𐴁𐴥𐴢𐴢𐴏𐴞𐴊𐴡𐴚𐴡𐴃 𐴔𐴡𐴒𐴠 𐴀𐴠𐴑𐴎𐴡𐴕 𐴌𐴢𐴢𐴇𐴝𐴙𐴕𐴒𐴙𐴝𐴌𐴠 𐴎𐴡𐴌𐴒𐴡𐴌𐴥𐴝𐴘 𐴊𐴞𐴘𐴠 𐴱𐴱

𐴁𐴥𐴢𐴢𐴏𐴞𐴊𐴡𐴚 – 𐴁𐴥𐴢𐴢𐴏𐴞𐴊𐴡𐴚𐴡𐴌 𐴊𐴦𐴡𐴙𐴕 𐴀𐴠𐴓𐴝𐴑𐴝𐴃 𐴔𐴡𐴒𐴡𐴌 𐴀𐴥𐴝𐴣𐴃𐴞𐴘𐴝𐴌 𐴀𐴡𐴓𐴝 𐴋𐴦𐴝𐴘 𐴀𐴢𐴢𐴒𐴧𐴗𐴝 𐴘𐴠 𐴌𐴢𐴢𐴇𐴝𐴙𐴚𐴒𐴙𐴝 𐴀𐴠𐴑𐴎𐴡𐴕𐴡𐴌𐴠 𐴒𐴢𐴢𐴓𐴞 𐴔𐴝𐴌𐴞 𐴊𐴤𐴡𐴌𐴞 𐴎𐴡𐴌𐴒𐴡𐴌𐴥𐴝𐴘𐴊𐴞 𐴁𐴢𐴢𐴍𐴡𐴃 𐴁𐴤𐴡𐴌𐴞 𐴊𐴢𐴢𐴌𐴥𐴠 𐴓𐴡𐴘𐴒𐴞𐴘𐴡𐴘 𐴱𐴱 𐴔𐴝𐴕𐴢𐴢𐴙𐴐𐴢 𐴀𐴥𐴞𐴁𐴝𐴌 𐴕𐴝𐴔 𐴀𐴥𐴡𐴙𐴓𐴊𐴠 / 𐴔𐴢𐴢𐴇𐴝𐴔𐴧𐴡𐴊 𐴕𐴡𐴀𐴞𐴔 𐴁𐴝𐴉𐴢 𐴈𐴝𐴓𐴝𐴔𐴞𐴛𐴝 𐴁𐴡𐴐𐴢 𐴵 𐴳 𐴁𐴡𐴏𐴡𐴌 𐴱 𐴉𐴢𐴢𐴘𐴈𐴡𐴔𐴡𐴌 𐴈𐴝𐴙𐴕𐴊𐴥𐴝 𐴉𐴝𐴌𐴝𐴌 𐴱𐴱 𐴔𐴝𐴕𐴢𐴢𐴙𐴐𐴢 𐴀𐴥𐴞𐴁𐴝 𐴌𐴝𐴙𐴃𐴧𐴝 𐴴 𐴒𐴗𐴝 𐴁𐴝𐴎𐴠 𐴉𐴥𐴢𐴢𐴘𐴈𐴡𐴔𐴡𐴌 𐴈𐴥𐴝𐴓𐴡𐴃 𐴔𐴝𐴏𐴢 𐴏𐴦𐴝𐴊𐴧𐴠 𐴀𐴡𐴑𐴃𐴡𐴃 𐴱 𐴉𐴝𐴣𐴏𐴢 𐴎𐴡𐴕 𐴔𐴡𐴒𐴢 𐴁𐴢𐴢𐴄 𐴓𐴡𐴘 𐴀𐴝𐴃𐴥𐴞𐴑𐴙𐴝 𐴛𐴥𐴡𐴀𐴃 𐴉𐴦𐴡𐴙𐴣𐴐𐴧𐴠𐴱𐴱

