𐴊𐴠𐴐𐴥𐴁𐴞𐴊𐴠𐴐𐴥𐴡𐴌 𐴔𐴞𐴥𐴄𐴞𐴚 𐴌𐴢𐴢𐴇𐴝𐴙𐴚𐴒𐴙𐴝𐴌 𐴀𐴞𐴕𐴏𐴝𐴉𐴡𐴓𐴧𐴝

𐴵 𐴲 / 𐴀𐴝𐴐𐴥𐴞𐴕 𐴔𐴝𐴐𐴢 𐴱 𐴳 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 / 𐴁𐴢𐴢𐴙𐴃 𐴁𐴝𐴌
𐴁𐴝𐴚𐴓𐴝𐴊𐴠𐴐𐴢 𐴀𐴝𐴌 𐴊𐴠𐴐𐴁𐴞𐴊𐴠𐴐𐴥𐴡𐴌 𐴃𐴡𐴎𐴌𐴡𐴁𐴝𐴑𐴝𐴌 𐴀𐴝𐴌 𐴏𐴥𐴞𐴘𐴝𐴏𐴡𐴃𐴊𐴝𐴌 𐴀𐴥𐴡𐴑𐴧𐴡𐴓 𐴔𐴞𐴓𐴞 𐴌𐴢𐴢𐴇𐴝𐴙𐴚𐴒𐴙𐴝𐴌 𐴔𐴡𐴏𐴞𐴁𐴡𐴃𐴡𐴌𐴠 𐴇𐴥𐴡𐴓 𐴒𐴡𐴌𐴞𐴁𐴝𐴌 𐴁𐴝𐴁𐴡𐴃𐴠 𐴕𐴠𐴊𐴝𐴌𐴓𐴠𐴕𐴋𐴡𐴌 𐴐𐴦𐴡𐴌 𐴇𐴥𐴠𐴒𐴡𐴃 𐴸 𐴱 / 𐴀𐴡𐴑𐴃𐴢𐴢𐴁𐴡𐴌 𐴹 𐴱 𐴰 𐴲 𐴃𐴝𐴌𐴥𐴞𐴑𐴡𐴃 𐴀𐴢𐴢𐴒𐴧𐴗𐴝 𐴁𐴡𐴘𐴍𐴡𐴑 𐴒𐴡𐴌𐴞𐴁𐴡 𐴱𐴱 𐴕𐴠𐴊𐴝𐴌𐴓𐴠𐴕𐴋𐴡𐴌 𐴁𐴝𐴌𐴝𐴑 𐴘𐴢𐴢𐴕𐴞𐴖𐴝𐴌𐴏𐴞𐴄𐴞 / 𐴕𐴠𐴊𐴝𐴌𐴓𐴠𐴕𐴋𐴡𐴌 𐴀𐴢𐴢𐴄𐴠𐴌 𐴋𐴝𐴔 𐴐𐴦𐴡𐴌𐴡𐴌 𐴀𐴞𐴌𐴝𐴏𐴔𐴢𐴢𐴏𐴢 𐴘𐴢𐴢𐴕𐴞𐴖𐴝𐴌𐴏𐴞𐴄𐴞 / 𐴀𐴝𐴏𐴞𐴘𐴝𐴌 𐴀𐴞𐴕𐴏𐴝𐴉𐴞 𐴒𐴥𐴡𐴄 𐴅𐴢𐴢𐴍 𐴱𐴱 𐴀𐴞𐴃𐴝𐴌𐴝 𐴁𐴠𐴙𐴒𐴧𐴢𐴢𐴕𐴠 𐴔𐴞𐴓𐴞 𐴔𐴞𐴄𐴞𐴚 𐴀𐴞𐴁𐴝𐴌𐴠 𐴑𐴝𐴔𐴞𐴘𐴝𐴁 𐴁𐴝𐴕𐴝𐴘𐴁𐴡 𐴁𐴡𐴓𐴞 𐴈𐴥𐴡𐴁𐴡𐴌 𐴃𐴢𐴢𐴓𐴠𐴊𐴠 𐴋𐴝𐴀𐴘𐴧𐴠 𐴈𐴡𐴘𐴧𐴠 𐴱𐴱 𐴶 𐴱 𐴰 𐴲 𐴐𐴥𐴡𐴕 𐴓𐴡𐴃𐴞 𐴁𐴝𐴚𐴓𐴝𐴊𐴠𐴐𐴥𐴠 𐴁𐴠𐴐𐴥𐴞 𐴒𐴡𐴌𐴞 𐴈𐴡𐴊𐴢𐴢𐴀𐴕 𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞𐴌𐴠 𐴎𐴝𐴒𐴝 𐴊𐴞𐴀𐴝𐴘𐴧𐴠𐴌 𐴱𐴱 𐴎𐴞𐴃𐴝𐴌𐴝𐴌𐴠 𐴕𐴞𐴎𐴡𐴌 𐴀𐴡𐴃𐴥𐴡𐴕 𐴀𐴝𐴌𐴑𐴝𐴕𐴡𐴃𐴧𐴢𐴢 𐴱𐴱 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃 𐴀𐴝𐴌 𐴔𐴡𐴒𐴢 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴠 𐴔𐴞𐴓𐴞 𐴋𐴦𐴡𐴙𐴓𐴧𐴝 𐴁𐴡𐴋𐴦𐴡𐴙𐴓𐴧𐴝 𐴎𐴢𐴢𐴓𐴢𐴢𐴔 𐴒𐴡𐴌𐴞 𐴁𐴡𐴓𐴝𐴎𐴢𐴢𐴌𐴞 𐴁𐴝𐴚𐴓𐴝𐴊𐴠𐴐𐴥𐴡𐴃 𐴉𐴝𐴌𐴒𐴝𐴌𐴥𐴝𐴘 𐴊𐴞𐴘𐴠 𐴱𐴱 𐴀𐴠𐴕𐴋𐴞𐴓𐴧𐴝 𐴕𐴞𐴎𐴡𐴌 𐴀𐴡𐴃𐴥𐴡𐴕 𐴎𐴞 𐴘𐴝𐴕𐴡𐴃 𐴇𐴝𐴎𐴥𐴝𐴌 𐴇𐴥𐴝𐴎𐴝𐴌 𐴁𐴡𐴏𐴡𐴌 𐴓𐴡𐴃𐴞 𐴃𐴥𐴝𐴑𐴞 𐴀𐴝𐴘𐴧𐴠𐴊𐴧𐴠 𐴱𐴱 𐴌𐴢𐴢𐴇𐴝𐴙𐴚𐴒𐴙𐴝 𐴑𐴡𐴖𐴔𐴡𐴌𐴠 𐴊𐴠𐴙𐴐𐴢 𐴏𐴥𐴝𐴌𐴝 𐴁𐴝𐴕𐴝𐴊𐴧𐴠 𐴘𐴥𐴝𐴕𐴡𐴌 𐴀𐴞𐴕𐴏𐴦𐴝𐴉 𐴏𐴦𐴝𐴌 𐴱𐴱

