𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴎𐴢𐴢𐴓𐴢𐴢𐴔 𐴒𐴡𐴙𐴅𐴧𐴠𐴊𐴠 𐴀𐴥𐴞𐴕𐴡𐴌 𐴇𐴥𐴞𐴏𐴝𐴁 𐴀𐴝𐴌 𐴀𐴞𐴕𐴏𐴝𐴉𐴡𐴓𐴧𐴝 𐴊𐴠𐴐𐴁𐴞𐴊𐴠𐴐𐴥𐴡𐴌 𐴁𐴡𐴘𐴍𐴡𐴑

𐴳 𐴲 / 𐴀𐴝𐴐𐴥𐴞𐴕 𐴔𐴝𐴐𐴢 𐴱 𐴳 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴐𐴥𐴡𐴔𐴁𐴝𐴌
𐴶 𐴱 𐴰 𐴲 / 𐴷 𐴱 𐴰 𐴲 𐴐𐴥𐴡𐴕𐴡𐴃 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴠 𐴀𐴝𐴌𐴑𐴝𐴕𐴡𐴌 𐴀𐴝𐴏𐴥𐴡𐴓𐴞 𐴑𐴡𐴖𐴔 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴱𐴱 𐴕𐴡𐴏𐴥𐴡𐴓 𐴉𐴥𐴢𐴢𐴌𐴝𐴘 𐴉𐴥𐴠𐴓𐴝𐴘𐴁𐴝𐴌 𐴔𐴡𐴕𐴐𐴝 𐴓𐴡𐴘 𐴈𐴝𐴍𐴝 / 𐴔𐴝𐴌𐴝 / 𐴎𐴞𐴛𐴝𐴃𐴝 𐴉𐴢𐴢𐴌𐴝𐴊𐴞𐴘𐴝 / 𐴁𐴡𐴓𐴡𐴃𐴑𐴝𐴌 𐴒𐴡𐴌𐴝 𐴱𐴱 𐴀𐴝𐴌𐴥𐴡 𐴁𐴡𐴖𐴃 𐴋𐴡𐴙𐴓𐴧𐴝 𐴎𐴢𐴢𐴓𐴢𐴢𐴔𐴒𐴡𐴌𐴞 𐴁𐴝𐴚𐴓𐴝𐴊𐴠𐴐𐴥𐴡𐴃 𐴉𐴝𐴌𐴒𐴝𐴌𐴥𐴝𐴘 𐴊𐴞𐴘𐴠𐴊𐴠 𐴊𐴢𐴢𐴘𐴁𐴡𐴏𐴥𐴡𐴌 𐴉𐴢𐴢𐴌𐴝𐴘𐴧𐴠 𐴱𐴱 𐴔𐴡𐴕𐴃𐴡𐴌 𐴊𐴢𐴢𐴕𐴞𐴘𐴝𐴙𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴁𐴡𐴀𐴄𐴝 𐴀𐴢𐴢𐴌𐴝𐴀𐴡𐴘𐴧𐴝 𐴔𐴡𐴃𐴓𐴡𐴁𐴞 𐴓𐴠𐴙𐴋𐴝𐴌 𐴀𐴥𐴡𐴑𐴧𐴡𐴓𐴠 𐴔𐴦𐴢𐴢𐴔𐴧𐴞𐴑𐴧𐴝 𐴏𐴥𐴡𐴀𐴞 𐴀𐴞𐴕𐴏𐴝𐴉𐴡𐴌 𐴈𐴝𐴛 𐴕𐴡𐴁𐴝𐴌𐴦𐴝𐴌 𐴱𐴱 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃 𐴀𐴝𐴌 𐴔𐴠𐴓𐴠𐴥𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 𐴎𐴢𐴢𐴓𐴢𐴢𐴔 𐴒𐴡𐴙𐴅𐴧𐴠𐴊𐴠 𐴀𐴥𐴞𐴕𐴡𐴌 𐴁𐴝𐴁𐴡𐴃𐴠 𐴈𐴡𐴃𐴥𐴝 𐴈𐴢𐴢𐴖𐴝 𐴈𐴦𐴡𐴘 𐴒𐴡𐴌𐴞 𐴎𐴝𐴓𐴠𐴔 𐴀𐴥𐴡𐴑𐴧𐴡𐴓𐴡𐴌𐴠 𐴏𐴥𐴝𐴎𐴝𐴊𐴞𐴁𐴡𐴓𐴧𐴝 𐴱𐴱 𐴀𐴝𐴌 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴀𐴞𐴕𐴏𐴦𐴝𐴉𐴢 𐴉𐴝𐴘𐴁𐴡𐴓𐴧𐴝 𐴱𐴱 𐴊𐴠𐴐𐴁𐴞𐴊𐴠𐴐𐴢𐴡𐴌 𐴁𐴢𐴢𐴎𐴦𐴡𐴘𐴧𐴝 𐴀𐴥𐴡𐴑𐴧𐴡𐴓 𐴔𐴞𐴓𐴞 𐴏𐴡𐴓𐴠𐴊𐴧𐴠 𐴔𐴥𐴝𐴐𐴡𐴌 𐴸 𐴱 𐴃𐴝𐴌𐴞𐴑𐴥𐴡𐴃 𐴱𐴱 𐴕𐴠𐴊𐴝𐴌 𐴓𐴥𐴠𐴕𐴋𐴡𐴃 𐴀𐴢𐴢𐴒𐴧𐴗𐴝 𐴁𐴡𐴘𐴍𐴡𐴑𐴡𐴌 𐴀𐴠𐴕𐴃𐴠𐴎𐴝𐴔 𐴒𐴡𐴙𐴅𐴧𐴠 𐴱𐴱