𐴀𐴥𐴝𐴣𐴃𐴞𐴘𐴝𐴌𐴡𐴌 𐴁𐴡𐴓𐴠 𐴀𐴥𐴞𐴃𐴝𐴌𐴠 𐴊𐴤𐴡𐴌𐴞𐴁𐴡𐴓𐴧𐴝 𐴁𐴠𐴐𐴥𐴞 𐴑𐴢𐴢𐴐𐴞𐴐𐴢 𐴒𐴡𐴙𐴅𐴧𐴠 𐴱 𐴔𐴡𐴕𐴃𐴡𐴌 𐴀𐴥𐴞𐴃𐴠 𐴀𐴥𐴞𐴃𐴝𐴌 𐴕𐴞𐴎𐴡𐴌 𐴁𐴢𐴢𐴄 𐴓𐴡𐴘 𐴊𐴥𐴝𐴘𐴧𐴡𐴌𐴠 𐴱 𐴈𐴥𐴝𐴓𐴡𐴌 𐴈𐴝𐴣𐴏𐴝𐴌 𐴒𐴤𐴡𐴌 𐴀𐴠𐴑𐴧𐴝𐴕𐴡𐴃 𐴱 𐴁𐴝𐴏𐴞𐴉𐴝𐴌𐴞𐴁𐴝𐴌 𐴕𐴞𐴘𐴡𐴃𐴠 𐴒𐴥𐴡𐴙𐴓𐴧𐴠 𐴒𐴡𐴘 𐴱𐴱 𐴀𐴠 𐴀𐴝𐴃𐴡𐴚𐴁𐴝𐴊𐴞 𐴔𐴡𐴒𐴢 𐴀𐴥𐴡𐴑𐴧𐴡𐴓𐴠 𐴀𐴥𐴞𐴃𐴝𐴌 𐴉𐴞𐴏𐴠𐴉𐴞𐴏𐴠 𐴎𐴝𐴘 𐴱 𐴒𐴤𐴡𐴙𐴓𐴧𐴠𐴊𐴠 𐴒𐴤𐴡𐴌 𐴘𐴦𐴝𐴕𐴡𐴌𐴠 𐴏𐴝𐴘𐴌𐴡 𐴋𐴥𐴝𐴑𐴡𐴃𐴧𐴢𐴢 𐴒𐴥𐴞𐴌𐴞 𐴊𐴥𐴡𐴙𐴅𐴧𐴠 𐴱𐴱 𐴃𐴦𐴡𐴘 𐴁𐴝𐴏𐴞 𐴕𐴡 𐴉𐴝𐴌𐴞𐴁𐴡 𐴉𐴦𐴝𐴕 𐴓𐴝𐴒𐴠𐴌𐴦𐴝𐴌 𐴱 𐴀𐴝𐴃𐴥𐴞𐴑𐴧𐴙𐴝 𐴕𐴠𐴓𐴞 𐴊𐴦𐴢𐴢𐴣𐴌 𐴊𐴞𐴘𐴠 𐴱𐴱 𐴀𐴥𐴠𐴃𐴡𐴑𐴧𐴡𐴕𐴡𐴃 𐴀𐴥𐴞𐴃𐴝𐴌𐴠 𐴒𐴢𐴢𐴓𐴞𐴔𐴝𐴌𐴞 𐴊𐴤𐴡𐴌𐴞 𐴎𐴡𐴌𐴒𐴡𐴌𐴥𐴝𐴘𐴊𐴞 𐴱 𐴔𐴡𐴌𐴝 𐴓𐴝𐴐𐴢 𐴔𐴡𐴒𐴢 𐴀𐴥𐴡𐴑𐴧𐴡𐴓𐴠 𐴃𐴝𐴌𐴝𐴌 𐴁𐴢𐴢𐴄 𐴁𐴤𐴡𐴌𐴞 𐴓𐴡𐴘𐴒𐴞𐴘𐴡𐴘 𐴱𐴱 𐴀𐴝𐴘𐴅𐴥𐴡 𐴉𐴡𐴙𐴅𐴧𐴡𐴕𐴃𐴡 𐴕𐴡𐴀𐴞𐴔𐴡𐴌 𐴓𐴝𐴐𐴢 𐴱 𐴃𐴝𐴌 𐴒𐴤𐴡𐴌𐴒𐴢𐴢𐴐𐴧𐴞 𐴘𐴠 𐴕𐴦𐴡 𐴉𐴝 𐴱𐴱

𐴀𐴠 𐴑𐴥𐴢𐴢𐴕 𐴘𐴦𐴝𐴕𐴡𐴌 𐴀𐴞𐴕𐴏𐴝𐴉𐴡𐴌 𐴈𐴡𐴕𐴥𐴡 𐴀𐴝𐴐𐴝 𐴒𐴡𐴌𐴝 𐴕𐴡 𐴎𐴝𐴀 𐴱𐴱 𐴑𐴙𐴡𐴓𐴧𐴝 𐴈𐴡𐴘𐴓𐴠 𐴱 𐴀𐴥𐴞𐴃𐴝𐴌𐴝 𐴇𐴥𐴡𐴑𐴢𐴢𐴔𐴡𐴃𐴠 𐴎𐴞𐴘𐴥𐴝𐴕 𐴏𐴝𐴀𐴌 𐴘𐴦𐴝𐴕 𐴒𐴡𐴙𐴅𐴧𐴠𐴊𐴠 𐴀𐴥𐴠𐴃𐴡𐴓𐴧𐴝 𐴱𐴱 𐴀𐴞𐴕𐴏𐴝𐴉𐴢 𐴕𐴡𐴉𐴦𐴡𐴕 𐴔𐴝𐴀𐴕𐴞 𐴱 𐴇𐴥𐴡𐴑𐴢𐴢𐴔𐴡𐴃𐴠 𐴌𐴢𐴢𐴇𐴝𐴙𐴚𐴒𐴙𐴝 𐴉𐴥𐴢𐴢𐴌𐴝𐴘 𐴉𐴥𐴠𐴓𐴝𐴘 𐴁𐴡𐴓𐴧𐴝 𐴓𐴝𐴒𐴘𐴊𐴞 𐴌𐴝𐴙𐴑𐴧𐴙𐴠𐴊𐴠 𐴀𐴥𐴠𐴃𐴡𐴓𐴧𐴝 𐴱𐴱 𐴀𐴞𐴀𐴕 𐴀𐴥𐴡𐴙𐴓𐴊𐴠 𐴔𐴠𐴘𐴥𐴢𐴢 𐴑𐴠𐴌𐴝𐴙𐴚𐴡𐴃 𐴱 𐴔𐴡𐴒𐴢 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴠 𐴉𐴡𐴙𐴃𐴧𐴡𐴊𐴞𐴕 𐴒𐴡𐴌𐴠𐴊𐴧𐴠 𐴈𐴝𐴔 𐴱𐴱