𐴇𐴥𐴡𐴣𐴃𐴡𐴌𐴥𐴡 𐴓𐴝𐴑𐴡𐴌 𐴖𐴡𐴌𐴠 𐴔𐴝𐴕𐴢𐴢𐴙𐴐𐴢 𐴃𐴢𐴢𐴖𐴝𐴕𐴡𐴃𐴧𐴢𐴢 𐴁𐴝𐴏𐴝𐴘𐴁𐴡𐴓𐴧 𐴓𐴝𐴌𐴞 𐴀𐴠𐴙𐴅𐴧𐴠

𐴀𐴝𐴙𐴅𐴧𐴝 𐴐𐴥𐴡𐴕𐴞𐴁𐴝𐴌𐴠 𐴀𐴝𐴊𐴤𐴝 𐴌𐴝𐴙𐴃𐴧𐴝 𐴀𐴥𐴡𐴘𐴁𐴡 𐴈𐴦𐴡𐴊𐴧𐴠 𐴁𐴢𐴢𐴓 𐴁𐴢𐴢𐴓 𐴃𐴢𐴢𐴖𐴝𐴕𐴡𐴃𐴧𐴢𐴢 𐴁𐴝𐴏𐴝𐴘𐴁𐴡𐴓𐴧𐴝 𐴁𐴝𐴚𐴓𐴝𐴊𐴠𐴐 𐴇𐴥𐴡𐴑𐴢𐴢𐴔𐴡𐴃𐴠 𐴴 𐴱 𐴖𐴝𐴕 𐴋𐴞𐴐𐴥𐴄𐴞𐴑𐴡𐴃𐴧𐴢𐴢 𐴴 𐴷 𐴱 𐴶 𐴳 𐴷 𐴱 𐴎𐴡𐴕 𐴔𐴝𐴕𐴢𐴢𐴙𐴐𐴢 𐴱 𐴵 𐴵 𐴵 𐴖𐴝𐴕 𐴎𐴝𐴒𐴝𐴃 𐴓𐴡𐴘𐴎𐴝𐴘 𐴌𐴝𐴙𐴑𐴧𐴁𐴡𐴓𐴞 𐴌𐴞𐴓𐴞𐴉 𐴀𐴢𐴢𐴎𐴞𐴌 / 𐴀𐴠𐴕𐴝𐴔𐴢𐴢𐴌 𐴌𐴝𐴇𐴔𐴝𐴕𐴠 𐴈𐴡𐴘𐴧𐴠 𐴱𐴱 𐴀𐴝𐴌𐴥𐴡 𐴁𐴠𐴐𐴥𐴞 𐴔𐴝𐴕𐴢𐴢𐴙𐴐𐴢 𐴀𐴥𐴠 𐴃𐴢𐴢𐴖𐴝𐴕𐴡𐴃𐴧𐴢𐴢 𐴁𐴝𐴏𐴝𐴘𐴁𐴝𐴌 𐴀𐴝𐴏𐴠 𐴱𐴈𐴝𐴣𐴏𐴠 𐴀𐴝𐴙𐴐𐴧𐴠𐴊𐴠 𐴁𐴢𐴢𐴓𐴁𐴢𐴢 𐴃𐴢𐴢𐴖𐴝𐴕𐴡𐴃𐴧𐴢𐴢 𐴔𐴝𐴙𐴕𐴐𐴡𐴌𐴠 𐴁𐴝𐴏𐴝𐴘𐴁𐴝𐴌 𐴁𐴝𐴁𐴡𐴃𐴠 𐴇𐴥𐴡𐴑𐴢𐴢𐴔𐴡𐴃𐴠 𐴀𐴝𐴒𐴠 𐴓𐴥𐴡𐴃𐴞 𐴃𐴡𐴘𐴧𐴝𐴌𐴞 𐴒𐴡𐴌𐴞 𐴌𐴝𐴙𐴑𐴧𐴠 𐴱𐴱 𐴀𐴠 𐴁𐴢𐴢𐴓𐴁𐴢𐴢𐴓 𐴃𐴢𐴢𐴖𐴝𐴕 𐴀𐴞𐴁𐴝 𐴀𐴢𐴢𐴃𐴧𐴡𐴌𐴠 𐴘𐴝 𐴀𐴢𐴢𐴃𐴧𐴡𐴌 – 𐴉𐴢𐴢𐴑𐴠 𐴀𐴥𐴡𐴘𐴁𐴝𐴌 𐴀𐴝𐴏𐴠 