𐴄𐴥𐴝𐴘𐴓𐴠𐴕𐴡𐴌 𐴎𐴞𐴘𐴡𐴓𐴡𐴃𐴧𐴢𐴢 𐴊𐴥𐴝𐴘𐴧𐴡𐴘 𐴊𐴠 𐴌𐴢𐴢𐴇𐴝𐴙𐴚𐴒𐴙𐴝 𐴌𐴠 𐴊𐴤𐴡𐴌𐴞 𐴊𐴞𐴁𐴝𐴌 𐴔𐴡𐴊𐴡𐴊 𐴔𐴝𐴒𐴠𐴌 𐴔𐴡𐴓𐴠𐴐𐴥𐴙𐴝𐴃𐴧𐴢𐴢 𐴱𐴱

𐴄𐴥𐴝𐴘𐴓𐴠𐴕𐴡𐴌 𐴊𐴦𐴡𐴙𐴕 𐴀𐴠𐴓𐴝𐴑𐴝𐴌 𐴏𐴡𐴚𐴒𐴝𐴓𐴝 𐴋𐴞𐴐𐴄𐴞𐴑𐴡𐴌 𐴱 𐴀𐴠𐴔𐴞𐴒𐴞𐴌𐴞𐴐𐴥𐴞𐴕𐴡𐴌 𐴒𐴝𐴣𐴌𐴝𐴃𐴡𐴌 𐴃𐴞𐴕𐴄𐴝𐴓𐴝𐴌 𐴖𐴡𐴌𐴠 𐴁𐴡𐴕𐴒𐴡𐴌𐴞 𐴌𐴝𐴙𐴑𐴧𐴙𐴠𐴊𐴠 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴹 𐴱 𐴎𐴡𐴕 𐴑𐴥𐴞𐴌𐴑𐴞𐴌𐴞 𐴁𐴦𐴝𐴘 𐴱 𐴈𐴦𐴡𐴌 𐴎𐴢𐴢𐴌𐴝 𐴊𐴞𐴊𐴞 𐴓𐴝𐴔𐴁𐴝 𐴒𐴡𐴌𐴞 𐴱 𐴌𐴡𐴏𐴞𐴌 𐴋𐴡𐴙𐴓𐴧𐴝 𐴁𐴝𐴕𐴝𐴘 𐴱 𐴀𐴥𐴠 𐴈𐴦𐴡𐴌𐴡𐴌 𐴌𐴡𐴏𐴞 𐴊𐴤𐴡𐴌𐴞 𐴊𐴤𐴡𐴌𐴞 𐴓𐴝𐴔𐴞 𐴱 𐴒𐴡𐴃𐴡 𐴁𐴢𐴢𐴙𐴃 𐴁𐴝𐴌𐴠 𐴊𐴥𐴝𐴘𐴧𐴠 𐴒𐴡𐴘 𐴱 𐴀𐴥𐴞𐴃𐴝𐴌𐴝𐴌𐴠 𐴊𐴤𐴡𐴌𐴞 𐴊𐴞𐴁𐴡𐴓𐴧𐴝 𐴔𐴡𐴓𐴠𐴐𐴥𐴙𐴃𐴧𐴢𐴢 𐴔𐴡𐴊𐴡𐴊 𐴔𐴝𐴒𐴠𐴊𐴧𐴠 𐴱 𐴄𐴥𐴝𐴘𐴓𐴠𐴕𐴡𐴌 𐴉𐴢𐴢𐴓𐴞𐴐𐴠 𐴈𐴡𐴘𐴧𐴠 𐴱𐴱

𐴀𐴥𐴠 𐴔𐴝𐴕𐴢𐴢𐴙𐴐𐴢 𐴀𐴥𐴢𐴢𐴀𐴕 𐴱 𐴋𐴝𐴓𐴝𐴓 𐴁𐴡𐴕𐴞 𐴔𐴡𐴓𐴠𐴐𐴥𐴙𐴝𐴃 𐴔𐴝𐴕𐴢𐴢𐴙𐴐𐴢 𐴉𐴝𐴌𐴒𐴝𐴌𐴥𐴝𐴊𐴧𐴠 𐴐𐴥𐴡𐴣𐴀𐴃 𐴱 𐴄𐴥𐴝𐴘𐴓𐴠𐴕𐴡𐴌 𐴇𐴥𐴡𐴑𐴢𐴢𐴔𐴡𐴃𐴠 𐴰 𐴴 𐴎𐴡𐴕 𐴋𐴝𐴓𐴝𐴓 𐴊𐴤𐴡𐴙𐴅𐴧𐴢𐴓𐴊𐴠 𐴱 𐴀𐴥𐴠𐴍𐴠 𐴁𐴥𐴢𐴢𐴃𐴡𐴌𐴡𐴌 𐴔𐴝𐴕𐴢𐴢𐴙𐴐𐴢 𐴱 𐴀𐴥𐴞𐴃𐴝𐴌𐴝𐴌𐴠 𐴁𐴡𐴌𐴔𐴝 𐴉𐴦𐴡𐴣𐴏𐴝𐴘 𐴊𐴞𐴁𐴝𐴌 𐴂𐴡𐴌𐴢𐴢𐴒𐴠𐴌𐴝𐴔 𐴁𐴝𐴕𐴝𐴌 𐴊𐴠 𐴐𐴥𐴡𐴣𐴀𐴃 𐴊𐴥𐴝𐴘𐴧𐴠 