𐴊𐴢𐴢𐴕𐴞𐴘𐴝𐴘𐴧𐴠 𐴌𐴢𐴢𐴇𐴝𐴙𐴚𐴒𐴙𐴝𐴌 𐴔𐴡𐴀𐴊𐴧𐴞𐴔𐴝 𐴑𐴥𐴢𐴢𐴓𐴡𐴕𐴠 𐴁𐴡𐴌𐴔𐴝𐴌 𐴁𐴠𐴐𐴥𐴞 𐴀𐴞𐴎𐴧𐴡𐴃 𐴀𐴥𐴝𐴕𐴞 𐴀𐴥𐴡𐴘𐴧𐴠

𐴀𐴠 𐴇𐴥𐴝𐴉𐴃𐴝𐴃 ( 𐴀𐴝𐴘 𐴏𐴞 𐴏𐴞 ) ( 𐴀𐴝𐴘 𐴏𐴞 𐴅𐴠 ) 𐴀𐴝𐴌 𐴀𐴝𐴌𐴅𐴠𐴕𐴄𐴞𐴕𐴝𐴌 𐴑𐴦𐴢𐴢𐴍𐴡𐴃 𐴌𐴢𐴢𐴇𐴝𐴙𐴚𐴒𐴙𐴝𐴌 𐴉𐴡𐴑𐴧𐴡𐴃𐴧𐴢𐴢 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴡𐴌𐴠 𐴀𐴝𐴐𐴝𐴔𐴞 𐴁𐴝𐴕𐴝𐴘 𐴔𐴡𐴀𐴊𐴧𐴞𐴔𐴝 𐴑𐴥𐴢𐴢𐴙𐴓𐴧𐴠𐴊𐴠 𐴘𐴥𐴝𐴕𐴡𐴃 𐴱𐴱 𐴊𐴠𐴐𐴁𐴞𐴊𐴠𐴐𐴞 𐴓𐴠𐴁𐴠𐴓𐴡𐴃 𐴁𐴡𐴌𐴔𐴝𐴌 𐴀𐴞𐴎𐴧𐴡𐴃 𐴁𐴠𐴐𐴥𐴞 𐴀𐴥𐴝𐴕𐴞 𐴀𐴥𐴡𐴘𐴧𐴠 𐴁𐴡𐴓𐴞 / 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴡𐴌 𐴈𐴡𐴃𐴝 𐴈𐴦𐴡𐴙𐴕𐴧𐴝 / 𐴀𐴦𐴢𐴢 𐴎𐴡 𐴄𐴥𐴠 𐴘𐴠 𐴈𐴡𐴘𐴧𐴠 𐴱𐴱 𐴳 𐴱 𐴀𐴠𐴂𐴌𐴞𐴓 𐴸 𐴱 𐴰 𐴲 𐴐𐴥𐴡𐴕𐴡𐴃 𐴁𐴡𐴌𐴔𐴝 𐴘𐴠 𐴀𐴠𐴏𐴄𐴠𐴀𐴄𐴔𐴠𐴕𐴄 𐴀𐴠𐴑𐴧𐴝𐴕 𐴕𐴠𐴓𐴝𐴘 ( 𐴀𐴝𐴘 𐴏𐴞 𐴏𐴞 ) 𐴌 𐴊𐴝𐴁𐴞 𐴌𐴠 𐴀𐴞𐴕𐴑𐴝𐴌 𐴒𐴡𐴙𐴅𐴧𐴞𐴅𐴊𐴠 𐴘𐴥𐴝𐴕𐴡𐴃 𐴀𐴠𐴈𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴔𐴡𐴎𐴁𐴢𐴢𐴃𐴡𐴌 𐴏𐴥𐴝𐴣𐴀𐴃𐴠 𐴀𐴝𐴏𐴠 𐴁𐴡𐴓𐴞 / 𐴎𐴡 𐴄𐴥𐴠 𐴘𐴠 𐴁𐴝𐴌 𐴁𐴝𐴌 𐴒𐴡𐴌𐴞 𐴈𐴡𐴘𐴧𐴠 𐴱𐴱

