𐴁𐴡𐴌𐴔𐴝𐴃𐴧 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴈𐴥𐴝𐴔𐴝𐴑𐴥𐴝 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴒𐴠𐴌𐴝𐴕𐴄𐴞 𐴊𐴞𐴘𐴝𐴉𐴡𐴌𐴞𐴁𐴡

𐴀𐴝𐴌𐴑𐴝𐴕𐴡𐴌 𐴌𐴝𐴏𐴞𐴊𐴡𐴚 𐴐𐴥𐴡𐴀𐴌𐴡𐴌 𐴀𐴠𐴓𐴝𐴑𐴝𐴌 / 𐴌𐴥𐴝 𐴑𐴥𐴢𐴢𐴚 𐴄𐴝𐴙𐴚 𐴉𐴝𐴌𐴝𐴌 𐴇𐴥𐴡𐴑𐴢𐴢𐴔𐴡𐴃𐴡𐴌 𐴀𐴞𐴐𐴑𐴢𐴢𐴓 𐴀𐴝𐴌 𐴄𐴡𐴖𐴌𐴡𐴌 𐴑𐴙𐴝𐴚 𐴀𐴥𐴡𐴑𐴧𐴡𐴓𐴡𐴌𐴠 𐴱𐴱 𐴔𐴠𐴓𐴠𐴄𐴠𐴌𐴞𐴘𐴠 𐴃𐴡𐴙𐴃𐴧𐴝 𐴒𐴥𐴝𐴣𐴄𐴞 𐴁𐴝𐴕𐴝𐴘 𐴈𐴥𐴡𐴌𐴝𐴉 𐴒𐴡𐴌𐴞 𐴉𐴥𐴠𐴓𐴝𐴘𐴧𐴠 𐴁𐴡𐴓𐴞 𐴉𐴝𐴙𐴅𐴧𐴝 𐴀𐴥𐴡𐴑𐴧𐴡𐴓𐴠 𐴀𐴝𐴌 𐴀𐴠𐴉𐴢 𐴀𐴠 𐴌𐴠𐴈𐴡𐴘𐴧𐴠 𐴱𐴱

𐴔𐴡𐴌𐴥𐴡𐴑 𐴀𐴦𐴢𐴢 𐴐𐴥𐴡𐴀𐴌𐴡𐴌 𐴀𐴠𐴓𐴝𐴑𐴝𐴌 𐴓𐴝𐴄𐴧𐴝 𐴀𐴝𐴌 𐴖𐴞𐴏𐴝𐴓𐴞 𐴉𐴝𐴌𐴝 𐴀𐴥𐴡𐴑𐴧𐴡𐴓𐴡𐴌 𐴀𐴝𐴃𐴌𐴝𐴉𐴡𐴃 𐴑𐴦𐴢𐴢𐴂𐴢 𐴁𐴠𐴐𐴥𐴞 𐴃𐴠𐴎𐴡𐴌 𐴏𐴥𐴝𐴣𐴃𐴠 𐴱𐴱 𐴔𐴡𐴒𐴢 𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴠 𐴓𐴀𐴌𐴥𐴝𐴘 𐴏𐴡𐴙𐴓𐴧𐴠 𐴱𐴱 𐴑𐴠𐴙𐴐𐴧𐴢𐴢 𐴒𐴤𐴡𐴌 𐴀𐴥𐴡𐴑𐴧𐴡𐴓𐴥𐴡 𐴉𐴢𐴢𐴌𐴞𐴒𐴞𐴘𐴠 𐴁𐴡𐴓𐴞 𐴉𐴝𐴙𐴅𐴧𐴝 𐴀𐴥𐴡𐴑𐴧𐴡𐴓𐴠/ 𐴀𐴝𐴌 𐴀𐴠𐴉 𐴀𐴠𐴌𐴠 𐴈𐴡𐴘𐴧𐴠 𐴱𐴱 𐴓𐴝𐴌𐴥𐴝𐴘 𐴁𐴠𐴐𐴥𐴞 𐴀𐴦𐴡𐴕𐴠 𐴓𐴝𐴌𐴥𐴝𐴘 𐴀𐴥𐴡𐴘𐴧𐴠𐴊𐴠 𐴉𐴝𐴌𐴝𐴃𐴧𐴢𐴢 𐴔𐴝𐴕𐴥𐴢𐴢𐴙𐴣𐴐𐴢 𐴀𐴥𐴡𐴑𐴧𐴡𐴓 𐴀𐴝𐴌 𐴀𐴠𐴑 𐴉𐴝𐴌𐴝𐴃 𐴕𐴦𐴡 𐴓𐴡𐴘 𐴎𐴝𐴌𐴒𐴥𐴡𐴘𐴊𐴠 𐴀𐴥𐴠𐴍𐴠 𐴱𐴱 𐴕𐴦𐴡 𐴋𐴢𐴢𐴉𐴞 𐴳 𐴱 𐴁𐴡𐴏𐴥𐴡𐴙𐴅𐴧𐴝 𐴀𐴠𐴑𐴎𐴡𐴕 / 𐴳 𐴁𐴡𐴏𐴥𐴡𐴙𐴅𐴧𐴝 𐴀𐴠𐴑𐴎𐴡𐴕 𐴔𐴞𐴓𐴝𐴘 𐴊𐴢𐴢𐴘𐴎𐴡𐴕 𐴔𐴡𐴌𐴞 𐴒𐴞𐴘𐴥𐴡𐴘𐴁𐴡𐴓𐴞 / 𐴀𐴦𐴢𐴢 𐴏𐴥𐴞𐴚 𐴅𐴙𐴡 𐴘𐴠 𐴈𐴡𐴘𐴧𐴠 𐴱𐴱