𐴱𐴱
𐴁𐴡𐴘𐴍𐴡𐴑𐴡𐴌 𐴔𐴡𐴑𐴏𐴡𐴃 𐴀𐴥𐴡𐴑𐴧𐴡𐴓
𐴱= 𐴀𐴞𐴕𐴏𐴝𐴉𐴡𐴌 𐴀𐴢𐴢𐴏𐴢𐴢𐴓𐴡𐴌 𐴁𐴥𐴢𐴢𐴃𐴡𐴌𐴠 𐴃𐴥𐴝𐴑𐴞 𐴊𐴠𐴌𐴞𐴉𐴦𐴝𐴕 𐴉𐴦𐴝𐴙𐴊𐴝 𐴇𐴝𐴏𐴠𐴓 𐴒𐴡𐴌𐴞𐴉𐴝𐴌𐴠𐴊𐴠 𐴀𐴥𐴠𐴕𐴋𐴞𐴓𐴧𐴝𐴁𐴠𐴙𐴐𐴢 𐴔𐴢𐴢𐴑𐴥𐴞 𐴇𐴥𐴡𐴓 𐴃𐴢𐴢𐴖𐴡𐴕

𐴲 = 𐴀𐴠𐴕𐴋𐴞𐴓𐴧𐴝 𐴉𐴡𐴓𐴡𐴏𐴞 𐴀𐴝𐴌 𐴔𐴝𐴇𐴡𐴖𐴓 𐴁𐴝𐴕𐴡𐴕 𐴎𐴠 𐴉𐴡𐴓𐴡𐴏𐴞𐴘𐴠 𐴁𐴠𐴙𐴒𐴧𐴢𐴢𐴕𐴡𐴌𐴠 𐴁𐴥𐴢𐴢𐴃𐴡𐴌𐴠 𐴒𐴥𐴡𐴓𐴝𐴘𐴓𐴦𐴡 𐴱𐴱 𐴀𐴝𐴌 𐴀𐴠𐴕𐴋𐴞𐴓𐴧𐴝 𐴕𐴠𐴀𐴄 𐴖𐴝𐴌𐴑 𐴐𐴥𐴡𐴔𐴝𐴎 𐴁𐴝𐴕𐴝𐴘𐴊𐴦𐴡𐴕 𐴎𐴠𐴍𐴠 𐴁𐴠𐴙𐴒𐴧𐴢𐴢𐴕𐴠 𐴀𐴞𐴕𐴏𐴦𐴝𐴉 𐴀𐴝𐴌 𐴇𐴥𐴑 𐴉𐴦𐴝 𐴱𐴱

𐴳 = 𐴀𐴠𐴈𐴥𐴡𐴕𐴡𐴌 𐴀𐴠𐴒𐴡𐴎𐴝 𐴁𐴡𐴊𐴡𐴓𐴠𐴊𐴧𐴠 𐴉𐴡𐴓𐴡𐴏𐴞𐴌 𐴒𐴢𐴢𐴙𐴅𐴧𐴝𐴃 𐴎𐴦𐴝𐴘 𐴱𐴱 𐴔𐴢𐴢𐴀𐴔 𐴈𐴝𐴓𐴡𐴓𐴧𐴝 𐴌𐴢𐴢𐴇𐴝𐴙𐴚𐴒𐴙𐴝𐴌 𐴀𐴞𐴕𐴏𐴦𐴝𐴉 𐴀𐴝𐴌 𐴇𐴥𐴡𐴑 𐴀𐴥𐴡𐴑𐴧𐴡𐴓𐴡𐴌𐴠 𐴈𐴥𐴝𐴄𐴞 𐴁𐴝𐴕𐴡𐴕