𐴀𐴞𐴕𐴋𐴞𐴘𐴝𐴃𐴢 𐴌𐴢𐴢𐴇𐴝𐴙𐴚𐴒𐴙𐴝𐴌 𐴑𐴠𐴀𐴠𐴔𐴡𐴃𐴢 𐴉𐴝𐴕𐴞𐴁𐴝𐴕 𐴱𐴱 𐴵 𐴲/ 𐴏𐴠𐴃𐴡𐴔𐴁𐴡𐴌 𐴹 𐴱 𐴰 𐴲 // 𐴱 𐴱 / 𐴀𐴝𐴐𐴥𐴞𐴕 𐴔𐴝𐴐𐴢 𐴱 𐴳 𐴲 𐴱 𐴌𐴢𐴢

𐴁𐴡𐴌𐴔𐴝𐴌 𐴔𐴠𐴓𐴠𐴄𐴠𐴌𐴞𐴌 𐴕𐴡𐴏𐴥𐴡𐴓 𐴉𐴥𐴢𐴢𐴌𐴝 𐴑𐴝𐴌𐴖𐴝𐴙𐴌 𐴎𐴡𐴌𐴞𐴘𐴝 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴊𐴠𐴐𐴁𐴞𐴊𐴠𐴐𐴠 𐴏𐴥𐴝𐴌𐴈𐴥𐴝𐴌 𐴀𐴥𐴡𐴘𐴒𐴞𐴘𐴥𐴡𐴘 𐴱𐴱 𐴀𐴥𐴠 𐴏𐴥𐴞𐴓𐴏𐴞𐴓𐴝𐴃𐴢 𐴈𐴡𐴊𐴦𐴢𐴢𐴕 𐴌𐴢𐴢𐴇𐴝𐴝𐴙𐴚𐴒𐴙𐴝 𐴇𐴥𐴝𐴘𐴊𐴡𐴌 𐴀𐴝𐴁𐴝𐴊𐴢 𐴁𐴝𐴓𐴝𐴉𐴢𐴢𐴌𐴡𐴃𐴢 𐴑𐴠𐴀𐴠𐴔 𐴁𐴝𐴣𐴊𐴞 𐴃𐴥𐴝𐴙𐴑𐴧𐴙𐴠 𐴱𐴱 𐴊𐴢𐴢𐴘 𐴃𐴞𐴕 𐴊𐴞𐴕 𐴓𐴝𐴒𐴝𐴃𐴝𐴌 𐴎𐴥𐴡𐴌𐴊𐴡𐴕𐴠 𐴉𐴝𐴕𐴞𐴁𐴝𐴕 𐴀𐴢𐴢𐴍𐴞 𐴔𐴐𐴕𐴢𐴢𐴙𐴐𐴢 𐴃𐴥𐴡𐴌 𐴏𐴥𐴝𐴌𐴝 𐴀𐴥𐴡𐴘 𐴒𐴞𐴘𐴦𐴡𐴘 𐴱𐴱 𐴁𐴡𐴌𐴔𐴝 𐴘𐴠 𐴀𐴠𐴑𐴃𐴡𐴌𐴉𐴝 𐴓𐴝𐴌𐴝𐴘 𐴁𐴡𐴕𐴒𐴡𐴌𐴡𐴕𐴡 𐴔𐴞𐴀𐴝𐴊 𐴀𐴠 𐴁𐴡𐴏𐴡𐴌𐴡𐴌 𐴐𐴥𐴠𐴐𐴢 𐴉𐴡𐴙𐴅𐴧𐴡𐴕𐴃𐴡 𐴁𐴝𐴌𐴝𐴀𐴡𐴕𐴡𐴌 𐴁𐴝𐴊𐴠 𐴱𐴱 𐴔𐴡𐴑 𐴁𐴝𐴒𐴞 A A 𐴘𐴠 𐴔𐴠𐴌𐴠 𐴁𐴢𐴢𐴚 𐴄𐴦𐴡𐴕𐴡𐴌 𐴄𐴡𐴖𐴚𐴅𐴞 𐴉𐴝𐴌𐴝𐴌 