𐴁𐴥𐴢𐴢𐴏𐴞𐴊𐴡𐴚𐴡𐴃 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴉𐴡𐴌𐴞 𐴒𐴤𐴡𐴌 𐴈𐴡𐴊𐴞𐴀𐴕 𐴎𐴡𐴓𐴞𐴒𐴞𐴘𐴡𐴘 𐴱𐴱

𐴒𐴡𐴃𐴡 𐴈𐴝𐴙𐴓𐴧𐴝 𐴁𐴥𐴢𐴢𐴏𐴞𐴊𐴡𐴚𐴡𐴌 𐴊𐴡𐴙𐴀𐴕𐴠 / 𐴏𐴝𐴚𐴏𐴞 𐴂𐴡𐴌𐴝𐴚 𐴌𐴢𐴢𐴇𐴝𐴙𐴚𐴒𐴙 𐴉𐴝𐴌𐴝𐴃 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌𐴡𐴌 𐴒𐴢𐴢𐴓𐴥𐴝 𐴃𐴞𐴕𐴧𐴗𐴝 𐴉𐴡𐴌𐴞 𐴉𐴥𐴢𐴢𐴍𐴡𐴕𐴡𐴌 𐴎𐴡𐴌𐴞𐴘𐴝 𐴱 𐴒𐴤𐴡𐴌 𐴀𐴠𐴑𐴧𐴝𐴕 𐴎𐴡𐴓𐴞 𐴒𐴞𐴀𐴓 𐴒𐴡𐴘 𐴱 𐴀𐴥𐴠𐴕𐴋𐴞𐴓𐴧𐴝 𐴀𐴝𐴙𐴅𐴧𐴝 𐴘𐴥𐴡 𐴁𐴠𐴙𐴀𐴕𐴧𐴝 𐴶 𐴁𐴝𐴎𐴠 𐴓𐴝𐴌𐴝𐴘 𐴏𐴥𐴝𐴌𐴝 𐴱 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴉𐴡𐴌𐴞 𐴱 𐴀𐴥𐴠 𐴏𐴝𐴚 𐴏𐴞 𐴂𐴡𐴌𐴝𐴚𐴡𐴃 𐴀𐴝𐴌𐴥𐴡 𐴊𐴢𐴢𐴘𐴧𐴝𐴕 𐴒𐴤𐴡𐴌 𐴉𐴢𐴢𐴌𐴞 𐴒𐴞𐴘𐴡𐴘 𐴱𐴱 𐴓𐴝𐴌𐴝𐴘 𐴏𐴥𐴝𐴌𐴝 𐴉𐴝𐴌𐴝𐴃 𐴔𐴝𐴎𐴠 𐴒𐴢𐴢𐴓𐴞 𐴉𐴡𐴌𐴠𐴊𐴧𐴠 𐴀𐴥𐴠𐴃𐴡𐴓𐴧𐴝 𐴈𐴥𐴡𐴃𐴡𐴌𐴝𐴃𐴧𐴢𐴢𐴕 𐴁𐴝𐴏𐴞𐴁𐴡𐴓𐴧𐴝 𐴱𐴱 𐴰 𐴰 𐴱 𐴃𐴢𐴢 𐴁𐴝𐴌𐴡 𐴁𐴠𐴐𐴥𐴞 𐴉𐴝𐴌𐴝𐴙𐴓𐴧𐴝 𐴔𐴝𐴕𐴢𐴢𐴙𐴐𐴢 / 𐴃𐴥𐴞𐴃𐴞𐴉𐴢𐴢𐴑𐴡𐴃 𐴎𐴝𐴘 𐴃𐴥𐴝𐴙𐴑𐴧𐴙𐴠 𐴁𐴡𐴓𐴞 𐴱 𐴕𐴝𐴔 𐴕𐴡 𐴈𐴦𐴡𐴕𐴡𐴌 𐴐𐴡𐴌𐴡𐴃𐴡𐴌 𐴖𐴡𐴌𐴠 𐴉𐴝𐴙𐴅𐴧𐴝 𐴔𐴝𐴕𐴢𐴢𐴙𐴐𐴢 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

