𐴌𐴟𐴇𐴝𐴙𐴚𐴒𐴙𐴝 𐴀𐴡𐴑𐴧𐴡𐴓𐴡𐴌𐴠 𐴑𐴡𐴔𐴉𐴡𐴌𐴡𐴑 𐴒𐴡𐴌𐴠𐴊𐴧𐴠 𐴇𐴞𐴀𐴝𐴕𐴡𐴓𐴧𐴝𐴤 𐴀𐴠𐴔𐴊𐴝𐴃𐴞 𐴔𐴡𐴊𐴡𐴊 𐴕𐴡𐴒𐴡𐴌𐴞𐴁𐴝𐴌 𐴊𐴡𐴣𐴑 𐴘𐴟 𐴀𐴠𐴕 𐴕𐴡𐴌

𐴁𐴡𐴌𐴔𐴝𐴌 𐴇𐴡𐴑𐴧𐴟𐴔𐴡𐴃𐴠 𐴀𐴝𐴌𐴑𐴝𐴕𐴡𐴌 𐴀𐴡𐴃𐴡𐴕𐴞 𐴑𐴡𐴔 𐴌𐴟𐴇𐴝𐴙𐴚𐴒𐴙𐴝 𐴀𐴡𐴑𐴧𐴡𐴓𐴡𐴌𐴠 𐴑𐴡𐴔 𐴉𐴡𐴌𐴡𐴑 𐴒𐴡𐴌𐴝𐴌 𐴑𐴝𐴌𐴟𐴀𐴝𐴘 𐴁𐴡𐴕𐴧𐴡𐴒𐴡𐴌𐴠𐴊𐴧𐴠 𐴇𐴞𐴀𐴝𐴕𐴡𐴓𐴧𐴝𐴤 𐴀𐴝𐴌𐴑𐴝𐴕𐴡𐴃 𐴀𐴠𐴕 𐴕𐴠 𐴀𐴠𐴔𐴊𐴝𐴃𐴞 𐴔𐴡𐴊𐴡𐴊 𐴒𐴡𐴌𐴝𐴤 𐴁𐴡𐴕𐴒𐴡𐴌𐴞𐴁𐴡𐴇𐴡𐴘 𐴊𐴡𐴣𐴑 𐴊𐴞𐴘𐴧𐴠

𐴁𐴡𐴌𐴔𐴝𐴌 𐴇𐴡𐴑𐴧𐴟𐴔𐴡𐴃𐴠 𐴀𐴝𐴌𐴑𐴝𐴕𐴡𐴃 𐴁𐴟𐴕𐴞𐴘𐴝𐴊𐴞 𐴁𐴡𐴊𐴓𐴝𐴤 𐴀𐴝𐴕𐴡𐴕 𐴉𐴡𐴅𐴧𐴡𐴕𐴃𐴡 𐴊𐴠𐴐𐴡𐴌 𐴁𐴟𐴃𐴡𐴌𐴠 𐴀𐴝𐴏𐴠𐴊𐴠 𐴁𐴠𐴒𐴡𐴌 𐴔𐴝𐴙𐴕𐴐𐴡𐴌 𐴑𐴠𐴔 𐴀𐴡𐴑𐴧𐴡𐴃 𐴔𐴝𐴙𐴕𐴐𐴡𐴌 𐴅𐴝𐴕 𐴁𐴝𐴏𐴠𐴊𐴠 𐴇𐴞𐴀𐴝𐴌 𐴁𐴝𐴌𐴠 𐴔𐴡𐴊𐴡𐴊 𐴒𐴡𐴌𐴝 𐴃𐴞𐴀𐴝𐴒𐴝𐴌𐴝𐴘 𐴉𐴠𐴓𐴝𐴘 𐴁𐴡𐴁𐴡𐴓𐴞 𐴇𐴡𐴘 𐴘𐴟 𐴀𐴠𐴕 𐴀𐴝𐴊𐴧𐴠 𐴀𐴡𐴗𐴕𐴧𐴡 𐴀𐴠𐴔𐴊𐴝𐴃𐴞 𐴋𐴝𐴘 𐴀𐴡𐴑𐴧𐴡𐴓𐴠 𐴐𐴙𐴠𐴍𐴞𐴓𐴞𐴑𐴞 𐴁𐴡𐴌𐴔𐴝𐴌 𐴇𐴡𐴑𐴧𐴟𐴔𐴡𐴃𐴡𐴌 𐴇𐴝𐴙𐴏𐴠 𐴉𐴣𐴡𐴏𐴝𐴘𐴊𐴠𐴇𐴞 𐴀𐴝𐴕𐴡𐴌𐴠 𐴒𐴝𐴌𐴋𐴞𐴘𐴠𐴕𐴠 𐴊𐴠𐴑𐴞 𐴃𐴝𐴌𐴝𐴌 𐴌𐴞𐴂𐴡𐴄𐴡𐴃 𐴇𐴡𐴘𐴧𐴠

