𐴁𐴡𐴌𐴔𐴝 𐴘𐴠 𐴌𐴞𐴉𐴢𐴢𐴎𐴞 𐴖𐴝𐴉𐴠𐴏𐴢 𐴕𐴞𐴎𐴝𐴘𐴁𐴝𐴌 𐴃𐴡𐴘𐴧𐴝𐴌𐴞 𐴱 𐴇𐴥𐴝𐴑𐴞𐴑𐴡𐴃 𐴏𐴥𐴝𐴌𐴝 𐴱 𐴌𐴞𐴉𐴢𐴢𐴎𐴞𐴌 𐴕𐴡𐴔𐴝𐴙𐴊𐴝 𐴘𐴠 𐴈𐴡𐴘𐴧𐴠 𐴱𐴱

𐴁𐴡𐴌𐴔𐴝𐴌 𐴅𐴠𐴕𐴡𐴏𐴝𐴙𐴋𐴡𐴃𐴧𐴢𐴢 𐴉𐴡𐴌𐴝𐴕 𐴁𐴝𐴏𐴝𐴘𐴁𐴡𐴓𐴧𐴝 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴌𐴝 𐴓𐴡𐴘𐴧𐴠𐴊𐴠 𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞𐴌𐴠 𐴱 𐴕𐴞𐴎𐴡𐴌 𐴊𐴠𐴐𐴢 𐴀𐴝𐴌𐴑𐴝𐴕𐴡𐴃 𐴖𐴝𐴉𐴠𐴏𐴢 𐴕𐴞𐴎𐴝𐴘𐴁𐴡𐴓𐴧𐴝 𐴱 𐴁𐴡𐴌𐴔𐴝 𐴃𐴡𐴘𐴧𐴝𐴌 𐴀𐴥𐴡𐴘𐴧𐴠 𐴈𐴦𐴡𐴊𐴧𐴠 𐴘𐴦𐴝𐴕 𐴔𐴞𐴏𐴥𐴝 𐴀𐴝𐴌 𐴇𐴥𐴝𐴑𐴞𐴑𐴡𐴃 𐴏𐴥𐴝𐴌𐴝𐴀 𐴱 𐴔𐴞𐴄𐴞𐴚𐴡𐴌 𐴐𐴥𐴠𐴐𐴢 𐴉𐴡𐴙𐴅𐴧𐴡𐴕𐴃𐴡 𐴱 𐴁𐴡𐴌𐴔𐴝 𐴘𐴠 𐴀𐴝𐴒𐴠𐴓𐴡𐴃𐴞 𐴈𐴦𐴡𐴊𐴧𐴠 𐴀𐴥𐴞𐴀𐴕 𐴈𐴗𐴃 𐴃𐴥𐴝𐴙𐴑𐴧𐴙𐴠 𐴱 𐴌𐴞𐴉𐴢𐴢𐴎𐴞𐴌 𐴈𐴡𐴕𐴥𐴡 𐴋𐴞𐴔𐴦𐴝𐴕 𐴔𐴝𐴕𐴞𐴁𐴡𐴓𐴧𐴝 𐴃𐴡𐴘𐴧𐴝𐴌 𐴕𐴥𐴝𐴘𐴁𐴡𐴓𐴞 𐴱 𐴌𐴞𐴉𐴢𐴢𐴎𐴞𐴌 𐴕𐴡𐴔𐴝𐴙𐴕𐴊𐴝𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴸 𐴱 / 𐴋𐴞𐴏𐴡𐴔𐴁𐴡𐴌 𐴹 𐴱 𐴰 𐴲 𐴁𐴢𐴢𐴙𐴃 𐴁𐴝𐴌𐴠 𐴑𐴢𐴢𐴃𐴢𐴢𐴉𐴝𐴓𐴡𐴚 𐴏𐴝𐴙𐴌 𐴓𐴡𐴔𐴁𐴡𐴌 𐴑𐴠𐴀𐴠𐴔𐴡𐴌 ( 𐴏𐴞 𐴀𐴝𐴘 𐴏𐴞 ) 𐴌 