𐴁𐴥𐴢𐴢𐴏𐴞𐴊𐴡𐴚 𐴀𐴠𐴓𐴝𐴑𐴝𐴃 𐴀𐴥𐴝𐴣𐴃𐴞𐴘𐴝𐴌 𐴉𐴥𐴢𐴢𐴍𐴞 𐴏𐴝𐴙𐴌 𐴎𐴡𐴕𐴡𐴌 𐴔𐴡𐴖𐴃 𐴱𐴱

𐴀𐴝𐴙𐴅𐴧𐴙𐴝 𐴷 / 𐴃𐴝𐴌𐴞𐴑 𐴅𐴝𐴕𐴢𐴢𐴖𐴝𐴌𐴞 𐴰 𐴲 𐴰 𐴲 𐴀𐴞𐴚𐴌𐴝𐴎𐴞 // 𐴴 𐴲 / 𐴃𐴝𐴌𐴞𐴑 𐴉𐴢𐴢𐴐𐴢 𐴔𐴝𐴐𐴢 𐴱 𐴳 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴔𐴡𐴚𐴒𐴡𐴓 𐴁𐴝𐴌𐴠 𐴱 𐴁𐴠𐴙𐴕𐴧𐴝 𐴓𐴡𐴒 𐴁𐴤𐴡𐴒 𐴐𐴥𐴝𐴀𐴌𐴡 𐴊𐴡𐴐𐴢 𐴁𐴝𐴎𐴠 𐴱 𐴀𐴝𐴌𐴑𐴝𐴕𐴡𐴃 𐴁𐴥𐴢𐴢𐴏𐴞𐴊𐴡𐴚𐴡𐴌 𐴊𐴦𐴡𐴙𐴕 𐴀𐴠𐴓𐴝𐴑𐴝𐴌 𐴱 𐴃𐴥𐴞 𐴃𐴥𐴢𐴢 𐴂𐴥𐴡𐴑 𐴉𐴝𐴌𐴝𐴌 𐴀𐴞𐴐𐴑𐴢𐴢𐴓𐴡𐴌 𐴔𐴝𐴐𐴄𐴡𐴌 / 𐴀𐴝𐴓𐴞 𐴅𐴡𐴖𐴇𐴥𐴝𐴌 𐴁𐴝𐴉𐴢 𐴏𐴢𐴢𐴓𐴃𐴝𐴕𐴠 𐴁𐴡𐴐𐴢 𐴵 𐴲 𐴁𐴡𐴏𐴡𐴌 𐴱 𐴉𐴥𐴢𐴢𐴣𐴖𐴝𐴣𐴃𐴞 𐴹 𐴎𐴡𐴕 𐴀𐴞𐴐𐴑𐴢𐴢𐴙𐴓𐴧𐴝 𐴉𐴢𐴢𐴖𐴝𐴙𐴕 𐴓𐴡𐴘 𐴱 𐴀𐴞𐴐𐴑𐴢𐴢𐴓𐴡𐴌 𐴋𐴥𐴝𐴑𐴡𐴌 𐴉𐴝𐴀𐴌𐴡𐴃 𐴊𐴝𐴌𐴒𐴥𐴗𐴝 𐴃𐴢𐴢𐴖𐴝𐴘𐴃𐴡 𐴒𐴞𐴘𐴠𐴊𐴠 𐴀𐴥𐴠𐴍𐴠 𐴱 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴀𐴢𐴢𐴒𐴧𐴗𐴝 𐴉𐴥𐴢𐴢𐴍𐴞 𐴱 𐴀𐴥𐴡𐴊𐴡𐴃 𐴏𐴝𐴙𐴌 𐴎𐴡𐴕 𐴔𐴡𐴌𐴞𐴒𐴞𐴘𐴡𐴘 𐴱 𐴔𐴡𐴌𐴞 𐴒𐴞𐴘𐴡𐴘𐴊𐴠 𐴀𐴥𐴢𐴢𐴀𐴕 𐴀𐴥𐴡𐴙𐴓𐴊𐴠 / 𐴱 = 𐴘𐴝𐴏𐴞𐴕𐴢𐴢𐴓𐴧𐴝𐴇 𐴁𐴝𐴉𐴢 𐴀𐴝𐴁𐴊𐴢𐴢𐴓 𐴅𐴡𐴁𐴧𐴝𐴌 𐴁𐴡𐴐𐴢 𐴰 𐴱 𐴁𐴡𐴏𐴡𐴌 / 𐴲 = 𐴀𐴝𐴁𐴊𐴢𐴢𐴌 𐴌𐴝𐴇𐴔𐴦𐴝𐴕 𐴁𐴝𐴉𐴢 𐴔𐴢𐴢𐴏𐴢𐴃𐴡𐴉𐴝 