𐴊𐴢𐴢𐴘 𐴎𐴡𐴕 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴇𐴥𐴝𐴘𐴎𐴝𐴑 𐴒𐴡𐴌𐴞 𐴔𐴡𐴒𐴁𐴝𐴒𐴞 𐴘𐴠 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴁𐴡𐴓𐴞 𐴀𐴝𐴕𐴊𐴠𐴐𐴥𐴝 𐴱𐴱

𐴔𐴥𐴝𐴔𐴁𐴝𐴌𐴝 𐴀𐴠𐴓𐴝𐴑𐴝𐴌 𐴏𐴝𐴔𐴁𐴞𐴓𐴞 𐴉𐴝𐴌𐴝𐴌 𐴲 𐴎𐴡𐴕 𐴌𐴢𐴢𐴇𐴝𐴙𐴚𐴒𐴙𐴝 𐴱 = 𐴘𐴢𐴢𐴏𐴢𐴢𐴉𐴢 𐴁𐴝𐴉𐴢 𐴈𐴝𐴓𐴝𐴔𐴞𐴛𐴝 𐴁𐴡𐴐𐴢 𐴰 𐴶 𐴁𐴡𐴏𐴡𐴌 𐴲 = 𐴈𐴝𐴘𐴌𐴢𐴢𐴓 𐴀𐴝𐴔𐴞𐴕 𐴁𐴝𐴉𐴢 𐴔𐴢𐴢𐴇𐴝𐴔𐴧𐴡𐴊𐴢 𐴇𐴢𐴢𐴏𐴝𐴙𐴕 𐴁𐴡𐴐𐴢 𐴲 𐴳 𐴁𐴡𐴏𐴡𐴌 𐴱 𐴀𐴞𐴃𐴝𐴌𐴝𐴌𐴠 𐴱 / 𐴃𐴝𐴌𐴞𐴑 𐴅𐴝𐴕𐴢𐴢𐴖𐴝𐴌𐴞 𐴰 𐴲 𐴰 𐴲 𐴀𐴞𐴚𐴌𐴝𐴎𐴞 𐴸 𐴱 / 𐴃𐴝𐴌𐴞𐴑 𐴉𐴢𐴢𐴐𐴢 𐴔𐴝𐴐𐴢 𐴱 𐴳 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴱 𐴁𐴢𐴢𐴙𐴃 𐴁𐴝𐴌𐴠 𐴱 𐴔𐴡𐴒𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴇𐴥𐴝𐴘𐴎𐴝𐴑 𐴒𐴡𐴌𐴞 𐴓𐴡𐴘𐴒𐴞𐴘𐴡𐴘 𐴀𐴝𐴌 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴁𐴡𐴓𐴞 𐴀𐴝𐴕𐴊𐴠𐴐𐴥𐴝 𐴱𐴱

𐴏𐴢𐴢𐴑 𐴊𐴠𐴈𐴝 𐴒𐴡𐴁𐴝𐴌 𐴌𐴠𐴂𐴢𐴢𐴄 𐴔𐴡𐴎𐴞𐴕 𐴱 𐴘𐴢𐴢𐴏𐴢𐴢𐴉𐴢 𐴀𐴝𐴌 𐴈𐴝𐴘𐴌𐴢𐴢𐴓 𐴀𐴔𐴞𐴕 𐴊𐴢𐴢𐴕𐴥𐴡 𐴎𐴡𐴕𐴠 𐴈𐴥𐴡𐴓𐴝𐴃 𐴔𐴝𐴎𐴠 𐴱 𐴊𐴤𐴝𐴕 𐴀𐴥𐴢𐴢𐴌𐴥𐴝𐴊𐴧𐴠 𐴀𐴡𐴑𐴃𐴡𐴃 𐴱 𐴉𐴝𐴣𐴏𐴢 𐴎𐴡𐴕 𐴀𐴥𐴝𐴣𐴃𐴞𐴘𐴝𐴌 𐴀𐴡𐴓𐴝 𐴔𐴡𐴒𐴢 𐴀𐴦𐴝𐴘𐴧𐴡𐴌𐴠 𐴱 𐴀𐴥𐴞𐴃𐴝𐴌𐴝 𐴊𐴢𐴢𐴕𐴥𐴡𐴎𐴡𐴕𐴡𐴌𐴠 𐴱 𐴈𐴡𐴕𐴥𐴡 𐴑𐴠𐴙𐴧𐴏𐴢𐴢 𐴉𐴢𐴢𐴏𐴝𐴌 𐴒𐴡𐴌𐴝 𐴏𐴥𐴝𐴌𐴝 𐴔𐴝𐴌𐴝 𐴐𐴥𐴢𐴢𐴌𐴢𐴢 𐴒𐴡𐴙𐴅𐴧𐴙𐴠 𐴱 𐴁𐴝𐴊𐴠 𐴉𐴥𐴢𐴢𐴣𐴖𐴝𐴣𐴃𐴞 𐴓𐴡𐴘 𐴒𐴞𐴘𐴡𐴘 𐴱 𐴔𐴡𐴒𐴢 𐴀𐴥𐴢𐴢𐴀𐴕 𐴔𐴡𐴒𐴁𐴝𐴒𐴞 𐴀𐴥𐴡𐴙𐴃 𐴉𐴝𐴌𐴠 𐴱𐴱