𐴳 𐴷 𐴳 𐴓𐴡𐴔𐴁𐴡𐴌 𐴄𐴥𐴠𐴌𐴝𐴚𐴡𐴌𐴠 𐴔𐴝𐴌𐴞 𐴰 𐴱 𐴎𐴡𐴕 𐴔𐴠𐴓𐴠𐴄𐴠𐴌𐴞 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴱𐴱 𐴀𐴝𐴌 𐴁𐴠𐴐𐴥𐴝 𐴁𐴠𐴐𐴥𐴞 𐴏𐴥𐴝 𐴏𐴝𐴔𐴝𐴕 𐴀𐴝𐴌 𐴀𐴥𐴝𐴣𐴃𐴞𐴘𐴝𐴌 𐴀𐴥𐴡𐴑𐴧𐴡𐴓 𐴑𐴡𐴁𐴎𐴝 𐴒𐴡𐴌𐴞 𐴉𐴥𐴠𐴓𐴝𐴘𐴧𐴠 𐴱𐴱 𐴴 𐴷 𐴀𐴡𐴔 𐴘𐴢𐴢 𐴀𐴠𐴕𐴡𐴌 𐴔𐴞𐴄𐴞𐴚𐴡𐴃 𐴀𐴢𐴢𐴍𐴞𐴁𐴡𐴓𐴧𐴝 𐴒𐴞𐴘𐴠𐴊𐴠 𐴔𐴝𐴓𐴠𐴐𐴥𐴞𐴘𐴝𐴌 𐴁𐴡𐴌 𐴀𐴢𐴢𐴎𐴞𐴌 𐴔𐴡𐴇𐴝𐴃𐴞𐴌 𐴔𐴢𐴢𐴇𐴝𐴔𐴧𐴡𐴊𐴠 𐴱𐴱 𐴘𐴢𐴢 𐴀𐴠𐴕𐴠 𐴌𐴢𐴢𐴇𐴝𐴙𐴚𐴒𐴙𐴝𐴌 𐴔𐴝𐴀𐴝𐴔𐴠𐴓𐴝 𐴇𐴥𐴡𐴓 𐴒𐴡𐴌𐴞𐴁𐴡𐴓𐴧𐴝 𐴑𐴝𐴌𐴖𐴝𐴘 𐴕𐴡 𐴒𐴡𐴌𐴠𐴊𐴧𐴠 𐴘𐴦𐴝𐴕𐴡𐴓𐴧𐴝 𐴁𐴠𐴐𐴥𐴞 𐴒𐴢𐴢𐴐𐴧𐴝 𐴎𐴦𐴝𐴙𐴌 𐴒𐴡𐴙𐴅𐴧𐴠 𐴱𐴱 𐴴 𐴲 𐴃𐴝𐴌𐴞𐴑 𐴔𐴡𐴚𐴒𐴡𐴓 𐴁𐴝𐴌𐴠 𐴘𐴢𐴢 𐴀𐴠𐴕 𐴅𐴡𐴕𐴡𐴌𐴡𐴓 𐴀𐴠𐴏𐴠𐴔𐴁𐴞𐴓𐴞𐴌 𐴏𐴥𐴝𐴘𐴍𐴡𐴃( 𐴀𐴡 𐴀𐴝𐴘 𐴏𐴞𐴌 ) 𐴔𐴞𐴄𐴞𐴚𐴡𐴃𐴢 𐴔𐴡𐴇𐴝𐴃𐴞𐴌 𐴔𐴢𐴢𐴇𐴝𐴔𐴧𐴡𐴊𐴠 𐴈𐴡𐴘𐴧𐴠𐴊𐴠 𐴱𐴱 𐴘𐴢𐴢 𐴀𐴠𐴕 𐴁𐴝𐴕𐴝𐴒𐴞𐴘𐴠𐴊𐴠 𐴔𐴡𐴑𐴏𐴢𐴢𐴊𐴢 𐴔𐴡𐴎𐴞𐴕 𐴕𐴡𐴏𐴡𐴓𐴡𐴕𐴡𐴌 𐴎𐴡𐴌𐴞𐴘𐴝 