𐴑𐴡𐴔𐴝𐴓 𐴁𐴡𐴐𐴢 𐴰 𐴱 𐴁𐴡𐴏𐴡𐴌 / 𐴳 = 𐴔𐴢𐴢𐴇𐴝𐴔𐴧𐴡𐴊 𐴀𐴝𐴔𐴞𐴕 𐴁𐴝𐴉𐴢 𐴏𐴡𐴓𐴞𐴔 𐴁𐴡𐴐𐴢 𐴸 𐴁𐴡𐴏𐴡𐴌 / 𐴴 = 𐴀𐴝𐴌𐴞𐴉𐴢𐴢𐴓𐴧𐴝𐴇𐴢 𐴁𐴝𐴉𐴢 𐴔𐴢𐴢𐴇𐴝𐴔𐴧𐴡𐴊 𐴅𐴡𐴖𐴇𐴥𐴝𐴌 𐴁𐴡𐴐𐴢 𐴸 𐴁𐴡𐴏𐴡𐴌 𐴱𐴱

𐴀𐴞𐴐𐴑𐴢𐴢𐴓𐴡𐴌 𐴔𐴝𐴐𐴄𐴡𐴌 𐴀𐴝𐴓𐴞𐴅𐴡𐴞 𐴇𐴥𐴝𐴌 𐴐𐴥𐴡𐴣𐴀 𐴉𐴢𐴢𐴖𐴝𐴙𐴕 𐴉𐴝𐴣𐴏𐴢 𐴎𐴡𐴕 𐴁𐴠𐴐𐴥𐴢 𐴒𐴥𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴥𐴠𐴃𐴡𐴓𐴧𐴝 𐴱 𐴀𐴥𐴞𐴃𐴝𐴌𐴝𐴌𐴠 𐴁𐴥𐴢𐴢𐴏𐴞𐴊𐴡𐴚𐴌 𐴁𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴉𐴦𐴡𐴣𐴏𐴥𐴝𐴘 𐴊𐴞𐴘𐴠 𐴱 𐴀𐴥𐴞𐴃𐴝𐴌𐴝𐴌 𐴕𐴝𐴔 𐴀𐴥𐴡𐴙𐴓𐴊𐴠 / 𐴱 = 𐴀𐴠𐴔𐴌𐴝𐴕 𐴁𐴝𐴉𐴢 𐴐𐴥𐴡𐴔𐴏𐴢𐴢𐴓 𐴀𐴝𐴓𐴡𐴔 𐴁𐴡𐴐𐴢 𐴰 𐴱 𐴁𐴡𐴏𐴡𐴌 / 𐴲 = 𐴀𐴝𐴎𐴞𐴎𐴢𐴢𐴌 𐴌𐴝𐴇𐴔𐴦𐴝𐴕 𐴁𐴝𐴉𐴢 𐴔𐴢𐴢𐴏𐴃𐴡𐴉𐴝 𐴑𐴡𐴔𐴝𐴓 𐴁𐴡𐴐𐴢 𐴸 𐴁𐴡𐴏𐴡𐴌 / 𐴳 = 𐴀𐴝𐴔𐴞𐴌 𐴇𐴝𐴑𐴞𐴔 𐴁𐴝𐴉𐴢 𐴇𐴝𐴉𐴠𐴎 𐴀𐴝𐴇𐴔𐴡𐴊 𐴁𐴡𐴐𐴢 𐴷 𐴁𐴡𐴏𐴡𐴌 / 𐴴 = 𐴀𐴝𐴁𐴊𐴢𐴢𐴓 𐴔𐴡𐴕𐴧𐴝𐴕 𐴁𐴝𐴉𐴢 𐴀𐴝𐴁𐴊𐴢𐴢𐴏𐴢 𐴏𐴡𐴓𐴝𐴔 𐴁𐴡𐴐𐴢 𐴸 𐴁𐴡𐴏𐴡𐴌 / 𐴵 = 𐴀𐴝𐴁𐴢𐴢 𐴃𐴝𐴇𐴠𐴌 𐴁𐴝𐴉𐴢 𐴔𐴢𐴢𐴇𐴝𐴔𐴧𐴡𐴊 𐴉𐴡𐴘𐴧𐴝𐴎 𐴁𐴡𐴐𐴢 𐴸 𐴁𐴡𐴏𐴌 𐴱𐴱

