𐴁𐴝𐴉𐴢 𐴕𐴢𐴢𐴌 𐴀𐴝𐴓𐴡𐴔 𐴁𐴡𐴐𐴢 𐴰 𐴳 𐴁𐴡𐴏𐴡𐴌 / 𐴴 = 𐴊𐴞𐴓𐴊𐴝𐴌 𐴁𐴠𐴒𐴡𐴔 𐴁𐴝𐴉𐴢 𐴌𐴢𐴢𐴐𐴡𐴕 𐴀𐴝𐴓𐴞 𐴁𐴡𐴐𐴢 𐴵 𐴲 𐴁𐴡𐴏𐴡𐴌 / 𐴵 = 𐴌𐴡𐴐𐴞𐴊𐴝 𐴁𐴠𐴒𐴡𐴔 𐴁𐴝𐴉𐴢 𐴀𐴝𐴁𐴢𐴢𐴓 𐴀𐴝𐴓𐴡𐴔 𐴁𐴡𐴐𐴢 𐴸 𐴱 𐴁𐴡𐴏𐴡𐴌 / 𐴶 = 𐴀𐴝𐴏𐴔𐴝 𐴁𐴝𐴉𐴢 𐴕𐴢𐴢𐴌 𐴔𐴢𐴢𐴇𐴝𐴔𐴧𐴡𐴊 𐴁𐴡𐴐𐴢 𐴳 𐴁𐴡𐴏𐴡𐴌 / 𐴷 = 𐴀𐴝𐴁𐴢𐴢𐴓 𐴀𐴝𐴓𐴡𐴔 𐴁𐴝𐴉𐴢 𐴏𐴢𐴢𐴓𐴃𐴝𐴕 𐴁𐴡𐴐𐴢 𐴰 𐴴 𐴁𐴡𐴏𐴡𐴌 𐴱𐴱

𐴁𐴠𐴙𐴕𐴧𐴝 𐴹 𐴁𐴝𐴎𐴠 𐴱 𐴵 𐴵 𐴓𐴡𐴔𐴁𐴡𐴌 𐴁𐴠𐴄𐴠𐴓𐴞𐴘𐴠𐴕𐴡𐴌 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴁𐴡𐴖𐴋𐴝𐴌 𐴏𐴦𐴡𐴛 𐴉𐴢𐴢𐴓𐴞𐴐𐴡𐴌 𐴐𐴥𐴀𐴉𐴢 𐴀𐴥𐴠𐴉𐴝𐴌𐴝𐴃 𐴎𐴝𐴘 𐴱 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴀𐴥𐴝𐴣𐴃𐴞𐴘𐴝𐴌𐴡𐴌 𐴁𐴡𐴓𐴠 𐴀𐴡𐴋𐴝𐴌 𐴊𐴠𐴌𐴊𐴠 𐴱 𐴈𐴡𐴕𐴥𐴡 𐴑𐴞𐴘𐴠 𐴉𐴢𐴢𐴏𐴝𐴌 𐴒𐴡𐴙𐴓𐴧𐴠 𐴱 𐴔𐴡𐴒𐴁𐴝𐴒𐴞 𐴘𐴠 𐴔𐴝𐴙𐴅𐴧𐴙𐴠𐴊𐴠 𐴁𐴡𐴓𐴞 𐴈𐴢𐴢𐴖𐴝 𐴉𐴡𐴌𐴞𐴁𐴡 𐴱 𐴔𐴡𐴕𐴃𐴡𐴌 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴠 𐴀𐴠𐴑𐴞𐴕𐴡𐴌 𐴏𐴥𐴝𐴣𐴀𐴃𐴠 𐴈𐴦𐴡𐴊𐴧𐴠 𐴱 𐴌𐴝𐴙𐴃 𐴀𐴞𐴁𐴥𐴝𐴃 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴁𐴝𐴒𐴞𐴌 𐴔𐴝𐴎𐴠 𐴓𐴝𐴌𐴥𐴝𐴘 𐴕𐴦𐴡 𐴀𐴥𐴡 𐴱 𐴆𐴠𐴀𐴓 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴀𐴞𐴀𐴕 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴏𐴝𐴀𐴘 𐴏𐴞𐴃𐴞 𐴉𐴝𐴌𐴝𐴃 𐴔𐴝𐴙𐴅𐴧𐴠𐴊𐴠 𐴱 𐴉𐴝𐴌𐴝𐴃 𐴀𐴝𐴙𐴐𐴧𐴠𐴊𐴠 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴁𐴡𐴖𐴋𐴝𐴌 𐴏𐴦𐴡𐴛 𐴉𐴢𐴢𐴓𐴞𐴐𐴡𐴌 𐴐𐴥𐴝𐴉𐴢 𐴀𐴥𐴡𐴑𐴧𐴡𐴓𐴠 𐴃𐴥𐴠𐴐𐴠𐴌𐴝𐴘 𐴒𐴝𐴓𐴝𐴓𐴞 𐴒𐴡𐴌𐴞 𐴈𐴦𐴡𐴌𐴊𐴠 𐴱 𐴎𐴡𐴀 ! 𐴀𐴝𐴘 𐴏𐴞 𐴏𐴞 / 𐴀𐴝𐴘 𐴏𐴞 𐴅𐴠 / 𐴒𐴝𐴔𐴁𐴞𐴘𐴝 𐴌𐴠 𐴀𐴞𐴕𐴏𐴝𐴉𐴢 𐴊𐴡𐴒𐴦𐴡𐴘 𐴱𐴱