𐴁𐴡𐴌𐴔𐴝𐴌 𐴀𐴝𐴊𐴝𐴓𐴡𐴃𐴠 𐴖𐴥𐴞𐴌𐴝𐴃𐴢𐴢𐴌 𐴁𐴦𐴠𐴣𐴑 𐴀𐴠𐴑𐴡𐴕𐴄 𐴁𐴡𐴕𐴒𐴡𐴌𐴞 𐴉𐴥𐴠𐴓𐴝𐴘𐴧𐴠

𐴌𐴠𐴚𐴒𐴢𐴢𐴕𐴡𐴌 𐴉𐴡𐴏𐴞𐴔 𐴀𐴠𐴓𐴝𐴑𐴝𐴌 𐴀𐴝𐴊𐴝𐴓𐴡𐴃𐴠 𐴒𐴡𐴃𐴡 𐴁𐴢𐴢𐴙𐴃𐴁𐴝𐴌𐴠 𐴀𐴝𐴃𐴡𐴚𐴁𐴝𐴊𐴞 𐴄𐴥𐴡𐴀𐴌 𐴖𐴥𐴌𐴝𐴃𐴢𐴢𐴌 𐴁𐴦𐴠𐴣𐴑 𐴀𐴠𐴑𐴡𐴕𐴄 𐴁𐴡𐴕𐴒𐴡𐴌𐴞 𐴉𐴥𐴠𐴙𐴓𐴧𐴠 𐴈𐴦𐴡𐴘 𐴀𐴠𐴑𐴧𐴝𐴕 𐴖𐴝𐴌𐴞𐴕 𐴕𐴠𐴓𐴝𐴘 𐴊𐴞𐴘𐴠 𐴱𐴱 𐴉𐴢𐴢𐴓𐴞𐴐𐴡𐴌 𐴌𐴠𐴂𐴢𐴢𐴄 𐴔𐴡𐴎𐴞𐴕 𐴖𐴥𐴞𐴌𐴝𐴃𐴢𐴢 𐴃𐴥𐴝𐴑𐴠𐴊𐴠 𐴄𐴥𐴡𐴀𐴕 / 𐴀𐴡𐴚 𐴔𐴞𐴘𐴠𐴌 𐴔𐴙𐴝𐴔𐴧𐴝𐴌 𐴀𐴠𐴑𐴡𐴕𐴡𐴔𐴥𐴞𐴑 𐴁𐴦𐴠𐴣𐴑 𐴁𐴠𐴌𐴝𐴣𐴆 𐴓𐴡𐴔𐴁𐴡𐴌 𐴳 𐴡𐴃 𐴖𐴥𐴞𐴌𐴝𐴃𐴢𐴢𐴌 𐴀𐴠𐴑𐴡𐴕𐴄𐴡𐴃 𐴵 . 𐴲 𐴱 𐴔𐴡𐴓𐴞𐴘𐴢𐴢𐴕𐴡𐴃𐴧𐴢𐴢 𐴁𐴝𐴌𐴡 𐴁𐴠𐴐𐴥𐴞 𐴄𐴞𐴛𐴝 𐴀𐴝𐴏𐴠 𐴱𐴱 𐴀𐴝𐴌 𐴔𐴥𐴝𐴕𐴋𐴠𐴓𐴠𐴌 𐴀𐴠𐴌𐴝𐴖𐴡𐴋𐴧𐴞 𐴁𐴦𐴠𐴣𐴑 𐴁𐴠𐴌𐴝𐴣𐴆 𐴓𐴡𐴔𐴁𐴡𐴌 𐴱 𐴱 𐴌𐴡𐴃 𐴵 . 𐴴 𐴔𐴡𐴓𐴞𐴘𐴢𐴢𐴕𐴡𐴃𐴧𐴢𐴢 𐴁𐴝𐴌𐴡 𐴁𐴠𐴐𐴢 𐴄𐴞𐴛𐴝 𐴀𐴝𐴏𐴠 𐴱𐴱

𐴀𐴝𐴊𐴝𐴓𐴡𐴃𐴡𐴌 𐴔𐴝𐴓𐴢𐴢𐴔𐴝𐴃𐴞 𐴀𐴡𐴉𐴞𐴏𐴝𐴌 / 𐴀𐴦𐴢𐴢 𐴎𐴡 𐴎𐴡/ 𐴘𐴠 𐴔𐴠𐴋𐴞𐴘𐴝𐴌𐴠 𐴈𐴡𐴘𐴧𐴠𐴊𐴠 𐴑𐴦𐴞 𐴱𐴱 𐴉𐴢𐴢𐴓𐴞𐴐𐴠 𐴀𐴠 𐴊𐴢𐴢𐴘 𐴁𐴦𐴠𐴣𐴑𐴧𐴡𐴃 𐴀𐴝𐴏𐴠𐴊𐴠 𐴖𐴥𐴞𐴌𐴝𐴃𐴢𐴢𐴌 