𐴀𐴠 𐴒𐴥𐴡𐴄𐴡𐴕𐴝 𐴘𐴦𐴝𐴕 𐴑𐴞 𐴔𐴦𐴝𐴙𐴕 𐴁𐴢𐴢𐴔 𐴉𐴥𐴢𐴢𐴍𐴡𐴕𐴡𐴌 𐴎𐴡𐴌𐴞𐴘𐴝 𐴀𐴥𐴡𐴘𐴧𐴠𐴊𐴠 𐴱 𐴕𐴥𐴝𐴑𐴞 𐴔𐴠𐴓𐴠𐴄𐴠𐴌𐴞 𐴘𐴠 𐴘𐴝𐴃𐴡 𐴔𐴡𐴒𐴁𐴝𐴒𐴞 𐴘𐴠 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴔𐴝𐴌𐴡𐴕𐴡𐴌 𐴎𐴡𐴌𐴞𐴘𐴝 𐴀𐴥𐴡𐴘𐴧𐴠𐴊𐴠 ؟ 𐴱 𐴀𐴝𐴘𐴅𐴥𐴡 𐴈𐴥𐴝𐴄𐴞 𐴒𐴡𐴌𐴞 𐴈𐴦𐴡𐴘 𐴕𐴡𐴉𐴝𐴌𐴠 𐴁𐴡𐴓𐴞 𐴱 𐴕𐴝𐴔 𐴕𐴡 𐴈𐴡𐴘𐴁𐴝𐴌 𐴐𐴡𐴌𐴡𐴃 𐴓𐴡𐴘 𐴱 𐴉𐴝𐴙𐴅𐴧𐴙𐴝 𐴀𐴠𐴑𐴎𐴡𐴕𐴠 ( 𐴀𐴝𐴌 𐴀𐴠𐴉𐴢 𐴀𐴠 ) 𐴌𐴠 𐴈𐴡𐴘𐴧𐴠 𐴱𐴱 𐴇𐴥𐴝𐴐𐴉𐴝𐴃𐴝𐴓𐴡𐴃 𐴉𐴦𐴡𐴣𐴏𐴝𐴘𐴧𐴠𐴊𐴠 𐴀𐴥𐴢𐴢𐴀𐴕𐴡𐴌 𐴁𐴥𐴢𐴢𐴃𐴡𐴌𐴠 𐴲 𐴎𐴡𐴕𐴡𐴌 𐴇𐴥𐴝𐴓𐴡𐴃 𐴁𐴠𐴐𐴥𐴞 𐴈𐴥𐴡𐴌𐴝𐴁 𐴁𐴡𐴓𐴞 𐴎𐴝𐴕𐴝𐴒𐴞𐴘𐴠 𐴱𐴱 𐴉𐴥𐴢𐴢𐴙𐴄𐴧𐴠𐴊𐴠 𐴉𐴝𐴀𐴌 𐴀𐴥𐴞𐴁𐴝𐴃 𐴀𐴠𐴑𐴔𐴝𐴐𐴢 𐴀𐴝𐴒𐴠 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴓𐴠 𐴒𐴥𐴝𐴣𐴄𐴞 𐴁𐴝𐴕𐴝𐴙𐴀𐴓 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴎𐴠𐴍𐴥𐴠 𐴒𐴥𐴝𐴣𐴄𐴞 𐴁𐴝𐴕𐴝𐴀 𐴀𐴥𐴠𐴍𐴠 𐴔𐴦𐴝𐴙𐴕 𐴁𐴢𐴢𐴔 𐴒𐴝𐴣𐴌𐴠 𐴀𐴝𐴌 𐴒𐴥𐴝𐴣𐴄𐴞 𐴓𐴝𐴌𐴞 𐴎𐴝𐴘𐴁𐴝𐴌 𐴐𐴥𐴡𐴣𐴀𐴃 𐴁𐴢𐴢𐴔 𐴀𐴥𐴢𐴢𐴀𐴕 𐴃𐴢𐴢𐴓𐴞 𐴕𐴡 𐴉𐴥𐴠𐴓𐴝 𐴱 𐴀𐴥𐴠 𐴀𐴥𐴞𐴏𐴝𐴉𐴠 𐴔𐴦𐴝𐴙𐴕 𐴁𐴢𐴢𐴔 𐴀𐴥𐴡𐴘𐴃𐴡 𐴉𐴝𐴌𐴠 𐴱𐴱

Sources : RFA Burmese