𐴒𐴡𐴘𐴊𐴠 𐴱𐴱 𐴀𐴥𐴠 𐴹 𐴱 𐴎𐴡𐴕𐴡𐴌 𐴁𐴥𐴢𐴢𐴃𐴡𐴌𐴃𐴢𐴢 𐴱 𐴄𐴥𐴝𐴘𐴓𐴠𐴕𐴡𐴌 𐴉𐴢𐴢𐴓𐴞𐴐𐴠 𐴲 𐴎𐴡𐴕 𐴊𐴤𐴡𐴌𐴞 𐴉𐴝𐴙𐴅𐴧𐴙𐴠 𐴱 𐴁𐴝𐴑𐴞 𐴷 𐴱 𐴎𐴡𐴕 𐴁𐴡𐴖𐴋𐴝𐴌 𐴉𐴝𐴌𐴥𐴝𐴘 𐴔𐴡𐴓𐴠𐴐𐴥𐴙𐴝𐴃 𐴒𐴥𐴡𐴙𐴓𐴧𐴡𐴘𐴊𐴠 𐴱 𐴀𐴥𐴢𐴢𐴀𐴕𐴡𐴌𐴠 𐴔𐴡𐴓𐴠𐴐𐴥𐴙𐴝 𐴓𐴡𐴘 𐴔𐴞𐴓𐴞 𐴃𐴢𐴢𐴖𐴝𐴌 𐴁𐴡𐴓𐴞 𐴱 𐴄𐴥𐴝𐴘𐴓𐴠𐴕𐴡𐴌 𐴊𐴦𐴡𐴙𐴕 𐴀𐴠𐴓𐴝𐴑𐴝𐴌 𐴀𐴠𐴔𐴞𐴒𐴞𐴌𐴞𐴐𐴥𐴞𐴕𐴠 𐴌𐴢𐴢𐴗𐴠𐴄𐴝𐴌 𐴈𐴥𐴡𐴁𐴡𐴌 𐴀𐴡𐴓𐴝𐴌𐴠 𐴈𐴡𐴘𐴧𐴠 𐴱𐴱

𐴁𐴡𐴌𐴔𐴝 𐴑𐴡𐴔𐴁𐴡𐴋𐴞𐴘𐴝 𐴀𐴝𐴌 𐴓𐴝𐴀𐴡𐴏𐴢 𐴱 𐴀𐴠𐴕𐴡𐴃𐴧𐴢𐴢 𐴁𐴠𐴍𐴝𐴀𐴥𐴝𐴙𐴕 𐴁𐴠𐴍𐴞𐴘𐴥𐴝𐴙𐴕 𐴀𐴝𐴌 𐴉𐴢𐴢𐴖𐴝𐴙𐴕 𐴊𐴡𐴌𐴠 𐴱 𐴋𐴝𐴓𐴝𐴓 𐴀𐴥𐴡𐴑𐴧𐴡𐴓𐴠 𐴄𐴥𐴝𐴘𐴓𐴠𐴕𐴡𐴃 𐴀𐴝𐴕𐴞 𐴱 𐴎𐴞𐴌𐴝𐴘𐴧𐴡𐴌𐴠 𐴘𐴦𐴝𐴕𐴃𐴢𐴢 𐴒𐴝𐴙𐴌 𐴑𐴝𐴕𐴢𐴢𐴕𐴞 𐴀𐴡𐴙𐴕𐴧𐴡 𐴊𐴠𐴐𐴡𐴃 𐴉𐴦𐴡𐴣𐴏𐴝𐴘𐴊𐴠 𐴱𐴱 𐴋𐴝𐴓𐴝𐴓𐴡𐴌 𐴀𐴝𐴊𐴤𐴝𐴌 𐴁𐴡𐴙𐴕𐴧𐴙𐴠𐴊𐴠 𐴊𐴢𐴢𐴑𐴧𐴞𐴃𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴤𐴝𐴓𐴝 𐴔𐴡𐴃𐴠 𐴇𐴠𐴉𐴝𐴎𐴡𐴃 𐴕𐴡𐴒𐴡𐴌𐴠𐴌 𐴈𐴦𐴡𐴘 𐴱 𐴀𐴝𐴔𐴠𐴌𐴞𐴑𐴝 𐴀𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴋𐴦𐴝𐴘𐴧𐴠 𐴱 𐴄𐴥𐴝𐴘𐴓𐴠𐴕𐴡𐴌 𐴐𐴥𐴠𐴑𐴝𐴘𐴡𐴃 𐴒𐴡𐴌𐴠𐴌 𐴱 𐴁𐴡𐴌𐴔𐴝 𐴀𐴝𐴌 𐴁𐴝𐴚𐴓𐴝𐴊𐴠𐴐𐴡𐴃𐴧𐴢𐴢 