𐴇𐴥𐴡𐴑𐴢𐴢𐴔𐴡𐴃𐴡𐴌 𐴅𐴢𐴢𐴖𐴝𐴁 𐴐𐴥𐴢𐴢𐴊𐴠 𐴀𐴝𐴘 𐴏𐴞 𐴅𐴠 𐴌 𐴔𐴡𐴀𐴊𐴧𐴞𐴔𐴝 𐴁𐴝𐴘𐴧𐴢𐴢𐴔𐴊𐴠 𐴱 𐴘𐴥𐴝𐴕𐴡𐴌 𐴖𐴡𐴌𐴠 𐴌𐴝𐴘 𐴱𐴱

𐴌𐴢𐴢𐴇𐴝𐴙𐴚𐴒𐴙𐴝 𐴌𐴠 𐴈𐴝𐴍𐴝 𐴔𐴝𐴌𐴝 𐴎𐴢𐴢𐴓𐴢𐴢𐴔 𐴀𐴡𐴃𐴧𐴞𐴏𐴝𐴌 / 𐴋𐴡𐴙𐴓𐴧𐴝 𐴁𐴡𐴋𐴡𐴙𐴓𐴧𐴝 𐴊𐴤𐴡𐴔𐴑𐴞 𐴊𐴙𐴝 𐴀𐴝𐴌 𐴕𐴡𐴏𐴡𐴓𐴉𐴥𐴢𐴢𐴌𐴝 𐴑𐴝𐴌𐴖𐴝𐴘 𐴒𐴡𐴙𐴅𐴧𐴠𐴊𐴠 𐴀𐴥𐴞𐴀𐴕𐴡𐴌 𐴀𐴠𐴓𐴎𐴝𐴔𐴊𐴞 𐴱𐴱 𐴀𐴝𐴘 𐴏𐴞 𐴏𐴞 / 𐴀𐴝𐴘 𐴏𐴞 𐴅𐴠 𐴀𐴝𐴌 𐴀𐴝𐴌𐴅𐴠𐴕𐴄𐴞𐴕𐴝𐴌 𐴑𐴦𐴢𐴢𐴍𐴡𐴃 𐴁𐴡𐴌𐴔𐴝𐴌 𐴓𐴝 𐴑𐴥𐴢𐴢𐴙𐴓𐴧𐴠𐴊𐴠 𐴔𐴡𐴀𐴊𐴧𐴞𐴔𐴝 𐴀𐴥𐴡𐴑𐴧𐴡𐴓𐴡𐴌 𐴁𐴥𐴢𐴢𐴃𐴡𐴌 𐴱𐴱 𐴐𐴥𐴢𐴢𐴊𐴠 𐴀𐴝𐴘 𐴏𐴞 𐴅𐴠 𐴌 𐴅𐴢𐴢𐴖𐴝𐴊𐴞𐴘𐴢𐴢𐴔𐴊𐴠 𐴁𐴡𐴓𐴞 𐴁𐴡𐴌𐴔𐴝𐴌 𐴇𐴥𐴡𐴑𐴢𐴢𐴔𐴡𐴃𐴠 𐴈𐴦𐴡𐴌 𐴊𐴠 𐴘𐴦𐴝𐴕 𐴀𐴥𐴡𐴘 𐴕𐴡𐴉𐴝𐴌𐴞𐴁𐴡 𐴊𐴠 𐴱𐴱 𐴘𐴦𐴝𐴕 𐴁𐴡𐴌𐴔𐴝𐴌 𐴏𐴞𐴘𐴝𐴏𐴡𐴃𐴊𐴝𐴌 𐴀𐴝𐴌 𐴀𐴢𐴢𐴑𐴞𐴓 𐴀𐴥𐴡𐴑𐴧𐴡𐴓𐴠 𐴈𐴦𐴡𐴌 𐴱𐴱

𐴊𐴠𐴐𐴁𐴞𐴃𐴠𐴐𐴥𐴞 𐴑𐴦𐴢𐴢𐴍𐴠 𐴑𐴥𐴢𐴢𐴙𐴓𐴧𐴠𐴊𐴠 𐴔𐴡𐴀𐴊𐴧𐴞𐴔𐴝𐴌 𐴅𐴢𐴢𐴖𐴝𐴁 𐴱 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴠 𐴉𐴡𐴙𐴃𐴧𐴡 𐴑𐴦𐴢𐴢𐴍𐴡𐴌𐴠 𐴅𐴢𐴢𐴖𐴝𐴁𐴊𐴞 𐴉𐴝𐴘𐴏𐴠𐴓𐴝 𐴒𐴡𐴌𐴞 𐴕𐴡𐴉𐴥𐴠𐴓𐴝𐴘𐴓𐴠 𐴱𐴱 𐴁𐴡𐴌𐴔𐴝𐴌 𐴏𐴞𐴘𐴝𐴏𐴞 𐴇𐴝𐴓𐴡𐴃 𐴈𐴥𐴡𐴌𐴝𐴉𐴢 𐴀𐴡𐴘𐴧𐴡𐴌𐴠 𐴊𐴠𐴐𐴁𐴞𐴊𐴠𐴐𐴡𐴌 𐴃𐴝𐴀𐴓𐴧𐴢𐴢𐴑 𐴱 𐴊𐴠𐴐𐴡𐴌 