𐴀𐴝𐴘 𐴏𐴞 𐴅𐴠 𐴃 𐴒𐴡𐴌𐴝𐴒𐴞𐴘𐴠𐴊𐴠 𐴔𐴡𐴀𐴊𐴧𐴞𐴔𐴝 𐴱 𐴀𐴞𐴕𐴏𐴝𐴕 𐴁𐴠𐴙𐴒𐴧𐴢𐴢𐴕 𐴓𐴡𐴘 𐴃𐴝𐴀𐴓𐴧𐴢𐴢𐴑 𐴁𐴡𐴓𐴞 𐴁𐴞𐴐𐴧𐴝𐴐𐴢 𐴒𐴡𐴌𐴠𐴌 𐴒𐴝𐴔𐴁𐴞𐴘𐴝 𐴱𐴱

𐴁𐴡𐴌𐴔𐴝𐴌 𐴈𐴠𐴓𐴝𐴉𐴢 𐴊𐴠𐴐𐴁𐴞𐴊𐴠𐴐𐴥𐴞 𐴑𐴦𐴢𐴢𐴄 ( 𐴀𐴝𐴘 𐴏𐴞 𐴅𐴠 ) 𐴃 𐴒𐴡𐴙𐴅𐴧𐴠𐴊𐴠 𐴔𐴡𐴀𐴊𐴧𐴞𐴔𐴝 𐴘𐴦𐴝𐴕 𐴱 𐴔𐴢𐴢𐴏𐴡𐴓𐴔𐴝𐴕 𐴓𐴡𐴘 𐴃𐴝𐴀𐴓𐴧𐴢𐴢𐴑 𐴃𐴥𐴝𐴑𐴡𐴕𐴡𐴃𐴧𐴢𐴢𐴁𐴝𐴌𐴡 𐴱 𐴀𐴞𐴕𐴏𐴝𐴕 𐴓𐴡𐴘 𐴁𐴠𐴐𐴥𐴞 𐴃𐴝𐴀𐴓𐴧𐴢𐴢𐴑 𐴁𐴡𐴓𐴞 𐴱 𐴒𐴝𐴔𐴁𐴞𐴘𐴝𐴌 𐴀𐴞𐴕𐴏𐴉𐴢 𐴀𐴢𐴢𐴎𐴞𐴌 / 𐴀𐴝𐴁𐴢𐴢𐴁𐴡𐴑𐴡𐴌 𐴄𐴝𐴔𐴁𐴝𐴋𐴢𐴢 𐴘𐴠 𐴌𐴢𐴢𐴖𐴞𐴄𐴝𐴌 𐴈𐴥𐴡𐴁𐴡𐴌 𐴀𐴠𐴅𐴠𐴕𐴏𐴞𐴌𐴠 𐴈𐴡𐴘𐴧𐴠 𐴱 𐴀𐴝𐴌 𐴀𐴡𐴚𐴏𐴝𐴕 𐴏𐴥𐴢𐴢𐴑𐴞 𐴕𐴞𐴎𐴠 𐴔𐴢𐴢𐴌𐴡𐴁𐴧𐴞𐴘𐴝𐴕𐴝 𐴒𐴡𐴌𐴞 𐴔𐴡𐴀𐴊𐴧𐴞𐴔𐴝𐴌 𐴉𐴥𐴝𐴘𐴏𐴠𐴓𐴝 𐴓𐴡𐴘𐴃𐴡 𐴱 𐴃𐴡𐴘𐴧𐴝𐴌 𐴀𐴥𐴡𐴘𐴧𐴠𐴊𐴠 𐴘𐴥𐴝𐴕𐴡𐴃 / 𐴔𐴝𐴏𐴄𐴡𐴌 𐴄𐴝𐴔𐴁𐴝𐴋𐴢𐴢 𐴘𐴠 𐴁𐴠𐴐𐴥𐴞 𐴑𐴥𐴢𐴢𐴐𐴞 𐴎𐴝𐴙𐴌 𐴒𐴡𐴙𐴅𐴧𐴠 𐴁𐴡𐴓𐴞 𐴱 𐴌𐴢𐴢𐴖𐴞𐴄𐴝𐴌 𐴈𐴥𐴡𐴁𐴡𐴌 𐴀𐴠𐴅𐴠𐴕𐴏𐴞𐴌 𐴌𐴠𐴂𐴢𐴢𐴄𐴝𐴌 / 𐴑𐴢𐴢 𐴑𐴙𐴡 𐴑𐴙𐴡 𐴏𐴥𐴞𐴚𐴠 𐴈𐴡𐴘𐴧𐴠 𐴱𐴱

