𐴌𐴞𐴉𐴢𐴢𐴎𐴞𐴌 𐴑𐴠𐴀𐴠𐴔𐴡𐴃 𐴌𐴢𐴢𐴇𐴝𐴙𐴚𐴒𐴙𐴝𐴌 𐴉𐴝𐴄𐴞 𐴀𐴢𐴢𐴒𐴧𐴗𐴝 𐴁𐴡𐴕𐴒𐴡𐴌𐴞 𐴉𐴥𐴠𐴓𐴝𐴘𐴁𐴝𐴌 𐴀𐴡𐴋𐴝𐴌 𐴊𐴞𐴘𐴠 𐴁𐴝𐴚𐴓𐴝𐴊𐴠𐴐𐴠 𐴱𐴱

𐴑𐴢𐴢𐴃𐴢𐴢𐴉𐴝𐴓𐴡𐴚𐴡𐴃 𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞 𐴀𐴥𐴡𐴑𐴧𐴡𐴓𐴠 𐴁𐴝𐴕𐴦𐴝𐴙𐴓𐴊𐴠 𐴱 𐴐𐴥𐴝𐴕𐴃𐴞 𐴀𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴱 𐴀𐴝𐴌𐴑𐴝𐴕 𐴌𐴢𐴢𐴇𐴝𐴙𐴚𐴒𐴙𐴝 ( 𐴀𐴠 𐴀𐴝𐴌 𐴀𐴠𐴏𐴢 𐴂𐴞 𐴀𐴠𐴆 ) 𐴕𐴝𐴔𐴡𐴌 𐴉𐴝𐴄𐴞𐴌 𐴔𐴡𐴌𐴑𐴡𐴎 𐴁𐴡𐴕𐴒𐴡𐴌𐴞 𐴉𐴥𐴠𐴓𐴝𐴘𐴁𐴡𐴓𐴧𐴝 𐴱 𐴁𐴝𐴚𐴓𐴝𐴊𐴠𐴐𐴠 𐴀𐴡𐴋𐴝𐴌 𐴊𐴞𐴘𐴠𐴁𐴡𐴓𐴞 𐴱 𐴉𐴝𐴄𐴞𐴌 𐴈𐴡𐴃𐴝 𐴈𐴡𐴘𐴁𐴝𐴌 𐴀𐴠𐴅𐴝𐴎𐴡𐴃 𐴀𐴝𐴏𐴠𐴊𐴠 / 𐴅𐴡𐴕𐴝𐴁 𐴏𐴡𐴀𐴞𐴊𐴢𐴢𐴓𐴧𐴝𐴇𐴢 𐴘𐴠 (𐴀𐴠 𐴀𐴠𐴉𐴞 𐴂𐴞) 𐴌 𐴈𐴥𐴡𐴁𐴡𐴌𐴡𐴃 𐴈𐴡𐴘𐴧𐴠 𐴱𐴱

𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞 𐴁𐴝𐴚𐴓𐴝𐴊𐴠𐴐𐴡𐴃 𐴀𐴝𐴙𐴐𐴧𐴠𐴊𐴠 𐴊𐴢𐴢𐴘𐴁𐴡𐴏𐴡𐴌 𐴀𐴥𐴡𐴘 𐴒𐴞𐴘𐴡𐴘𐴊𐴠 𐴀𐴥𐴠𐴊𐴧𐴢𐴢𐴌𐴡𐴃 𐴱 𐴉𐴦𐴡𐴘𐴓𐴝𐴁𐴝𐴌 𐴉𐴝𐴄𐴞 𐴀𐴞𐴁𐴝𐴌 𐴈𐴝𐴔 𐴱 𐴀𐴝𐴁𐴧𐴝𐴌 𐴕𐴢𐴢𐴖𐴝 𐴀𐴡𐴋𐴝𐴌 𐴊𐴠 𐴉𐴡𐴙𐴅𐴧𐴡𐴕𐴃𐴡 𐴁𐴡𐴕 𐴌𐴝𐴑𐴞𐴁𐴡𐴓𐴧𐴝 𐴀𐴡𐴋𐴝𐴌𐴊𐴞𐴘𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱 𐴀𐴠 𐴉𐴝𐴄𐴞 𐴀𐴞𐴁𐴝𐴌 𐴏𐴡𐴊𐴡𐴌 / 𐴅𐴡𐴕𐴝𐴁 𐴔𐴢𐴢𐴇𐴞𐴁𐴧𐴢𐴢𐴓𐴧𐴝𐴇𐴢 𐴱 𐴎𐴞𐴁𐴝 𐴁𐴡𐴌𐴔𐴝𐴃 𐴀𐴞𐴐𐴑𐴢𐴢𐴓𐴡𐴌 𐴔𐴝𐴐𐴄𐴡𐴌 𐴀𐴝𐴙𐴐𐴧𐴞𐴓 𐴱 𐴑𐴠𐴀𐴠𐴔𐴡𐴃 𐴀𐴝𐴙𐴐𐴧𐴠𐴊𐴠 𐴊𐴢𐴢𐴘𐴁𐴡𐴏𐴡𐴌𐴡𐴃 𐴱 𐴊𐴠𐴐𐴁𐴞𐴊𐴠𐴐𐴡𐴌 𐴔𐴝𐴙𐴕𐴐𐴡𐴌 𐴁𐴡𐴖𐴃 𐴔𐴞𐴄𐴞𐴚𐴡𐴃 𐴈𐴡𐴃𐴝 𐴈𐴡𐴘𐴧𐴠 𐴱 𐴒𐴡𐴃𐴡 𐴀𐴡𐴒𐴡𐴏𐴄𐴡𐴃 𐴱 𐴁𐴡𐴏𐴡𐴌 𐴉𐴥𐴢𐴢𐴌𐴝𐴕𐴃𐴞 𐴲 𐴓𐴝𐴑 𐴉𐴡𐴙𐴅𐴧𐴡𐴕𐴃𐴡 𐴌𐴞𐴉𐴢𐴢𐴎𐴞 𐴎𐴡𐴔𐴝𐴒𐴡𐴌𐴞 𐴔𐴞𐴄𐴞𐴚 𐴒𐴡𐴙𐴅𐴧𐴠 𐴱𐴱