𐴱𐴱 𐴌𐴢𐴢𐴇𐴝𐴙𐴚𐴒𐴙𐴝𐴌 𐴔𐴝𐴀𐴝𐴔𐴠𐴓𐴝 𐴏𐴥𐴡𐴀𐴞 𐴔𐴡𐴎𐴞𐴕 𐴇𐴥𐴡𐴓𐴒𐴡𐴌𐴞𐴁𐴡𐴓𐴧𐴝 𐴱𐴱 𐴎𐴠𐴕𐴋𐴞𐴓𐴧𐴝 𐴏𐴝𐴁𐴊𐴞𐴘𐴝𐴉𐴡𐴌𐴠 /𐴎𐴠𐴕𐴋𐴞𐴓𐴧𐴝 𐴑𐴝𐴌𐴖𐴝𐴘 𐴒𐴡𐴌𐴝𐴉𐴡𐴌𐴠 𐴱𐴱 𐴀𐴥𐴠𐴕𐴋𐴞𐴓𐴧𐴝 𐴕𐴡𐴀𐴥𐴡𐴊𐴧𐴠 𐴀𐴥𐴠𐴃𐴡𐴓𐴧𐴝 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃 𐴕𐴞𐴎𐴥𐴝𐴁𐴔𐴝𐴌𐴞 𐴃𐴥𐴝𐴙𐴑𐴧𐴠𐴊𐴠 𐴁𐴡𐴓𐴞 / 𐴔𐴞𐴏 𐴘𐴝𐴚𐴒𐴞𐴓𐴞 𐴘𐴠 𐴈𐴡𐴘𐴧𐴠 𐴱𐴱 𐴀𐴝𐴌 𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃𐴠 𐴌𐴢𐴢𐴇𐴝𐴙𐴚𐴒𐴙𐴝𐴌𐴠 ( 𐴀𐴠𐴕 𐴖𐴞 𐴏𐴞 ) 𐴓𐴡𐴘𐴃𐴡 𐴈𐴦𐴡𐴊𐴧𐴠 𐴘𐴦𐴝𐴕 𐴱𐴱 𐴊𐴠𐴐𐴥𐴡𐴙𐴃𐴧𐴝 𐴁𐴡𐴕𐴞𐴁𐴝𐴌 / 𐴁𐴝𐴕𐴝𐴘𐴁𐴝𐴌 𐴁𐴝𐴁𐴡𐴃𐴠 𐴕𐴦𐴡𐴊𐴠 𐴘𐴦𐴝𐴕 𐴁𐴢𐴢𐴎𐴠𐴊𐴧𐴠 𐴀𐴥𐴠𐴃𐴡𐴓𐴧𐴝 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴖𐴝𐴉𐴠𐴏𐴢 𐴕𐴡 𐴎𐴝𐴙𐴃 𐴉𐴝𐴌𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱 𐴱𐴱

𐴁𐴡𐴌𐴔𐴝 𐴇𐴥𐴡𐴑𐴢𐴢𐴔𐴡𐴃 𐴀𐴝𐴌 𐴔𐴡𐴒 𐴁𐴝𐴒𐴞𐴌 𐴔𐴝𐴎𐴠 𐴓𐴝𐴌𐴥𐴝𐴘 𐴏𐴡𐴓𐴡𐴕𐴡𐴌 𐴎𐴡𐴌𐴞𐴘𐴝 𐴰 𐴰 𐴰 𐴰 𐴷 / 𐴀𐴥𐴡𐴃𐴧𐴡𐴌 𐴀𐴥𐴝𐴎𐴝𐴌 𐴉𐴡𐴙𐴅𐴧𐴡𐴕𐴃𐴡 𐴔𐴝𐴕𐴢𐴢𐴙𐴐𐴢 𐴒𐴤𐴡𐴌 𐴏𐴥𐴝𐴌𐴝 𐴀𐴥𐴡𐴘𐴧𐴠 𐴱𐴱 𐴀𐴝𐴌 𐴔𐴡𐴒 𐴁𐴝𐴒𐴞𐴓𐴧𐴡 𐴃𐴝𐴀𐴝𐴓𐴧𐴢𐴢𐴑 𐴒𐴡𐴌𐴠𐴌 𐴈𐴦𐴡𐴘 𐴁𐴠𐴐𐴥𐴞 𐴔𐴝𐴕𐴢𐴢𐴙𐴐𐴢 𐴁𐴡𐴕𐴒𐴡𐴙𐴅𐴧𐴠 𐴀𐴝𐴌 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴱𐴱 𐴁𐴥𐴢𐴢𐴏𐴞𐴊𐴡𐴚𐴡𐴌 𐴓𐴝𐴔𐴝𐴃 𐴓𐴝𐴌𐴥𐴝𐴘 𐴏𐴡𐴓𐴡𐴕𐴡𐴌 𐴎𐴡𐴌𐴞𐴘𐴝 𐴑𐴠𐴙𐴏𐴧𐴢𐴢 𐴁𐴝𐴑𐴞 𐴀𐴝𐴏𐴥𐴠𐴊𐴠 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴉𐴝𐴌𐴝𐴃 𐴃𐴥𐴝𐴑𐴞 𐴕𐴡𐴉𐴝𐴌𐴞 𐴀𐴡𐴙𐴕𐴧𐴡 𐴉𐴝𐴌𐴝𐴃 𐴎𐴝𐴒𐴥𐴡𐴘 𐴉𐴡𐴙𐴅𐴧𐴠