𐴀𐴝𐴌𐴑𐴝𐴕𐴡𐴃 𐴉𐴥𐴞𐴃𐴞𐴕𐴦𐴡 𐴕𐴡𐴏𐴥𐴡𐴓 𐴉𐴥𐴢𐴢𐴌𐴝 𐴑𐴝𐴌𐴖𐴝𐴘 𐴀𐴥𐴡𐴌

𐴕𐴡𐴌 𐴁𐴡𐴌𐴡 / 𐴔𐴡𐴌𐴎𐴢𐴢𐴑𐴞 𐴘𐴠 𐴒𐴡𐴃𐴡 𐴔𐴡𐴚𐴒𐴡𐴓 𐴁𐴝𐴌𐴠 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴡𐴌𐴠 𐴀𐴥𐴢𐴢𐴣𐴐𐴞𐴘𐴝𐴌𐴞 𐴊𐴞𐴘𐴠𐴊𐴠 𐴱𐴱 𐴀𐴝𐴌𐴑𐴝𐴕𐴡𐴃 𐴀𐴝𐴘𐴅𐴥𐴡 𐴉𐴡𐴙𐴅𐴧𐴡𐴕𐴃𐴡( U.N.fact-finding mission )
𐴀𐴝𐴏𐴠𐴊𐴠 𐴃𐴡𐴑𐴌𐴞𐴁𐴝𐴕 𐴰 𐴰 𐴰 𐴰 𐴰 𐴶 𐴏𐴥𐴡 𐴓𐴝𐴑 𐴌𐴢𐴢𐴇𐴝𐴙𐴚𐴒𐴙𐴝𐴌 𐴖𐴡𐴌𐴠 𐴉𐴥𐴃𐴞𐴕𐴦𐴡 𐴕𐴡𐴏𐴥𐴡𐴓 𐴉𐴥𐴢𐴢𐴌𐴝 𐴑𐴝𐴌𐴖𐴝𐴘 𐴀𐴥𐴡𐴕𐴡𐴌 𐴎𐴡𐴁𐴡𐴊𐴥𐴡𐴏𐴢 𐴈𐴡𐴃𐴡𐴌𐴝𐴌 𐴁𐴝𐴁𐴡𐴃𐴠 𐴱𐴱 𐴔𐴡𐴌𐴎𐴢𐴢𐴑𐴞 𐴘𐴠 ( 𐴘𐴢𐴢 𐴀𐴠𐴕𐴡𐴌 𐴅𐴡𐴕𐴡𐴌𐴡𐴓 𐴀𐴠𐴏𐴝𐴔𐴁𐴠𐴓𐴞𐴌 ) 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴑𐴡𐴔𐴞𐴄𐴞𐴌𐴠 𐴈𐴡𐴘𐴧𐴠𐴊𐴠 ” 𐴎𐴡𐴊𐴞 𐴀𐴝𐴌𐴑𐴝𐴕𐴡𐴃 𐴑𐴠𐴙𐴏𐴧𐴢𐴢 𐴀𐴥𐴡𐴘𐴓𐴠 𐴌𐴢𐴢𐴇𐴝𐴙𐴚𐴒𐴙𐴝𐴌 𐴇𐴝𐴓𐴡𐴃 𐴁𐴠𐴐𐴥𐴞 𐴈𐴡𐴌𐴝𐴉𐴢 𐴀𐴥𐴡𐴘𐴎𐴝𐴘 𐴁𐴡𐴒𐴡𐴘 ” 𐴓𐴝𐴒𐴝𐴃𐴝𐴌 𐴑𐴡𐴖𐴔 𐴉𐴡𐴌𐴡𐴑 𐴒𐴡𐴌𐴝 / 𐴎𐴝𐴃 𐴀𐴥𐴞𐴏𐴝𐴉𐴠 𐴏𐴥𐴞𐴌𐴝𐴌𐴝𐴑𐴥𐴝 / 𐴏𐴡𐴓𐴝𐴉𐴥𐴞𐴌𐴝𐴌 𐴂𐴝𐴁𐴡𐴕𐴊𐴞𐴓𐴝𐴒𐴝 / 𐴇𐴠𐴉𐴝𐴎𐴡𐴃 𐴏𐴥𐴝𐴌𐴝 𐴀𐴝𐴌 𐴈𐴝𐴔 𐴏𐴥𐴝𐴌𐴝 / 𐴎𐴡𐴁𐴞𐴕 𐴏𐴥𐴝𐴌𐴝 /𐴊𐴝𐴁𐴝𐴘 𐴀𐴡𐴐𐴥𐴢𐴢𐴃 𐴏𐴥𐴝𐴌𐴝 / 𐴉𐴡𐴕𐴧𐴝 𐴏𐴥𐴝𐴌𐴝 𐴱𐴱 𐴀𐴠 