𐴌𐴞𐴉𐴢𐴢𐴎𐴞 𐴕𐴞𐴎𐴡𐴌 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴎𐴡𐴕𐴡𐴌 𐴈𐴡𐴕𐴥𐴡 𐴋𐴡𐴙𐴓𐴧𐴝 𐴁𐴠𐴁𐴡𐴏𐴃𐴝 𐴱 𐴕𐴡 𐴀𐴥𐴡𐴊𐴧𐴠 𐴀𐴡𐴑𐴃𐴡𐴃 𐴱 𐴀𐴠𐴊𐴢𐴢𐴒𐴧𐴢𐴢𐴕 𐴔𐴝𐴕𐴢𐴢𐴙𐴐𐴢 𐴎𐴡𐴔𐴝𐴒𐴡𐴌𐴞 𐴔𐴞𐴄𐴞𐴚 𐴒𐴡𐴌𐴡𐴕𐴡𐴌 𐴎𐴡𐴌𐴞𐴘𐴝 𐴱 𐴁𐴝𐴚𐴓𐴝𐴊𐴠𐴐𐴡𐴌 𐴂𐴝𐴂𐴓𐴞𐴑𐴡𐴌 𐴁𐴥𐴢𐴢𐴃𐴡𐴌𐴠 𐴉𐴠𐴌𐴠𐴐𐴝𐴕𐴞 𐴁𐴝𐴌𐴥𐴞𐴒𐴞𐴘𐴡𐴘𐴊𐴠 𐴀𐴥𐴠𐴃𐴡𐴓𐴧𐴝 𐴁𐴝𐴚𐴓𐴝𐴊𐴠𐴐𐴠 𐴱 𐴑𐴠𐴀𐴠𐴔𐴡𐴌 𐴁𐴥𐴢𐴢𐴃𐴡𐴌 𐴀𐴞𐴕𐴄𐴝𐴌𐴕𐴠𐴄 𐴑𐴡𐴔𐴎𐴢𐴢𐴌 𐴒𐴡𐴌𐴞 𐴱 𐴃𐴡𐴃𐴝𐴀𐴓𐴧𐴢𐴢𐴑 𐴒𐴡𐴌𐴞 𐴕𐴡𐴉𐴝𐴌𐴠𐴉𐴝𐴕 𐴒𐴡𐴙𐴅𐴧𐴠 𐴱 𐴀𐴝𐴌 𐴏𐴝𐴘𐴌𐴥𐴡 𐴋𐴥𐴝𐴑𐴡𐴃𐴧𐴢𐴢 𐴏𐴞𐴘𐴡𐴓𐴡𐴌 𐴒𐴥𐴞𐴌𐴝 𐴊𐴞𐴁𐴝𐴌 𐴁𐴡𐴕𐴊𐴡𐴁𐴡𐴏𐴃 𐴒𐴡𐴙𐴅𐴧𐴠 𐴱𐴱 𐴀𐴥𐴠𐴃𐴡𐴓𐴧𐴝 𐴌𐴞𐴉𐴢𐴢𐴎𐴞 𐴑𐴠𐴀𐴠𐴔 𐴁𐴠𐴙𐴒𐴧𐴞𐴕𐴡𐴃 𐴱 𐴀𐴝𐴙𐴕 𐴔𐴡𐴎𐴞𐴕 𐴏𐴡𐴓𐴝 𐴉𐴡𐴌𐴞𐴁𐴡 𐴱 𐴀𐴝𐴙𐴕𐴡𐴌 𐴀𐴢𐴢𐴓𐴋𐴝 𐴒𐴡𐴌𐴞 𐴕𐴡𐴉𐴝𐴌𐴞𐴁𐴝 𐴁𐴡𐴓𐴞 𐴈𐴡𐴘𐴧𐴠 𐴱𐴱

Source: VOA Burmese https://burmese.voanews.com/a/rohingya-myanmar-bangladesh-organization-to-close-/5196308.html