𐴀𐴠 𐴀𐴠𐴌 𐴃𐴡𐴙𐴃𐴧𐴝 𐴒𐴥𐴝𐴣𐴄𐴞 𐴀𐴢𐴢𐴒𐴧𐴗𐴝 𐴔𐴠𐴓𐴠𐴄𐴠𐴌𐴞𐴌𐴘𐴠 𐴑𐴡𐴁𐴎𐴝 𐴒𐴡𐴙𐴅𐴧𐴠

𐴀𐴝𐴌𐴑𐴝𐴕𐴡𐴌 𐴂𐴢𐴢𐴕𐴧𐴝 𐴅𐴗𐴠𐴚 𐴐𐴥𐴡𐴀𐴌𐴡𐴌 𐴀𐴠𐴓𐴝𐴑𐴝𐴃 𐴀𐴠 𐴀𐴠 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴠 𐴃𐴞𐴕𐴊𐴞𐴕 𐴀𐴥𐴡𐴙𐴃𐴠 𐴓𐴝𐴒𐴝𐴃𐴝𐴌 𐴏𐴡𐴓𐴞𐴊𐴧𐴠 𐴓𐴝𐴌𐴥𐴝𐴘 𐴱𐴱 𐴀𐴝𐴙𐴅𐴧𐴝 𐴁𐴠𐴐𐴥𐴞 𐴃𐴠𐴏𐴢 𐴀𐴥𐴡𐴘𐴧𐴡𐴌𐴠 𐴔𐴠𐴓𐴠𐴄𐴠𐴌𐴞𐴘𐴠 𐴔𐴡𐴒𐴢 𐴁𐴝𐴒𐴞 𐴀𐴠 𐴀𐴠𐴌 𐴃𐴡𐴙𐴃𐴧𐴝 𐴒𐴥𐴝𐴣𐴄𐴞 𐴀𐴢𐴢𐴒𐴧𐴗𐴝 𐴀𐴝𐴙𐴅𐴧𐴝 𐴀𐴥𐴝𐴣𐴎𐴡𐴙𐴕𐴧𐴝 𐴴 𐴁𐴝𐴎𐴠 𐴑𐴡𐴁𐴎𐴝𐴒𐴡𐴌𐴞 𐴉𐴥𐴠𐴓𐴝𐴘𐴧𐴠 𐴁𐴡𐴓𐴞 𐴉𐴡𐴏𐴞𐴔 𐴀𐴠𐴓𐴝𐴑𐴝𐴌 𐴃𐴝𐴕𐴥𐴝 𐴆𐴥𐴙𐴢𐴢𐴑𐴡𐴌 𐴁𐴢𐴢𐴔𐴥𐴢𐴢𐴅𐴞 / 𐴖𐴥𐴝𐴚 𐴎𐴡 𐴀𐴦𐴢𐴢 𐴘𐴠 𐴈𐴡𐴘𐴧𐴠 𐴱𐴱 𐴔𐴡𐴒 𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴘𐴦𐴡 𐴓𐴝𐴌𐴥𐴝𐴘 𐴑𐴦𐴢𐴢𐴁 𐴃𐴠𐴏𐴢 𐴀𐴥𐴡𐴘𐴧𐴠 𐴁𐴡𐴓𐴞 𐴈𐴡𐴘𐴧𐴠 𐴔𐴡𐴕𐴃𐴡𐴌 𐴃𐴡𐴙𐴃𐴧𐴝 𐴒𐴥𐴝𐴣𐴄𐴞 𐴀𐴢𐴢𐴒𐴧𐴗𐴝 𐴑𐴡𐴁𐴎𐴝 𐴒𐴡𐴙𐴅𐴧𐴠 𐴈𐴡𐴘𐴧𐴠𐴊𐴠 𐴘𐴥𐴝𐴕𐴡𐴌𐴠 𐴀𐴞𐴕𐴑𐴝𐴌 𐴒𐴡𐴙𐴅𐴧𐴠 𐴱𐴱