𐴐𐴥𐴡𐴔𐴁𐴡𐴃𐴧𐴞 𐴁𐴠𐴙𐴒𐴧𐴞𐴕 𐴁𐴡𐴕𐴒𐴡𐴌𐴞 𐴉𐴥𐴠𐴙𐴓𐴧𐴠 𐴱𐴱 𐴄𐴞𐴛𐴝 𐴀𐴥𐴢𐴢𐴀𐴕 𐴕𐴠𐴓𐴝𐴘𐴧𐴡 𐴕𐴡𐴉𐴝𐴌𐴞𐴁𐴡 𐴱 𐴀𐴝𐴌 𐴈𐴡𐴕𐴥𐴡 𐴀𐴠𐴑𐴡𐴕𐴄𐴡𐴃 𐴉𐴝𐴌𐴒𐴡𐴌𐴝𐴘𐴧𐴡 𐴕𐴡𐴉𐴝𐴌𐴞𐴁𐴡 𐴱𐴱 𐴖𐴥𐴞𐴌𐴝𐴃𐴢𐴢𐴘𐴠 𐴂𐴝𐴂𐴓𐴞𐴑𐴡𐴌𐴠 𐴇𐴥𐴡𐴑𐴢𐴢𐴔𐴡𐴃 𐴊𐴢𐴢𐴐𐴧𐴡𐴕𐴞𐴃 𐴀𐴡𐴌𐴒𐴡𐴓𐴝𐴊𐴧𐴠 𐴘𐴥𐴝𐴕𐴡𐴓𐴧𐴝 𐴒𐴡𐴃𐴡 𐴔𐴦𐴠 𐴔𐴥𐴝𐴐𐴡𐴃 𐴱𐴱 𐴑𐴠𐴌𐴝𐴘𐴔𐴞𐴕𐴠𐴓 𐴑𐴦𐴢𐴢𐴍𐴡𐴃𐴧𐴢𐴢 ( 𐴴 𐴲 𐴱 𐴀𐴠 ) 𐴊𐴥𐴝𐴌𐴝 𐴓𐴡𐴘 𐴐𐴥𐴝𐴣𐴎𐴝 𐴊𐴞𐴁𐴡𐴓𐴧𐴝 𐴱𐴱 𐴊𐴤𐴡𐴌𐴞𐴁𐴝𐴌 𐴖𐴝𐴌𐴞𐴕 𐴁𐴦𐴝𐴙𐴌𐴒𐴡𐴙𐴅𐴧𐴠 𐴘𐴦𐴝𐴌 𐴀𐴥𐴞𐴃𐴠 𐴓𐴢𐴢𐴖𐴝𐴘 𐴒𐴞𐴘𐴡𐴘 𐴱𐴱 𐴀𐴝𐴌 𐴀𐴥𐴞𐴃𐴠 𐴀𐴥𐴝𐴎𐴞𐴌 𐴕𐴡 𐴀𐴥𐴡𐴘𐴁𐴡𐴓𐴧𐴝 𐴁𐴠𐴐𐴥𐴞 𐴑𐴢𐴢𐴐𐴞𐴐𐴢 𐴒𐴡𐴌𐴠𐴌 𐴱𐴱 𐴎𐴡𐴊𐴞 𐴓𐴝𐴒𐴝𐴘𐴧𐴠𐴊𐴠 𐴊𐴤𐴝𐴌𐴝 𐴔𐴡𐴎𐴞𐴕 𐴈𐴡𐴏𐴟𐴌𐴞 𐴏𐴥𐴝𐴁𐴟𐴃 𐴀𐴥𐴡𐴘𐴓𐴠 (𐴷 𐴁𐴡𐴏𐴡𐴌𐴡𐴃𐴧𐴟 𐴰 𐴲 𐴁𐴡𐴏𐴡𐴌 ) 𐴓𐴡𐴃 𐴎𐴞𐴘𐴡𐴓 𐴀𐴥𐴡𐴘𐴁𐴡 𐴘𐴝𐴃𐴡 𐴎𐴡𐴌𐴞𐴁𐴝𐴕𐴝 𐴀𐴥𐴡𐴘𐴁𐴡 𐴱𐴱

𐴀𐴥𐴞𐴃𐴠 𐴔𐴟𐴏𐴡𐴓𐴔𐴝𐴕𐴡𐴌 𐴀𐴟𐴓𐴋𐴝 𐴕𐴞𐴉𐴡𐴌𐴡𐴃 𐴉𐴥𐴡𐴘𐴓𐴡𐴘𐴧𐴝 𐴀𐴟𐴒𐴧𐴗𐴝 𐴁𐴠𐴐𐴥𐴞 𐴁𐴟𐴌𐴝 𐴔𐴝𐴕𐴟𐴙𐴐𐴢 𐴱𐴱 𐴔𐴟𐴏𐴡𐴓𐴔𐴝𐴕𐴡𐴌 𐴀𐴟𐴓𐴋𐴝 