𐴁𐴡𐴌𐴔𐴝𐴃𐴧𐴢𐴢 𐴁𐴞𐴊𐴠𐴐𐴥𐴞 𐴑𐴢𐴢𐴔𐴂𐴝𐴕𐴞 𐴕𐴠𐴓𐴞 𐴎𐴝𐴘𐴁𐴡𐴒𐴥𐴡𐴙𐴓𐴧𐴝 𐴌𐴢𐴢𐴇𐴝𐴙𐴚𐴒𐴙𐴝𐴌 𐴇𐴥𐴡𐴌𐴃𐴝𐴓 𐴱

𐴁𐴝𐴘𐴑𐴡𐴄 𐴔𐴙𐴝𐴕𐴔𐴝𐴌 𐴑𐴠𐴔𐴂𐴠𐴙𐴕 ) 𐴕𐴝𐴔𐴡𐴌 𐴉𐴝𐴄𐴞 𐴀𐴝𐴏𐴠𐴊𐴠 𐴀𐴥𐴞𐴁𐴝𐴌𐴠 ( 𐴉𐴠𐴌𐴞 𐴌𐴢𐴢𐴇𐴝𐴙𐴚𐴒𐴙𐴝 𐴑𐴗𐴝𐴓𐴞𐴐𐴠𐴕𐴠 ) 𐴔𐴢𐴢𐴌𐴡𐴁𐴧𐴞𐴘𐴝𐴕𐴝 𐴒𐴡𐴌𐴞 𐴋𐴞𐴏𐴡𐴔𐴁𐴡𐴌𐴡𐴌 𐴹 𐴃𐴝𐴌𐴞𐴑𐴡𐴃𐴧 𐴓𐴡𐴃𐴞 𐴱𐴱 𐴁𐴡𐴌𐴔𐴝𐴃𐴧𐴢𐴢 𐴁𐴞𐴊𐴠𐴐𐴥𐴞 𐴑𐴢𐴢𐴔𐴂𐴝𐴕𐴞 𐴀𐴥𐴡𐴑𐴧𐴡𐴓 𐴕𐴠𐴓𐴞 𐴎𐴝𐴘𐴁𐴦𐴡𐴙𐴓𐴧𐴝 𐴇𐴥𐴡𐴌𐴃𐴝𐴓 𐴐𐴥𐴢𐴢𐴌𐴢𐴢 𐴒𐴡𐴌𐴞𐴁𐴡 𐴱𐴱 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴁𐴞𐴊𐴠𐴐𐴞 𐴑𐴢𐴢𐴔𐴂𐴝𐴕𐴞𐴃𐴧𐴢𐴢 𐴓𐴝𐴂𐴢 𐴁𐴠𐴐𐴥𐴞 𐴉𐴝𐴌𐴊𐴠 𐴀𐴥𐴠𐴃𐴡𐴓𐴧𐴝 𐴌𐴢𐴢𐴇𐴝𐴙𐴚𐴒𐴙𐴝𐴌 𐴔𐴝𐴀𐴔𐴠𐴓𐴝 𐴉𐴞𐴧𐴏𐴝 𐴉𐴥𐴠𐴓𐴝𐴘 𐴌𐴝𐴙𐴑𐴧𐴙𐴠 𐴊𐴠 𐴁𐴡𐴓𐴞 𐴉𐴝𐴄𐴞𐴌 𐴓𐴞𐴋𐴝𐴌 / 𐴑𐴢𐴢 𐴕𐴠 𐴏𐴥𐴠𐴚 𐴓𐴂𐴝𐴚𐴠 𐴈𐴡𐴘𐴧𐴠 𐴱𐴱 𐴀𐴥𐴠 𐴉𐴝𐴄𐴞𐴌 𐴉𐴥𐴢𐴢𐴣𐴖𐴝𐴣𐴃𐴞 / 𐴘𐴢𐴢𐴌𐴢𐴢𐴂𐴡𐴌 / 𐴀𐴝𐴔𐴠𐴌𐴞𐴑𐴝𐴌 / 𐴑𐴠𐴕𐴠𐴋𐴝𐴌 𐴀𐴝𐴌 𐴀𐴝𐴏𐴞𐴘𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴃𐴡𐴕𐴎𐴞𐴔𐴡𐴌 𐴔𐴝𐴕𐴢𐴢𐴙𐴐𐴢 𐴀𐴥𐴡𐴑𐴧𐴡𐴓𐴥𐴡 𐴃𐴥𐴝𐴑𐴞𐴁𐴡 𐴱𐴱