𐴀𐴠𐴔𐴂𐴞 / 𐴔𐴝𐴅𐴠𐴊𐴠 𐴈𐴡𐴘𐴧𐴠𐴊𐴠 𐴀𐴠𐴑𐴎𐴡𐴕 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴢𐴢𐴊𐴝 𐴕𐴞𐴎𐴡𐴌 𐴊𐴠𐴐𐴥𐴡𐴃 𐴖𐴝𐴉𐴠𐴏𐴢 𐴎𐴝𐴘𐴁𐴡𐴓𐴧𐴝 𐴌𐴝𐴎𐴞 𐴕𐴥𐴝𐴘 𐴱𐴱 𐴎𐴠𐴃𐴦𐴡𐴕 𐴉𐴡𐴙𐴅𐴧𐴡𐴕𐴃𐴡 𐴁𐴡𐴌𐴔𐴝 𐴘𐴠 𐴃𐴝𐴌𐴝𐴌 𐴇𐴠𐴉𐴝𐴎𐴡𐴃𐴞 ; 𐴌𐴢𐴢𐴎𐴒𐴝𐴌𐴞 ; 𐴀𐴞𐴕𐴏𐴝𐴉𐴢 𐴀𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴡𐴌 𐴔𐴝𐴀𐴝𐴔𐴠𐴓𐴝𐴌 𐴁𐴝𐴁𐴡𐴃𐴠 𐴱𐴱 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴠𐴃𐴔𐴞𐴕𐴝𐴕 𐴀𐴥𐴡𐴘𐴉𐴝𐴌𐴠𐴉𐴦𐴝𐴕 𐴒𐴠𐴌𐴝𐴕𐴄𐴌 𐴕𐴦𐴡𐴊𐴠 𐴱𐴱 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴊𐴠𐴐𐴢 𐴀𐴝𐴌𐴑𐴝𐴕𐴡𐴃 𐴖𐴝𐴉𐴠𐴏𐴢 𐴎𐴝𐴘𐴁𐴡𐴓𐴧𐴝 𐴱𐴱 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴡𐴃𐴧𐴢𐴢 𐴈𐴥𐴝𐴔𐴝𐴈𐴥𐴝 𐴀𐴞𐴕𐴏𐴝𐴕𐴞 𐴇𐴥𐴡𐴑𐴡𐴌 𐴒𐴠𐴌𐴝𐴕𐴄𐴞 𐴊𐴞𐴁𐴝𐴊𐴠 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴔𐴝𐴕𐴞 𐴓𐴡𐴘𐴉𐴝𐴌𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴇𐴝𐴓𐴡𐴃 𐴁𐴝𐴕𐴝𐴉𐴡𐴌𐴞𐴁𐴡 𐴊𐴠 𐴘𐴦𐴝𐴕 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴢𐴢𐴔𐴡𐴃𐴠 𐴑𐴡𐴖𐴔𐴞 𐴏𐴥𐴡𐴔𐴡𐴒𐴥𐴝𐴃 𐴉𐴦𐴡𐴣𐴏𐴝𐴘𐴧𐴠 𐴱𐴱

𐴳 / 𐴈𐴝𐴃𐴞𐴔𐴝𐴐𐴢 𐴱 𐴳 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴐𐴥𐴡𐴕𐴞 𐴁𐴝𐴌