𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴡𐴌 𐴀𐴠𐴑𐴌𐴝𐴌 ” 𐴌𐴢𐴢𐴇𐴝𐴙𐴚𐴒𐴙𐴝 ” 𐴱𐴱

𐴱 𐴱 = 𐴁𐴡𐴌𐴔𐴝𐴌 𐴏𐴢𐴢𐴏𐴠𐴓𐴥𐴞𐴆 𐴇𐴥𐴑𐴢𐴢𐴔𐴡𐴃𐴡𐴌 𐴃𐴝𐴓𐴞𐴔𐴞 𐴀𐴢𐴢𐴎𐴞𐴌𐴡𐴌 𐴀𐴡𐴉𐴞𐴏𐴡𐴃𐴧𐴢𐴢 𐴸 𐴷 𐴹 𐴱 𐴀𐴞𐴚𐴌𐴝𐴎𐴞 𐴰 𐴹 𐴱 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴱 𐴐𐴥𐴡𐴕𐴡𐴃 𐴕𐴠𐴓𐴝𐴘𐴧𐴠𐴊𐴠 𐴖𐴡𐴌𐴡𐴌 𐴀𐴞𐴐𐴑𐴢𐴢𐴓𐴡𐴌 𐴅𐴢𐴢𐴒𐴌𐴝𐴉𐴞𐴘𐴝 𐴑𐴞𐴃𐴝𐴁𐴡𐴌 𐴶 𐴸 𐴓𐴡𐴔𐴁𐴡𐴌 𐴏𐴥𐴡𐴁𐴧𐴝𐴃 𐴱 𐴁𐴡𐴌𐴔𐴝𐴌 𐴊𐴠𐴐𐴡𐴙𐴃𐴧𐴝 𐴑𐴡𐴖𐴔 𐴈𐴡𐴕𐴧𐴗𐴝 𐴈𐴡𐴕𐴎𐴝𐴒𐴝𐴃 𐴃𐴥𐴝𐴑𐴠𐴊𐴠 𐴱 𐴊𐴠𐴈𐴝𐴘𐴧𐴠𐴊𐴠 𐴕𐴡𐴑𐴐𐴡𐴃 𐴱 𐴀𐴝𐴌𐴑𐴝𐴕𐴡𐴌 𐴀𐴢𐴢𐴃𐴧𐴡𐴌𐴠 𐴌𐴢𐴢𐴇𐴝𐴙𐴚𐴒𐴙𐴝 𐴃𐴥𐴝𐴑𐴠 𐴈𐴡𐴀𐴘 𐴊𐴠𐴈𐴝𐴘𐴧𐴠 𐴱𐴱

𐴲 𐴱 = 𐴷 𐴲 𐴔𐴝𐴌𐴠𐴆 𐴲 𐴵 𐴹 𐴱 𐴀𐴞𐴚𐴌𐴝𐴎𐴞𐴃 𐴲 𐴱 𐴃𐴝𐴌𐴞𐴑 𐴏𐴡𐴙𐴃 𐴔𐴝𐴐𐴢 𐴴 𐴲 𐴱 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴱 𐴂𐴝𐴌𐴓𐴞𐴔𐴠𐴕 𐴔𐴞𐴄𐴞𐴚𐴡𐴌 𐴌𐴠𐴂𐴢𐴢𐴄 𐴓𐴠𐴙𐴑𐴧𐴙𐴠𐴊𐴠 𐴑𐴞𐴃𐴝𐴁𐴡𐴌 𐴏𐴥𐴡𐴁𐴧𐴝 𐴓𐴡𐴔𐴁𐴡𐴌 𐴲 𐴶 𐴱 𐴏𐴢𐴢𐴖𐴝𐴓 