𐴔𐴥𐴝𐴔𐴁𐴡𐴌𐴝𐴃 𐴓𐴀𐴌𐴝𐴙𐴌 𐴎𐴡𐴌𐴞𐴘𐴝 𐴹 𐴔𐴝𐴙𐴐𐴧𐴙𐴝 𐴉𐴢𐴢𐴖𐴝 𐴀𐴢𐴢𐴒𐴧𐴗𐴝𐴌 𐴔𐴡𐴖𐴃 𐴱𐴱

𐴔𐴥𐴝𐴔𐴁𐴡𐴌𐴝𐴌 𐴀𐴠𐴓𐴝𐴑𐴝𐴌 𐴛𐴡𐴚 𐴑𐴠𐴚 𐴉𐴝𐴌𐴝𐴃𐴧𐴢𐴢 𐴓𐴝𐴌𐴝𐴙𐴌 𐴋𐴡𐴌𐴠 𐴐𐴥𐴡𐴌𐴞 𐴃𐴥𐴝𐴑𐴧𐴞𐴓𐴊𐴠 𐴱 𐴒𐴤𐴡𐴌𐴒𐴢𐴢𐴐𐴧𐴞 𐴱 𐴀𐴢𐴢𐴒𐴧𐴗𐴝 𐴊𐴢𐴢𐴘 𐴔𐴝𐴐𐴢 𐴁𐴦𐴝𐴊𐴠 𐴃𐴝𐴌𐴝𐴌 𐴉𐴝𐴌𐴝𐴃 𐴐𐴥𐴝𐴕𐴃𐴞 𐴔𐴞𐴑𐴧𐴙𐴝 𐴀𐴥𐴡𐴘𐴧𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴉𐴝𐴘 𐴱 𐴉𐴝𐴌𐴝𐴃 𐴖𐴝𐴉𐴠𐴏𐴢 𐴀𐴝𐴘𐴧𐴠𐴊𐴧𐴠 𐴐𐴥𐴡𐴣𐴀𐴃 𐴱 𐴕𐴦𐴡 𐴓𐴡𐴘 𐴈𐴥𐴝𐴓 𐴉𐴝𐴌𐴝𐴊𐴧𐴠 𐴀𐴥𐴠𐴍𐴠 𐴹 𐴔𐴝𐴙𐴐𐴧𐴙𐴝 𐴉𐴢𐴢𐴖𐴝𐴌 𐴉𐴞𐴍𐴡𐴃𐴧𐴢𐴢 𐴒𐴢𐴢𐴓𐴞 𐴉𐴡𐴌𐴞 𐴉𐴠𐴍𐴡𐴃𐴧𐴢𐴢 𐴕𐴠𐴓𐴞𐴒𐴞𐴘𐴡𐴘 𐴱 𐴔𐴥𐴝𐴔𐴁𐴡𐴌𐴝𐴃 𐴀𐴝𐴙𐴅𐴧𐴙𐴝 𐴁𐴠𐴙𐴕𐴧𐴝 𐴓𐴡𐴃𐴞 𐴓𐴝𐴌𐴝𐴘 𐴐𐴥𐴢𐴢𐴌𐴢𐴢 𐴀𐴥𐴡𐴘𐴧𐴠 𐴱 𐴒𐴢𐴢𐴓𐴞 𐴉𐴡𐴌𐴞 𐴉𐴢𐴢𐴖𐴝 𐴔𐴡𐴙𐴅𐴧𐴙𐴠𐴊𐴠 𐴎𐴝𐴒𐴝 𐴀𐴝𐴌 𐴓𐴝𐴌𐴝𐴘 𐴏𐴡𐴓𐴠𐴌𐴊𐴠 𐴎𐴝𐴒𐴝 𐴓𐴡𐴘 𐴔𐴝𐴙𐴓 𐴊𐴠𐴌𐴔𐴝𐴙𐴓 𐴓𐴡𐴃𐴞 𐴊𐴢𐴢𐴌𐴠 𐴱𐴱