𐴇𐴝𐴓𐴡𐴃 𐴁𐴠𐴙𐴒𐴧𐴞𐴕 𐴃𐴝𐴌𐴝𐴌 𐴖𐴡𐴌𐴠 𐴀𐴥𐴡𐴘𐴁𐴡 𐴱𐴱 𐴌𐴢𐴢𐴇𐴝𐴙𐴚𐴒𐴙𐴝 𐴁𐴡𐴌𐴔𐴝𐴌 𐴊𐴠𐴐𐴥𐴡𐴙𐴃𐴧𐴝 𐴑𐴡𐴖𐴔 𐴀𐴥𐴡𐴘 𐴁𐴝𐴊𐴠 𐴘𐴥𐴡 𐴁𐴢𐴢𐴋𐴧𐴏𐴢 𐴊𐴤𐴡𐴌𐴔𐴡 𐴀𐴡𐴓𐴝 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴠 𐴀𐴥𐴞𐴃𐴝𐴌𐴝𐴌 𐴊𐴠𐴐𐴥𐴡𐴙𐴃𐴧𐴝𐴃𐴝 𐴀𐴞𐴕𐴑𐴝𐴌 𐴒𐴡𐴌𐴞 𐴱𐴱 𐴀𐴠𐴃𐴧𐴡𐴣𐴌 𐴀𐴢𐴢𐴒𐴧𐴗𐴝 𐴑𐴡𐴖𐴔𐴡𐴌𐴠 𐴊𐴠𐴐𐴢 𐴏𐴥𐴝𐴌𐴝 𐴁𐴝𐴕𐴝𐴘 𐴉𐴥𐴠𐴙𐴓𐴧𐴠 𐴱𐴱

𐴁𐴡𐴌𐴔𐴝𐴌 𐴁𐴝𐴁𐴡𐴃𐴠 𐴑𐴥𐴢𐴢𐴓𐴧𐴢𐴢𐴔 𐴑𐴥𐴢𐴢𐴓𐴝 𐴇𐴥𐴑𐴞𐴑𐴡𐴃 𐴃𐴢𐴢𐴖𐴝𐴘𐴓𐴡𐴕𐴡𐴌 𐴊𐴠𐴐𐴁𐴞𐴊𐴠𐴐𐴡𐴌 𐴔𐴝𐴕𐴢𐴢𐴙𐴐𐴢 𐴓𐴡𐴘 𐴁𐴝𐴕𐴝𐴘𐴧𐴝 𐴑𐴡𐴔𐴞𐴄𐴞𐴌 𐴁𐴡𐴌𐴡 / 𐴔𐴡𐴌𐴎𐴢𐴢𐴑𐴞 𐴘𐴠 𐴱𐴱 𐴒𐴠𐴓𐴊𐴠 𐴔𐴝𐴐𐴥𐴡𐴃 𐴉𐴝𐴘𐴕𐴠𐴓 𐴌𐴠𐴂𐴢𐴢𐴄𐴡𐴃 𐴈𐴡𐴘𐴧𐴠𐴊𐴠 𐴱𐴱 𐴊𐴠𐴐𐴁𐴞𐴊𐴠𐴐𐴥𐴡𐴌 𐴑𐴝𐴕𐴢𐴢𐴕𐴞 𐴑𐴡𐴔𐴞𐴄𐴞𐴘𐴠 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴕𐴡𐴏𐴡𐴓 𐴉𐴥𐴢𐴢𐴌𐴝 𐴑𐴝𐴌𐴖𐴝𐴘 𐴒𐴡𐴙𐴅𐴧𐴠 𐴈𐴡𐴘𐴧𐴠𐴊𐴠 𐴘𐴦𐴝𐴕𐴡𐴌 𐴈𐴥𐴝𐴔𐴝𐴈𐴥𐴝 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃 𐴎𐴞𐴔𐴧𐴝𐴊𐴝𐴌 𐴱𐴱

