𐴶 𐴴 𐴎𐴡𐴕 𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞 𐴕𐴞𐴎𐴡𐴌 𐴊𐴠𐴐𐴥𐴡𐴃 𐴖𐴝𐴉𐴠𐴏𐴢 𐴱

𐴒𐴡𐴃𐴡 𐴁𐴞𐴐𐴥𐴞𐴃 𐴁𐴝𐴌𐴠 𐴰 𐴳 𐴀𐴡𐴑𐴄𐴢𐴢𐴁𐴡𐴌𐴡𐴃 𐴶 𐴴 𐴎𐴡𐴕 𐴌𐴢𐴢𐴇𐴝𐴙 𐴚𐴒𐴙𐴝 𐴌𐴞𐴉𐴢𐴢𐴎𐴞 𐴁𐴝𐴚𐴓𐴝𐴊𐴠𐴐𐴡𐴌 𐴑𐴠 𐴀𐴠𐴔𐴡𐴃𐴧𐴢𐴢 𐴕𐴞𐴎𐴡𐴌 𐴑𐴥𐴢𐴢𐴐𐴞𐴘𐴠 𐴔𐴡𐴚𐴋𐴥𐴢𐴢𐴃 𐴖𐴝𐴉𐴠𐴏𐴢 𐴒𐴞𐴘𐴡𐴘 𐴱𐴱 𐴲 𐴴 𐴎𐴡𐴕 𐴕𐴝𐴂𐴧𐴢𐴢𐴌𐴝 𐴁𐴦𐴝𐴘 𐴀𐴝𐴌 𐴴 𐴎𐴡𐴕 𐴃𐴡𐴔𐴁𐴢𐴢𐴌𐴢𐴢 𐴓𐴥𐴝𐴖𐴠 𐴁𐴦𐴝𐴘 𐴒𐴞𐴘𐴠𐴁𐴡𐴓𐴞 𐴔𐴡𐴚𐴋𐴥𐴢𐴢𐴌 𐴎𐴞𐴔𐴧𐴝𐴊𐴝𐴌 𐴀𐴦𐴢𐴢 𐴏𐴗𐴠 𐴀𐴡𐴚𐴠 𐴈𐴡𐴘𐴧𐴠 𐴱𐴱 𐴔𐴡𐴕𐴃𐴡𐴌 𐴀𐴝𐴘𐴅𐴥𐴡 𐴉𐴡𐴙𐴅𐴧𐴡𐴕𐴃𐴡 𐴁𐴠𐴍𐴝 𐴈𐴡𐴎𐴡𐴕 𐴁𐴠𐴍𐴞 𐴈𐴡𐴎𐴡𐴕 𐴈𐴥𐴝𐴄𐴞 𐴓𐴞𐴏𐴄𐴞 𐴕𐴦𐴡𐴉𐴝 𐴁𐴡𐴓𐴞 𐴈𐴡𐴘𐴧𐴠 𐴱𐴱 𐴔𐴡𐴚𐴋𐴥𐴢𐴢 𐴀𐴠𐴓𐴝𐴑𐴝𐴌 𐴂𐴝𐴕 𐴄𐴡 𐴂𐴙𐴠𐴕 𐴉𐴝𐴌𐴝𐴃 𐴃𐴥𐴝𐴑𐴠𐴊𐴠 𐴀𐴝𐴕𐴖𐴝𐴌𐴠 𐴈𐴡𐴘𐴧𐴠𐴊𐴠 𐴀𐴝𐴙𐴐𐴧𐴠𐴊𐴠 𐴌𐴞𐴉𐴢𐴢𐴎𐴞 𐴀𐴥𐴡𐴑𐴧𐴡𐴓𐴡𐴌 𐴁𐴥𐴢𐴢𐴃𐴡𐴌𐴠 𐴀𐴝𐴣𐴀𐴌 𐴉𐴝𐴙𐴅𐴧𐴝 𐴲 𐴎𐴡𐴕 𐴀𐴝𐴏𐴠 𐴱𐴱 𐴌𐴠𐴑𐴦𐴝𐴋 𐴁𐴝𐴕𐴝𐴘 𐴌𐴝𐴑𐴞𐴁𐴡𐴓𐴧𐴝 