𐴸 𐴱 𐴰 𐴲 𐴐𐴥𐴡𐴕𐴡𐴌 𐴐𐴥𐴢𐴢𐴌𐴢𐴢𐴃 𐴱 𐴁𐴝𐴚𐴓𐴝𐴊𐴠𐴐𐴢 𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞 𐴑𐴠𐴀𐴠𐴔𐴡𐴃 𐴎𐴝𐴘 𐴱 𐴁𐴡𐴌𐴔𐴝𐴃 𐴔𐴝𐴎𐴠 𐴌𐴞𐴉𐴢𐴢𐴎𐴞𐴌 𐴖𐴡𐴌𐴠 𐴑𐴞 𐴑𐴞 𐴎𐴢𐴢𐴓𐴢𐴢𐴔 𐴀𐴥𐴡𐴘𐴧𐴠𐴊𐴠 𐴀𐴥𐴞𐴀𐴕 𐴉𐴥𐴢𐴢𐴕𐴞 𐴓𐴡𐴘𐴧𐴠𐴊𐴠 / 𐴒𐴝𐴔𐴁𐴞𐴘𐴝𐴌 𐴀𐴞𐴕𐴏𐴝𐴉𐴢 𐴀𐴢𐴢𐴎𐴞𐴌 / 𐴔𐴝𐴐𐴄𐴡𐴌 𐴀𐴝𐴁𐴢𐴢𐴁𐴡𐴑𐴡𐴌 𐴄𐴝𐴔𐴁𐴝𐴋𐴢𐴢 𐴱 𐴴 𐴹 𐴹 𐴱 𐴐𐴥𐴡𐴕𐴡𐴌 𐴌𐴝𐴖𐴝𐴕𐴋𐴝𐴌 𐴅𐴠𐴕𐴡𐴏𐴝𐴙𐴋𐴡𐴌 𐴔𐴝𐴀𐴔𐴠𐴓𐴝𐴃 𐴱 𐴉𐴝𐴘𐴏𐴠𐴓𐴝 𐴊𐴡𐴕𐴡𐴃 𐴊𐴡𐴐𐴢 𐴁𐴡𐴏𐴡𐴌 𐴈𐴝𐴔𐴒𐴡𐴙𐴅𐴧𐴠 𐴱 𐴀𐴥𐴞𐴁𐴝 𐴘𐴠 𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞𐴃𐴧𐴢𐴢 𐴉𐴥𐴢𐴢𐴙𐴕𐴧𐴠𐴊𐴠 𐴀𐴥𐴞𐴀𐴕 𐴓𐴡𐴘 𐴱 𐴌𐴝𐴖𐴝𐴕𐴋𐴝𐴌 𐴔𐴝𐴀𐴔𐴠𐴓𐴝 𐴀𐴠𐴑𐴧𐴢𐴢 𐴋𐴦𐴡𐴙𐴓𐴧𐴝 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴔𐴝𐴕𐴢𐴢𐴙𐴐𐴢 𐴈𐴝𐴍𐴝 𐴈𐴥𐴝𐴊𐴧𐴠 𐴀𐴝𐴌 𐴒𐴢𐴢𐴓𐴞𐴃 𐴔𐴡𐴌𐴠𐴊𐴧𐴠 𐴀𐴡𐴑𐴃𐴡𐴃 𐴱 𐴈𐴡𐴕𐴥𐴡 𐴑𐴞𐴏𐴞𐴔𐴧𐴝 𐴔𐴡𐴊𐴡𐴊 𐴕𐴡𐴉𐴦𐴡𐴕 