𐴅𐴝𐴂𐴝𐴕𐴡𐴌 𐴁𐴡𐴌 𐴀𐴢𐴢𐴎𐴞𐴌 𐴀𐴝𐴌 𐴔𐴥𐴞𐴚𐴀𐴡𐴚 𐴓𐴀𐴙𐴚𐴡𐴌 𐴔𐴢𐴢𐴓𐴦𐴡𐴃

𐴲𐴸/ 𐴀𐴝𐴐𐴥𐴞𐴕 𐴔𐴝𐴐𐴢 𐴱 𐴳 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 / 𐴐𐴥𐴕𐴞 𐴁𐴝𐴌𐴞
𐴁𐴡𐴌𐴔𐴝𐴌 𐴊𐴠𐴐𐴥𐴡𐴙𐴃𐴧𐴝 𐴈𐴡𐴔𐴐𐴥𐴡𐴙𐴚𐴒𐴙𐴝 𐴌𐴢𐴢𐴇𐴝𐴙𐴚𐴒𐴙𐴝 𐴑𐴡𐴖𐴔𐴡𐴌𐴠 𐴀𐴞𐴕𐴏𐴝𐴕𐴞𐴘𐴡𐴃𐴡𐴌 𐴀𐴢𐴢𐴓𐴋𐴝 𐴎𐴢𐴢𐴓𐴢𐴢𐴔 𐴒𐴡𐴙𐴅𐴧𐴠𐴊𐴠 𐴀𐴥𐴞𐴀𐴕𐴡𐴌 𐴎𐴞𐴔𐴧𐴝𐴊𐴝𐴌 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞 𐴊𐴦𐴠 𐴀𐴥𐴠𐴃𐴡𐴓𐴧𐴝 𐴱𐴱 𐴅𐴝𐴂𐴝𐴕𐴡𐴌 𐴁𐴡𐴌 𐴀𐴢𐴢𐴎𐴞𐴌 / 𐴆𐴞𐴕𐴎𐴡 𐴀𐴝𐴁𐴠 𐴘𐴠 𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞𐴌 𐴁𐴡𐴌𐴡/ 𐴔𐴥𐴞𐴚 𐴀𐴡𐴚 𐴓𐴝𐴙𐴚 𐴓𐴡𐴘 𐴒𐴡𐴃𐴡 𐴁𐴢𐴢𐴙𐴃 𐴁𐴝𐴌𐴠 𐴅𐴝𐴂𐴝𐴕𐴡𐴌 𐴐𐴥𐴡𐴀𐴡𐴌 / 𐴄𐴢𐴢𐴑𐴙𐴢𐴢𐴃 𐴔𐴝𐴎𐴠 𐴊𐴡𐴓𐴝 𐴀𐴥𐴡𐴘𐴧𐴠𐴊𐴠 𐴀𐴡𐴑𐴃𐴡𐴃 𐴁𐴤𐴝𐴓𐴝 𐴕𐴡𐴃𐴞𐴅𐴝 𐴕𐴠𐴓𐴠𐴉𐴦𐴝𐴕 𐴇𐴥𐴡𐴓𐴒𐴡𐴌𐴞𐴁𐴡𐴓𐴧𐴝 𐴁𐴠𐴐𐴥𐴞 𐴒𐴡𐴌𐴞 𐴈𐴡𐴘𐴧𐴠 𐴱𐴱

𐴅𐴝𐴂𐴝𐴕𐴡𐴌 𐴁𐴡𐴌 𐴀𐴢𐴢𐴎𐴞𐴌 / 𐴆𐴞𐴕𐴎𐴡 𐴀𐴝𐴁𐴠 𐴘𐴠 / 𐴔𐴥𐴞𐴚 𐴀𐴡𐴚 𐴓𐴝𐴙𐴚𐴡𐴌𐴠 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴔𐴝𐴍𐴞 𐴒𐴡𐴙𐴅𐴧𐴠𐴊𐴠 𐴘𐴥𐴝𐴕𐴡𐴌 𐴀𐴠𐴓𐴎𐴝𐴔 𐴊𐴞𐴘𐴠 𐴔𐴥𐴡𐴃𐴧𐴡𐴌 𐴱𐴱 𐴔𐴥𐴞𐴚 𐴀𐴡𐴚 𐴓𐴝𐴙𐴚𐴠 𐴅𐴢𐴢𐴖𐴝𐴁𐴊𐴠𐴊𐴧𐴠 𐴑𐴥𐴞 𐴔𐴠𐴓𐴠𐴄𐴠𐴌𐴞𐴘𐴠 𐴑𐴢𐴢𐴐𐴥𐴞𐴐𐴒𐴡𐴌𐴞 𐴒𐴞𐴓𐴠 𐴇𐴝𐴓𐴡𐴃 𐴄𐴥𐴞𐴑 𐴀𐴥𐴡𐴘 𐴀𐴝𐴘𐴁𐴡𐴊𐴠 𐴘𐴦𐴝𐴕 𐴀𐴝𐴐𐴥𐴝 𐴒𐴡𐴌𐴝𐴎𐴝𐴌 𐴁𐴡𐴓𐴞 𐴅𐴢𐴢𐴖𐴝𐴁𐴊𐴞𐴘𐴠 𐴱𐴱 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴠 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴎𐴢𐴢𐴓𐴢𐴢𐴔 𐴒𐴡𐴙𐴅𐴧𐴠𐴊𐴠 𐴀𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴔𐴝𐴍𐴞 𐴒𐴡𐴙𐴅𐴧𐴠𐴊𐴠 𐴀𐴥𐴞𐴀𐴕 𐴱𐴱 𐴎𐴡𐴊𐴞 𐴇𐴥𐴡𐴑𐴢𐴢𐴔𐴡𐴃 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴔𐴞𐴓𐴞𐴘𐴡𐴌𐴠 𐴒𐴡𐴌𐴞𐴒𐴞𐴓𐴠 𐴁𐴦𐴠𐴙𐴒𐴧𐴞𐴕 𐴄𐴥𐴞𐴑 𐴀𐴥𐴡𐴘 𐴎𐴝𐴘𐴁𐴦𐴡𐴘 𐴁𐴡𐴓𐴞 𐴃𐴢𐴢𐴓𐴥𐴝𐴊𐴞 𐴘𐴡𐴌𐴠 𐴅𐴝𐴂𐴝𐴕𐴡𐴌 𐴀𐴢𐴢𐴎𐴞𐴌𐴠 𐴈𐴡𐴘𐴧𐴠 𐴱𐴱