𐴀𐴠𐴔𐴞𐴒𐴠𐴌𐴠𐴐𐴥𐴠𐴕𐴠 𐴉𐴡𐴥𐴄𐴢𐴢 𐴃𐴢𐴢𐴓𐴞 𐴔𐴝𐴀𐴝𐴔𐴠𐴓𐴝 𐴉𐴥𐴢𐴢𐴌𐴝𐴘𐴓𐴠 𐴱𐴱 𐴀𐴝𐴀𐴛 𐴀𐴥𐴞𐴃𐴝𐴌𐴝𐴌𐴠 𐴉𐴝𐴌𐴝𐴃 𐴀𐴝𐴕𐴥𐴞 𐴃𐴥𐴝𐴑𐴞𐴁𐴝𐴌 𐴁𐴡𐴕𐴊𐴡𐴁𐴡𐴏𐴃 𐴒𐴡𐴌𐴞 𐴊𐴞𐴘𐴢𐴢𐴔 𐴁𐴡𐴓𐴞 𐴀𐴝𐴕𐴖𐴝𐴌𐴠 𐴀𐴥𐴠𐴌𐴝 𐴖𐴝𐴋𐴧𐴞𐴌 𐴈𐴥𐴡𐴁𐴡𐴌𐴡𐴌 𐴌𐴠𐴂𐴢𐴢𐴄𐴝𐴌𐴡𐴌𐴠 𐴈𐴡𐴘𐴧𐴠 𐴱𐴱 𐴖𐴝𐴉𐴠𐴏𐴢 𐴒𐴠𐴘𐴠𐴊𐴠 𐴀𐴥𐴞𐴃𐴝𐴌𐴝 𐴁𐴝𐴚𐴓𐴝𐴊𐴠𐴐𐴢 𐴑𐴠𐴀𐴠𐴔𐴡𐴃 𐴃𐴥𐴝𐴑𐴞𐴃𐴠 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴡𐴌 𐴈𐴝𐴣𐴏𐴠 𐴎𐴝𐴘𐴁𐴡𐴊𐴠 𐴀𐴥𐴢𐴢𐴕𐴡𐴌 𐴓𐴞𐴏𐴄𐴞 𐴊𐴞𐴉𐴠𐴍𐴦𐴝𐴙𐴓 𐴱𐴱 𐴀𐴠𐴈𐴥𐴡𐴕 𐴀𐴥𐴞𐴃𐴝𐴌𐴝𐴌𐴠 𐴌𐴝𐴑𐴞𐴁𐴡𐴊𐴠 𐴎𐴝𐴒𐴝𐴃 𐴕𐴞𐴎𐴝𐴘𐴁𐴝𐴌 𐴀𐴝𐴒𐴠 𐴀𐴥𐴞𐴃𐴝𐴌𐴝 𐴊𐴞𐴉𐴠𐴍𐴦𐴝𐴙𐴓𐴊𐴠 𐴓𐴞𐴏𐴄𐴞 𐴔𐴡𐴎𐴞𐴕 𐴕𐴝𐴔𐴠 𐴒𐴠𐴌𐴝𐴔𐴠 𐴁𐴡𐴌𐴝𐴁𐴡𐴌 𐴀𐴥𐴡𐴘𐴕𐴠 𐴕𐴡𐴀 𐴇𐴥𐴡𐴑𐴢𐴢𐴔𐴡𐴃𐴠 𐴏𐴠𐴑 𐴒𐴡𐴌𐴠𐴌 𐴱𐴱

𐴵 𐴲 𐴀𐴡𐴒𐴡𐴏𐴄 𐴷 𐴱 𐴰 𐴲 𐴃𐴝𐴌𐴞𐴑𐴡𐴃 𐴁𐴡𐴌𐴔𐴝𐴌 𐴁𐴡𐴖𐴋𐴝𐴌 𐴏𐴦𐴡𐴛 𐴉𐴢𐴢𐴓𐴞𐴐𐴡𐴌 𐴒𐴥𐴝𐴣𐴄𐴞 𐴔𐴝𐴙𐴅𐴧𐴞𐴓𐴊𐴠 𐴀𐴥𐴞𐴕𐴡𐴌 𐴎𐴞𐴔𐴧𐴝𐴊𐴝𐴌 𐴀𐴝𐴌𐴏𐴝𐴌𐴠 𐴄𐴥𐴡𐴌𐴝𐴘 