𐴀𐴡𐴊𐴧𐴡𐴇𐴑 𐴓𐴡𐴃𐴞 𐴌𐴞𐴉𐴢𐴢𐴎𐴞 𐴁𐴡𐴌𐴔𐴝𐴃 𐴔𐴡𐴖𐴃𐴡𐴃𐴧𐴢𐴢 𐴀𐴢𐴢𐴍𐴞 𐴀𐴝𐴙𐴐𐴧𐴠𐴊𐴠 𐴱𐴱

𐴃𐴡𐴑𐴌𐴞𐴁𐴝𐴕 𐴀𐴝𐴊𐴧𐴡𐴇𐴑 𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞 𐴁𐴡𐴌𐴔𐴝𐴃 𐴈𐴝𐴍𐴝𐴔𐴝𐴌𐴝 𐴀𐴥𐴡𐴘𐴃𐴠 𐴓𐴡𐴘 𐴎𐴠𐴃𐴡𐴋𐴡𐴙𐴓𐴧𐴝 𐴎𐴢𐴢𐴓𐴢𐴢𐴔 𐴀𐴝𐴏𐴠 𐴁𐴠𐴙𐴒𐴧𐴞𐴕 𐴈𐴥𐴝𐴘 𐴱 𐴔𐴡𐴖𐴃 𐴔𐴝𐴃𐴥𐴝𐴌 𐴖𐴡𐴌𐴠 𐴓𐴡𐴘 𐴃𐴞𐴕 𐴁𐴤𐴝𐴑𐴡𐴌 𐴀𐴠𐴑 𐴁𐴤𐴝𐴑 𐴔𐴝𐴙𐴕𐴐𐴡𐴌 𐴒𐴤𐴡𐴌𐴒𐴢𐴢𐴐𐴧𐴞𐴃𐴧𐴢𐴢 𐴀𐴠𐴑𐴎𐴡𐴕 𐴘𐴝 𐴉𐴝𐴌𐴝𐴙𐴓𐴧𐴝 𐴔𐴝𐴌𐴞𐴉𐴥𐴠𐴓𐴝𐴘𐴧𐴠 𐴱 𐴘𐴝𐴃𐴡 𐴀𐴠𐴑 𐴁𐴤𐴝𐴘𐴧𐴡𐴌𐴠 𐴀𐴝𐴌𐴀𐴢𐴢𐴕𐴡𐴃𐴧𐴢𐴢 𐴏𐴥𐴞𐴌𐴝𐴒𐴡𐴌𐴞 𐴓𐴡𐴘𐴒𐴞𐴘𐴡𐴘 𐴱 𐴒𐴡𐴃𐴡 𐴈𐴝𐴙𐴓𐴧𐴝 𐴋𐴤𐴝𐴑𐴝𐴃 𐴖𐴥𐴝𐴑𐴆𐴥𐴡𐴂 𐴔𐴞𐴄𐴞𐴚 𐴒𐴡𐴙𐴅𐴧𐴠𐴊𐴠 𐴀𐴥𐴠𐴍𐴠 ( 𐴀𐴝𐴘 𐴂𐴞 𐴀𐴠 ) 𐴀𐴝𐴌 ( 𐴀𐴝𐴘 𐴅𐴞 𐴏𐴞 ) 𐴀𐴝𐴌( 𐴘𐴝𐴓𐴠 𐴘𐴢𐴢𐴕𐴞𐴖𐴝𐴌𐴏𐴞𐴄𐴞 𐴘𐴢𐴢 𐴀𐴠𐴏𐴢 𐴀𐴠 ) 𐴀𐴞𐴃𐴝𐴌𐴝𐴌 𐴌𐴠𐴂𐴢𐴢𐴄 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴠 𐴱𐴱

