𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞𐴌 𐴁𐴝𐴁𐴡𐴃𐴠 𐴓𐴝𐴔𐴁𐴝 𐴄𐴝𐴙𐴔𐴡𐴌 𐴂𐴡𐴌𐴢𐴢𐴒𐴠𐴌𐴝𐴔 𐴁𐴝𐴕𐴝𐴘𐴁𐴡𐴓𐴧𐴝 𐴱 𐴁𐴝𐴚𐴓𐴝𐴊𐴠𐴐𐴡𐴌𐴠 ( 𐴀𐴝𐴘 𐴏𐴞 𐴅𐴠 ) 𐴘𐴠 𐴈𐴡𐴘𐴧𐴠 𐴱𐴱

𐴌𐴡𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞 𐴀𐴥𐴡𐴑𐴧𐴡𐴓 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴎𐴦𐴡𐴕 𐴀𐴥𐴡𐴘 𐴕𐴡𐴉𐴝𐴌𐴠𐴊𐴧𐴠 𐴀𐴡𐴑𐴃𐴡𐴃 𐴱 𐴓𐴝𐴔𐴁𐴝 𐴄𐴝𐴙𐴔 𐴉𐴡𐴙𐴅𐴧𐴡𐴕𐴃𐴡 𐴄𐴞𐴑𐴠𐴊𐴠 𐴱 𐴀𐴥𐴠𐴕𐴋𐴞𐴓𐴧𐴝 𐴂𐴡𐴌𐴢𐴢𐴒𐴠𐴌𐴝𐴔 𐴁𐴝𐴕𐴝𐴀𐴡𐴕 𐴱𐴱 𐴁𐴝𐴚𐴓𐴝𐴊𐴠𐴐𐴡𐴃𐴧𐴢𐴢 𐴎𐴡𐴌𐴢𐴢𐴌𐴞 𐴁𐴡𐴓𐴞 𐴀𐴝𐴘 𐴏𐴞 𐴅𐴠 𐴘𐴠 𐴈𐴡𐴘𐴧𐴠 𐴱𐴱 𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞𐴌 𐴔𐴝𐴀𐴔𐴠𐴓𐴝𐴌𐴠 𐴁𐴝𐴙𐴄𐴧𐴝 𐴄𐴝𐴙𐴔𐴡𐴓𐴧𐴝 𐴕𐴡 𐴁𐴝𐴉𐴞 𐴱 𐴓𐴝𐴔𐴁𐴝 𐴄𐴝𐴙𐴔𐴡𐴌 𐴁𐴥𐴝𐴉𐴢 𐴓𐴡𐴘 𐴱 𐴂𐴝𐴁𐴡𐴕𐴊𐴞 𐴀𐴥𐴡𐴑𐴧𐴡𐴓 𐴈𐴡𐴔𐴝𐴘𐴊𐴠 𐴱 𐴊𐴠𐴐𐴁𐴞𐴊𐴠𐴐𐴞 𐴔𐴡𐴊𐴡𐴊 𐴒𐴡𐴌𐴡𐴙𐴕𐴧𐴝 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓 𐴀𐴝𐴌 𐴀𐴞𐴕𐴏𐴝𐴕𐴞𐴘𐴡𐴃𐴞 𐴔𐴡𐴊𐴡𐴊 𐴒𐴡𐴌𐴦𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 𐴔𐴡𐴊𐴡𐴊 𐴒𐴡𐴌𐴞 𐴉𐴝𐴌𐴠𐴉𐴝𐴕 𐴌𐴝𐴧𐴏𐴝 𐴕𐴞𐴘𐴝𐴓𐴝 𐴉𐴡𐴌𐴞𐴁𐴡 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