𐴇𐴥𐴡𐴑𐴢𐴢𐴔𐴡𐴃𐴠 𐴀𐴝𐴌𐴏𐴝𐴌 𐴔𐴠𐴔𐴁𐴡𐴌 𐴀𐴥𐴡𐴑𐴧𐴡𐴓𐴡𐴌 𐴓𐴞𐴏𐴄𐴞 𐴁𐴝𐴕𐴝𐴘 𐴌𐴝𐴑𐴧𐴞𐴀𐴓 𐴱𐴱 𐴖𐴝𐴉𐴠𐴏𐴢 𐴒𐴞𐴘𐴠𐴊𐴠 𐴌𐴞𐴉𐴢𐴢𐴎𐴞 𐴀𐴥𐴡𐴑𐴧𐴡𐴓𐴡𐴌 𐴁𐴥𐴢𐴢𐴃𐴡𐴃𐴧𐴢𐴢 𐴈𐴡𐴕𐴥𐴞𐴑𐴧𐴙𐴝𐴌 𐴕𐴝𐴔 𐴈𐴡𐴕𐴥𐴡 𐴀𐴥𐴠 𐴓𐴞𐴏𐴄𐴞𐴃 𐴀𐴝𐴏𐴠𐴕𐴥𐴠 𐴈𐴡𐴦𐴕𐴡 𐴁𐴠𐴐𐴥𐴞 𐴏𐴠𐴑 𐴒𐴡𐴌𐴠𐴌 𐴱𐴱 𐴶 𐴲 𐴏𐴠𐴃𐴡𐴔𐴁𐴡𐴌𐴡𐴃 𐴈𐴡𐴊𐴦𐴢𐴢𐴕 𐴕𐴞𐴎𐴡𐴌 𐴑𐴥𐴢𐴢𐴐𐴞𐴘𐴠 𐴒𐴞𐴀𐴓𐴊𐴠 𐴀𐴥𐴠𐴃𐴧𐴢𐴢 𐴀𐴝𐴌𐴏𐴝𐴌 𐴔𐴞𐴔𐴁𐴡𐴌 𐴁𐴡𐴓𐴞 𐴈𐴦𐴡𐴘 𐴀𐴠𐴑𐴎𐴡𐴕 𐴁𐴡𐴕𐴒𐴡𐴌𐴞 𐴉𐴥𐴠𐴓𐴝𐴘𐴧𐴠 𐴱𐴱 𐴀𐴝𐴙𐴅𐴧𐴝 𐴃𐴦𐴡𐴃 𐴁𐴝𐴚𐴓𐴝𐴃𐴠𐴐𐴢 – 𐴁𐴡𐴌𐴔𐴝 𐴊𐴢𐴢𐴘𐴃𐴡𐴌𐴉𐴝 𐴌𐴝𐴎𐴞𐴕𐴝𐴔𐴝𐴌 𐴁𐴦𐴝𐴌𐴠 𐴕𐴞𐴎𐴡𐴌 𐴑𐴥𐴢𐴢𐴐𐴞𐴘𐴠 𐴖𐴝𐴉𐴠𐴏𐴢 𐴒𐴞𐴘𐴠𐴊𐴠 𐴔𐴝𐴕𐴢𐴢𐴙𐴐𐴢 𐴷 𐴹 𐴳 𐴎𐴡𐴕 𐴀𐴥𐴡𐴘𐴧𐴠 𐴱𐴱

𐴕𐴝𐴂𐴧𐴢𐴢𐴌𐴝 𐴁𐴦𐴝𐴘 𐴖𐴝𐴉𐴠𐴏𐴢 𐴒𐴞𐴘𐴠𐴊𐴠 𐴀𐴥𐴞𐴃𐴝𐴌𐴝 𐴁𐴢𐴢𐴄 𐴓𐴡𐴘 𐴒𐴞𐴘𐴠 𐴀𐴝𐴌 𐴃𐴡𐴔𐴁𐴢𐴢𐴌𐴢𐴢𐴃𐴧𐴢𐴢 𐴒𐴞𐴘𐴠𐴊𐴠 𐴀𐴥𐴞𐴃𐴝𐴌𐴝 𐴀𐴥𐴝𐴣𐴍𐴞 𐴉𐴝𐴌𐴥𐴝𐴘𐴧𐴠 𐴱𐴱 𐴌𐴞𐴉𐴢𐴢𐴎𐴞 𐴒𐴞𐴘𐴠𐴊𐴠 𐴀𐴥𐴢𐴢𐴕𐴡𐴌𐴠 𐴇𐴥𐴡𐴑𐴢𐴢𐴔𐴡𐴃𐴠 𐴁𐴝𐴕𐴝𐴘𐴧𐴠𐴊𐴠 𐴒𐴤𐴡𐴌 – 