𐴀𐴞𐴚𐴑𐴢𐴢𐴖𐴝𐴌𐴞 𐴐𐴥𐴢𐴢𐴌𐴢𐴢 𐴀𐴥𐴡𐴘𐴧𐴠 𐴈𐴦𐴡𐴘 (𐴀𐴝𐴘 𐴏𐴞 𐴏𐴞 ) 𐴌 𐴀𐴢𐴢𐴑𐴞𐴓𐴡𐴌 𐴀𐴠𐴓𐴝𐴕 𐴱𐴱

𐴇𐴝𐴎𐴝𐴌 𐴇𐴝𐴎𐴝𐴌 𐴌𐴢𐴢𐴇𐴝𐴙𐴚𐴒𐴙𐴝 𐴕𐴞𐴎𐴡𐴌 𐴊𐴠𐴐𐴢 𐴁𐴡𐴌𐴔𐴝𐴃𐴧𐴢𐴢 𐴁𐴝𐴚𐴓𐴝𐴃𐴠𐴐𐴡𐴃 𐴎𐴝𐴒𐴡𐴘 𐴉𐴡𐴙𐴅𐴧𐴠𐴊𐴠 𐴘𐴦𐴝𐴕𐴡𐴌 𐴁𐴝𐴁𐴡𐴃𐴠 𐴀𐴞𐴚𐴑𐴢𐴢𐴖𐴝𐴌𐴞 𐴒𐴡𐴌𐴞𐴁𐴡𐴓𐴧𐴝 𐴱𐴱 𐴊𐴠𐴐𐴁𐴞𐴊𐴠 𐴀𐴡𐴉𐴡𐴌𐴝𐴊𐴞 𐴑𐴦𐴢𐴢𐴄 ( 𐴀𐴝𐴘 𐴏𐴞 𐴏𐴞 ) 𐴘𐴠 𐴀𐴠𐴅𐴝𐴎𐴡𐴃 𐴊𐴞𐴘𐴠𐴊𐴠 𐴀𐴥𐴠𐴃𐴡𐴓𐴧𐴝 𐴱𐴱 𐴀𐴞𐴚𐴑𐴢𐴢𐴖𐴝𐴌𐴞 𐴐𐴥𐴢𐴢𐴌𐴢𐴢 𐴀𐴥𐴡𐴘𐴧𐴠 𐴈𐴦𐴡𐴘 𐴀𐴝𐴘 𐴏𐴞 𐴏𐴞 𐴌 𐴀𐴢𐴢𐴑𐴞𐴓 ( 𐴉𐴝𐴄𐴢𐴢 𐴁𐴠𐴕𐴏𐴢𐴢𐴋𐴝 ) 𐴘𐴠 𐴈𐴡𐴘𐴧𐴠 𐴱𐴱 𐴏𐴥𐴡𐴀𐴞𐴒𐴝𐴕 𐴕𐴠𐴓𐴞 𐴀𐴝𐴘𐴁𐴡𐴓𐴧𐴝 𐴃𐴡𐴌𐴡𐴉𐴊𐴝𐴌𐴞 𐴏𐴥𐴝𐴌𐴝 𐴱 𐴀𐴞𐴚𐴑𐴢𐴢𐴖𐴝𐴌𐴞 𐴀𐴥𐴡𐴘𐴉𐴝𐴌𐴠𐴉𐴝𐴕 𐴑𐴢𐴢𐴐𐴞𐴐𐴢 𐴒𐴡𐴌𐴞𐴎𐴝𐴘𐴁𐴡 𐴁𐴡𐴓𐴞 𐴱 𐴒𐴡𐴃𐴡 𐴈𐴝𐴙𐴓𐴧𐴝𐴌 𐴀𐴠𐴓𐴝𐴕𐴡𐴃 𐴈𐴡𐴘𐴧𐴠 𐴱𐴱

𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴊𐴠𐴐𐴢 𐴀𐴝𐴌𐴑𐴝𐴕𐴡𐴃𐴧𐴢𐴢 𐴎𐴝𐴒𐴥𐴡𐴘 𐴉𐴡𐴙𐴅𐴧𐴠𐴊𐴠 𐴱 𐴔𐴝𐴀𐴔𐴠𐴓𐴝 𐴘𐴥𐴝𐴕𐴡𐴌𐴠 𐴃𐴥𐴝𐴑𐴞𐴑 𐴒𐴡𐴌𐴞𐴁𐴝𐴌 𐴀𐴠𐴅𐴝𐴎𐴡𐴃 𐴊𐴞𐴁𐴡𐴓𐴧𐴝 / 𐴀𐴢𐴢𐴑𐴞𐴓 𐴁𐴠𐴕𐴏𐴢𐴢𐴋𐴝 𐴘𐴠 𐴅𐴢𐴢𐴓𐴝𐴙𐴌 𐴴 𐴃𐴝𐴌𐴞𐴑𐴡𐴃 𐴑𐴦𐴢𐴢𐴍𐴡𐴃 𐴊𐴡𐴌𐴈𐴝𐴏𐴢 𐴊𐴞𐴌𐴝𐴑𐴧𐴞𐴓𐴊𐴠 𐴘𐴥𐴝𐴕𐴡𐴌 