𐴓𐴡𐴔𐴁𐴡𐴌 𐴰 𐴲 𐴱𐴱 𐴀𐴝𐴙𐴑𐴧𐴙𐴝𐴁𐴡𐴃𐴧𐴢𐴢 𐴁𐴡𐴙𐴕𐴧𐴙𐴠𐴊𐴠 𐴂𐴝𐴌𐴓𐴞𐴔𐴠𐴕 𐴔𐴠𐴔𐴁𐴡𐴌 / 𐴀𐴥𐴢𐴢𐴀 𐴔𐴡𐴚 𐴏𐴞𐴚𐴠 𐴏𐴢𐴢𐴖𐴝𐴓 𐴒𐴡𐴙𐴅𐴧𐴙𐴠𐴊𐴠 𐴱 𐴈𐴡𐴔𐴐𐴡𐴙𐴚𐴒𐴙𐴝𐴌 𐴔𐴦𐴝𐴔𐴠𐴓𐴝𐴌 𐴀𐴢𐴢𐴎𐴞𐴌 𐴑𐴙𐴡𐴓𐴧𐴝 𐴁𐴝𐴕𐴝 𐴒𐴞𐴘𐴠𐴊𐴠 ؟ 𐴃𐴦𐴡𐴘 𐴈𐴡𐴔𐴐𐴡𐴙𐴚𐴒𐴙𐴝𐴌 𐴔𐴦𐴝𐴔𐴠𐴓𐴝𐴌 𐴀𐴢𐴢𐴎𐴞𐴌 / 𐴀𐴥𐴢𐴢𐴀 𐴁𐴥𐴝𐴏𐴗𐴠 𐴘𐴠 𐴅𐴢𐴢𐴖𐴝𐴁 𐴊𐴞𐴘𐴠𐴊𐴠 𐴱 𐴁𐴡𐴌𐴔𐴝𐴌 𐴁𐴤𐴝𐴐𐴞𐴕𐴊𐴝 𐴌𐴠𐴑𐴝𐴙𐴚 𐴔𐴢𐴢𐴀𐴕 𐴌𐴢𐴢𐴇𐴝𐴙𐴚𐴒𐴙𐴝 𐴀𐴝𐴌 𐴁𐴤𐴝𐴐𐴞𐴕𐴊𐴝 𐴁𐴝𐴕𐴝 𐴒𐴞𐴘𐴠𐴃𐴠 𐴑𐴡𐴓𐴥𐴝 𐴆𐴞𐴕𐴝 𐴑𐴝𐴉𐴙𐴝 𐴒𐴢𐴢𐴌𐴑𐴤𐴝 𐴀𐴥𐴠𐴕𐴋𐴞𐴓𐴧𐴝 𐴀𐴝𐴌𐴥𐴡 𐴀𐴡𐴙𐴕𐴧𐴡 𐴈𐴡𐴔𐴐𐴡𐴙𐴚𐴒𐴙𐴝 𐴑𐴡𐴖𐴔𐴡𐴌 𐴇𐴥𐴡𐴑 𐴔𐴝𐴍𐴞 𐴕𐴡 𐴀𐴥𐴡𐴙𐴁𐴡𐴓𐴧𐴝 𐴁𐴝𐴕𐴝 𐴒𐴞𐴘𐴠𐴊𐴠 𐴱𐴱

𐴳 𐴱 = 𐴵 / 𐴃𐴝𐴌𐴞𐴑 𐴔𐴝𐴌𐴠𐴆 𐴰 𐴵 𐴹 𐴱 𐴀𐴞𐴚𐴌𐴝𐴎𐴞 𐴰 𐴲 / 𐴉𐴥𐴡𐴀𐴕 𐴔𐴝𐴐𐴢 𐴹 𐴶 𐴱 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴐𐴥𐴡𐴕𐴡𐴃 𐴱 𐴁𐴡𐴌𐴡 𐴀𐴢𐴢𐴎𐴞𐴌 / 𐴀𐴥𐴢𐴢𐴀 𐴕𐴥𐴢𐴢 𐴘𐴠 𐴉𐴝𐴑𐴞𐴏𐴃𐴝𐴕𐴡𐴌 𐴏𐴡𐴉𐴞𐴌 / 𐴀𐴡𐴖𐴌𐴡𐴚 𐴎𐴞𐴁𐴢 𐴀𐴝𐴌 𐴔𐴡𐴒𐴡𐴌 𐴓𐴞𐴋𐴝𐴌 / 𐴀𐴡𐴚 𐴎𐴞𐴚 𐴖𐴥𐴠 𐴌𐴠 𐴉𐴥𐴢𐴢𐴣𐴖𐴝𐴣𐴃𐴞 