𐴀𐴥𐴞𐴃𐴝𐴌𐴝 𐴏𐴝𐴙𐴌 𐴉𐴝𐴣𐴏𐴢 𐴊𐴞𐴕 𐴎𐴠𐴈𐴥𐴡𐴕 𐴒𐴤𐴡𐴌𐴡𐴃 𐴕𐴡 𐴀𐴥𐴝𐴘𐴧𐴠𐴌 𐴱 𐴃𐴦𐴡𐴘 𐴒𐴤𐴡𐴌𐴒𐴢𐴢𐴐𐴧𐴞 𐴀𐴥𐴡𐴑𐴧𐴡𐴓𐴠 𐴀𐴞𐴑𐴧𐴙𐴝 𐴀𐴢𐴢𐴙𐴑𐴧𐴙𐴝 𐴃𐴢𐴢𐴖𐴝𐴌𐴊𐴠 𐴀𐴥𐴠𐴍𐴠 𐴀𐴠𐴑𐴧𐴝𐴕 𐴎𐴝𐴒𐴝𐴃 𐴱 𐴓𐴡𐴖 𐴊𐴠𐴑𐴞𐴓𐴡 𐴀𐴝𐴌 𐴃𐴝𐴌𐴝𐴌 𐴒𐴦𐴝𐴃 𐴀𐴝𐴐𐴧𐴞𐴀𐴓𐴊𐴠 𐴈𐴦𐴡𐴌 𐴉𐴝𐴘𐴓𐴡 𐴱 𐴎𐴞𐴀𐴕𐴡𐴌 𐴎𐴡𐴌𐴞𐴘𐴝 𐴒𐴤𐴡𐴌𐴒𐴢𐴢𐴐𐴧𐴞 𐴀𐴥𐴡𐴑𐴧𐴡𐴓𐴠 𐴁𐴢𐴢𐴎𐴠𐴌 𐴊𐴠 𐴀𐴥𐴞𐴃𐴝𐴌𐴝 𐴎𐴞𐴕𐴊𐴝 𐴕𐴥𐴝𐴘 𐴱𐴱

𐴀𐴥𐴠𐴊𐴞𐴕 𐴀𐴝𐴌𐴥𐴡 𐴀𐴠𐴑𐴧𐴝𐴕 𐴔𐴝𐴀𐴔𐴠𐴓𐴝 𐴀𐴥𐴡𐴘𐴧𐴠 𐴱 𐴊𐴢𐴢𐴘 𐴎𐴡𐴕 𐴌𐴢𐴢𐴇𐴝𐴙𐴕𐴒𐴙𐴝 𐴱/ 𐴀𐴝𐴁𐴢𐴢𐴃𐴝𐴓𐴠𐴁 𐴁𐴝𐴉𐴢 𐴀𐴝𐴓𐴞 𐴀𐴝𐴇𐴔𐴡𐴊 𐴲 / 𐴏𐴡𐴓𐴞𐴔 𐴁𐴝𐴉𐴢 𐴀𐴠𐴎𐴦𐴝𐴌 𐴔𐴞𐴛𐴝 𐴔𐴞𐴓𐴞 𐴱 𐴃𐴝𐴌𐴝𐴌 𐴉𐴝𐴌𐴝𐴌 𐴋𐴥𐴝𐴑𐴡𐴌 𐴈𐴥𐴝𐴓𐴡𐴃 𐴁𐴢𐴢𐴄 𐴓𐴡𐴘 𐴔𐴝𐴏𐴢 𐴏𐴝𐴀𐴌𐴊𐴠 𐴀𐴥𐴠𐴍𐴠 𐴱 𐴀𐴝𐴃𐴥𐴞𐴑𐴧𐴙𐴝 𐴀𐴝𐴣𐴐𐴄𐴡 𐴎𐴡𐴕 𐴀𐴥𐴝𐴣𐴃𐴞𐴘𐴝𐴌 𐴀𐴡𐴓𐴝 𐴔𐴡𐴒𐴢 𐴀𐴦𐴝𐴘 𐴱 𐴀𐴥𐴡𐴊𐴡𐴌 𐴁𐴦𐴝𐴌𐴠 𐴔𐴝𐴌𐴝 𐴊𐴤𐴡𐴌𐴝 𐴒𐴡𐴌𐴞 𐴒𐴞𐴘𐴡𐴘 𐴱𐴱 𐴌𐴢𐴢𐴇𐴝𐴙𐴚𐴒𐴙𐴝𐴌 𐴖𐴡𐴌𐴠 𐴔𐴡𐴏𐴞𐴁𐴡𐴃 𐴀𐴞𐴀𐴕 𐴉𐴦𐴡𐴘𐴓𐴝 𐴁𐴝𐴌 𐴕𐴦𐴡𐴱 𐴇𐴥𐴝𐴔𐴞𐴐𐴝 𐴔𐴡𐴒𐴢 𐴀𐴝𐴃𐴡𐴚𐴁𐴝𐴊𐴞 𐴀𐴝𐴌 𐴔𐴡𐴒𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴌𐴠 𐴇𐴥𐴝𐴘𐴎𐴝𐴑 𐴒𐴡𐴌𐴠𐴌 𐴱 𐴔𐴝𐴌𐴠𐴌 𐴱 𐴋𐴝𐴣𐴈𐴝𐴃𐴞 𐴒𐴡𐴌𐴠𐴌 𐴱𐴱