𐴔𐴡𐴌𐴎𐴢𐴢𐴑𐴞 𐴀𐴝𐴌𐴥𐴡 𐴈𐴡𐴘𐴧𐴠𐴊𐴠 𐴑𐴦𐴞 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃 𐴅𐴠𐴕𐴢𐴢𐴏𐴝𐴘𐴋𐴡𐴌𐴠 𐴌𐴢𐴢𐴑𐴞𐴁𐴡𐴓𐴧𐴝 𐴱𐴱 𐴒𐴢𐴢𐴙𐴅𐴧𐴝𐴓𐴞𐴃 𐴎𐴝𐴘 𐴇𐴥𐴝𐴑𐴞𐴑𐴡𐴃 𐴃𐴢𐴢𐴖𐴝𐴘 𐴓𐴡𐴘 𐴑𐴝𐴕𐴢𐴢𐴕𐴞 𐴃𐴦𐴡𐴌𐴠 𐴈𐴡𐴏𐴢𐴢𐴌 𐴁𐴡𐴕 𐴀𐴥𐴡𐴑𐴧𐴡𐴓𐴡𐴌𐴠 𐴐𐴥𐴝𐴎𐴝 𐴊𐴡𐴕𐴡𐴌 𐴎𐴞𐴔𐴧𐴝𐴊𐴝𐴌𐴞𐴃 𐴑𐴝𐴔𐴞𐴘𐴝𐴁𐴢 𐴕𐴦𐴡𐴀𐴥𐴡 𐴱𐴱

𐴔𐴡𐴌𐴎𐴢𐴢𐴑𐴞 𐴘𐴠 𐴀𐴝𐴌𐴥𐴡 𐴈𐴡𐴘𐴧𐴠𐴊𐴠 𐴀𐴥𐴞𐴁𐴝𐴌 𐴉𐴥𐴠𐴑𐴄 𐴉𐴥𐴝𐴙𐴕𐴋𐴞𐴚 𐴑𐴡𐴔𐴞𐴄𐴞𐴘𐴠 𐴌𐴢𐴢𐴇𐴝𐴙𐴚𐴒𐴙𐴝𐴌 𐴕𐴡𐴏𐴡𐴓 𐴉𐴥𐴢𐴢𐴌𐴝𐴌 𐴑𐴝𐴌𐴖𐴝𐴙𐴌 𐴱𐴱 𐴎𐴢𐴢𐴓𐴢𐴢𐴔 𐴈𐴥𐴝𐴘𐴧𐴝 𐴌𐴢𐴢𐴇𐴝𐴙𐴚𐴒𐴙𐴝𐴌 𐴷 𐴲 𐴲 𐴱 𐴖𐴝 𐴀𐴞𐴕𐴄𐴝𐴌𐴁𐴙𐴢𐴢 𐴒𐴡𐴁𐴝 𐴐𐴥𐴝𐴑𐴧𐴞𐴌 𐴏𐴦𐴝𐴣𐴃𐴠 𐴊𐴡𐴓𐴝𐴒𐴡𐴌𐴞 𐴘𐴢𐴢 𐴀𐴠𐴕𐴡𐴌 𐴀𐴡𐴙𐴕𐴧𐴡 𐴋𐴞𐴂𐴝𐴌𐴔𐴠𐴕𐴡𐴌𐴥𐴠 𐴀𐴥𐴢𐴢𐴊𐴧𐴝 𐴊𐴞𐴘𐴠 𐴱𐴱 𐴎𐴦𐴞𐴕𐴠 𐴰 𐴵 𐴱 𐴎𐴡𐴕𐴡𐴌 𐴖𐴡𐴌𐴠 𐴅𐴠𐴕𐴢𐴢𐴏𐴝𐴘𐴋𐴡𐴃 𐴔𐴞𐴓𐴝𐴘𐴧𐴝 𐴀𐴝𐴏𐴠𐴊𐴠 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴡𐴌 𐴔𐴝𐴙𐴕𐴐𐴥𐴡𐴌 𐴓𐴞𐴏𐴄𐴞 𐴃𐴡𐴘𐴧𐴝𐴌 𐴀𐴥𐴡𐴘𐴧𐴠 𐴱𐴱 𐴔𐴡𐴌𐴎𐴢𐴢𐴑𐴞𐴘𐴠 𐴊𐴠𐴐𐴁𐴞𐴊𐴠𐴐𐴡𐴌𐴠 𐴈𐴦𐴡𐴊𐴧𐴠 𐴃𐴢𐴢𐴣𐴖𐴝𐴣𐴌𐴝 𐴒𐴝𐴔𐴁𐴞𐴘𐴝𐴌 𐴂𐴠𐴓𐴝𐴕 𐴔𐴡𐴎𐴞𐴕 𐴉𐴥𐴡𐴌𐴘𐴝𐴊𐴞 𐴁𐴡𐴕𐴞 𐴸𐴁𐴡𐴌𐴔𐴝𐴘𐴠 𐴴 𐴹 𐴱 𐴐𐴥𐴡𐴕𐴡𐴌 𐴅𐴠𐴕𐴢𐴢𐴏𐴥𐴝𐴙𐴋 𐴑𐴝𐴕𐴢𐴢𐴕𐴡𐴌𐴠 𐴁𐴥𐴝𐴚𐴒𐴠𐴊𐴠 𐴘𐴥𐴝𐴕𐴡𐴓𐴧𐴝 𐴱𐴱 𐴊𐴠𐴐𐴁𐴞𐴊𐴠𐴐𐴥𐴡𐴌 𐴀𐴞𐴕𐴏𐴝𐴉𐴡𐴌 𐴑𐴦𐴢𐴢𐴍𐴡𐴃 𐴁𐴡𐴌𐴔𐴝𐴌𐴠 𐴃𐴢𐴢𐴓𐴞𐴁𐴡𐴓𐴧𐴝 𐴃𐴝𐴙𐴊𐴒𐴡𐴌𐴦𐴡 𐴱𐴱