𐴓𐴡𐴘 𐴱 𐴔𐴡𐴋𐴥𐴢𐴢𐴃 𐴀𐴝𐴙𐴐𐴧𐴞𐴓𐴊𐴠 𐴀𐴡𐴑𐴃𐴡𐴃 // 𐴱 = 𐴔𐴝𐴐𐴄𐴡𐴌 𐴀𐴝𐴁𐴢𐴢𐴁𐴡𐴑𐴧𐴡𐴌 / 𐴲 = 𐴔𐴝𐴐𐴄𐴡𐴌 𐴀𐴝𐴇𐴔𐴡𐴊 𐴑𐴡𐴁𐴞𐴌 / 𐴳 = 𐴔𐴝𐴐𐴄𐴡𐴌 𐴀𐴝𐴁𐴊𐴢𐴢𐴓 𐴑𐴢𐴢𐴊𐴧𐴢𐴢𐴏𐴢 / 𐴴 = 𐴔𐴝𐴐𐴄𐴡𐴌 𐴀𐴝𐴁𐴊𐴢𐴢𐴓 𐴒𐴡𐴉𐴧𐴝𐴌 / 𐴵 = 𐴔𐴝𐴐𐴄𐴡𐴌 𐴏𐴥𐴢𐴢𐴓𐴃𐴝𐴕 / 𐴶 = 𐴔𐴢𐴢𐴇𐴝𐴔𐴧𐴡𐴊 𐴕𐴡𐴏𐴞𐴔 𐴱 𐴀𐴠 𐴏𐴥𐴡 𐴎𐴡𐴕 𐴔𐴝𐴙𐴕𐴐𐴠 (𐴁𐴞 𐴄𐴞 𐴀𐴠𐴉𐴢 ) 𐴡𐴌 𐴐𐴠𐴑𐴝𐴘𐴡𐴃 𐴓𐴡𐴘 𐴈𐴥𐴝𐴏𐴢 𐴒𐴡𐴌𐴞 𐴁𐴡𐴌𐴡 𐴀𐴢𐴢𐴎𐴞𐴌 / 𐴀𐴥𐴢𐴢𐴀 𐴕𐴥𐴢𐴢 𐴓𐴡𐴘 𐴊𐴡𐴓𐴝 𐴀𐴥𐴡𐴙𐴀𐴓𐴊𐴠 𐴀𐴡𐴑𐴃𐴡𐴃 𐴱 𐴁𐴡𐴌𐴡 𐴀𐴢𐴢𐴎𐴞𐴌 / 𐴀𐴥𐴢𐴢𐴀 𐴕𐴥𐴢𐴢 𐴘𐴠 𐴀𐴦𐴝𐴔 𐴉𐴡𐴌𐴎𐴝𐴌 𐴔𐴞𐴄𐴞𐴚𐴡𐴃 𐴈𐴡𐴘𐴧𐴠𐴊𐴠 𐴱 𐴀𐴢𐴢𐴃𐴧𐴡𐴌 𐴀𐴝𐴌𐴑𐴝𐴕𐴡𐴃 𐴊𐴢𐴢𐴖𐴝 𐴋𐴦𐴡𐴣𐴌 𐴑𐴡𐴖𐴔 𐴃𐴥𐴝𐴑𐴠 𐴱 𐴊𐴢𐴢𐴕𐴥𐴢𐴢𐴖𐴝 𐴁𐴡𐴌𐴔𐴝𐴌 𐴀𐴝𐴏𐴡𐴓𐴞 𐴁𐴤𐴝𐴐𐴞𐴕𐴊𐴝 𐴱 𐴊𐴢𐴢𐴕𐴥𐴢𐴢 𐴑𐴡𐴖𐴔 𐴁𐴡𐴀𐴃 𐴎𐴡𐴁𐴝𐴕𐴝 𐴀𐴥𐴡𐴘𐴃𐴠 𐴀𐴠𐴍𐴠 𐴃𐴥𐴝𐴑𐴠 𐴱 𐴀𐴥𐴠𐴍𐴠 𐴁𐴥𐴢𐴢𐴃𐴡𐴌 𐴐𐴥𐴡𐴃𐴑𐴝𐴌𐴝 % 𐴰 𐴹 𐴎𐴡𐴕 𐴌𐴢𐴢𐴇𐴝𐴙𐴚𐴒𐴙𐴝 𐴱𐴱