( 𐴉𐴠𐴌𐴞 𐴌𐴢𐴢𐴇𐴝𐴙𐴚𐴒𐴙𐴝 𐴑𐴗𐴝𐴓𐴞𐴐𐴠𐴕 ) 𐴡𐴌 𐴓𐴞𐴋𐴝𐴌 / 𐴑𐴢𐴢 𐴎𐴝𐴕𐴞 𐴱 𐴵 𐴹 𐴹 𐴱 𐴐𐴥𐴡𐴕𐴡𐴃 ( 𐴉𐴠𐴌𐴞 𐴁𐴡𐴌𐴔𐴝 𐴑𐴗𐴝𐴓𐴞𐴐𐴠𐴕 ) 𐴡𐴌 𐴓𐴞𐴋𐴝𐴌 𐴀𐴝𐴐𐴧𐴞𐴓𐴊𐴠 𐴀𐴡𐴑𐴃𐴡𐴃 𐴉𐴝𐴄𐴞 𐴁𐴠𐴙𐴒𐴧𐴢𐴢𐴕 𐴔𐴞𐴓𐴝𐴘 𐴀𐴝𐴔𐴠𐴌𐴞𐴑𐴝𐴌 𐴂𐴠𐴂𐴏𐴞 𐴑𐴢𐴢𐴔𐴂𐴝𐴕𐴞 / 𐴀𐴝𐴌𐴑𐴢𐴢 / 𐴄𐴠𐴑𐴎𐴝𐴑𐴢𐴢 / 𐴃𐴠𐴓 𐴑𐴢𐴢𐴔𐴂𐴝𐴕𐴞 𐴱 𐴀𐴠 𐴑𐴢𐴢𐴔𐴂𐴝𐴕𐴞 𐴀𐴦𐴢𐴢𐴕𐴡𐴌 𐴀𐴢𐴢𐴓𐴋𐴝 𐴇𐴥𐴡𐴌𐴃𐴝𐴓 𐴒𐴡𐴌𐴞 𐴑𐴢𐴢𐴔𐴂𐴝𐴕𐴞 𐴁𐴠𐴙𐴒𐴧𐴢𐴢𐴕𐴡𐴌𐴠 𐴕𐴠𐴓𐴝𐴘𐴊𐴞𐴘𐴠 𐴱𐴱 𐴀𐴝𐴔𐴠𐴌𐴞𐴑𐴝𐴃 𐴃𐴥𐴝𐴑𐴠𐴊𐴠 𐴑𐴡𐴖𐴔𐴞𐴏𐴥𐴔𐴡𐴒𐴝𐴌 𐴊𐴝𐴘𐴔𐴞 𐴁𐴡𐴌𐴔𐴝𐴌 𐴏𐴡𐴉𐴞𐴌 𐴕𐴡𐴔𐴝𐴙𐴕𐴊𐴝 / 𐴀𐴥𐴢𐴢𐴀 𐴇𐴥𐴡𐴑𐴋𐴢𐴢 𐴏𐴗𐴥𐴠𐴔𐴠 𐴈𐴡𐴘𐴧𐴠𐴊𐴠 𐴱 𐴁𐴡𐴖𐴃 𐴁𐴡𐴏𐴡𐴌𐴡𐴌 𐴃𐴡𐴅𐴡𐴌𐴡𐴁𐴝 𐴔𐴡𐴎𐴞𐴕 𐴇𐴥𐴡𐴌𐴃𐴝𐴓𐴡𐴌 𐴎𐴡𐴌𐴞𐴘𐴝 𐴂𐴝𐴂𐴓𐴞𐴑𐴡𐴌 𐴓𐴢𐴢𐴏𐴧𐴝𐴕 𐴀𐴥𐴡𐴊𐴠 𐴇𐴥𐴡𐴑𐴢𐴢𐴔𐴡𐴃𐴡𐴌 𐴑𐴠𐴙𐴧𐴏𐴢𐴢 𐴓𐴢𐴢𐴏𐴧𐴝𐴕 𐴕𐴡 𐴀𐴥𐴡 𐴱𐴱

