𐴔𐴢𐴢𐴃𐴞𐴌 𐴇𐴥𐴝𐴣𐴌

𐴀𐴢𐴢𐴒𐴧𐴗𐴝 𐴁𐴝𐴙𐴕𐴧𐴝 𐴔𐴡𐴌𐴡𐴕𐴡𐴌 𐴁𐴦𐴝𐴊𐴠 𐴒𐴤𐴡𐴌𐴒𐴢𐴢𐴐𐴧𐴞𐴌 𐴇𐴝𐴓𐴡𐴃𐴢 𐴈𐴥𐴡𐴌𐴝𐴉𐴢 𐴀𐴥𐴡𐴘𐴧𐴠 𐴘𐴝𐴌 𐴉𐴢𐴢𐴖𐴝𐴌𐴠 𐴏𐴝𐴣𐴏𐴝𐴌 𐴊𐴢𐴢𐴖𐴝𐴕𐴡𐴃𐴢 𐴀𐴠𐴑𐴧𐴝𐴕 𐴔𐴢𐴢𐴃𐴞𐴌 𐴇𐴥𐴝𐴌 𐴓𐴡𐴘𐴢 𐴊𐴞𐴉𐴠𐴍𐴝𐴘𐴧𐴠 𐴁𐴠𐴏𐴞𐴘𐴡𐴌𐴠 𐴑𐴠𐴙𐴏𐴧𐴢𐴢 𐴄𐴞𐴛𐴝 𐴀𐴝𐴕𐴞𐴁𐴡𐴓𐴧𐴝 𐴏𐴝𐴣𐴏𐴝 𐴘𐴠 𐴇𐴥𐴝𐴣𐴌 𐴒𐴝𐴕 𐴐𐴥𐴢𐴢𐴕𐴊𐴡𐴌𐴒𐴡𐴌𐴞 𐴏𐴝𐴀𐴘𐴢 𐴁𐴦𐴝𐴊𐴠 𐴈𐴦𐴡𐴊𐴧𐴠 𐴀𐴠𐴈𐴥𐴡𐴕 𐴁𐴝𐴎𐴝𐴌 𐴔𐴡𐴕𐴊𐴝 𐴊𐴝𐴔 𐴀𐴢𐴢𐴍𐴞𐴓𐴠 𐴁𐴠𐴏𐴞𐴏𐴢 𐴈𐴝𐴙𐴓𐴧𐴝 𐴓𐴡𐴃𐴞 𐴀𐴝𐴣𐴀𐴌 𐴊𐴢𐴢𐴖𐴝𐴕𐴡𐴃𐴢 𐴈𐴝𐴔 𐴒𐴡𐴙𐴃𐴧𐴡 𐴀𐴦𐴝𐴙𐴐𐴢 𐴉𐴢𐴢𐴖𐴝𐴖𐴧𐴝 𐴈𐴝𐴔 𐴒𐴡𐴙𐴃𐴧𐴠 𐴒𐴡𐴙𐴃𐴧𐴠 𐴎𐴠𐴈𐴡𐴕 𐴁𐴠𐴙𐴒𐴧𐴞𐴕 𐴐𐴥𐴞𐴑𐴧𐴝 𐴀𐴥𐴡𐴘𐴧𐴠 𐴏𐴝𐴣𐴏𐴝 𐴘𐴠 𐴉𐴢𐴢𐴖𐴝𐴌𐴠 𐴈𐴦𐴡𐴊𐴧𐴠 𐴀𐴠𐴈𐴡𐴕 𐴊𐴝𐴔 𐴀𐴢𐴢𐴙𐴄𐴧𐴠 𐴈𐴝𐴙𐴓𐴧𐴝 𐴇𐴥𐴝𐴣𐴌𐴒𐴝𐴕 𐴀𐴝𐴕𐴞𐴐𐴢 𐴉𐴢𐴢𐴖𐴝𐴘𐴠 𐴒𐴤𐴡𐴌𐴡𐴃𐴢 𐴀𐴦𐴝𐴘𐴢 𐴏𐴦𐴝𐴊𐴧𐴠 𐴇𐴥𐴝𐴣𐴌 𐴕𐴡𐴑𐴡𐴓𐴞 𐴀𐴥𐴠𐴃𐴡𐴓𐴧𐴝 𐴉𐴢𐴢𐴖𐴝 𐴇𐴥𐴝𐴣𐴌 𐴏𐴥𐴝𐴌𐴝 𐴊𐴢𐴢𐴖𐴝𐴕𐴡𐴃𐴢 𐴎𐴝𐴘𐴢 𐴏𐴝𐴣𐴏𐴝𐴌𐴠 𐴈𐴦𐴡𐴊𐴧𐴠 𐴏𐴝𐴣𐴏𐴦𐴝 𐴇𐴥𐴝𐴣𐴌 𐴕𐴡𐴑𐴡𐴓𐴞 𐴃𐴡𐴘𐴢 𐴏𐴝𐴣𐴏𐴝 𐴘𐴠 𐴈𐴦𐴡𐴌 𐴎𐴡𐴊𐴞 𐴀𐴝𐴀𐴛 𐴃𐴢𐴢𐴣𐴖𐴝𐴣𐴌𐴝𐴌𐴠 𐴇𐴥𐴝𐴣𐴌 𐴘𐴦𐴝𐴕 𐴕𐴡𐴑𐴡𐴓𐴞 𐴈𐴡𐴙𐴃𐴝𐴔 𐴃𐴢𐴢𐴣𐴖𐴝𐴣𐴌𐴝 𐴁𐴠𐴎𐴝𐴌 𐴀𐴥𐴡𐴙𐴃𐴝 𐴀𐴠𐴒𐴝𐴕𐴡𐴃𐴞 𐴁𐴝𐴚𐴞 𐴎𐴝𐴙𐴃𐴡𐴒𐴦𐴡𐴘𐴢 𐴀𐴥𐴠𐴃𐴡𐴓𐴧𐴝 𐴃𐴡𐴌𐴠 𐴈𐴝𐴔 𐴐𐴥𐴞𐴑𐴝𐴘𐴧𐴞𐴊𐴠
(𐴀𐴥𐴠𐴃𐴡𐴓𐴧𐴝 𐴀𐴠 𐴊𐴢𐴢𐴕𐴞𐴘𐴝𐴙𐴃𐴢 𐴀𐴠𐴓𐴡𐴔 𐴏𐴥𐴝𐴌𐴝 𐴎𐴠𐴈𐴡𐴕𐴥𐴡 𐴈𐴝𐴔 𐴒𐴡𐴌𐴞𐴁𐴝 𐴒𐴡𐴓𐴡𐴃𐴢 𐴀𐴥𐴡𐴙𐴁𐴡 𐴀𐴞𐴕𐴏𐴝𐴕𐴡𐴓𐴧𐴝 𐴀𐴠𐴓𐴡𐴔 𐴁𐴠𐴐𐴥𐴞 𐴎𐴡𐴌𐴢𐴢𐴌𐴞)