𐴱𐴱 𐴉𐴡𐴏𐴞𐴔 𐴁𐴝𐴚𐴒𐴝𐴓 – 𐴑𐴢𐴢𐴓𐴕𐴝 𐴀𐴝𐴌 𐴐𐴥𐴢𐴢𐴕𐴊𐴡𐴌 𐴁𐴡𐴕𐴡𐴌 𐴀𐴥𐴞𐴑𐴧𐴝 𐴘𐴦𐴡 𐴁𐴝𐴙𐴃 𐴉𐴝𐴌𐴠 𐴱𐴱 𐴇𐴥𐴡𐴑𐴢𐴢𐴔𐴡𐴃𐴠 𐴀𐴠 𐴃𐴢𐴢𐴖𐴝𐴕 𐴀𐴞𐴁𐴝𐴃𐴧𐴢𐴢 𐴔𐴝𐴙𐴕𐴐𐴡𐴌𐴠 𐴁𐴝𐴏𐴝𐴘𐴁𐴡𐴓𐴧𐴝 𐴉𐴦𐴢𐴢𐴓 𐴃𐴡𐴘𐴧𐴝𐴌 𐴀𐴥𐴡𐴘 𐴃𐴥𐴝𐴙𐴑𐴧𐴠 𐴱𐴱

𐴀𐴥𐴠 𐴃𐴡𐴘𐴧𐴌𐴞𐴌 𐴏𐴥𐴞𐴓𐴏𐴞𐴓𐴝𐴃 𐴔𐴝𐴙𐴕𐴐𐴡𐴌𐴠 𐴔𐴡𐴊𐴡𐴃 𐴒𐴡𐴌𐴞𐴉𐴝𐴌𐴡𐴉𐴦𐴝𐴕 𐴇𐴥𐴑𐴢𐴢𐴔𐴡𐴃𐴡𐴌 𐴏𐴡𐴙𐴅𐴧𐴝 𐴀𐴥𐴡𐴑𐴧𐴡𐴓𐴡𐴌 𐴇𐴥𐴝𐴉𐴃𐴝𐴖𐴝𐴌𐴞 𐴐𐴥𐴢𐴢𐴄𐴧𐴞 𐴑𐴠𐴕𐴏𐴥𐴠𐴓 𐴒𐴡𐴌𐴞𐴊𐴞𐴘𐴠 𐴱𐴱 𐴰 𐴰 𐴰 𐴴 𐴱 𐴂𐴝𐴑𐴠𐴄 𐴉𐴥𐴢𐴢𐴖𐴝𐴕𐴝 𐴈𐴥𐴝𐴕𐴝 𐴀𐴝𐴌 𐴰 𐴷 𐴓𐴝𐴑 𐴄𐴝𐴑𐴝 𐴀𐴝𐴌 𐴰 𐴰 𐴴 𐴱 𐴔𐴠𐴄𐴞𐴌𐴞𐴑 𐴄𐴡𐴕 𐴏𐴡𐴙𐴓 𐴀𐴠𐴑𐴧𐴞𐴕𐴝𐴌𐴠 𐴎𐴡𐴔𐴝𐴒𐴡𐴌𐴞 𐴌𐴝𐴑𐴝𐴒𐴞𐴘𐴠 𐴷 𐴋𐴞𐴐𐴄𐴞𐴑𐴡𐴓𐴧𐴝 / 𐴑𐴤𐴢𐴢𐴓𐴕𐴝 / 𐴏𐴝𐴃𐴈𐴞𐴌𐴝 / 𐴁𐴝𐴒𐴞𐴌𐴇𐴥𐴝𐴄 / 𐴁𐴝𐴌𐴒𐴢𐴢𐴕𐴝 𐴂𐴡𐴄𐴢𐴢𐴖𐴝𐴈𐴝𐴓𐴞 / 𐴁𐴤𐴡𐴓𐴝 / 𐴉𐴠𐴌𐴢𐴢𐴎𐴉𐴢𐴢𐴌 𐴱𐴱 𐴀𐴝𐴌 𐴰 𐴳 𐴓𐴝𐴑 𐴄𐴝𐴑𐴝 𐴀𐴝𐴌 𐴰 𐴰 𐴶 𐴔𐴠𐴄𐴠𐴌𐴞𐴑 𐴄𐴡𐴕 𐴏𐴡𐴙𐴓 