𐴇𐴥𐴡𐴌𐴃𐴝𐴓𐴡𐴌 𐴎𐴡𐴌𐴞𐴘𐴝 𐴂𐴝𐴂𐴓𐴞𐴑 𐴀𐴝𐴌 𐴁𐴡𐴌𐴔𐴝𐴌 𐴋𐴞𐴔𐴢𐴢𐴑𐴠𐴌𐴠𐴏𐴞𐴓𐴧𐴝 𐴈𐴡𐴊𐴧𐴢𐴢𐴌 𐴓𐴢𐴢𐴏𐴧𐴝𐴕 𐴀𐴥𐴡𐴘𐴁𐴡𐴊𐴠 𐴘𐴦𐴝𐴕𐴡𐴌𐴠 𐴁𐴢𐴢𐴎𐴞𐴉𐴝𐴙𐴅𐴧𐴡𐴏𐴢 𐴕𐴠 𐴈𐴡𐴘 / 𐴀𐴝𐴌 𐴀𐴠𐴉𐴢 𐴀𐴠 𐴘𐴠 / 𐴑𐴢𐴢 𐴕𐴠 𐴏𐴥𐴠𐴚 𐴓𐴗𐴝𐴚𐴡𐴃𐴧𐴢𐴢 𐴉𐴢𐴢𐴏𐴝𐴌 𐴒𐴡𐴙𐴅𐴧𐴠 𐴘𐴝𐴌 𐴱𐴱 𐴂𐴝𐴂𐴓𐴞𐴑𐴡𐴌 𐴓𐴢𐴢𐴏𐴧𐴝𐴕 𐴃𐴡 𐴀𐴥𐴡𐴘𐴁𐴡 𐴱 𐴊𐴠𐴐𐴁𐴞𐴊𐴠𐴐𐴡𐴌 𐴏𐴞𐴁𐴠 𐴁𐴡𐴌𐴔𐴝 𐴌𐴠 𐴑𐴝𐴉𐴞 𐴕𐴡 𐴀𐴥𐴡𐴊𐴧𐴠 𐴀𐴥𐴠𐴃𐴡𐴓𐴧𐴝 𐴇𐴥𐴡𐴌𐴃𐴝𐴓𐴡𐴌 𐴂𐴡𐴌𐴢𐴢𐴒𐴠𐴌𐴝𐴔 𐴁𐴝𐴕𐴝𐴘𐴧𐴞𐴊𐴠 𐴈𐴡𐴘 𐴅𐴢𐴢𐴖𐴝𐴁 𐴊𐴞𐴘𐴠 𐴱𐴱 𐴹 / 𐴋𐴞𐴏𐴡𐴔𐴁𐴡𐴌 𐴀𐴥𐴡𐴙𐴃𐴠 𐴀𐴝𐴣𐴀𐴌𐴝𐴌 𐴀𐴞𐴕𐴄𐴝𐴌𐴕𐴠𐴄 𐴀𐴝𐴌 𐴖𐴠𐴁𐴏𐴝𐴙𐴄 𐴏𐴝𐴓𐴢𐴢 𐴀𐴥𐴡𐴘𐴁𐴡 𐴀𐴝𐴌 𐴀𐴝𐴣𐴌𐴝𐴌 𐴉𐴢𐴢𐴣𐴖𐴝𐴣𐴃𐴞 𐴀𐴝𐴌𐴥𐴡 𐴇𐴥𐴝𐴣𐴃 𐴉𐴝𐴄𐴞 𐴇𐴥𐴡𐴌𐴃𐴝𐴓𐴡𐴃 𐴓𐴝𐴔𐴞𐴁𐴡 𐴁𐴡𐴓𐴞 / 𐴑𐴢𐴢 𐴕𐴠 𐴏𐴥𐴠𐴚 𐴓𐴗𐴝𐴚𐴠 𐴀𐴝𐴌 𐴀𐴠𐴉 𐴀𐴠 𐴌𐴠 𐴈𐴡𐴘𐴧𐴠 𐴱𐴱

𐴉𐴡𐴑𐴃𐴢𐴢𐴌 𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞 𐴑𐴠𐴀𐴠𐴔𐴡𐴃 𐴀𐴡𐴙𐴕 𐴊𐴤𐴡𐴙𐴅𐴧𐴠 𐴱𐴱