𐴐𐴥𐴡𐴑𐴡𐴓 𐴑𐴠𐴀𐴠𐴔𐴡𐴃 𐴌𐴝𐴑𐴞𐴁𐴝𐴌 𐴁𐴠𐴁𐴡𐴏𐴃𐴝 𐴒𐴡𐴌𐴠𐴌 𐴱𐴱 𐴀𐴝𐴌 𐴑𐴠𐴙𐴧𐴏𐴢𐴢 𐴃𐴝𐴌𐴝𐴌 𐴀𐴠𐴒𐴝𐴕𐴝 𐴒𐴢𐴢𐴐𐴧𐴞𐴌 𐴀𐴥𐴞𐴑𐴧𐴙𐴝 𐴒𐴞𐴘𐴠 𐴱𐴱 𐴰 𐴱 – 𐴱 𐴱 𐴀𐴡𐴑𐴄𐴢𐴢𐴁𐴡𐴌𐴡𐴃 𐴀𐴝𐴏𐴞𐴘𐴠𐴕 𐴊𐴠𐴐𐴡𐴌 𐴏𐴡𐴉𐴞𐴌 𐴀𐴥𐴡𐴑𐴧𐴓𐴠 𐴖𐴝𐴉𐴠𐴏𐴢 𐴒𐴞𐴘𐴠𐴊𐴠 𐴌𐴞𐴉𐴢𐴢𐴎𐴞 𐴀𐴥𐴡𐴑𐴧𐴡𐴓𐴡𐴓𐴧𐴡 𐴊𐴡𐴓𐴝 𐴀𐴥𐴡𐴘𐴧𐴡𐴌𐴠 𐴱𐴱 𐴖𐴝𐴉𐴠𐴏𐴢 𐴀𐴝𐴘𐴧𐴡𐴕𐴡𐴌 𐴏𐴥𐴡𐴁𐴡𐴁 𐴀𐴝𐴌 𐴀𐴥𐴠𐴈𐴡𐴕𐴡𐴌 𐴇𐴝𐴓𐴡𐴃𐴡𐴌 𐴁𐴝𐴁𐴡𐴃𐴠 𐴉𐴢𐴢𐴏𐴝𐴌 𐴒𐴡𐴙𐴅𐴧𐴠 𐴱𐴱

𐴁𐴡𐴌𐴔𐴝 – 𐴁𐴝𐴚𐴓𐴝𐴊𐴠𐴐𐴢 𐴊𐴢𐴢𐴘𐴃𐴡𐴌𐴉𐴝 𐴌𐴝𐴎𐴞𐴕𐴝𐴔𐴝 𐴔𐴡𐴎𐴞𐴕 𐴁𐴡𐴌𐴔𐴝 𐴘𐴠 𐴸 𐴱 𐴰 𐴲 𐴐𐴥𐴡𐴕𐴡𐴃 𐴓𐴡𐴃𐴞 𐴁𐴢𐴢𐴄 𐴓𐴡𐴘 𐴎𐴝𐴘𐴁𐴡𐴊𐴠 𐴀𐴥𐴞𐴃𐴝𐴌𐴝𐴓𐴧𐴝 𐴕𐴝𐴂𐴧𐴢𐴢𐴌𐴝𐴃 𐴀𐴥𐴝𐴣𐴍𐴞 𐴎𐴝𐴘𐴁𐴡𐴊𐴠 𐴀𐴥𐴞𐴃𐴝𐴌𐴝𐴓𐴧𐴝 𐴃𐴡𐴔𐴁𐴢𐴢𐴌𐴢𐴢 𐴓𐴥𐴝𐴖𐴠𐴃 𐴔𐴝𐴎𐴠 𐴃𐴡𐴙𐴃𐴧𐴝 𐴒𐴡𐴏𐴥𐴝 𐴑𐴠𐴀𐴠𐴔 𐴁𐴝𐴕𐴝𐴘 𐴌𐴝𐴙𐴑𐴧𐴙𐴠 𐴱𐴱 𐴔𐴡𐴕𐴃𐴡𐴌 𐴌𐴝𐴎𐴞𐴕𐴝𐴔𐴝 𐴔𐴢𐴢𐴃𐴝𐴁𐴠𐴑𐴠 𐴀𐴝𐴘𐴅𐴥𐴡 𐴉𐴡𐴙𐴅𐴧𐴡𐴕𐴃𐴡 𐴀𐴠𐴑𐴎𐴡𐴕 𐴌𐴞𐴉𐴢𐴢𐴎𐴞 𐴘𐴥𐴡 𐴖𐴝𐴉𐴠𐴏𐴢 𐴕𐴦𐴡 𐴎𐴝𐴀 𐴞𐴱𐴱 𐴀𐴝𐴌𐴏𐴝 