𐴌𐴝𐴔𐴡𐴚 𐴉𐴢𐴢𐴓 𐴉𐴝𐴌𐴝𐴘 𐴒𐴞𐴘𐴠𐴊𐴠 𐴵 𐴵 𐴓𐴡𐴔𐴁𐴡𐴌 𐴁𐴞𐴌𐴞𐴒𐴠𐴋𐴠 𐴒𐴢𐴢𐴓𐴞 𐴔𐴝𐴙𐴅𐴧𐴙𐴠𐴊𐴠 𐴁𐴡𐴓𐴞 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴠 𐴁𐴥𐴝𐴉𐴠𐴌 𐴱 𐴓𐴝𐴌𐴝𐴙𐴃 𐴔𐴠𐴓𐴠𐴄𐴠𐴌𐴞𐴘𐴠 𐴀𐴥𐴝𐴁𐴝𐴌 𐴎𐴦𐴝𐴣𐴏𐴢 𐴀𐴠𐴏𐴃𐴠𐴔𐴝𐴓 𐴒𐴡𐴙𐴅𐴧𐴙𐴠 𐴁𐴡𐴓𐴞 𐴔𐴥𐴝𐴔𐴁𐴡𐴌𐴝𐴌 𐴂𐴠𐴌𐴠𐴕𐴠 𐴑𐴢𐴢𐴎𐴠𐴓𐴠 / 𐴀𐴥𐴢𐴢𐴀 𐴓𐴥𐴝 𐴏𐴥𐴞𐴚 𐴀𐴡𐴚𐴠 𐴈𐴡𐴘𐴧𐴠 𐴱 𐴀𐴠 𐴀𐴠 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴠 𐴀𐴥𐴡𐴊𐴧𐴠 𐴓𐴝𐴌𐴝𐴘 𐴱𐴱

𐴀𐴝𐴌𐴑𐴝𐴕𐴡𐴃𐴧𐴢𐴢 𐴎𐴝𐴘 𐴆𐴥𐴝𐴚 𐴂𐴠𐴌𐴠𐴕𐴠 𐴀𐴥𐴢𐴢𐴊𐴧𐴝 𐴉𐴦𐴡𐴣𐴏𐴠 𐴒𐴦𐴡𐴘 𐴱 𐴅𐴝𐴕𐴢𐴢𐴌𐴞𐴌 𐴷 𐴃𐴝𐴌𐴞𐴑𐴡𐴌 𐴊𐴞𐴕 𐴀𐴠 𐴀𐴠 𐴘𐴠 𐴆𐴥𐴝𐴚 𐴂𐴠𐴌𐴠𐴕𐴠𐴌 𐴂𐴡𐴓𐴥𐴝𐴖𐴥𐴝 𐴀𐴠𐴓𐴝𐴑𐴝𐴌 𐴏𐴥𐴞𐴀 𐴂𐴡𐴓𐴧𐴡𐴚 𐴉𐴝𐴌𐴝𐴃 𐴎𐴝𐴘 𐴵 𐴵 𐴁𐴡𐴏𐴡𐴌 𐴁𐴡𐴐𐴢 𐴀𐴡𐴓𐴝 𐴀𐴞𐴐𐴑𐴢𐴢𐴓𐴡𐴌 𐴔𐴝𐴐𐴄𐴡𐴌 𐴀𐴠𐴑𐴎𐴡𐴕 𐴐𐴥𐴡𐴣𐴀 𐴀𐴝𐴌𐴥𐴡 𐴉𐴝𐴙𐴅𐴧𐴙𐴝 𐴊𐴢𐴢𐴘 𐴎𐴡𐴕 𐴁𐴡𐴕 𐴒𐴡𐴌𐴞 𐴓𐴡𐴘 𐴀𐴝𐴙𐴕𐴧𐴙𐴠 𐴁𐴡𐴓𐴞 / 𐴀𐴥𐴢𐴢𐴀 𐴏𐴥𐴢𐴢𐴀 𐴄𐴥𐴝 𐴘𐴠 𐴈𐴡𐴘𐴧𐴠 𐴱𐴱

Sources : RFA Burmese