𐴔𐴡𐴒𐴁𐴝𐴒𐴞 ( 𐴀𐴠 𐴀𐴠 ) 𐴘𐴠 𐴔𐴝𐴕𐴢𐴢𐴙𐴐𐴢 𐴃𐴥𐴝𐴑𐴠𐴊𐴠 𐴒𐴤𐴡𐴌 𐴑𐴝𐴁𐴝 𐴓𐴡𐴘 𐴓𐴝𐴌𐴝𐴘 𐴒𐴡𐴌𐴠𐴊𐴧𐴠 𐴱 𐴔𐴠𐴓𐴠𐴄𐴠𐴌𐴞 𐴘𐴠 𐴈𐴦𐴡𐴌 𐴱𐴱

𐴸 𐴲 / 𐴋𐴞𐴏𐴡𐴔𐴁𐴡𐴌𐴡𐴃 𐴑𐴙𐴡𐴑 𐴄𐴡𐴃 𐴀𐴥𐴡𐴘𐴧𐴠𐴊𐴠 𐴓𐴝𐴌𐴝𐴙𐴃 𐴱 𐴔𐴡𐴒𐴁𐴝𐴒𐴞 ( 𐴀𐴠 𐴀𐴠 ) 𐴘𐴠 𐴉𐴝𐴌𐴝𐴃 𐴘𐴝 𐴐𐴥𐴡𐴀𐴌𐴡𐴃 𐴂𐴝𐴂𐴓𐴞𐴑𐴡𐴌 𐴒𐴤𐴡𐴌𐴡𐴌𐴠 𐴱 𐴑𐴝𐴁𐴝 𐴁𐴝𐴕𐴝𐴘 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓 𐴔𐴡𐴌𐴠𐴉𐴦𐴝𐴕 𐴱 𐴓𐴝𐴌𐴝𐴘 𐴒𐴡𐴌𐴠𐴌𐴊𐴠 𐴁𐴡𐴓𐴞 𐴔𐴠𐴓𐴠𐴄𐴠𐴌𐴞 𐴘𐴠 𐴈𐴡𐴘𐴧𐴠 𐴱𐴱 𐴸 𐴲 / 𐴋𐴞𐴏𐴡𐴔𐴁𐴡𐴌𐴡𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴱 𐴑𐴙𐴡𐴑 𐴄𐴡 𐴐𐴥𐴡𐴀𐴌𐴡𐴌 𐴇𐴠𐴉𐴝𐴎𐴡𐴃𐴞 𐴁𐴡𐴕𐴊𐴡𐴁𐴡𐴏𐴢 𐴒𐴡𐴌𐴠𐴌𐴊𐴠 𐴀𐴡𐴑𐴃𐴡𐴃 𐴱 𐴐𐴥𐴡𐴀𐴌𐴡𐴌 𐴀𐴥𐴝𐴓 𐴐𐴝𐴐𐴥𐴝 𐴏𐴝𐴛𐴏𐴢 𐴀𐴞𐴐𐴑𐴢𐴢𐴓 𐴱 𐴒𐴝𐴌𐴞𐴌 𐴀𐴞𐴏𐴄𐴞𐴐𐴠𐴕 𐴱 𐴀𐴠𐴓𐴠𐴄𐴠𐴌𐴞 𐴏𐴥𐴝𐴂𐴓𐴝𐴘 𐴒𐴡𐴌𐴠𐴊𐴠 𐴀𐴞𐴕𐴅𐴞𐴓 𐴒𐴤𐴡𐴌 𐴱 𐴀𐴞𐴀𐴕𐴡𐴌 𐴋𐴥𐴝𐴑𐴠 𐴀𐴝𐴏𐴠𐴊𐴠 𐴒𐴤𐴡𐴌 𐴀𐴥𐴡𐴑𐴧𐴡𐴓𐴡𐴌𐴠 𐴑𐴝𐴁𐴝 𐴓𐴡𐴘 𐴱 𐴔𐴡𐴒𐴁𐴝𐴒𐴞 𐴘𐴠 𐴓𐴝𐴌𐴝𐴘 𐴒𐴡𐴙𐴅𐴧𐴠 𐴁𐴡𐴓𐴞 𐴔𐴠𐴓𐴠𐴄𐴠𐴌𐴞 𐴘𐴠 𐴈𐴡𐴘𐴧𐴠 𐴱𐴱

𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 ( 𐴋𐴡𐴔𐴧𐴝𐴥𐴌𐴠𐴚 ) 𐴡𐴃 𐴒𐴥𐴝𐴣𐴄𐴞 𐴁𐴝𐴕𐴝𐴘 𐴱 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴱 𐴔𐴡𐴕𐴎𐴡𐴑𐴧𐴝 𐴀𐴞𐴚𐴑𐴗𐴝𐴌𐴞 𐴒𐴡𐴌𐴠𐴌 𐴱 𐴔𐴝𐴌𐴝 𐴊𐴤𐴡𐴌𐴝 𐴒𐴡𐴌𐴠𐴌 𐴱 𐴊𐴤𐴡𐴔𐴑𐴞 𐴀𐴥𐴡𐴑𐴧𐴡𐴓 𐴊𐴦𐴠𐴌 𐴱 𐴀𐴥𐴠𐴃𐴡𐴓𐴧𐴝 𐴀𐴝𐴣𐴀𐴌𐴝 𐴀𐴠𐴕𐴋𐴞𐴓𐴧𐴝 𐴒𐴡𐴌𐴞𐴊𐴧𐴠 𐴁𐴡𐴓𐴞 𐴱 𐴀𐴠 𐴀𐴠𐴌 𐴃𐴡𐴌𐴉𐴡𐴌 𐴈𐴡𐴃𐴥𐴝 𐴈𐴡𐴙𐴕𐴧𐴝 / 𐴑𐴝𐴙𐴚 𐴏𐴥𐴢𐴢𐴑𐴧𐴝 𐴘𐴠 𐴁𐴞 𐴁𐴞 𐴏𐴞 𐴌𐴠 𐴈𐴡𐴘𐴧𐴠 𐴱𐴱 𐴸 𐴲 / 𐴋𐴞𐴏𐴡𐴔𐴁𐴡𐴌𐴡𐴃 ( 𐴔𐴡𐴇𐴝 𐴑𐴠𐴚 𐴒𐴞𐴌𐴥𐴞 𐴐𐴝𐴚 ) 𐴔𐴢𐴢𐴃𐴧𐴞 𐴀𐴝𐴏𐴠𐴊𐴠 𐴑𐴙𐴝𐴚𐴡𐴌 𐴀𐴝𐴃𐴠𐴈𐴝𐴣𐴏𐴠 𐴓𐴝𐴌𐴝𐴘 𐴀𐴥𐴡𐴕𐴠 𐴱 𐴉𐴝𐴙𐴅𐴧𐴝 𐴀𐴥𐴑𐴧𐴡𐴓𐴡𐴌 𐴒𐴦𐴝𐴃 𐴒𐴢𐴢𐴓𐴞 𐴉𐴡𐴌𐴞 𐴒𐴥𐴝𐴙𐴀𐴓 𐴀𐴥𐴡𐴘𐴧𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴱 𐴑𐴙𐴝𐴚𐴥𐴡 𐴒𐴢𐴢𐴓𐴞𐴌 𐴎𐴡𐴌𐴞𐴘𐴝 𐴑𐴠𐴙𐴧𐴏𐴢𐴢 𐴁𐴝𐴙𐴚𐴒𐴠 𐴏𐴢𐴢𐴌𐴞 𐴒𐴞𐴘𐴡𐴘 𐴱𐴱 𐴉𐴝𐴌𐴝𐴌 