𐴕𐴞𐴉𐴡𐴌𐴡𐴃𐴞 𐴈𐴡𐴃𐴝 𐴈𐴦𐴡𐴊𐴠 𐴀𐴥𐴠𐴃𐴡𐴓𐴧𐴝 𐴀𐴥𐴞𐴃𐴝𐴌 𐴉𐴦𐴠𐴏𐴁𐴦𐴟𐴑 𐴁𐴡𐴕𐴒𐴡𐴌𐴞 𐴊𐴞𐴘𐴝𐴒𐴞𐴘𐴠 𐴱𐴱 𐴀𐴥𐴞𐴃𐴝𐴌𐴠 𐴊𐴤𐴡𐴌𐴞𐴁𐴝𐴌 𐴖𐴝𐴌𐴞𐴕𐴡𐴌 𐴉𐴥𐴟𐴣𐴖𐴝𐴣𐴃𐴞 𐴀𐴝𐴊𐴝𐴓𐴡𐴃𐴠 𐴀𐴥𐴞𐴃𐴝𐴌 𐴐𐴥𐴡𐴔𐴁𐴡𐴃𐴧𐴞 𐴀𐴥𐴡𐴑𐴧𐴡𐴓𐴥𐴡 𐴑𐴡𐴁𐴎𐴝 𐴒𐴡𐴌𐴞 𐴉𐴥𐴠𐴓𐴝𐴘𐴁𐴡𐴓𐴧𐴝 𐴀𐴠𐴑𐴧𐴝𐴕 𐴓𐴠𐴑𐴥𐴞𐴃𐴡𐴁𐴝𐴉𐴠 𐴇𐴥𐴡𐴑𐴟𐴔𐴕𐴝𐴔𐴝 𐴘𐴥𐴡 𐴓𐴝𐴒𐴝𐴘𐴊𐴞𐴘𐴠 𐴱𐴱 𐴀𐴥𐴞𐴃𐴝𐴌𐴠 𐴎𐴠𐴍𐴥𐴠𐴉𐴝 𐴀𐴥𐴠𐴍𐴠 𐴃𐴡 𐴊𐴤𐴡𐴌𐴞𐴁𐴡 𐴱 𐴑𐴞𐴘𐴝𐴚𐴡𐴃 𐴉𐴝𐴘𐴓𐴠 𐴀𐴥𐴟𐴊𐴧𐴝 𐴊𐴤𐴡𐴌𐴞 𐴉𐴥𐴠𐴓𐴝𐴘𐴁𐴡 𐴱𐴱 𐴀𐴥𐴠𐴍𐴠 𐴔𐴝𐴎𐴠 𐴂𐴝𐴃𐴞𐴚𐴒𐴞 𐴄𐴦𐴡𐴕𐴡𐴌 / 𐴀𐴥𐴟𐴑 𐴆𐴥𐴟𐴑 𐴌𐴥𐴠𐴔𐴥𐴟 𐴘𐴠 𐴀𐴥𐴠 𐴄𐴦𐴡𐴕𐴡𐴌 𐴀𐴠𐴓𐴝𐴑𐴝𐴌 𐴀𐴥𐴡𐴕 𐴆𐴡 𐴉𐴝𐴌𐴝𐴌 𐴷 𐴎𐴡𐴕 𐴔𐴝𐴙𐴕𐴐𐴡𐴓𐴧𐴝 𐴔𐴦𐴡𐴊𐴧𐴞𐴔𐴝 𐴑𐴥𐴟𐴙𐴓𐴧𐴠 𐴱𐴱 𐴎𐴞𐴃𐴝𐴌𐴝 𐴇𐴥𐴡𐴑𐴟𐴔𐴡𐴃𐴡𐴌 𐴎𐴝𐴒𐴝𐴃 𐴒𐴝𐴙𐴌𐴑𐴝𐴕𐴟𐴕𐴞 𐴃𐴡𐴌𐴠 𐴖𐴥𐴞𐴌𐴝𐴃𐴟𐴃𐴧𐴟 𐴉𐴥𐴝𐴕𐴋 𐴓𐴡𐴘 𐴀𐴞𐴐𐴑𐴟𐴓 𐴁𐴝𐴕𐴝𐴘𐴧𐴠 𐴱𐴱
Source : www. irrvwaddy.com / Myanmar Court Freezes Bank Accounts of Fugitive Monk U Wirathu