𐴈𐴝𐴏𐴢𐴈𐴝𐴌𐴁𐴝𐴌 𐴱 𐴀𐴞𐴕𐴏𐴝𐴕𐴞𐴘𐴡𐴃𐴞 𐴱 𐴃𐴝𐴓𐴞𐴔𐴞 𐴱 𐴀𐴥𐴠𐴕𐴋𐴞𐴓𐴧𐴝 𐴀𐴝𐴌𐴥𐴡 𐴁𐴡𐴖𐴃 𐴏𐴞𐴏𐴡𐴓𐴧𐴝 𐴓𐴢𐴢𐴏𐴧𐴝𐴕 𐴀𐴥𐴡𐴘𐴁𐴡𐴊𐴠 𐴀𐴥𐴠𐴃𐴡𐴓𐴧𐴝 𐴱𐴱 𐴑𐴝𐴕𐴢𐴢𐴕 𐴔𐴡𐴎𐴞𐴕 𐴅𐴢𐴢𐴖𐴝𐴁𐴊𐴞𐴁𐴝𐴌 𐴁𐴠𐴁𐴡𐴏𐴃𐴝 𐴈𐴥𐴝𐴔𐴝𐴈𐴥𐴝 𐴒𐴡𐴌𐴝𐴉𐴡𐴌𐴞𐴁𐴡 𐴁𐴡𐴓𐴞 𐴊𐴠𐴐𐴡𐴌 𐴑𐴝𐴢𐴢𐴕 𐴎𐴝𐴕𐴡𐴘𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴔𐴡𐴀𐴊𐴧𐴞𐴔𐴝 𐴀𐴞𐴀𐴕𐴡𐴌𐴠 𐴑𐴝𐴕𐴢𐴢𐴕𐴡𐴌 𐴏𐴥𐴝𐴀𐴌𐴝 𐴓𐴡𐴘 𐴉𐴝𐴘𐴏𐴠𐴓𐴝 𐴕𐴡𐴒𐴡𐴙𐴓𐴧𐴠 𐴊𐴠𐴐𐴁𐴞𐴃𐴠𐴐𐴡𐴌 𐴃𐴝𐴀𐴓𐴧𐴢𐴢𐴑 𐴁𐴠𐴐𐴥𐴞 𐴔𐴡𐴐𐴑𐴞𐴓𐴡𐴃 𐴉𐴡𐴌𐴞𐴎𐴝𐴘𐴁𐴡𐴘 𐴁𐴡𐴓𐴞 𐴱𐴱 𐴀𐴢𐴢𐴒𐴧𐴗𐴝 𐴋𐴦𐴡𐴣𐴌 𐴀𐴠𐴓𐴡𐴔𐴊𐴝𐴌 𐴀𐴢𐴢𐴑𐴞𐴓 / 𐴋𐴝𐴑𐴄𐴡𐴌 𐴏𐴡𐴓𐴥𐴝𐴙𐴚 𐴚𐴗𐴠𐴕 𐴆𐴙𐴢𐴢𐴚 𐴓𐴙𐴠𐴕𐴠 𐴈𐴡𐴘𐴧𐴠 𐴱𐴱 𐴀𐴝𐴣𐴀𐴌𐴝 𐴎𐴡𐴊𐴞 𐴔𐴝𐴀𐴔𐴠𐴓𐴝 𐴏𐴥𐴝𐴉𐴢 𐴕𐴡𐴒𐴡𐴌𐴞 𐴱 𐴏𐴞𐴘𐴝𐴏𐴞 𐴀𐴠𐴃𐴠𐴁𐴝𐴌𐴠 𐴱 𐴊𐴠𐴐𐴡𐴌 𐴃𐴡𐴌𐴑𐴞 𐴀𐴠𐴃𐴠𐴁𐴝𐴌𐴠 𐴱 𐴉𐴡𐴕𐴧𐴝𐴌 𐴀𐴠𐴃𐴠𐴁𐴝𐴌𐴠 𐴱𐴱 𐴔𐴢𐴢𐴄𐴝𐴔𐴢𐴢𐴄𐴞 𐴈𐴡𐴕𐴥𐴡 𐴀𐴠𐴃𐴠𐴁𐴝𐴌𐴠 𐴈𐴡𐴕𐴥𐴡 𐴊𐴠𐴐𐴡𐴃 𐴎𐴝𐴘 𐴕𐴡𐴉𐴝𐴙𐴅𐴧𐴢𐴢𐴔 𐴱𐴱 𐴉𐴡𐴙𐴃𐴧𐴡 𐴊𐴠𐴐𐴠 𐴈𐴡𐴘𐴁𐴡𐴊𐴠 𐴃𐴢𐴢𐴣𐴖𐴝𐴣𐴌𐴝 𐴖𐴝𐴌𐴞𐴕 𐴉𐴝𐴘𐴧𐴝 𐴊𐴠𐴐𐴡𐴌 𐴔𐴝𐴕𐴢𐴢𐴙𐴐𐴢 𐴱 𐴈𐴡𐴕𐴥𐴡 𐴈𐴡𐴃𐴝 𐴈𐴡𐴘𐴁𐴝𐴌 𐴕𐴥𐴝𐴘 𐴃𐴢𐴢𐴣𐴖𐴝𐴣𐴌𐴝 𐴎𐴡𐴒𐴦𐴡𐴘 𐴈𐴡𐴘 𐴊𐴢𐴢𐴣𐴌𐴝𐴘𐴊𐴞𐴁𐴡