𐴅𐴢𐴢𐴖𐴝𐴁 𐴀𐴠 𐴇𐴥𐴝𐴉𐴃𐴝𐴃 𐴉𐴝𐴘𐴁𐴝𐴊𐴠 𐴐𐴥𐴢𐴢𐴌𐴢𐴢 𐴘𐴥𐴡 𐴒𐴡𐴙𐴅𐴧𐴠 𐴁𐴡𐴓𐴞 𐴀𐴠𐴓𐴝𐴕 𐴒𐴡𐴙𐴅𐴧𐴠 𐴱𐴱 𐴉𐴝𐴄𐴢𐴢 𐴁𐴠𐴕𐴏𐴢𐴢𐴋𐴝𐴌 𐴊𐴡𐴌𐴈𐴝𐴏𐴢 𐴱 𐴀𐴢𐴢𐴏𐴞𐴃 𐴔𐴡𐴎𐴞𐴕 𐴀𐴥𐴡𐴘𐴧𐴠𐴊𐴠 𐴀𐴥𐴠𐴃𐴡𐴓𐴧𐴝 (𐴀𐴝𐴘 𐴏𐴞 𐴏𐴞 ) 𐴑𐴦𐴢𐴢𐴍𐴡𐴌 𐴅𐴡𐴐𐴠 𐴁𐴞𐴐𐴧𐴝𐴐𐴢 𐴒𐴡𐴌𐴞 𐴒𐴡𐴙𐴧𐴏𐴠𐴊𐴠 𐴱𐴱 𐴀𐴥𐴞𐴃𐴝𐴌𐴝 𐴁𐴢𐴢𐴎𐴞 𐴉𐴝𐴙𐴅𐴧𐴠𐴊𐴠 𐴘𐴦𐴝𐴕 𐴀𐴥𐴡𐴙𐴓𐴊𐴠 𐴱 𐴀𐴡𐴑𐴄𐴢𐴢𐴁𐴡𐴌𐴡𐴌 𐴹 𐴃𐴝𐴌𐴞𐴑 𐴶 𐴱 𐴰 𐴲 𐴓𐴡𐴃𐴞 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴈𐴝𐴍𐴝 𐴔𐴝𐴌𐴝 / 𐴁𐴝𐴣𐴊𐴞𐴁𐴝𐴣𐴊𐴞 𐴎𐴞𐴘𐴡𐴓𐴡𐴃 𐴊𐴞𐴘𐴝 / 𐴎𐴢𐴢𐴓𐴢𐴢𐴔𐴒𐴡𐴌𐴝 / 𐴁𐴡𐴓𐴡𐴃𐴑𐴝𐴌 𐴒𐴡𐴌𐴝 / 𐴁𐴡𐴓𐴡𐴃𐴑𐴝𐴌𐴞𐴌 𐴊𐴤𐴡𐴔𐴑𐴞𐴊𐴞𐴘𐴝 𐴎𐴥𐴝𐴑𐴧𐴗𐴝 𐴎𐴢𐴢𐴓𐴢𐴢𐴔 𐴒𐴡𐴌𐴝 𐴱𐴱

𐴁𐴝𐴕𐴝 𐴀𐴞𐴀𐴕𐴊𐴠 𐴕𐴡 𐴱 𐴀𐴞𐴕𐴏𐴝𐴕𐴞𐴘𐴡𐴃𐴠 𐴑𐴠𐴏𐴑𐴠𐴏𐴝𐴊𐴠 𐴀𐴥𐴠𐴕𐴋𐴞𐴓𐴧𐴝 𐴎𐴢𐴢𐴓𐴢𐴢𐴔 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴒𐴡𐴌𐴝𐴒𐴞𐴘𐴠 𐴱𐴱 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴈𐴝𐴍𐴡𐴕 𐴔𐴝𐴌𐴡𐴕 𐴱 𐴉𐴥𐴢𐴢𐴌𐴝𐴘 𐴉𐴥𐴠𐴓𐴡𐴕𐴧𐴝𐴕 