𐴀𐴡𐴉𐴞𐴏𐴡𐴌 𐴔𐴞𐴄𐴞𐴚 𐴒𐴤𐴡𐴌𐴡𐴃 𐴱 𐴁𐴡𐴌𐴔𐴝 𐴀𐴝𐴌 𐴀𐴝𐴏𐴞𐴘𐴠𐴕𐴡𐴌 𐴕𐴡𐴔𐴝𐴙𐴕𐴊𐴝 𐴔𐴞𐴓𐴝𐴘 𐴀𐴝𐴙𐴐𐴧𐴙𐴠𐴊𐴠 𐴋𐴠𐴓𐴞𐴒𐴠𐴐𐴥𐴠𐴕 𐴀𐴝𐴌 𐴌𐴞𐴉𐴢𐴢𐴎𐴞𐴌 𐴕𐴡𐴔𐴝𐴙𐴕𐴊𐴝𐴌 𐴔𐴝𐴎𐴠 𐴀𐴥𐴡𐴘𐴧𐴠𐴊𐴠 𐴱 𐴔𐴞𐴄𐴞𐴚𐴡𐴃 𐴌𐴞𐴉𐴢𐴢𐴎𐴞𐴌 𐴕𐴡𐴔𐴝𐴙𐴕𐴊𐴝 𐴀𐴥𐴡𐴑𐴧𐴡𐴓𐴠 𐴊𐴞𐴘𐴠𐴊𐴠 𐴃𐴞𐴕𐴧𐴝𐴕 𐴋𐴞𐴔𐴝𐴕 / 𐴌𐴢𐴢𐴇𐴝𐴙𐴚𐴒𐴙𐴝 𐴔𐴝𐴕𐴞𐴓𐴡𐴕 / 𐴇𐴠𐴉𐴝𐴎𐴡𐴃𐴞 𐴁𐴡𐴕𐴊𐴡𐴁𐴡𐴏𐴢 𐴒𐴡𐴌𐴦𐴡𐴕 / 𐴏𐴞𐴑𐴙𐴢𐴢𐴌𐴞𐴄𐴞 𐴒𐴦𐴝𐴋 𐴊𐴦𐴡𐴕 𐴱𐴱 𐴀𐴠𐴑𐴧𐴝𐴕 𐴀𐴥𐴡 𐴕𐴦𐴡𐴔𐴝𐴕𐴠 𐴱𐴱

𐴒𐴠𐴓𐴊𐴠 𐴅𐴢𐴢𐴓𐴝𐴘 𐴔𐴝𐴐𐴡𐴃 𐴀𐴥𐴡𐴙𐴓𐴊𐴠 𐴔𐴞𐴄𐴞𐴚𐴡𐴃 𐴁𐴡𐴌𐴔𐴝𐴌 𐴋𐴠𐴓𐴞𐴒𐴠𐴐𐴥𐴠𐴕 𐴎𐴞𐴀𐴕 𐴈𐴡𐴘𐴀𐴓 𐴒𐴡𐴃𐴡 𐴈𐴝𐴓𐴞𐴘𐴝 𐴘𐴥𐴡 𐴁𐴡𐴌𐴝𐴁𐴡𐴌 𐴀𐴥𐴞𐴀𐴕 𐴈𐴡𐴘𐴧𐴠𐴊𐴠 𐴱𐴱 𐴀𐴝𐴌 𐴋𐴠𐴓𐴞𐴒𐴠𐴐𐴥𐴠𐴕 𐴀𐴥𐴞𐴁𐴝 𐴘𐴠 ( 𐴀𐴠𐴕 𐴁𐴞 𐴏𐴞 ) 𐴓𐴢𐴢𐴖𐴝 𐴉𐴡𐴌𐴞𐴁𐴡 𐴁𐴡𐴓𐴞 𐴈𐴡𐴘𐴧𐴠 𐴱 𐴀𐴠𐴕 𐴁𐴞 𐴐𐴞 𐴘𐴦𐴝𐴕 𐴀𐴥𐴡𐴙𐴓𐴊𐴠 𐴅𐴠𐴕𐴡𐴏𐴝𐴙𐴋 𐴑𐴝𐴀𐴋 𐴱 𐴀𐴝𐴣𐴀𐴌𐴝 𐴀𐴝𐴌𐴑𐴝𐴕𐴡𐴌 𐴐𐴥𐴞𐴓 𐴁𐴝𐴐𐴞𐴕𐴊𐴝 𐴀𐴝𐴣𐴀𐴌𐴝𐴃𐴧𐴢𐴢 𐴀𐴠𐴕 𐴁𐴞 𐴏𐴞 𐴑𐴝𐴀𐴋 𐴓𐴢𐴢𐴖𐴝 𐴕𐴡𐴉𐴡𐴌𐴞𐴁𐴡 𐴈𐴡𐴘 𐴌𐴞𐴉𐴢𐴢𐴎𐴞 𐴀𐴥𐴡𐴑𐴧𐴡𐴓𐴠 𐴅𐴢𐴢𐴖𐴝𐴁𐴊𐴞𐴘𐴠 𐴱 𐴐𐴥𐴠𐴐𐴢 𐴑𐴝𐴍𐴝𐴓𐴠 𐴈𐴡𐴕𐴥𐴡 𐴕𐴡𐴃𐴞𐴅𐴝𐴏𐴥𐴝𐴌𐴝 𐴔𐴞𐴄𐴞𐴚 𐴁𐴝𐴚𐴞 𐴒𐴞𐴘𐴠𐴒𐴡𐴘 𐴱𐴱