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴱 𐴉𐴝𐴕𐴞𐴌 𐴌𐴝𐴧𐴏𐴝 𐴁𐴦𐴝𐴘 𐴄𐴥𐴝𐴘𐴓𐴠𐴕 𐴔𐴡𐴓𐴠𐴐𐴥𐴙𐴝 𐴀𐴞𐴕𐴋𐴢𐴢𐴕𐴞𐴐𐴥𐴙𐴝 𐴎𐴝𐴘𐴁𐴝𐴌 𐴑𐴢𐴢𐴐𐴥𐴞𐴐𐴢 𐴒𐴡𐴌𐴠𐴊𐴧𐴠 𐴱 𐴷 𐴱 𐴰 𐴲 𐴀𐴞𐴚𐴌𐴝𐴎𐴞 𐴹 𐴲 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴐𐴥𐴡𐴕𐴡𐴃 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴊𐴠𐴐𐴢 𐴏𐴥𐴡𐴉𐴝𐴙𐴌 𐴕𐴝𐴔𐴊𐴞 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴌𐴠 𐴅𐴠𐴕𐴡𐴏𐴥𐴝𐴙𐴋 𐴒𐴡𐴌𐴡𐴕𐴠 𐴱 𐴓𐴝𐴑𐴝 𐴓𐴝𐴑𐴞 𐴌𐴢𐴢𐴇𐴝𐴙𐴚𐴒𐴙𐴝 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴌𐴝 𐴓𐴡𐴘𐴧𐴠 𐴱 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴠 ” 𐴌𐴢𐴢𐴇𐴝𐴙𐴚𐴒𐴙𐴝 ” 𐴕𐴝𐴔 𐴘𐴥𐴝𐴕𐴡𐴌𐴠 𐴑𐴡𐴁𐴢𐴢𐴓 𐴕𐴡 𐴒𐴡𐴙𐴓𐴧𐴠 𐴘𐴦𐴡 𐴀𐴥𐴞𐴃𐴝𐴌𐴝𐴌𐴠 𐴖𐴝𐴉𐴠𐴏𐴢 𐴀𐴝𐴕𐴞𐴁𐴡 𐴁𐴡𐴓𐴞 𐴈𐴡𐴀𐴌 𐴱𐴱

Sources : VOA Burmese https://burmese.voanews.com/a/thai-prison-rohingya-escape-/5238525.html