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴉𐴡𐴓𐴡𐴏𐴞𐴊𐴠 𐴀𐴥𐴠𐴃𐴡𐴓𐴧𐴝 𐴱𐴱 𐴇𐴥𐴡𐴑𐴢𐴢𐴔𐴡𐴃𐴡𐴌 𐴋𐴞𐴂𐴦𐴝𐴌𐴔𐴠𐴕𐴄 𐴁𐴠𐴀𐴒𐴧𐴢𐴢𐴕 𐴀𐴝𐴌 𐴂𐴝𐴂𐴓𐴞𐴑 𐴀𐴥𐴢𐴢𐴊𐴧𐴝 𐴔𐴞𐴓𐴞 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴀𐴠𐴕𐴋𐴞𐴓𐴧𐴝 𐴒𐴡𐴙𐴅𐴧𐴡𐴊𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱 𐴁𐴡𐴌𐴔𐴝 𐴘𐴠 𐴀𐴝𐴌𐴏𐴝𐴌 𐴐𐴡𐴚𐴑𐴡𐴄𐴡𐴌 𐴁𐴝𐴎𐴝𐴊𐴠𐴊𐴧𐴠 𐴱 𐴘𐴦𐴝𐴕𐴡𐴌 𐴁𐴝𐴁𐴡𐴃𐴠 𐴘𐴥𐴡 𐴀𐴝𐴀𐴛 𐴎𐴝𐴕𐴞 𐴁𐴡𐴓𐴞 / 𐴉𐴝𐴄𐴢𐴢 𐴁𐴠𐴕𐴏𐴢𐴢𐴋𐴝 𐴘𐴠 𐴈𐴡𐴘𐴧𐴠 𐴱𐴱

𐴀𐴝𐴌𐴏𐴝 𐴘𐴠 𐴈𐴡𐴏𐴢𐴢𐴌𐴞 𐴒𐴡𐴙𐴅𐴧𐴠𐴊𐴠 𐴘𐴦𐴝𐴕 𐴋𐴦𐴡𐴣𐴌 𐴕𐴝𐴑𐴞 𐴊𐴠𐴐𐴁𐴞𐴊𐴠𐴐𐴡𐴌 𐴌𐴝𐴎𐴞𐴕𐴝𐴔𐴝 𐴱 𐴕𐴡 𐴔𐴝𐴕𐴦𐴡𐴕 𐴋𐴦𐴡𐴣𐴌 𐴱 𐴘𐴥𐴝𐴕𐴡 𐴀𐴞𐴚𐴑𐴢𐴢𐴖𐴝𐴌𐴞 𐴒𐴡𐴌𐴞 𐴏𐴝𐴉𐴡𐴌𐴞𐴁𐴡 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱 𐴀𐴥𐴞𐴁𐴝 𐴘𐴠 𐴏𐴥𐴡𐴀𐴞𐴒𐴝𐴕 𐴀𐴢𐴢𐴍𐴞 𐴀𐴝𐴘𐴁𐴡𐴓𐴧𐴝 𐴀𐴝𐴎𐴝𐴊𐴞𐴌 𐴏𐴥𐴝𐴣𐴀𐴃𐴠 𐴉𐴡𐴑𐴧𐴡𐴁𐴝𐴎𐴞 𐴏𐴥𐴝𐴌𐴝𐴀𐴞𐴚𐴑𐴢𐴢𐴖𐴝𐴌𐴞 𐴒𐴡𐴌𐴞𐴁𐴡𐴓𐴧𐴝 𐴑𐴢𐴢𐴐𐴞𐴐𐴢 𐴒𐴡𐴌𐴠𐴊𐴧 𐴀𐴥𐴠𐴍𐴠 𐴱𐴱 𐴕𐴝𐴀𐴞𐴕𐴏𐴝𐴉𐴞 𐴀𐴥𐴡𐴘 𐴕𐴡𐴉𐴝𐴌𐴠𐴉𐴝𐴕 𐴖𐴝𐴉𐴡𐴌𐴞𐴁𐴡 𐴁𐴡𐴓𐴞 𐴈𐴡𐴘𐴧𐴠 𐴱𐴱