𐴏𐴝𐴚 𐴏𐴞 𐴂𐴡𐴌𐴝𐴚𐴡𐴌 𐴋𐴥𐴝𐴑𐴡𐴌 ( 𐴱 𐴳 𐴁𐴢𐴢𐴚 𐴉𐴡𐴌𐴥𐴝𐴀 ) 𐴀𐴝𐴏𐴠𐴊𐴠 𐴉𐴝𐴌𐴡𐴃𐴧𐴢𐴢 𐴋𐴦𐴡𐴣𐴌 𐴀𐴥𐴝𐴣𐴃𐴞𐴘𐴝𐴌 𐴀𐴥𐴞𐴀𐴕 𐴉𐴝𐴌𐴝𐴃 𐴔𐴝𐴙𐴅𐴧𐴙𐴠𐴊𐴠 𐴱𐴱 𐴁𐴝𐴒𐴞 𐴘𐴠 𐴔𐴝𐴙𐴅𐴧𐴙𐴠 𐴕𐴠 𐴕𐴥𐴝𐴑𐴞 𐴔𐴠𐴓𐴠𐴄𐴠𐴌𐴞𐴘𐴠 𐴔𐴝𐴙𐴅𐴧𐴙𐴠 𐴱 𐴉𐴝𐴙𐴅𐴧𐴝 𐴔𐴝𐴙𐴕𐴐𐴠 𐴈𐴦𐴡𐴘 𐴕𐴡𐴉𐴝𐴌𐴠 𐴱𐴱 𐴉𐴡𐴏𐴞𐴔 𐴀𐴥𐴞𐴧𐴏𐴝𐴌 𐴓𐴝𐴌𐴝𐴙𐴌 𐴇𐴥𐴠𐴄𐴑𐴗𐴝𐴄𐴝𐴌𐴡𐴌 𐴎𐴞𐴔𐴧𐴝𐴊𐴝𐴌 / 𐴁𐴢𐴢𐴔𐴥𐴢𐴢 𐴅𐴥𐴞𐴀 / 𐴖𐴥𐴞𐴚 𐴎𐴡 𐴀𐴥𐴢𐴢𐴀 𐴘𐴠 𐴈𐴡𐴘𐴧𐴠𐴊𐴠 𐴱 𐴏𐴝𐴚𐴏𐴞 𐴂𐴡𐴌𐴝𐴚𐴡𐴃 𐴒𐴤𐴡𐴌 𐴎𐴡𐴙𐴓𐴧𐴙𐴠𐴊𐴠 𐴈𐴥𐴡𐴁𐴡𐴌 𐴉𐴝𐴘𐴧𐴞 𐴱

𐴔𐴡𐴕𐴃𐴡𐴌 𐴈𐴥𐴝𐴄𐴞 𐴒𐴡𐴌𐴞 𐴎𐴝𐴒𐴝𐴌 𐴇𐴝𐴓𐴡𐴃 𐴑𐴞 𐴀𐴥𐴡𐴘𐴧𐴠𐴊𐴠 𐴕𐴡𐴎𐴝𐴕𐴞 𐴱𐴱 ( 𐴀𐴝𐴌 𐴀𐴠𐴉 𐴀𐴠 ) 𐴘𐴠 𐴀𐴥𐴠𐴀 𐴁𐴢𐴢𐴅𐴞𐴃𐴧𐴢𐴢 𐴉𐴢𐴢𐴏𐴝𐴌 𐴒𐴡𐴙𐴅𐴧𐴙𐴠𐴊𐴠 𐴱 𐴱 𐴳 𐴁𐴢𐴢𐴚 𐴉𐴡𐴌𐴥𐴝𐴀 𐴉𐴝𐴌𐴡𐴃 𐴔𐴠𐴓𐴠𐴄𐴠𐴌𐴞𐴌 𐴒𐴥𐴝𐴣𐴄𐴞 𐴀𐴝𐴏𐴠𐴕𐴞𐴑𐴞𐴀 ؟ 𐴃𐴦𐴡𐴘 𐴁𐴢𐴢 𐴅𐴥𐴞𐴀 𐴘𐴠 𐴅𐴢𐴢𐴖𐴝𐴁 𐴊𐴞𐴘𐴠𐴊𐴠 𐴱 𐴀𐴥𐴠𐴀 𐴀𐴝𐴃𐴠 𐴈𐴝𐴣𐴏𐴠 𐴔𐴠𐴓𐴠𐴄𐴠𐴌𐴞𐴌 𐴒𐴥𐴝𐴣𐴄𐴞 𐴕𐴥𐴝𐴘 𐴱 𐴔𐴠𐴓𐴠𐴄𐴠𐴌𐴞 𐴕𐴞𐴏𐴡𐴌 𐴔𐴞𐴑𐴧𐴙𐴝 𐴓𐴝𐴔𐴞 𐴒𐴞𐴘𐴡𐴘 𐴱 𐴒𐴤𐴡𐴌 𐴎𐴡𐴙𐴓𐴧𐴠𐴊𐴠 𐴀𐴥𐴞𐴀𐴕 𐴉𐴥𐴢𐴢𐴕𐴧𐴞 𐴱 𐴎𐴝𐴒𐴝𐴌 𐴇𐴝𐴓𐴡𐴃𐴡𐴌𐴠 𐴃𐴡𐴊𐴝𐴌𐴡𐴑 𐴒𐴡𐴌𐴞 𐴏𐴦𐴝𐴙𐴌 𐴱 𐴀𐴥𐴠𐴍𐴠 𐴒𐴥𐴝𐴣𐴄𐴞 𐴕𐴥𐴝𐴘 𐴱 𐴊𐴠𐴐𐴢 𐴏𐴥𐴡𐴉𐴝𐴙𐴌 𐴈𐴝𐴔 𐴏𐴡𐴓𐴠𐴀𐴌 𐴱𐴱