𐴴 𐴱 = 𐴁𐴡𐴌𐴔𐴝 𐴀𐴝𐴎𐴝𐴊𐴢 𐴀𐴥𐴡𐴘 𐴁𐴦𐴝𐴊𐴠 𐴓𐴡𐴃𐴞 𐴲 𐴱 𐴰 𐴲 𐴀𐴞𐴚𐴌𐴝𐴎𐴞 𐴴 𐴲 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴐𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴌𐴢𐴢𐴇𐴝𐴙𐴚𐴒𐴙𐴝 𐴌𐴠 𐴰 𐴲 𐴁𐴝𐴌 𐴀𐴞𐴚𐴑𐴗𐴝𐴌𐴞 𐴒𐴡𐴙𐴅𐴧𐴙𐴠 𐴱 𐴁𐴦𐴝𐴊𐴠 𐴘𐴥𐴡 𐴁𐴝𐴚𐴒𐴝𐴓𐴞 𐴏𐴝𐴁𐴢𐴢𐴃 𐴒𐴡𐴌𐴞 𐴕𐴦𐴡 𐴉𐴝𐴌𐴠 𐴱 𐴀𐴥𐴠𐴃𐴡𐴓𐴧𐴝 𐴎𐴠𐴃𐴥𐴡𐴁𐴝𐴌 𐴁𐴡𐴌𐴔𐴝𐴃 𐴁𐴤𐴢𐴢𐴄 𐴒𐴡𐴙𐴅𐴧𐴙𐴠 𐴱 𐴀𐴥𐴠𐴃𐴡𐴁𐴝𐴌 𐴌𐴢𐴢𐴇𐴝𐴙𐴚𐴒𐴙𐴝 𐴘𐴠 𐴁𐴤𐴢𐴢𐴄 𐴊𐴞𐴘𐴥𐴡 𐴉𐴝𐴙𐴅𐴧𐴙𐴠 𐴓𐴡𐴘𐴧𐴡 𐴉𐴝𐴙𐴅𐴧𐴙𐴠 𐴱 𐴵 𐴰 𐴰 𐴲 𐴀𐴞𐴚𐴌𐴝𐴎𐴞
𐴷 𐴱 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴐𐴥𐴡𐴕𐴡𐴃 / 𐴌𐴝𐴎𐴝 𐴃𐴥𐴞𐴚 𐴏𐴞𐴚𐴠 𐴑𐴝𐴕𐴢𐴢𐴕𐴡𐴌 𐴌𐴞𐴉𐴠𐴌𐴠𐴕𐴋𐴥𐴡𐴔 𐴒𐴡𐴌𐴝𐴘𐴧𐴠𐴊𐴠 𐴱 𐴀𐴥𐴠𐴍𐴠 𐴀𐴥𐴢𐴢𐴊𐴧𐴝 𐴌𐴢𐴢𐴇𐴝𐴙𐴚𐴒𐴙𐴝 𐴘𐴠 𐴁𐴤𐴢𐴢𐴄 𐴊𐴞 𐴉𐴝𐴙𐴅𐴧𐴙𐴠 𐴱 𐴈𐴡𐴕𐴥𐴡 𐴁𐴝𐴌𐴡𐴃 𐴌𐴢𐴢𐴇𐴝𐴙𐴚𐴒𐴙𐴝 𐴌𐴠 𐴁𐴡𐴘𐴊𐴠𐴐𐴥𐴡𐴙𐴃𐴧𐴝 𐴈𐴦𐴡𐴘 𐴕𐴦𐴡𐴉𐴝𐴌𐴠 𐴱 𐴔𐴡𐴕𐴎𐴡𐴑𐴧𐴝 𐴑𐴝𐴕𐴢𐴢𐴕 𐴁𐴝𐴕𐴝𐴘 𐴵 𐴱 𐴰 𐴲 𐴀𐴞𐴚𐴌𐴝𐴎𐴞 𐴷 𐴲 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴐𐴥𐴡𐴕𐴡𐴃 