𐴔𐴡𐴌𐴡𐴑 𐴀𐴦𐴢𐴢 𐴐𐴥𐴡𐴀𐴌𐴡𐴌 𐴀𐴠𐴓𐴝𐴑𐴝𐴌 𐴄𐴞𐴔𐴛𐴢𐴢 𐴉𐴝𐴌𐴝𐴃 𐴀𐴝𐴏𐴠𐴊𐴠 𐴓𐴝𐴌𐴝𐴘𐴌 𐴔𐴠𐴓𐴠𐴄𐴠𐴌𐴞𐴌𐴠 𐴔𐴡𐴊𐴡𐴊𐴢 𐴉𐴦𐴡𐴣𐴏𐴝𐴊𐴠 𐴒𐴥𐴝𐴣𐴄𐴞 𐴀𐴠𐴑𐴧𐴝𐴕 𐴔𐴡𐴒𐴢 𐴁𐴝𐴒𐴞𐴘𐴠 𐴑𐴡𐴁𐴎𐴝𐴒𐴡𐴌𐴞 𐴱𐴱 𐴀𐴥𐴝𐴣𐴃𐴞𐴘𐴝𐴌 𐴐𐴥𐴡𐴣𐴀 𐴁𐴠𐴐𐴥𐴞 𐴏𐴥𐴝𐴏𐴝𐴔𐴝𐴕 𐴉𐴝𐴘𐴧𐴠 𐴁𐴡𐴓𐴞 𐴔𐴡𐴒𐴢 𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴀𐴠𐴓𐴝𐴕 𐴒𐴡𐴙𐴅𐴧𐴠 𐴊𐴠 𐴘𐴥𐴝𐴕𐴡𐴌𐴠 𐴔𐴠𐴓𐴠𐴄𐴠 𐴌𐴞𐴌 𐴃𐴡𐴌𐴉𐴡𐴃𐴧𐴢𐴢 𐴀𐴞𐴕𐴑𐴝𐴌𐴒𐴡𐴙𐴅𐴧𐴠 𐴱𐴱 𐴀𐴝𐴙𐴅𐴧𐴝 𐴁𐴠𐴀𐴠𐴕𐴧𐴝 𐴔𐴡𐴚𐴋𐴥𐴢𐴢𐴃𐴧𐴢𐴢 𐴌𐴝𐴏𐴞𐴊𐴡𐴚 𐴀𐴝𐴘𐴧𐴠𐴊𐴧𐴠 𐴔𐴠𐴓𐴠𐴄𐴠𐴌𐴞𐴌 𐴒𐴝𐴌𐴞 𐴃𐴞𐴕𐴧𐴝𐴕 𐴆𐴥𐴞𐴓𐴈𐴝𐴓𐴞𐴌 𐴈𐴝𐴣𐴏𐴠 𐴁𐴢𐴢𐴔 𐴉𐴥𐴢𐴢𐴍𐴝𐴃 𐴉𐴡𐴙𐴅𐴧𐴠 𐴔𐴡𐴕𐴃𐴡𐴌 𐴈𐴡𐴕𐴥𐴡 𐴓𐴢𐴢𐴏𐴧𐴝𐴕 𐴕𐴡 𐴀𐴥𐴡𐴁𐴡𐴓𐴞 𐴆𐴥𐴞𐴓𐴈𐴝𐴓𐴞𐴌 𐴀𐴥𐴢𐴢𐴑 𐴆𐴥𐴙𐴢𐴢𐴑 𐴌𐴥𐴠𐴔𐴥𐴢𐴢 / 𐴀𐴦𐴢𐴢 𐴄𐴗𐴥𐴠𐴚 𐴃𐴝𐴚 𐴏𐴦𐴢𐴢 𐴘𐴠 𐴈𐴡𐴘𐴧𐴠

𐴷 𐴱 𐴰 𐴲 𐴐𐴥𐴡𐴕𐴡𐴃 𐴌𐴝𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴏𐴡𐴖𐴉𐴝𐴌𐴝𐴚𐴡𐴌𐴠 𐴔𐴡𐴒𐴢 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴒𐴥𐴞𐴌𐴞 𐴊𐴤𐴡𐴌𐴞 𐴈𐴡𐴕𐴥𐴡 𐴈𐴡𐴏𐴢𐴢𐴌𐴞 𐴏𐴥𐴝𐴌𐴝 𐴈𐴡𐴊𐴦𐴢𐴢𐴕 𐴔𐴝𐴕𐴢𐴢𐴙𐴐𐴢 𐴁𐴡𐴕𐴒𐴡𐴌𐴞 𐴑𐴥𐴙𐴝𐴚𐴊𐴡𐴚𐴡𐴌 𐴒𐴝𐴣𐴌𐴝 𐴃𐴡𐴃 𐴀𐴝𐴕𐴞 𐴁𐴡𐴕𐴒𐴡𐴌𐴞 𐴌𐴝𐴙𐴑𐴧𐴙𐴠 𐴱𐴱 𐴊𐴢𐴢𐴘 𐴇𐴥𐴝𐴉𐴃𐴝 𐴁𐴝𐴊𐴠 𐴑𐴥𐴙𐴝𐴚𐴊𐴡𐴚𐴡𐴌 𐴑𐴦𐴢𐴢𐴍𐴡𐴃 𐴃𐴢𐴢𐴓𐴞 𐴈𐴡𐴕𐴥𐴡 𐴉𐴝𐴘𐴏𐴠𐴓𐴝 𐴕𐴡𐴉𐴢𐴢𐴕𐴝𐴘 𐴀𐴝𐴙𐴑𐴧𐴙𐴝𐴁 𐴎𐴞𐴘𐴡𐴓𐴡𐴃 𐴉𐴦𐴡𐴣𐴏𐴝𐴘 𐴊𐴠𐴘𐴠 𐴱𐴱 𐴱 𐴶 𐴎𐴡𐴕 𐴓𐴡𐴃𐴞 𐴔𐴝𐴕𐴢𐴢𐴙𐴐𐴢 𐴀𐴝𐴙𐴅𐴧𐴝 𐴸 𐴱 / 𐴀𐴡𐴑𐴄𐴢𐴢𐴁𐴡𐴌 𐴐𐴥𐴢𐴢𐴑𐴧𐴢𐴢𐴌 𐴁𐴝𐴌𐴠 𐴊𐴢𐴢𐴘 𐴁𐴡𐴏𐴡𐴌 𐴃𐴞𐴕𐴔𐴝𐴐𐴢 𐴎𐴞𐴘𐴡𐴓 𐴈𐴥𐴝𐴍𐴝𐴘 𐴁𐴝𐴃𐴠 𐴀𐴠𐴌𐴞𐴊𐴞𐴘𐴠 𐴱𐴱
(𐴴 / 𐴈𐴝𐴃𐴞𐴔𐴝𐴐𐴢 𐴱 𐴳 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴐𐴥𐴢𐴢𐴑𐴧𐴢𐴢𐴌 𐴁𐴝𐴌 )