𐴘𐴠 𐴒𐴥𐴝𐴣𐴄𐴞 𐴔𐴝𐴌𐴞𐴁𐴝𐴊𐴠 𐴁𐴡𐴌𐴔𐴝𐴘𐴠 𐴘𐴦𐴝𐴕 𐴊𐴠𐴈𐴥𐴝𐴘 𐴌𐴢𐴢𐴇𐴝𐴙𐴚𐴒𐴙𐴝𐴌 𐴕𐴡𐴏𐴡𐴓 𐴉𐴥𐴢𐴢𐴌𐴝 𐴑𐴝𐴌𐴖𐴝𐴘 𐴒𐴡𐴌𐴡𐴕𐴡𐴌 𐴎𐴡𐴌𐴞𐴘𐴝 𐴷 𐴓𐴝𐴑𐴡𐴌 𐴖𐴡𐴌𐴠 𐴌𐴢𐴢𐴇𐴝𐴙𐴚𐴒𐴙𐴝 𐴁𐴝𐴚𐴓𐴝𐴊𐴠𐴐𐴡𐴃 𐴉𐴝𐴕𐴥𐴝 𐴓𐴡𐴕𐴡𐴌𐴖𐴡𐴌𐴠 𐴔𐴡𐴅𐴁𐴢𐴢𐴌 𐴀𐴥𐴡𐴘 𐴒𐴞𐴘𐴡𐴘 𐴱𐴱 𐴀𐴡𐴙𐴕𐴧𐴡 𐴑𐴡𐴖𐴔 𐴀𐴥𐴡𐴑𐴧𐴡𐴓𐴥𐴡 𐴀𐴞𐴑𐴧𐴙𐴝 𐴀𐴢𐴢𐴙𐴑𐴧𐴙𐴝 𐴒𐴞𐴘𐴠 𐴒𐴥𐴡𐴘𐴊𐴠 𐴀𐴥𐴠𐴕𐴋𐴞𐴓𐴧𐴝 𐴰 𐴰 𐴴 𐴓𐴡𐴃𐴞 𐴀𐴥𐴞𐴕𐴊𐴢𐴢 𐴘𐴦𐴡𐴌𐴢𐴢𐴇𐴝𐴙𐴚𐴒𐴙𐴝𐴌 𐴉𐴥𐴢𐴢𐴣𐴖𐴝𐴣𐴃𐴞 𐴁𐴝𐴚𐴓𐴝𐴊𐴠𐴐𐴢 𐴑𐴠𐴀𐴠𐴔𐴡𐴃 𐴀𐴦𐴝𐴘 𐴒𐴞𐴘𐴡𐴘 𐴱𐴱 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴠 𐴷 𐴱 𐴰 𐴲 𐴌𐴡𐴌 𐴀𐴝𐴌𐴏𐴝𐴌 𐴇𐴥𐴝𐴔𐴓𐴝𐴌 𐴁𐴦𐴝𐴊𐴠 𐴐𐴢𐴢𐴁𐴝𐴌 𐴖𐴡𐴌𐴠 𐴀𐴝𐴌𐴏𐴝𐴌 𐴔𐴞𐴔𐴁𐴡𐴌 𐴁𐴡𐴓𐴞 𐴈𐴦𐴡𐴘 𐴉𐴡𐴄𐴢𐴢 𐴐𐴥𐴡𐴣 𐴓𐴞𐴏𐴄𐴞 𐴕𐴠𐴓𐴝𐴘𐴊𐴞𐴀𐴓 𐴱𐴱 𐴀𐴠𐴈𐴡𐴕 𐴎𐴠𐴊𐴦𐴢𐴢𐴕 𐴌𐴞𐴉𐴢𐴢𐴎𐴞 𐴎𐴦𐴝𐴌 𐴀𐴥𐴢𐴢𐴕𐴡𐴌 𐴁𐴥𐴢𐴢𐴃𐴡𐴌𐴠 𐴔𐴝𐴕𐴢𐴢𐴙𐴐𐴢 𐴀𐴢𐴢𐴀𐴕 𐴈𐴡𐴕𐴡 𐴀𐴝𐴏𐴠𐴕𐴠 𐴁𐴠𐴐𐴥𐴞 𐴏𐴠𐴑 𐴒𐴡𐴌𐴠𐴌 𐴱𐴱