𐴹 𐴱 𐴰 𐴲 𐴔𐴝𐴌𐴠𐴆𐴡𐴃𐴧𐴢𐴢 𐴀𐴡𐴒𐴥𐴡𐴏𐴄 𐴓𐴦𐴡𐴃 𐴰 𐴰 𐴰 𐴵 𐴲 𐴃𐴢𐴢𐴁𐴝𐴌𐴥𐴡 𐴁𐴠𐴐𐴥𐴞 𐴌𐴢𐴢𐴇𐴝𐴙𐴚𐴒𐴙𐴝𐴃𐴢𐴢 𐴀𐴞𐴕𐴄𐴝𐴌𐴁𐴙𐴢𐴢 𐴒𐴡𐴌𐴞 𐴱 𐴀𐴠 𐴕𐴡𐴃𐴞𐴅𐴝 𐴉𐴝𐴒𐴞𐴘𐴠𐴊𐴠 𐴱𐴱 𐴀𐴠 𐴎𐴡𐴌𐴞𐴁 𐴀𐴞𐴁𐴝𐴌 𐴎𐴡𐴌𐴞𐴘𐴝 𐴀𐴝𐴌𐴥𐴡 𐴎𐴝𐴕𐴝𐴒𐴞𐴘𐴠𐴊𐴠 𐴱 𐴏𐴝𐴙𐴌 𐴁𐴤𐴝𐴑𐴡𐴌 𐴀𐴠𐴑 𐴁𐴤𐴝𐴑 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴱 𐴕𐴞𐴎𐴡𐴌 𐴒𐴤𐴡𐴌𐴒𐴢𐴢𐴐𐴧𐴞𐴃𐴧𐴢𐴢 𐴀𐴠𐴑𐴎𐴡𐴕𐴡𐴌𐴠 𐴀𐴝𐴌 𐴀𐴠𐴑𐴎𐴡𐴕𐴡𐴃𐴧𐴢𐴢 𐴱 𐴀𐴝𐴓𐴡𐴑 𐴒𐴡𐴌𐴞𐴉𐴥𐴠𐴓𐴝𐴘𐴧𐴠 𐴱𐴱 𐴀𐴠 𐴌𐴢𐴢𐴇𐴝𐴙𐴚𐴒𐴙𐴌 𐴋𐴝 𐴄𐴝 𐴀𐴝𐴌 𐴁𐴝𐴚𐴓𐴝𐴊𐴠𐴐𐴡𐴌 𐴔𐴝𐴙𐴕𐴐𐴠 𐴱

𐴀𐴝𐴣𐴀𐴌𐴝𐴌𐴠 𐴁𐴢𐴢𐴎𐴥𐴝𐴘𐴃𐴡 𐴏𐴧𐴝𐴌 𐴊𐴠 𐴱 𐴉𐴥𐴢𐴢𐴣𐴖𐴝𐴣𐴃𐴞 𐴈𐴝𐴔𐴒𐴡𐴌𐴞𐴌 𐴊𐴠 𐴔𐴝𐴕𐴢𐴢𐴙𐴐𐴢 𐴀𐴥𐴢𐴢𐴕𐴡𐴌 𐴱 𐴎𐴡𐴌𐴢𐴢𐴌𐴡𐴃 𐴉𐴢𐴢𐴌𐴝 𐴀𐴥𐴡𐴘𐴁𐴡𐴓𐴧𐴝 𐴱 𐴁𐴤𐴝𐴓𐴝 𐴂𐴡𐴌𐴢𐴢𐴒𐴠𐴌𐴝𐴔 𐴁𐴝𐴕𐴡𐴕 𐴎𐴡𐴌𐴢𐴢𐴌𐴞𐴁𐴡𐴓𐴞 ( 𐴁𐴞 𐴀𐴝𐴌 𐴀𐴠 𐴏𐴞 ) 𐴌 𐴋𐴝𐴙𐴌𐴠𐴑𐴄𐴝𐴌 / 𐴀𐴠𐴔𐴌𐴝𐴕 𐴔𐴡𐴃𐴞𐴕𐴠 𐴈𐴡𐴘𐴧𐴠 𐴱𐴱 𐴀𐴝𐴣𐴀𐴌𐴝𐴌 𐴀𐴠 𐴂𐴠𐴓𐴝𐴕𐴠 𐴀𐴠 𐴁𐴡𐴏𐴡𐴌 𐴀𐴞𐴀𐴕𐴡𐴃 𐴃𐴝𐴌𐴝𐴌 𐴎𐴞𐴕𐴊𐴞𐴒𐴞 𐴱 𐴈𐴡𐴊𐴧𐴢𐴢𐴌 𐴁𐴡𐴊𐴡𐴙𐴓𐴧𐴠𐴊𐴠 𐴘𐴦𐴝𐴕 𐴃𐴝𐴌𐴝 𐴉𐴡𐴙𐴃𐴧𐴡 𐴎𐴡𐴕𐴡𐴃𐴧𐴢𐴢 𐴁𐴢𐴢𐴎𐴦𐴡𐴕 𐴏𐴝𐴀 𐴁𐴡𐴓𐴞 𐴱 𐴂𐴡𐴌𐴡𐴉𐴞𐴏𐴝𐴌 / 𐴔𐴢𐴢𐴐𐴉𐴞𐴑 𐴔𐴢𐴢𐴁𐴝𐴌𐴡𐴑𐴠 𐴈𐴡𐴘𐴧𐴠 𐴱𐴱

Source : Dhaka Tribune https://www.dhakatribune.com/bangladesh/rohingya-crisis/2019/12/04/half-of-displaced-rohingyas-faced-a-near-death-experience-in-myanmar