𐴒𐴡𐴃𐴡 𐴈𐴝𐴙𐴓𐴧𐴝 𐴁𐴠𐴙𐴕𐴧𐴝 𐴲 𐴱 𐴁𐴝𐴎𐴡𐴌 𐴁𐴝𐴊𐴠 𐴉𐴡𐴑𐴃𐴢𐴢𐴌 ( 𐴀𐴝𐴘 𐴋𐴞 𐴂𐴞 ) 𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞 𐴑𐴠𐴀𐴠𐴔𐴡𐴃 𐴓𐴝𐴙𐴕 𐴓𐴡𐴔𐴁𐴡𐴌 𐴹 𐴲 𐴑𐴝𐴔𐴌𐴝 𐴓𐴡𐴔𐴁𐴡𐴌 𐴹 𐴡𐴃𐴧𐴢𐴢 𐴀𐴦𐴡𐴙𐴕 𐴊𐴤𐴡𐴌𐴞 𐴳 𐴳 𐴉𐴠𐴔𐴞𐴓𐴞𐴌 𐴒𐴤𐴡𐴌 𐴎𐴡𐴓𐴞 𐴎𐴡𐴕𐴠 𐴳 𐴵 𐴲 𐴎𐴡𐴕 𐴔𐴝𐴕𐴢𐴢𐴙𐴐𐴢 𐴃𐴥𐴡𐴌 𐴏𐴥𐴝𐴌𐴝 𐴀𐴥𐴡𐴘𐴧𐴠 𐴀𐴝𐴌 𐴀𐴥𐴞𐴃𐴝𐴌𐴝𐴌 𐴀𐴝𐴕𐴊𐴝𐴎𐴝 𐴔𐴡𐴎𐴞𐴕 𐴴 𐴷 𐴓𐴝𐴑 𐴓𐴡𐴃 𐴄𐴞𐴛𐴝 𐴓𐴢𐴢𐴏𐴧𐴝𐴕 𐴀𐴥𐴡𐴘𐴧𐴠 𐴱𐴱

𐴀𐴥𐴞𐴃𐴝𐴌𐴝 𐴀𐴠𐴈𐴡𐴕 𐴑𐴠𐴙𐴧𐴏𐴢𐴢 𐴔𐴝𐴕𐴢𐴢𐴙𐴐𐴢 𐴃𐴡𐴙𐴃𐴧𐴝 𐴀𐴥𐴞𐴏𐴝𐴉𐴠 𐴕𐴞𐴎𐴡𐴌 𐴕𐴞𐴎𐴡𐴌 𐴀𐴠𐴒𐴝𐴕𐴝 𐴒𐴢𐴢𐴐𐴧𐴞𐴌 𐴀𐴥𐴠𐴍𐴠 𐴃𐴥𐴝𐴑𐴠𐴌 𐴀𐴝𐴌 𐴑𐴠𐴙𐴧𐴏𐴢𐴢 𐴌𐴠 𐴀𐴞𐴐𐴑𐴢𐴢𐴓𐴡𐴃 𐴌𐴝𐴙𐴑𐴧𐴠 𐴱𐴱 𐴊𐴢𐴢𐴖𐴝 𐴒𐴢𐴢𐴌𐴝 𐴔𐴝𐴘𐴧𐴝 𐴉𐴢𐴢𐴖𐴝𐴎𐴡𐴓𐴞 𐴔𐴡𐴌𐴞𐴒𐴞𐴘𐴡𐴘 𐴀𐴢𐴢𐴒𐴧𐴗𐴝𐴌 𐴁𐴡𐴐𐴢 𐴀𐴠𐴑 𐴁𐴡𐴏𐴡𐴌 𐴇𐴥𐴝𐴣𐴃 𐴔𐴝𐴐𐴢 𐴀𐴝𐴌 𐴀𐴢𐴢𐴒𐴧𐴗𐴝𐴌 𐴁𐴡𐴐𐴢 𐴏𐴝𐴙𐴌 𐴁𐴡𐴏𐴡𐴌 𐴱𐴱 𐴀𐴥𐴠 𐴑𐴠𐴀𐴠𐴔 𐴘𐴥𐴝𐴕𐴡𐴃 𐴶 𐴵 𐴷 𐴉𐴠𐴔𐴠𐴓𐴞𐴃 𐴔𐴝𐴎𐴠 𐴰 𐴰 𐴰 𐴳 𐴓𐴡𐴃 𐴔𐴝𐴕𐴢𐴢𐴙𐴐𐴢 𐴲 𐴱 𐴰 𐴲 𐴐𐴥𐴡𐴕𐴡𐴃𐴧𐴢𐴢 𐴓𐴡𐴃𐴞 𐴃𐴥𐴝𐴑𐴠𐴌

SOURCES ; R F A BURMESE // VOA BURMESE