𐴱 𐴌𐴝𐴎𐴝 𐴃𐴥𐴞𐴚 𐴏𐴞𐴚𐴠 𐴊𐴤𐴡𐴓𐴝 𐴉𐴡𐴄𐴢𐴢𐴌 𐴔𐴢𐴢𐴊𐴧𐴡𐴃 𐴉𐴥𐴢𐴢𐴌𐴝𐴘 𐴒𐴞𐴘𐴡𐴘 𐴱 𐴀𐴥𐴞𐴃𐴝𐴌𐴝 𐴁𐴤𐴢𐴢𐴄 𐴊𐴞𐴕𐴡𐴉𐴝𐴌𐴞𐴁𐴡 𐴈𐴡𐴀𐴘 𐴱 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴁𐴤𐴢𐴢𐴄 𐴊𐴞𐴃𐴡 𐴕𐴡𐴀𐴊𐴠 𐴱 𐴇𐴥𐴝𐴓𐴠𐴑𐴥𐴠 𐴊𐴤𐴡𐴓𐴝 𐴉𐴡𐴄𐴢𐴢 𐴔𐴢𐴢𐴊𐴧𐴡𐴃 𐴀𐴡𐴓𐴝 𐴕𐴡 𐴀𐴝𐴐𐴧𐴞𐴀𐴓 𐴱𐴱

𐴵 𐴱 = 𐴷 𐴴 𐴹 𐴱 𐴀𐴞𐴚𐴌𐴝𐴎𐴞 𐴹 𐴵 𐴱 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴐𐴥𐴡𐴕𐴡𐴃 𐴱 𐴁𐴡𐴌𐴔𐴝𐴌 𐴊𐴡𐴏𐴃𐴢𐴢𐴌 𐴁𐴝𐴕𐴝𐴘 𐴁𐴡𐴓𐴧𐴝 𐴱 𐴂𐴝𐴌𐴓𐴞𐴔𐴠𐴕𐴡𐴌 𐴁𐴤𐴢𐴢𐴄 𐴒𐴡𐴙𐴅𐴧𐴙𐴠𐴊𐴠 𐴀𐴥𐴠𐴍𐴠 𐴐𐴡𐴌𐴡𐴃 𐴌𐴝𐴙𐴑𐴧𐴞𐴀𐴓𐴊𐴠 𐴱 𐴎𐴝𐴌 𐴊𐴝𐴊𐴝 𐴔𐴦𐴝𐴣 𐴁𐴝𐴉𐴢 𐴕𐴞𐴎𐴠 𐴱 𐴃𐴞𐴕 𐴕𐴡𐴏𐴥𐴡𐴓 𐴁𐴡𐴌𐴔𐴝𐴃 𐴀𐴥𐴡𐴘𐴧𐴠𐴊𐴠 𐴀𐴥𐴡𐴘𐴁𐴡 𐴱 𐴀𐴥𐴞𐴃𐴠 𐴁𐴤𐴢𐴢𐴄 𐴊𐴞𐴉𐴝𐴌𐴞𐴁𐴡𐴀 𐴀𐴝𐴌 𐴀𐴠𐴔 𐴂𐴞 𐴘𐴦𐴡 𐴁𐴡𐴕𐴞 𐴉𐴝𐴌𐴞𐴁𐴡𐴀 𐴱 𐴀𐴥𐴠 𐴐𐴡𐴌𐴡𐴃 𐴔𐴡𐴎𐴞𐴕 𐴌𐴢𐴢𐴇𐴝𐴙𐴚𐴒𐴙𐴝 𐴁𐴠𐴙𐴒𐴧𐴢𐴢𐴕𐴠 𐴁𐴤𐴢𐴢𐴄 𐴊𐴞𐴉𐴝𐴅𐴧𐴞𐴀𐴓 𐴀𐴝𐴌 𐴌𐴢𐴢𐴇𐴝𐴙𐴚𐴒𐴙𐴝 𐴀𐴠𐴔 𐴂𐴞 𐴘𐴦𐴡 𐴁𐴡𐴕𐴞 𐴉𐴝𐴅𐴧𐴞𐴀𐴓 𐴱𐴱