𐴌𐴞𐴉𐴢𐴢𐴎𐴞 𐴀𐴥𐴡𐴑𐴧𐴡𐴓𐴡𐴌 𐴖𐴡𐴌𐴠 𐴇𐴠𐴉𐴝𐴎𐴡𐴃𐴞 𐴂𐴝𐴁𐴡𐴕𐴊𐴞 𐴓𐴝𐴒𐴝𐴀𐴡𐴕𐴡𐴃𐴧𐴢𐴢 𐴁𐴝𐴌𐴡 𐴱 𐴑𐴝𐴕𐴢𐴢𐴕 𐴔𐴡𐴎𐴞𐴕 𐴏𐴝𐴓𐴝𐴀𐴡𐴕 𐴱 𐴎𐴡𐴌𐴢𐴢𐴌𐴞 𐴁𐴡𐴓𐴞 𐴈𐴡𐴘𐴧𐴠 𐴱𐴱 𐴁𐴢𐴢𐴕𐴘𐴝𐴊𐴞 𐴇𐴥𐴡𐴑 𐴀𐴝𐴌 𐴕𐴞𐴌𐴝𐴉𐴡𐴃𐴧𐴝𐴌 𐴀𐴡𐴐𐴥𐴝𐴕𐴃𐴞 𐴓𐴡𐴘 𐴱 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴌𐴝 𐴓𐴡𐴘𐴧𐴠𐴊𐴠 𐴔𐴡𐴓𐴞𐴘𐴢𐴢𐴕𐴡𐴌 𐴖𐴡𐴌𐴠 𐴌𐴞𐴉𐴢𐴢𐴎𐴞 𐴀𐴥𐴡𐴑𐴧𐴡𐴓 𐴱 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴎𐴝𐴘 𐴕𐴡𐴉𐴝𐴌𐴞𐴁𐴡 𐴉𐴦𐴝𐴣𐴓𐴧𐴝 𐴱 𐴘𐴦𐴝𐴕𐴡𐴌𐴠 𐴑𐴝𐴕𐴢𐴢𐴕𐴞 𐴃𐴡𐴗𐴌𐴠 𐴁𐴝𐴚𐴓𐴝𐴊𐴠𐴐𐴠 𐴔𐴝𐴕𐴞 𐴕𐴡𐴓𐴡𐴘 𐴓𐴠 𐴘𐴦𐴡 𐴱 𐴇𐴝𐴑𐴞𐴑𐴞 𐴇𐴝𐴓𐴡𐴃 𐴔𐴡𐴎𐴞𐴕 𐴀𐴥𐴡𐴘 𐴉𐴝𐴌𐴠𐴉𐴦𐴝𐴕 𐴁𐴝𐴕𐴝𐴀𐴡𐴕 𐴎𐴡𐴌𐴢𐴢𐴌𐴞 𐴁𐴡𐴓𐴞 𐴀𐴝𐴘 𐴏𐴞 𐴅𐴠 𐴘𐴠 𐴈𐴡𐴘𐴧𐴠 𐴱𐴱

𐴷 𐴱 𐴰 𐴲 𐴐𐴡𐴕𐴡𐴃 𐴀𐴝𐴌𐴏𐴝 𐴌𐴠 𐴈𐴡𐴃𐴡𐴔 𐴒𐴡𐴌𐴞𐴁𐴝𐴌 𐴑𐴝𐴌𐴖𐴝𐴙𐴃 𐴱 𐴊𐴠𐴐𐴡𐴙𐴃𐴧𐴝 𐴌𐴢𐴢𐴇𐴝𐴙𐴚𐴒𐴙𐴝𐴌 𐴖𐴡𐴌𐴠 𐴅𐴠𐴕𐴡𐴏𐴝𐴙𐴋𐴡𐴌 𐴔𐴝𐴀𐴔𐴠𐴓𐴝 𐴀𐴥𐴡𐴕𐴠 𐴱 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴌𐴝 𐴓𐴡𐴘𐴧𐴠𐴊𐴠 𐴌𐴞𐴉𐴢𐴢𐴎𐴞 𐴀𐴥𐴡𐴑𐴧𐴡𐴓𐴡𐴌 𐴖𐴝𐴉𐴠𐴏𐴞 𐴱 𐴁𐴝𐴚𐴓𐴝𐴊𐴠𐴐𐴢 – 𐴁𐴡𐴌𐴔𐴝 𐴌𐴝𐴎𐴞𐴕𐴝𐴔𐴝 𐴔𐴡𐴎𐴞𐴕 𐴀𐴥𐴡𐴘 𐴕𐴡 𐴉𐴝𐴌𐴡𐴕𐴠 𐴱 𐴀𐴝𐴘 𐴏𐴞 𐴅𐴠 𐴘𐴠 𐴀𐴞𐴀𐴕 𐴈𐴡𐴀𐴊𐴧𐴠 𐴱𐴱 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴎𐴝𐴃𐴞 𐴕𐴝𐴔 ” 𐴌𐴢𐴢𐴇𐴝𐴙𐴚𐴒𐴙𐴝 ” 𐴁𐴡𐴌𐴔𐴝 𐴘𐴠 𐴔𐴝𐴕𐴞 𐴕𐴡 𐴓𐴡𐴘 𐴓𐴠 𐴘𐴥𐴡 𐴱 𐴑𐴠𐴙𐴧𐴏𐴢𐴢 𐴊𐴞𐴕 𐴀𐴝𐴒𐴠 𐴁𐴡𐴌𐴔𐴝𐴃𐴧𐴢𐴢 𐴋𐴠𐴓𐴞𐴒𐴠𐴐𐴥𐴠𐴕 𐴀𐴢𐴢𐴒𐴧𐴗𐴝 𐴑𐴠𐴀𐴠𐴔𐴡𐴃 𐴀𐴝𐴀𐴘 𐴱 𐴌𐴞𐴉𐴢𐴢𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴕𐴞𐴎𐴝𐴘𐴁𐴝𐴌 𐴁𐴝𐴁𐴡𐴃𐴠 𐴱 𐴌𐴞𐴉𐴢𐴢𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴁𐴢𐴢𐴎𐴝𐴘 𐴁𐴦𐴝𐴊𐴠 𐴘𐴦𐴡 𐴈𐴡𐴕𐴥𐴡 𐴕𐴡𐴃𐴞𐴅𐴝 𐴕𐴦𐴡 𐴕𐴠𐴓𐴠 𐴱𐴱

Source: VOA https://burmese.voanews.com/a/roghingya-refugees-bangladesh-icg/5222173.html