𐴁𐴥𐴢𐴢𐴃𐴡𐴌𐴠 𐴓𐴝𐴌𐴝𐴘 𐴒𐴡𐴌𐴦𐴡𐴕𐴠 𐴱 𐴊𐴢𐴢𐴘 𐴎𐴡𐴕 𐴉𐴝𐴙𐴅𐴧𐴙𐴝 𐴔𐴝𐴕𐴢𐴢𐴙𐴐𐴢 𐴔𐴡𐴌𐴞𐴒𐴞𐴘𐴠 𐴀𐴝𐴌 𐴀𐴠𐴑 𐴎𐴡𐴕 𐴒𐴥𐴝𐴙𐴀𐴓 𐴀𐴥𐴡𐴘𐴧𐴠 𐴱𐴱

𐴂𐴝𐴂𐴓𐴞𐴑𐴡𐴌 𐴉𐴢𐴢𐴐𐴝𐴑 𐴉𐴞𐴣𐴊𐴞 𐴀𐴦𐴝𐴘𐴧𐴡𐴌𐴠 𐴀𐴝𐴣𐴀𐴌𐴝𐴌𐴠 𐴔𐴝𐴌𐴠𐴊𐴧𐴠 𐴀𐴥𐴠𐴃𐴡𐴓𐴧𐴝 𐴱 𐴂𐴝𐴂𐴓𐴞𐴑 𐴀𐴥𐴡𐴑𐴧𐴡𐴓𐴡 𐴌𐴠 𐴉𐴝𐴌𐴝𐴃 𐴒𐴥𐴡𐴙𐴓𐴃𐴠 𐴕𐴠𐴙𐴓𐴃𐴠 𐴀𐴝𐴌 𐴉𐴡𐴣𐴃𐴠 𐴒𐴥𐴝𐴣𐴍𐴠 𐴏𐴠𐴑 𐴒𐴡𐴌𐴝 𐴉𐴡𐴌𐴠𐴊𐴧𐴠 𐴁𐴡𐴓𐴞 𐴔𐴠𐴓𐴠𐴄𐴠𐴌𐴞 𐴘𐴠 𐴈𐴡𐴘𐴧𐴠 𐴱𐴱 𐴔𐴡𐴇𐴝 𐴑𐴠𐴚 𐴑𐴙𐴝𐴚𐴡𐴌 𐴋𐴥𐴝𐴑𐴠 𐴉𐴥𐴢𐴢𐴍𐴡𐴕𐴡𐴌 𐴐𐴥𐴝𐴣𐴃𐴠 𐴐𐴥𐴝𐴣𐴃𐴠 𐴓𐴝𐴌𐴝𐴘 𐴐𐴥𐴢𐴢𐴌𐴢𐴢 𐴀𐴥𐴡𐴘𐴧𐴠 𐴱 𐴀𐴠𐴑 𐴎𐴡𐴕 𐴁𐴠𐴍𐴞 𐴐𐴥𐴡𐴣𐴀 𐴏𐴝𐴙𐴌 𐴎𐴡𐴕 𐴔𐴝𐴕𐴢𐴢𐴙𐴐𐴢 𐴒𐴥𐴝𐴙𐴀𐴓 𐴀𐴥𐴡𐴘𐴧𐴠 𐴱 𐴀𐴠𐴑 𐴎𐴡𐴕𐴡𐴌 𐴇𐴝𐴓𐴡𐴃 𐴈𐴥𐴡𐴌𐴝𐴉𐴢 𐴀𐴥𐴡𐴕𐴠 𐴀𐴝𐴙𐴑𐴧𐴙𐴝𐴂𐴢 𐴇𐴥𐴝𐴐𐴉𐴝𐴃𐴝𐴓𐴡𐴃 𐴉𐴦𐴡𐴣𐴏𐴝𐴘 𐴊𐴞𐴘𐴠 𐴁𐴡𐴓𐴞 / 𐴀𐴠𐴔 𐴂𐴞 𐴀𐴥𐴢𐴢𐴀 𐴀𐴥𐴢𐴢𐴀 𐴄𐴗𐴥𐴠𐴚 𐴖𐴝𐴚𐴠 𐴁𐴞 𐴁𐴞 𐴏𐴞 𐴌𐴠 𐴈𐴡𐴘𐴧𐴠 𐴱𐴱 𐴀𐴥𐴠 𐴓𐴝𐴌𐴝𐴘𐴃 𐴰 𐴲 𐴎𐴡𐴕 𐴓𐴡𐴃𐴞 𐴔𐴠𐴓𐴠𐴄𐴠𐴌𐴞 𐴒𐴥𐴝𐴙𐴀𐴓 𐴀𐴝𐴌 𐴔𐴝𐴌𐴝𐴒𐴞𐴘𐴠 𐴁𐴡𐴓𐴞 𐴀𐴠 𐴀𐴠 𐴘𐴠 𐴈𐴡𐴘𐴧𐴠 𐴱𐴱

Source: BBC Burmese