𐴲𐴰𐴱𐴲 𐴌𐴡𐴃 𐴇𐴡𐴑𐴧𐴟𐴔𐴡𐴃 𐴀𐴝𐴊𐴧𐴠 𐴀𐴝𐴄𐴡𐴚 𐴖𐴡𐴀𐴝𐴊𐴞 𐴔𐴡𐴑𐴧𐴡𐴓𐴠 𐴔𐴝𐴅 𐴀𐴝𐴌𐴑𐴝𐴕 𐴀𐴝𐴊𐴧𐴠 𐴊𐴡𐴘𐴕 𐴀𐴝𐴌𐴑𐴝𐴕𐴡𐴃 𐴀𐴠𐴑𐴃𐴡𐴌𐴉𐴞𐴀𐴝 𐴇𐴝𐴔𐴓𐴝𐴤 𐴒𐴡𐴌𐴞 𐴓𐴝𐴑 𐴓𐴝𐴑 𐴌𐴟𐴇𐴝𐴙𐴚𐴒𐴙𐴝 𐴀𐴡𐴑𐴧𐴡𐴓𐴡𐴌𐴠 𐴁𐴠𐴒𐴡𐴌 𐴔𐴝𐴘𐴕𐴐𐴡𐴌 𐴑𐴠𐴔𐴡𐴃 𐴉𐴡𐴣𐴏𐴝𐴗𐴊𐴞𐴘𐴧𐴠 𐴊𐴠𐴇𐴞𐴃𐴝𐴌𐴝𐴌𐴠 𐴘𐴟 𐴀𐴠𐴕 𐴀𐴠𐴅𐴠𐴕𐴏𐴞 𐴀𐴡𐴑𐴧𐴡𐴓𐴠 𐴔𐴡𐴊𐴡𐴊 𐴒𐴡𐴅𐴧𐴞𐴓

𐴓𐴠𐴑𐴞𐴕 𐴀𐴠𐴇𐴡𐴕 𐴁𐴡𐴌𐴔𐴝𐴌 𐴇𐴡𐴑𐴧𐴟𐴔𐴡𐴃𐴠 𐴀𐴝𐴌𐴑𐴝𐴕𐴡𐴃 𐴑𐴡𐴔𐴡𐴌 𐴁𐴟𐴃𐴡𐴌𐴠 𐴁𐴟𐴕𐴞 𐴀𐴝𐴃 𐴁𐴡𐴊𐴡𐴓𐴞𐴁𐴡𐴓𐴧𐴝𐴤 𐴀𐴝𐴕𐴡𐴕 𐴉𐴡𐴅𐴧𐴡𐴕𐴃𐴡 𐴔𐴡𐴊𐴡𐴊 𐴒𐴡𐴌𐴝𐴤 𐴃𐴞𐴀𐴝𐴒𐴝𐴌𐴝𐴘 𐴉𐴠𐴓𐴝𐴘𐴁𐴡𐴁𐴡𐴓𐴞 𐴏𐴡𐴓𐴠𐴊𐴧𐴠 𐴔𐴝𐴐𐴡𐴌 𐴐𐴟𐴌𐴟𐴌 𐴇𐴝𐴉𐴃𐴝𐴃 𐴁𐴡𐴌𐴔𐴝𐴌 𐴇𐴡𐴑𐴧𐴟𐴔𐴡𐴃𐴡𐴌 𐴇𐴠𐴍𐴠 𐴐𐴠𐴍𐴞𐴃 𐴇𐴡𐴘𐴧𐴠 𐴁𐴡𐴓𐴞  𐴘𐴟 𐴀𐴠𐴕 𐴌𐴠𐴏𐴞𐴋𐴠𐴕 𐴑𐴡𐴋𐴞𐴕𐴞𐴄𐴝𐴌 𐴅𐴡𐴕𐴝𐴁 𐴑𐴕𐴟𐴄 𐴀𐴡𐴎𐴁𐴠𐴘𐴧𐴠 𐴇𐴡𐴘𐴧𐴠