𐴏𐴝𐴚 𐴏𐴞 𐴂𐴡𐴌𐴝𐴚 𐴔𐴢𐴢𐴏𐴡𐴓𐴔𐴝𐴕 𐴉𐴝𐴌𐴝𐴌 𐴀𐴝𐴃𐴡𐴌 𐴈𐴝𐴣𐴏𐴡𐴌 𐴱 𐴔𐴡𐴒𐴢 𐴉𐴝𐴌𐴝𐴌 𐴔𐴡𐴒𐴢 𐴀𐴥𐴡𐴑𐴧𐴡𐴓 𐴱 𐴓𐴝𐴌𐴝𐴙𐴌 𐴎𐴡𐴌𐴞𐴘𐴝 𐴒𐴠𐴓𐴊𐴠 𐴅𐴢𐴢𐴓𐴝𐴘 𐴔𐴝𐴐𐴢 𐴓𐴡𐴃𐴞 𐴉𐴝𐴌𐴝 𐴏𐴥𐴝𐴌𐴞 𐴀𐴡𐴙𐴕𐴧𐴡 𐴉𐴝𐴌𐴝𐴃 𐴒𐴞𐴘𐴡𐴘 𐴱𐴱 𐴀𐴥𐴠 𐴀𐴝𐴃𐴌𐴝𐴉𐴡𐴃 𐴐𐴥𐴢𐴢𐴊𐴠 𐴔𐴢𐴢𐴏𐴡𐴓𐴔𐴝𐴕 𐴉𐴝𐴌𐴝𐴒𐴞𐴕 𐴀𐴝𐴐𐴧𐴞𐴓𐴊𐴠 𐴁𐴡𐴓𐴞 / 𐴁𐴥𐴢𐴢𐴏𐴞𐴊𐴡𐴚𐴡𐴌 𐴀𐴠𐴔 𐴂𐴞 / 𐴀𐴥𐴢𐴢𐴀 𐴀𐴡𐴚 𐴏𐴥𐴡𐴚 𐴐𐴗𐴠 𐴘𐴠 𐴈𐴡𐴘𐴧𐴠 (( 𐴔𐴡𐴒𐴢 𐴉𐴝𐴌𐴝 / 𐴀𐴥𐴢𐴢𐴀 𐴘𐴠𐴕 𐴏𐴝 / 𐴕𐴡𐴘𐴢𐴢𐴕 𐴄𐴡𐴚 𐴀𐴝𐴌 𐴀𐴥𐴠𐴚 𐴉𐴝𐴌𐴝 𐴀𐴞𐴀𐴕 𐴀𐴠𐴑𐴧𐴝𐴕𐴡𐴃𐴥𐴡 𐴔𐴡𐴒𐴢 𐴕𐴥𐴝𐴘 𐴱 𐴐𐴥𐴢𐴢𐴊𐴢𐴢 ” 𐴁𐴝𐴚𐴒𐴝𐴓𐴞 ” 𐴏𐴝𐴚 𐴏𐴞 𐴂𐴡𐴌𐴝𐴚 𐴉𐴝𐴌𐴝 𐴒𐴥𐴝𐴕 𐴀𐴝𐴏𐴠𐴊𐴠 )) 𐴱𐴱 𐴀𐴝𐴌𐴑𐴝𐴕𐴡𐴃 𐴔𐴡𐴒𐴢 𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴠 𐴓𐴝𐴌𐴝𐴘 𐴏𐴡𐴓𐴠𐴌𐴊𐴠 𐴁𐴡𐴏𐴡𐴌 𐴓𐴡𐴃𐴞 𐴀𐴥𐴡𐴀𐴌 𐴱𐴱

Source: RFA Burmese https://www.rfa.org/burmese/news/buthedaung-village-attack-in-rakhine-12142019062729.html