𐴀𐴠𐴑𐴧𐴞𐴕𐴝𐴌𐴠 𐴎𐴡𐴔𐴝𐴒𐴡𐴌𐴞 𐴌𐴝𐴑𐴝𐴒𐴞𐴘𐴠 𐴶 𐴋𐴞𐴐𐴄𐴞𐴑𐴡𐴓𐴧𐴝 / 𐴕𐴢𐴢𐴖𐴝𐴈𐴝𐴓𐴞 / 𐴓𐴝𐴑𐴎𐴡𐴔𐴞𐴉𐴢𐴢𐴌 / 𐴉𐴥𐴠𐴕𐴞 / 𐴏𐴝𐴕𐴉𐴢𐴢𐴌 / 𐴐𐴞𐴄𐴝𐴒𐴡𐴚 / 𐴑𐴡𐴑𐴏𐴁𐴝𐴎𐴝𐴌 𐴱𐴱 𐴰 𐴰 𐴰 𐴰 𐴰 𐴵 𐴓𐴝𐴑 𐴄𐴝𐴑𐴝 𐴀𐴝𐴌 𐴰 𐴰 𐴱 𐴔𐴠𐴄𐴠𐴌𐴞𐴑 𐴄𐴡𐴕 𐴏𐴡𐴙𐴓 𐴉𐴡𐴃𐴧𐴞 𐴋𐴞𐴐𐴄𐴞𐴑𐴡𐴓𐴧𐴝 𐴌𐴝𐴑𐴝𐴒𐴞𐴘𐴠 𐴁𐴡𐴓𐴞 / 𐴀𐴠𐴕𐴝𐴔𐴢𐴢𐴌 𐴌𐴝𐴇𐴔𐴝𐴕𐴠 𐴈𐴡𐴘𐴧𐴠 𐴱𐴱

𐴔𐴠𐴑𐴎𐴞𐴔𐴠𐴔 𐴁𐴡𐴘𐴧𐴝𐴌𐴡𐴌 𐴀𐴠𐴏𐴂𐴦𐴞𐴋 𐴒𐴤𐴡𐴕𐴋𐴝𐴘𐴠 𐴴 𐴶 𐴑𐴞𐴓𐴢𐴢𐴔𐴞𐴄𐴝𐴌𐴡𐴃𐴧𐴢𐴢 𐴰 𐴲 𐴱 𐴑𐴞𐴓𐴢𐴢𐴔𐴞𐴄𐴝𐴌 𐴓𐴡𐴃 𐴁𐴝𐴙𐴃 𐴉𐴝𐴌𐴠 𐴀𐴝𐴌 𐴉𐴝𐴕𐴞 𐴵 – 𐴷 𐴉𐴢𐴢𐴄 𐴉𐴡𐴙𐴅𐴧𐴡𐴕𐴃𐴡 𐴁𐴝𐴌𐴥𐴞𐴁𐴡 𐴁𐴡𐴓𐴞 / 𐴀𐴠𐴕𐴝𐴔𐴢𐴢𐴌 𐴌𐴝𐴇𐴔𐴝𐴕𐴠 𐴈𐴡𐴘𐴧𐴠 𐴱𐴱 𐴀𐴝𐴌 𐴕𐴠𐴁𐴥𐴞𐴉𐴦𐴢𐴢𐴌𐴏𐴠 𐴵 𐴏𐴥𐴝𐴕 𐴎𐴦𐴝𐴣𐴏𐴢 / 𐴑𐴤𐴢𐴢𐴓𐴕𐴝 / 𐴁𐴡𐴌𐴞𐴐𐴝𐴓 / 𐴂𐴡𐴄𐴢𐴢𐴖𐴝 𐴈𐴝𐴓𐴞 / 𐴅𐴝𐴓𐴝𐴑𐴤𐴝𐴄𐴞 𐴀𐴝𐴌 𐴁𐴝𐴌𐴒𐴢𐴢𐴕𐴝𐴌 𐴓𐴝 𐴌𐴠𐴋𐴥𐴞 𐴒𐴡𐴌𐴞 𐴌𐴝𐴙𐴑𐴧𐴠 𐴁𐴡𐴓𐴞 𐴈𐴥𐴡𐴁𐴡𐴌𐴡𐴂𐴃 𐴈𐴡𐴘𐴧𐴠