𐴎𐴡𐴊𐴞 𐴁𐴡𐴌𐴔𐴝𐴌 𐴀𐴝𐴎𐴝𐴊𐴝𐴕𐴝 𐴀𐴞𐴕𐴑𐴢𐴢𐴖𐴝𐴌𐴞 𐴑𐴡𐴔𐴞𐴐𐴠𐴕𐴠 𐴱𐴱 𐴀𐴢𐴢𐴃𐴧𐴡𐴌 𐴀𐴝𐴌𐴑𐴝𐴕𐴡𐴃 𐴁𐴡𐴖𐴋𐴝𐴌 𐴏𐴡𐴛 𐴉𐴢𐴢𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴔𐴝𐴍𐴞 𐴒𐴡𐴙𐴅𐴧𐴠𐴊𐴠 𐴉𐴝𐴘𐴓𐴠 𐴱𐴱 𐴀𐴥𐴞𐴃𐴝𐴌𐴝𐴌𐴠 𐴁𐴡𐴌𐴔𐴝𐴌 𐴏𐴞𐴘𐴝𐴏𐴡𐴃𐴠 𐴐𐴝𐴎𐴝𐴊𐴞𐴁𐴡 𐴊𐴠 𐴱 𐴘𐴦𐴝𐴕 / 𐴎𐴡 𐴄𐴥𐴠 𐴘𐴠 𐴁𐴠𐴐𐴥𐴞 𐴎𐴢𐴢𐴌𐴊𐴞 𐴈𐴡𐴘𐴧𐴠 𐴱𐴱 𐴊𐴠𐴐𐴁𐴞𐴊𐴠𐴐𐴡𐴌 𐴇𐴥𐴡𐴌𐴑𐴡𐴃𐴠 𐴁𐴡𐴌𐴔𐴝 𐴘𐴠 𐴑𐴡𐴔𐴞𐴐𐴠𐴕 𐴁𐴝𐴕𐴝𐴘 𐴀𐴞𐴚𐴑𐴗𐴝𐴌𐴞 𐴒𐴡𐴌𐴞𐴁𐴡𐴊𐴠 𐴑𐴢𐴢𐴐𐴞𐴐𐴡𐴌𐴠 𐴁𐴡𐴌𐴁𐴝𐴊𐴧𐴞𐴘𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱 𐴷 𐴱 𐴰 𐴲 𐴐𐴥𐴡𐴕𐴡𐴃 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴠 𐴱𐴱 𐴀𐴝𐴌𐴏𐴝 𐴘𐴠 𐴁𐴡𐴖𐴋𐴝𐴌 𐴏𐴡𐴛 𐴉𐴢𐴢𐴓𐴞𐴐𐴡𐴌 𐴒𐴥𐴝𐴣𐴄𐴞𐴃 𐴇𐴥𐴝𐴔𐴓𐴝 𐴒𐴡𐴙𐴅𐴧𐴠 𐴈𐴦𐴡𐴘 𐴁𐴝𐴎𐴝𐴊𐴞 𐴱𐴱 𐴀𐴞𐴕𐴏𐴝𐴕𐴞𐴘𐴡𐴃𐴞𐴌 𐴁𐴠𐴌𐴢𐴢𐴊𐴧𐴠 𐴎𐴢𐴢𐴓𐴢𐴢𐴔 𐴀𐴡𐴃𐴧𐴞𐴏𐴝𐴌 𐴒𐴡𐴌𐴞 𐴰 𐴰 𐴰 𐴰 𐴳 𐴷 𐴀𐴥𐴝𐴎𐴝𐴌𐴡𐴌 𐴖𐴡𐴌𐴠 𐴌𐴢𐴢𐴇𐴝𐴙𐴚𐴒𐴙𐴝 𐴔𐴢𐴢𐴏𐴡𐴓𐴔𐴝𐴕𐴡𐴌𐴠 𐴁𐴝𐴚𐴓𐴝𐴊𐴠𐴐𐴡𐴃 𐴉𐴝𐴌𐴒𐴝𐴌𐴥𐴝𐴘 𐴊𐴞𐴘𐴠𐴊𐴠 𐴱𐴱 𐴘𐴦𐴝𐴕𐴡𐴌𐴠 𐴀𐴞𐴚𐴑𐴗𐴝𐴌𐴞 𐴒𐴡𐴌𐴞𐴁𐴡𐴓𐴧𐴝 ( 𐴀𐴝𐴘 𐴏𐴞 𐴏𐴞 ) 𐴘𐴠 𐴔𐴡𐴕𐴎𐴢𐴢𐴌𐴞 𐴊𐴞𐴉𐴠𐴓𐴝𐴘𐴧𐴠 𐴱𐴱

𐴘𐴢𐴢 𐴀𐴠𐴕 𐴡𐴌 𐴀𐴞𐴚𐴑𐴗𐴝𐴌𐴞 𐴑𐴡𐴔𐴞𐴐𐴠𐴕𐴠 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴎𐴝𐴕𐴞 𐴉𐴥𐴢𐴢𐴕𐴞 𐴕𐴡𐴏𐴥𐴡𐴓 𐴉𐴥𐴢𐴢𐴌𐴝 𐴑𐴝𐴌𐴖𐴝𐴘 𐴒𐴡𐴙𐴅𐴧𐴠𐴊𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱 ( 𐴀𐴝𐴘 𐴏𐴞 𐴏𐴞 ) 𐴌 𐴅𐴡𐴅 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠𐴊𐴠 𐴱 𐴁𐴡𐴌𐴔𐴝 𐴀𐴝𐴘 𐴏𐴞 𐴏𐴞 𐴌 𐴔𐴞𐴔𐴁𐴡𐴌 𐴕𐴡𐴀𐴥𐴡𐴘𐴓𐴠 𐴘𐴦𐴡 𐴱𐴱 𐴔𐴞𐴔𐴁𐴡𐴌 𐴊𐴠𐴐𐴢 𐴓𐴡𐴘 𐴁𐴝𐴎𐴝𐴘𐴧𐴝 𐴁𐴡𐴖𐴋𐴝𐴌𐴡𐴃 𐴉𐴡𐴑𐴧𐴡𐴁𐴝𐴎𐴞 𐴒𐴡𐴌𐴞 𐴀𐴥𐴡𐴊𐴠 𐴀𐴡𐴙𐴃𐴧𐴡𐴏𐴝𐴌𐴞 𐴔𐴝𐴀𐴔𐴠𐴓𐴝𐴌𐴠 𐴏𐴠𐴑𐴒𐴡𐴌𐴡𐴕 𐴀𐴠 𐴑𐴦𐴢𐴢𐴍𐴡𐴃𐴧𐴢𐴢 𐴀𐴠𐴑𐴃𐴙𐴝𐴌 𐴀𐴝𐴏𐴠

Brief of The Irrawaddy 15 November

https://www.irrawaddy.com/news/burma/myanmars-image-severely-damaged-intl-legal-cases-rohingya-govt.html