𐴊𐴢𐴢𐴕𐴞𐴘𐴝𐴙𐴌 𐴉𐴥𐴡𐴏𐴝𐴊𐴢 𐴀𐴝𐴌 𐴈𐴡𐴔𐴐𐴥𐴡𐴙𐴚𐴒𐴝 𐴑𐴡𐴖𐴔𐴡𐴌𐴠 𐴎𐴢𐴢𐴓𐴢𐴢𐴔 𐴒𐴡𐴌𐴝 𐴕𐴡𐴈𐴡𐴔𐴠𐴌 𐴱𐴱 𐴀𐴝𐴌 𐴃𐴞𐴕 𐴊𐴠𐴐𐴢 𐴔𐴞𐴓𐴞 𐴌𐴢𐴢𐴇𐴝𐴙𐴚𐴒𐴙𐴝𐴌 𐴔𐴡𐴏𐴡𐴓𐴝 𐴇𐴥𐴡𐴓 𐴒𐴡𐴌𐴞𐴁𐴝𐴌 𐴁𐴝𐴁𐴡𐴃𐴠 𐴔𐴞𐴄𐴞𐴚𐴒𐴡𐴌𐴞 𐴉𐴝𐴏 𐴒𐴡𐴙𐴅𐴧𐴠𐴊𐴠 𐴱𐴱 𐴀𐴥𐴞𐴕𐴡𐴌 𐴁𐴥𐴢𐴢𐴃𐴡𐴌𐴠 𐴌𐴢𐴢𐴇𐴝𐴙𐴚𐴒𐴙𐴝𐴌 𐴊𐴝𐴁𐴞𐴊𐴝𐴌𐴝𐴌 𐴁𐴝𐴁𐴡𐴃𐴠 𐴈𐴡𐴕𐴥𐴡 𐴈𐴡𐴃𐴥𐴝 𐴕𐴥𐴝𐴘𐴊𐴠 𐴘𐴦𐴝𐴕𐴡𐴌 𐴖𐴡𐴌𐴠 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴕𐴝𐴌𐴝𐴎𐴞 𐴎𐴝𐴇𐴠𐴌 𐴒𐴡𐴙𐴅𐴧𐴠 𐴱𐴱 𐴀𐴝𐴔𐴠 𐴌𐴞𐴑𐴝𐴘𐴠 𐴀𐴝𐴌𐴥𐴡 𐴀𐴠𐴑𐴁𐴝𐴌 𐴌𐴢𐴢𐴇𐴝𐴙𐴚𐴒𐴙𐴝 𐴌𐴞𐴉𐴢𐴢𐴎𐴞 / 𐴑𐴠𐴀𐴠𐴔𐴡𐴌 𐴀𐴝𐴃𐴠𐴈𐴝𐴣𐴏𐴠 𐴀𐴝𐴏𐴥𐴠𐴊𐴠 𐴁𐴝𐴚𐴓𐴝𐴊𐴠𐴐𐴥𐴞 / 𐴀𐴝𐴌𐴑𐴝𐴕𐴡𐴃 𐴀𐴝𐴏𐴥𐴠𐴊𐴠 𐴌𐴢𐴢𐴇𐴝𐴙𐴚𐴒𐴙𐴝 𐴀𐴝𐴌 𐴁𐴡𐴌𐴔𐴝𐴃 𐴓𐴝𐴌𐴝𐴙𐴌 𐴎𐴡𐴌𐴞𐴘𐴝 𐴒𐴤𐴡𐴌 𐴏𐴥𐴝𐴌𐴝 𐴀𐴥𐴡𐴘𐴧𐴠𐴊𐴠 𐴀𐴥𐴞𐴃𐴝𐴌𐴝𐴌𐴠 𐴀𐴥𐴢𐴢𐴊𐴧𐴝 𐴔𐴞𐴓𐴝𐴘 𐴁𐴠𐴀𐴒𐴧𐴢𐴢𐴕𐴡𐴓𐴧𐴝 𐴷 𐴲 𐴱 𐴔𐴡𐴓𐴞𐴘𐴢𐴢𐴕 𐴋𐴡𐴓𐴝𐴌 𐴔𐴡𐴊𐴡𐴊 𐴒𐴡𐴙𐴅𐴧𐴠 𐴱𐴱