𐴱 𐴁𐴡𐴓𐴡𐴃𐴑𐴝𐴌𐴞𐴌 𐴐𐴥𐴞𐴑𐴝𐴌 𐴀𐴥𐴡𐴀𐴕 𐴱 𐴒𐴢𐴢𐴌𐴝 𐴉𐴢𐴢𐴖𐴝𐴙𐴕 𐴎𐴞𐴛𐴝𐴃𐴝 𐴉𐴢𐴢𐴌𐴝𐴊𐴦𐴡𐴕 𐴀𐴡𐴒𐴝𐴘𐴌𐴝 𐴱 𐴌𐴝𐴖𐴝𐴕𐴋𐴝𐴌 𐴔𐴝𐴀𐴔𐴠𐴓𐴝 𐴓𐴡𐴘 𐴊𐴠𐴐𐴁𐴞𐴊𐴠𐴐𐴥𐴞 𐴀𐴞𐴕𐴏𐴝𐴉𐴢 𐴑𐴦𐴢𐴢𐴍𐴡𐴃 𐴱 𐴀𐴢𐴢𐴑𐴞𐴓 𐴀𐴥𐴞𐴏𐴝𐴉𐴠 𐴈𐴝𐴔𐴒𐴡𐴙𐴅𐴧𐴞𐴊𐴠 𐴀𐴥𐴠𐴍𐴠 𐴱 𐴀𐴝𐴀𐴛 𐴓𐴦𐴡𐴃 𐴉𐴝𐴘𐴧𐴞𐴊𐴠 𐴀𐴥𐴞𐴀𐴕 𐴓𐴡𐴘 𐴱 𐴌𐴢𐴢𐴇𐴝𐴙𐴚𐴒𐴙𐴝𐴌 𐴀𐴥𐴞𐴀𐴕 𐴓𐴡𐴘 𐴀𐴠𐴑𐴧𐴢𐴢𐴋𐴦𐴡𐴙𐴓𐴧𐴝 𐴱𐴱 𐴌𐴝𐴖𐴝𐴕𐴋𐴝𐴌 𐴒𐴞𐴕 𐴅𐴠𐴕𐴡𐴏𐴝𐴙𐴋 𐴀𐴥𐴡𐴘𐴧𐴠𐴊𐴠 𐴱 𐴀𐴥𐴠𐴃𐴡𐴓𐴧𐴝 𐴀𐴠𐴑𐴧𐴢𐴢 𐴋𐴦𐴡𐴙𐴓𐴧𐴝 𐴎𐴢𐴢𐴓𐴢𐴢𐴔 𐴀𐴞𐴀𐴕 𐴑𐴠𐴕𐴥𐴠 𐴎𐴠𐴕𐴡𐴏𐴝𐴙𐴋 𐴕𐴡𐴀𐴥𐴡𐴘𐴁𐴡 ؟ 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴅𐴠𐴕𐴡𐴏𐴝𐴙𐴋𐴡𐴌 𐴀𐴞𐴕𐴑𐴝𐴌 𐴒𐴡𐴌𐴞 𐴱 𐴀𐴝𐴣𐴀𐴌𐴝 𐴁𐴝𐴒𐴞𐴌 𐴈𐴥𐴠𐴓𐴝𐴉𐴢 𐴓𐴝𐴌𐴥𐴝𐴘 𐴒𐴡𐴙𐴅𐴧𐴞𐴊𐴠 𐴈𐴡𐴘 𐴑𐴦𐴠𐴕𐴥𐴠 𐴅𐴢𐴢𐴖𐴝𐴁𐴊𐴠𐴌 ؟ 𐴱𐴱 ( 𐴀𐴡 𐴀𐴝𐴘 𐴏𐴞 ) 𐴔𐴢𐴢𐴏𐴡𐴓𐴔𐴝𐴕𐴡𐴌 𐴇𐴥𐴡𐴑 𐴇𐴠𐴉𐴝𐴎𐴡𐴃 𐴒𐴡𐴌𐴞𐴁𐴡𐴓𐴧𐴝 𐴁𐴝𐴕𐴝𐴘𐴧𐴠𐴊𐴠 𐴄𐴥𐴞𐴑 𐴱 𐴁𐴡𐴌𐴔𐴝𐴌 𐴎𐴢𐴢𐴓𐴢𐴢𐴔 𐴔𐴢𐴢𐴏𐴡𐴓𐴔𐴝𐴕𐴡𐴌 𐴖𐴡𐴌𐴠 𐴀𐴥𐴡𐴊𐴧𐴠 𐴘𐴦𐴝𐴕 𐴀𐴠𐴑𐴧𐴞𐴕𐴝𐴌𐴠 𐴌𐴝𐴑𐴥𐴞 𐴱 𐴀𐴞𐴕𐴏𐴝𐴕 𐴀𐴥𐴞𐴏𐴝𐴉𐴠 𐴀𐴝𐴣𐴀𐴌𐴝𐴌 𐴓𐴡𐴘 𐴃𐴝𐴀𐴓𐴧𐴢𐴢𐴑 𐴀𐴝𐴏𐴥𐴠 𐴁𐴢𐴢𐴎𐴞 𐴱𐴱

𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴎𐴢𐴢𐴓𐴢𐴢𐴔 𐴒𐴡𐴌𐴝 𐴌𐴢𐴢𐴑𐴞𐴁𐴡𐴓𐴧𐴝 𐴱 𐴀𐴝𐴘 𐴏𐴞 𐴅𐴠 𐴌 𐴅𐴡𐴅𐴡𐴌 𐴈𐴝𐴣𐴏𐴠 𐴅𐴡𐴓𐴊𐴞 𐴁𐴡𐴌𐴔𐴝𐴌𐴠 𐴀𐴡𐴋𐴝𐴌 𐴊𐴞𐴁𐴡𐴓𐴧𐴝 / 𐴔𐴝𐴐𐴄𐴡𐴌 𐴄𐴝𐴔𐴁𐴝𐴋𐴢𐴢 𐴘𐴠 𐴊𐴡𐴌𐴈𐴝𐴏𐴊𐴞𐴌𐴝𐴙𐴑𐴧𐴠 𐴱𐴱 𐴎𐴝𐴃𐴞𐴏𐴥𐴡𐴔𐴡𐴒𐴝𐴌 ( 𐴉𐴥𐴠𐴑𐴄 𐴉𐴝𐴙𐴕𐴋𐴞𐴚 𐴔𐴞𐴐𐴞𐴕 ) 𐴡𐴌 𐴌𐴠𐴂𐴢𐴢𐴄 𐴔𐴡𐴎𐴞𐴕 𐴱 𐴁𐴡𐴌𐴔𐴝 𐴘𐴠 𐴎𐴝𐴕𐴞 𐴉𐴥𐴢𐴢𐴕𐴞 𐴅𐴠𐴕𐴡𐴏𐴝𐴙𐴋 𐴒𐴡𐴙𐴅𐴧𐴠𐴊𐴠 𐴱 𐴀𐴝𐴌 𐴀𐴥𐴠 𐴌𐴠𐴂𐴢𐴢𐴍𐴡𐴃 𐴌𐴢𐴢𐴇𐴝𐴙𐴚𐴒𐴙𐴝 𐴓𐴠𐴙𐴑𐴧𐴠𐴊𐴠 𐴘𐴦𐴝𐴕𐴡𐴌𐴠 𐴁𐴡𐴌𐴔𐴝 𐴘𐴠 𐴊𐴡𐴌𐴥𐴡𐴔𐴡𐴌𐴡 𐴔𐴢𐴢𐴈𐴝𐴓𐴠𐴉𐴡𐴃 𐴒𐴡𐴙𐴅𐴧𐴠 𐴱𐴱

Source : VOA Burmes https://burmese.voanews.com/a/icj-netherlands-the-hague-gambia-tambadou-/5194760.html